كل حاجة إلا كوز..... نقد للكاركتير الكان فوق

Quote: بغض النظر عن النكته المعروفه للجميع الا اننى ارى ان الكاركاتير خالى من التعابير يعنى ممكن تشيل التعليق ده وتخت اى تعليق تانى بدون ما يتأثر الكاركاتير لابد من تخصيص الرسم ليدل على مضمون الحوار بالاضافه لملاحظات الاستاذ انبده بالاهتمام بالديكور والبئه المحيطه ..... بالتوفيق ليك استاذ عبدو الكاركاتير فن جميل ووسيله رائعه وسهله لايصال الافكار

Quote: اول شيء هي متين غيروها لي كوز

Quote: سلامات يا عبدو ومفهوم وساخر سخرية مضحكة .. عكس كاراكتيرك الأول ( من وجهة نظري طبعا). بالتوفيق يا حبيب .

Quote: ملامحهم أقرب للمصريين منهم للسودانيين. ليست ملامحهم فقط بل حتى أزيائهم وشوارعهم. نقطتى الأولى. لو جئنا للملامح. معظم الرجال السودانيين بمختلف قبائله لديهم شوارب ونادر جدا من تجد رجل يحلق شاربه. ونادر جدا تلقى "زولين" معا بدون شنبأت :-) النقطة الثانية هى الأزياء. لاحظت الرجل الذى يلبس جلابية، تفصيل الجلابية ما سودانى إنما تشبه جلابية الصعايدة المصريين والفلاحين. حتى العمامة ما حقتنا. ونادر تلقى ألواحد لابس جلابية وفى نفس الوقت ينتعل جزمة سوداء (ممكن ينتعل مركوب أو شبشب مثلا). غير كدة فتح الفم بالطريقة دى والزعيق نادر عند السودانيين ويكثر عند المصريين. أيضا لبس الشاب، مهندم كدة كأنه ماشى حفلة ههههه، لأنه القاعدة العامة الناس تلبس أى شئ أمامها. النقطة التالتة. الشارع نظيف جدا حتى ولا طوبة أو حجر مافى! ارسم ليك حجر أو طوبة طوبتين مع شوية قمامة ولو أضفت ذبابة ذبابتين تكون ماقصرت (للأسف دة الواقع حتى لسكان حى الطائف فى الخرطوم). . وتقبل تحياتى واحترامى

Quote: نقد للكاركتير الفوق دا

Quote: هو وينو الكاراكاتير الداير ينقدو دا ؟

Quote: اول شيء هي متين غيروها لي كوز

Quote: مايؤخذ علي هذا الكاريكاتير ان الحوار الوارد فيه مأخوذ اومحرَّف من نكته بايخة وهذا مالايليق بمكان النشر اولاً.

Quote: وهل هذا يعطي فكرة عن محيط كل من يرجع الي النكتة الأصل

Quote: الكراكتير محل اشادة، فهو معبر و صادم حد الضحك... و لا يضيره أ ن خرج بالنكتة المشار إليها فى التعاليق من حيز الإنحطاط إلى محيط القبول و الملاءمة... و لا يفوتنى أن أعبر عن سعادتى بروح المسامحة و التسامئ فوق النقد غير البناء و الأميل إلى قلة الذوق فى بعض الأحيان... و الفنان الحقيقى أدرى بنفسه و لا تقعده التعاليق التى تجانب الصواب و الفطرة... أما التوقيع فهو كما أرى جميل و حميم ... يعبر عنك تماماً بقلوبه الموحية...

Quote: النقد الوحيد إنو أغلب السودانيين عارفين ( الحوار ) الأصلى فى النكتة القديمة المعروفة وهى نكتة بذيئة ..!

Quote: سلام : عبده مصطفى ستجدن أكثر الناس نقداً لكراكتيرك ده هم المخضرمين لأنهم عارفين نكتة أبو داؤد . لكن برضو ملاحظاتهم ما ترميها في الأرض ..... أنا شخصياً غايتو ما عندي إضافة على ما قيل . ......................................... يعطيك العافية

Quote: عزيزي عبدو مصطفى قرأت من قبل عشرات المقالات وعشرات الكتب التي توجه انتقادات لاذعة جدا لنظام الجبهة الاسلامية الحاكم في السودان .. وقرات مقالات عنيفة جدا من زعماء المعارضة ضد النظام الحاكم والذي يصفه البعض بانه نظام الكيزان .. ولكن هذا الكاريكتير هو اقوى واشد نقد يوجه للنظام الحاكم في شخص من يمثله وهو الكوز ( الذي يدافع عن النظام) .. واذا تمعنا في قول الخال بأنه عنده اخت واحدة وعندها ولدين واحد مات والثاني كوز.. ورد ولد الأخت ( الكوز) الذي قال بأنه الولد المات.. نجد ان الولد الكوز نفسه خجل من ان يقول انه الكوز الذي يدافع عن الباطل وفضل ان يقول انه المات.. يعني افضل ليه يكون ميت من ان يكون كوز.. فهل هناك انتقاد افظع من هذا .. هذا الكاريكاتير يساوي 100 كتاب و100 مقالة كتبوها ضد نظام الانقاذ... كاريكاتير ناجح بكل المقاييس .. وناجح بنسبة 150 في الميه,,, والله يديك العافية

Quote: الاخ عبدو يبدو انك سيد الشئ ذاتو اول حاجة آسف ماشفت البوست المفتوح لانو نحن ناس صفحة اولى بس مافي حاجة رايحة لي بالمعني القريب والبعيد لكن كدي جاوب على سؤالي هل يسمح لراسم الكاراكتير مايمنع منه غيره ؟ تحياتي زاتوووو