كتب الكاتب الفاتح جبرا المتوفرة بمعرض الدوحة
|
الخيارات !!!
|
1- السودان - الحال يغني عن السؤال !!! 2- السعودية - مشاكل عمالية ونقل كفالات ....... الخ 3- الامارات - الاقامات صعبة والفرص ضيقة !!! 4- قطر - شرحو !!! 4- اوروبا وامريكا - الدخول ليها صعب !!! اها نسوي شنو !!!!!!!!!!!!! في اى خيارات تانية !!!!!!!!!
|
|
|
|
|
|
|
|
Re: الخيارات !!! (Re: صبري طه)
|
Quote: بعد تجربة 12 سنة مع الغُربة يا جنابو .. أقول ليك الخيار الأفضل هو السودان |
12 سنة بس !!! طيب انا بعد تجربة 40 سنة مع السودان اقول ليك الخيار الافضل هو الغربة
Quote: والتجارة أفضل من الراتب الذي يتأثر بشكل مُباشر بهبوط سعر العُملة وارتفاع الأسعار ... |
نظرياً صحيح لكن التجارة في السودان هي ذاته محفوفة بمخاطر الدولار والضرائب والزكاة والمحلية والنفايات والكهرباء والموية والعوائد .....
| |
|
|
|
|
|
|
Re: الخيارات !!! (Re: حيدر بشير)
|
Quote: السبحة و التبروكة و تنتظر
سلام و تحايا |
ياحيدر بشير ياااااخ انت قايلني الخليفة عبدالله التعايشي وال شنو ههههههههه تحياتي وتقديري ......
| |
|
|
|
|
|
|
Re: الخيارات !!! (Re: omer osman)
|
Quote: 12 سنة بس !!! طيب انا بعد تجربة 40 سنة مع السودان اقول ليك الخيار الافضل هو الغربة |
المُشكلة ما ستفقده في الغُربة لا يُمكن تعويضه بأيّ ثمن ...
حصاد المُغترب أصبح قطعة أرض في الواغ الواغ ...
| |
|
|
|
|
|
|
Re: الخيارات !!! (Re: omer osman)
|
Quote: الكنغو فيها شنو ياحيدر ادينا خارطة طريق |
امبارح تملكني العجب وانا اطالع خبر في صحيفة نيبالية ، الحكومة تشجع النيباليين بالهجرة للكونغو الديمقراطية بعد توقيع اتفاق بين البلدين قد يكونوا محقين في ذلك حسب رؤيتهم للامور دي عشان كده قلت نحن اولى
| |
|
|
|
|
|
|
Re: الخيارات !!! (Re: معروف حمدين)
|
اصبر شوية يا سعادتك
قالو السعوديين حا يجيبو تلاتين مليار استثمار
ووممكن تلقا شريك سعودي يخلي
ليك مكتبة ميم مثل مكتبة جرير ليست مجرد مكتبة
| |
|
|
|
|
|
|
Re: الخيارات !!! (Re: khaleel)
|
Quote: اصبر شوية يا سعادتك
قالو السعوديين حا يجيبو تلاتين مليار استثمار
|
للأسف هوامير السوق والحكومة لن يتركوا لنا منها دولار واحد ياهندسة !!!
| |
|
|
|
|
|
|
Re: الخيارات !!! (Re: omer osman)
|
اجور العمالة النيبالية الراغبة في العمل الكونغو حاتكون احسن من اجور اخوانهم الشغالين في دول الخليج (320 احسن من 240 دولار ) لو طالعت الخبر حاتلقى الاجور مفصلة بحسب تصنيف العمالة (عمالة عادية - عمالة شبه مهرة - عمالة مهرة - وعمالة ذات مهارة عالية)
| |
|
|
|
|
|
|
Re: الخيارات !!! (Re: ود الباوقة)
|
Quote: جنابو
اصبر قبلك
فات الكثير وباقس القليل |
والله ياودالباوقة كلام الصبر ما بناباهو لكن قول لي العمر من وين بشترو هرمنا ياعمك
| |
|
|
|
|
|
|
Re: الخيارات !!! (Re: omer osman)
|
Quote: ياعادل الباهي الماسنجر زاتو مادير يمشي شفت حظنا كعب كيف هههههههههه |
ههههههههه ياحبيب رسل لي في الفيس بوك أعمل بحث عادل الباهي بالعربي
| |
|
|
|
|
|
|
Re: الخيارات !!! (Re: garjah)
|
Quote: ممكن تحصل حاجة
ليست في الحسبان |
طيب احكي ليك القصة دي ....... كتبتها في بوست قبل فترة ....
