|
الصورة التي سخسخت بلابيطي ...
|
بنية البقارة دي ... يا سلام براءة وحلاوة وطلاوة ... كله طبيعي في طبيعي ... الدهنة من بقرنا .. نتمسح بيها ... ولا مكياج ولا أحمر شفايف ... كله عسل في سمن في روابة في لبن ...
تحياتي للأخ الذي وضع هذه الصورة في بوست الباشمهندس بكري ... وحقوق الطبع محفوظة ...
يا عيال البقارة ... كتروا لينا من الصور الزي دي بالله ...
تحياتي
|
|
|
|
|
|
|
|
Re: الصورة التي سخسخت بلابيطي ... (Re: رحمه فضل المولى عجك)
|
ولد ابوي هارون
مقدرين ظروفك تراث عيال جنيد قوي و تأثيره فعال و نحن قلوبنا حاره و مليانه نار معاك حق وكلنا في نار الغربه اكتوينا ما باقي لينا نايط نرقد عليها الا الصبر و المصابره الغربة خلتنا نشت ونجري جداد فسى ... عندنا جدنا واحد لما الحكامة تغني فوقا بقوم بمشي لنار البقر يشيل الجمر اللحمر بيديه ويشتته فوق الناس ... اي انسان لا يبدي تفاعلا مع تراثه لابد ان يكون فيه خلل ما فالغربة انواع اسوأها الغربة الثقافية
| |
|
|
|
|
|
|
Re: الصورة التي سخسخت بلابيطي ... (Re: عبدالكريم الاحمر)
|
Quote: فعلا جمال طبيعى يذخر به سوداننا الحبيب عامة وغربناخاصة ... |
أخونا عماد ساتي حبابك وشكراً على الكلام العسل .. يا أخي دا جمال Organic ... لو دققت في الصورة كويس تألف منها كتاب عدييييييييييييل كدا ...
تحياتي
| |
|
|
|
|
|
|
Re: الصورة التي سخسخت بلابيطي ... (Re: Mohammed Haroun)
|
Quote: ودهارون ماخد راحتك في سودانيزاونلاين شكلها الحكومة ما قاعدة تمر من هنا! فعلا صورة طبيعية خالية من السماد والمبيدات |
باشمهندس أسامة البلال حبابك وشوق بالكوم ... حكومتنا حكومة ليبرالية ... حلوة ليبرالية دي مش كدا!!
البنية الفي الصورة دي أمورة في شكلها وفي لبسها وفي بساطتها وخلو بالها ... عروس مزفوفة إلى بيت الزوجية على ظهر تور ضلول ...
يا أخي التور زاتووووووو مبسوط وما عاوزها تنزل منه ...
تحياتي يا أسامة وتشكر على المشاركة ورفع المعنويات ...
| |
|
|
|
|
|
|
Re: الصورة التي سخسخت بلابيطي ... (Re: Mohammed Haroun)
|
Quote: يا سلااام ياود هارون يااخ صورة جميلة ومعبرة |
أخونا محمد عبد الله الأمين (ود الأمين) مرحبتين حبابك وتشكر على المرور وإبداء الإعجاب بهذه اللوحة الفريدة ...
بصراحة كدا البنية دي رويانة ونديانة ومنورة ... الكل حولها فرحان وطربان ... ليست لأنها ذاهبة إلى عمارة من خمسة طوابق أو قصر منيف معتبق الأرجاء .. ولكن لأنها محتفلة بزواجها في الهواء الطلق ... الهواء كامل الدسم ...
تحياتي يا ود الأمين
| |
|
|
|
|
|
|
Re: الصورة التي سخسخت بلابيطي ... (Re: Ayman Khalifa)
|
الأخ/ محمد هارون تحياتي
Quote: الصورة التي سخسخت بلابيطي ... |
يازول هيييي أمسك بلابيطك عندك، والله أبلغ فيك، تتسوى بلابيطك كفتة. أنا ما عرف الدنيا عندك ليل ولا نهار، لو الدنيا نهار أو لحدى سبعة ساعات من هذه اللحظة إن شاء الله تعالى، إتصل بي...........
| |
|
|
|
|
|
|
Re: الصورة التي سخسخت بلابيطي ... (Re: حماد الطاهر عبدالله)
|
Quote: صوره جميله لقد قلت لها فى سرى قفى يا ظعينه نخبركى وتخبرينا |
أخونا رحمه ول عجك حبابك وتشكر على المرور ...
وقلت لها أيضاً في سري : قفا نبك من ذكرى حبيب ومنزل ... بسقط اللوى بين الدخول فحومل
وقلت لها أيضاً : بنيةً راسها مرمر .. ساقها بالدهن بتروي .. وعوجه بلا عوجه بتعدل في ... هييييييييييييييع
تحياتي
| |
|
|
|
|
|
|
Re: الصورة التي سخسخت بلابيطي ... (Re: Mohammed Haroun)
|
Quote: ود هارون الله سمعتا البكا جيت جارى لقيت البرش حااااار لقيتك انتا (الميت فى الهوى )والله ابداع وابداع اتخيل دى اديها المكيف و(الكبريت السودانى معسكر مقفول شهر )وتعال صور عشان الصورة( تنطق) |
أخونا أيمن خليفة سلام وشكراً على الكلام الحلو دا ... دي المكيف ما بينفع معاها يا أخي ... هي بتنام في الهواء الطلق وبتصحى من (بكية أبو نتباك) ... المكيف بخدر ليها جسمها ... وحا يعمل ليها نفسيات ...
تحياتي
| |
|
|
|
|
|
|
Re: الصورة التي سخسخت بلابيطي ... (Re: Mohammed Haroun)
|
Quote: يازول هيييي أمسك بلابيطك عندك، والله أبلغ فيك، تتسوى بلابيطك كفتة. أنا ما عرف الدنيا عندك ليل ولا نهار، لو الدنيا نهار أو لحدى سبعة |
أخونا حماد الطاهر حبابك وجيداً جيت ... يا زول بلابيطي ديل (جلفطن) ما بيبقن كفتة ..
يا أخي فرق الزمن بينا وبينكم ساعتين بس ... يعني الساعة خمسة صباحاً عندنا هي سبعة صباحاً عندكم.
ايه رأيك في ست الفريق الراكبة التور دي بالله؟؟ كن صريحاً ....
تحياتي
| |
|
|
|
|
|
|
|