Quote: امبارح بحضر في دعاية MTN بتاعت بدري صحيت من نومي ..... الخ براي قلت ناس MTN ديل ماعايشين في السودان والا شنو هو في زول في السودان بصحي نشيط وفرحاااااان كده وحاججاتو كلها ماشة سمووووز كده المهم ما علينا الليلة بدري صحيت من نومي واستحميت ولبست وطلعت من البيت نزلت بالسلم علي الشارع وفجاة شووووووووووووووووووووو جردل (موية مسح) من البلكونة في راسي قال بدري صحيت من نومي !!!!! |
ياها دي الحاجات الما في الحسبان وبتحصل في السودان هههههههههه
| |
|
|
|
|
|
|
Re: الخيارات !!! (Re: garjah)
|
يا جنابو يا راقى انتا حظك احسن مننا نحن مرقنا من البلد استقلبتنا السعوديه بكشاتها وكيشاتها واهو لسع بنفتش معاك فى الخيارات ....!
| |
|
|
|
|
|
|
Re: الخيارات !!! (Re: سامى عبد المطلب)
|
يا جنابو الدنيا دي مافيها راحه أصلووو في اي مكان وزماااااااااان والناس الفي الشتات ديل كلهم ما مرتاااحين ....دائما في شي ناااقص عندهم فحاول ظبط وضعك في السودان ومشي حالك افضل من اي مكان تاني ...
| |
|
|
|
|
|
|
Re: الخيارات !!! (Re: محمد عبد الله الامين)
|
Quote: يا جنابو الدنيا دي مافيها راحه أصلووو في اي مكان وزماااااااااان والناس الفي الشتات ديل كلهم ما مرتاااحين ....دائما في شي ناااقص عندهم فحاول ظبط وضعك في السودان ومشي حالك افضل من اي مكان تاني ... |
او كما يقولون لاراحة في الدنيا ولافرار من الموت .... في نوفمبر 2002م رجعت من الامارات الى السودان بمحض ارادتي ومن يسألني وقتها راجع ليييه ؟ كنت بقول ليهم ده سؤال غلط الزول لمن يقول راجع اهله مامفروض يسألوهو ليييه !!! لكن الان بقول لهم (أنا فهمتكم الأن فهمتكم) او كما قال زين العابدين بن علي لشعب تونس ههههههههههه
| |
|
|
|
|
|
|
Re: الخيارات !!! (Re: سامى عبد المطلب)
|
Quote: يا جنابو يا راقى انتا حظك احسن مننا نحن مرقنا من البلد استقلبتنا السعوديه بكشاتها وكيشاتها واهو لسع بنفتش معاك فى الخيارات ....! |
سامي ياحبوب ... فتش لي اخوك معاك قول ليهم انا واخوي الكاشف
| |
|
|
|
|
|
|
Re: الخيارات !!! (Re: omer osman)
|
جنابو عمر عثمان
ياخ نحن قاعدين في البلد دي (متقلين ) بيكم هههههههه عندنا حاجة كبييرة في حلتنا النوع العندوا إقتناع بدون حدود في شيخ الحلة حصل أنو إتسرقت منها (غنماية) طواااالي مشت للشيخ لزوم (الحُواطة ) * وكدا الشيخ قاليها والله يا حاجة الأيام دي الحرامية جننونا جن أسي أنا قبل كم يوم كدا سرقوا حماري الحاجة قالت والله يا الشيخ الحرامية وكت يسرقوا حمارك إنت نحن حقو يلعبوا بينا ( التويستي ) ههههههههههه
أسي يا جنابو وكت إتا زااااااتك كايس المخارجة نحن حقو علي قول اليمني ( أشيل مخلاتي فوق كتفي وعليك يا الله أتوكل )
لك الود كله
| |
|
|
|
|
|
|
Re: الخيارات !!! (Re: Salah Awad)
|
يا سعادتك انا عينت العنوان قلت جنابو بكون بتكلم عن الحكومة و التغيير و الذي منه المهم يا سعادتك افضل خيار في رأيي هو الإمارات لكن ما تجيها موظف تعال مستثمر, جازف ليك راس مال باي طريقة و تعال فتش واحد من المواطنين اصحابك الزمان يكفل ليك اسم عمل الاستثمارات الصغيرة هنا فرصها خيالية وشغالة شغل جن بس عايزة قلب قوي و علاقات الصغيرة دي اعني بيها مؤسسات في مجالات خدمية من المقاولات الصغيرة ناس صيانة و صبغ وكدا مرورا بمكاتب تأجير السيارات و استقدام خدم المنازل لوكالات الدعاية لمكاتب الوساطة التجارية وادارة العقارات تعرف عادي في ناس هنا بطلعوا من سمسرة في بيع قطعة ارض او بناية مبالغ تصل لمية و ميتين الف درهم !! بس استعجل لأنو السوريين عاملين هجمة خيالية على البلد مرقوا من بلدهم وجابوا قراش زي التراب خشّوا بيها اي مجال هنا
| |
|
|
|
|
|
|
Re: الخيارات !!! (Re: محمد البشرى الخضر)
|
Quote: يا سعادتك انا عينت العنوان قلت جنابو بكون بتكلم عن الحكومة و التغيير و الذي منه المهم يا سعادتك افضل خيار في رأيي هو الإمارات لكن ما تجيها موظف تعال مستثمر, جازف ليك راس مال باي طريقة و تعال فتش واحد من المواطنين اصحابك الزمان يكفل ليك اسم عمل الاستثمارات الصغيرة هنا فرصها خيالية وشغالة شغل جن بس عايزة قلب قوي و علاقات الصغيرة دي اعني بيها مؤسسات في مجالات خدمية من المقاولات الصغيرة ناس صيانة و صبغ وكدا مرورا بمكاتب تأجير السيارات و استقدام خدم المنازل لوكالات الدعاية لمكاتب الوساطة التجارية وادارة العقارات تعرف عادي في ناس هنا بطلعوا من سمسرة في بيع قطعة ارض او بناية مبالغ تصل لمية و ميتين الف درهم !! بس استعجل لأنو السوريين عاملين هجمة خيالية على البلد مرقوا من بلدهم وجابوا قراش زي التراب خشّوا بيها اي مجال هنا |
جنابو أمسك في كلام ود البشري قوي
اما لو عايز شغل وظيفه الامارات ( دبي ) قطر أفضل الخيارات
| |
|
|
|
|
|
|
Re: الخيارات !!! (Re: saidahmed shami)
|
لا حولاااااااااااااااااا
بوست غير موفق اطلاقا .... ونحن بنجهز في الشنط ونقول بلد عايشين فيها ناس ذي جنابو عمر واخرين اكيد فيها فرقه..........
قناعتي الاخيرة ... في السودان تنقصك حاجات كتيرة اما في الفربة فانت تفقد روحك في رويحتها
عليك الله قول لي بتهظر
| |
|
|
|
|
|
|
Re: الخيارات !!! (Re: saidahmed shami)
|
Quote: جنابو أمسك في كلام ود البشري قوي
اما لو عايز شغل وظيفه الامارات ( دبي ) قطر أفضل الخيارات |
المشكلة ياشامي انو انا نفسياً بميل للامارات وخصوصاً ابوظبي يعني لو تساوت الفرص بفضل ابوظبي على باقي الخيارات كلها .............
| |
|
|
|
|
|
|
Re: الخيارات !!! (Re: محمد البشرى الخضر)
|
Quote: يا سعادتك انا عينت العنوان قلت جنابو بكون بتكلم عن الحكومة و التغيير و الذي منه المهم يا سعادتك افضل خيار في رأيي هو الإمارات لكن ما تجيها موظف تعال مستثمر, جازف ليك راس مال باي طريقة و تعال فتش واحد من المواطنين اصحابك الزمان يكفل ليك اسم عمل الاستثمارات الصغيرة هنا فرصها خيالية وشغالة شغل جن بس عايزة قلب قوي و علاقات الصغيرة دي اعني بيها مؤسسات في مجالات خدمية من المقاولات الصغيرة ناس صيانة و صبغ وكدا مرورا بمكاتب تأجير السيارات و استقدام خدم المنازل لوكالات الدعاية لمكاتب الوساطة التجارية وادارة العقارات تعرف عادي في ناس هنا بطلعوا من سمسرة في بيع قطعة ارض او بناية مبالغ تصل لمية و ميتين الف درهم !! بس استعجل لأنو السوريين عاملين هجمة خيالية على البلد مرقوا من بلدهم وجابوا قراش زي التراب خشّوا بيها اي مجال هنا |
ده كلام كويس ياودالبشرى وزي مابقولو التفكير خارج الصندوق (الوظيفة) اليومين دي تحديداً شقيقي الكبير في دبي في مهمة عمل 10 أيام نخليهو يقرا الملعب معاهو ......
| |
|
|
|
|
|
|
Re: الخيارات !!! (Re: Salah Awad)
|
Quote: أسي يا جنابو وكت إتا زااااااتك كايس المخارجة نحن حقو علي قول اليمني ( أشيل مخلاتي فوق كتفي وعليك يا الله أتوكل )
|
قبل شوية ياصلاح بتونس مع واحد صاحبي قال لي اليومين دي اى زول تلاقيهو يقول ليك ماشي الفيش بعمل في إجراءات سفر للسعودية !! قال لي انا خايف لمن نمشي نعمل الفيش نحن ذاتنا يقولو لينا كان ليكم ناس الفيش زاتم مشو السعودية هههههههههههه
| |
|
|
|
|
|
|
Re: الخيارات !!! (Re: omer osman)
|
Quote: ناس الفيش زاتم مشو السعودية |
من زمان مشوا، افواج وراها افواج
بلد ما عندو تخطيط ، يظل ابنائه في حاله غربه سوا في الداخل او الخارج
النصيحه شنو للناس العائدين!
نتمني لك التوفيق في حلًل وترحالك.
| |
|
|
|
|
|
|
Re: الخيارات !!! (Re: محمد هاشم ابوزيد)
|
جنابو عمر عثمان تحياتي يا اخ بوست خلى قلبي الصميم يجيب ليهو فرة خوفة .. الغربة الكل يوم نقول نضع ليها حد .. وعايشين على الامل دا حتى لو كان بالخداع .. لكن بوستك دا جهيزة القطعت قول كل خطيب ..
وتحضرني قصة كان يرويها احد الاصدقاء والناس لسه في بداية حياته العملية كان يقول ليك واحنا صغار متين يبقى عمرنا 6 سنوات ونمشي المدرسة .. ومتين تدخل الثانوي .. وبعدها ياه يا رب ادخل الجامعة دا يوم المنى .. والجكس على قفا من يشيل .. ومتين يا اخي نتخرج من الجامعة ونتوظف ونرفع يدنا فوق بعد ما كانت تحت . ويقول ليك المشكلة بعد ما تتوظف تاني ما في حاجة الشغل دا ما بحلك منو الا الموت .. ما عندو نهاية ولا بعدو .. اها الغربة دي بقت لينا كانها ما عندها نهاية ولا بعدها بالحاصل في البلد .. حتى لما نفكر في التغيير نفكر في الانتقال الى بلد او منفى اخر ...
| |
|
|
|
|
|
|
|