|
دفتر معاش وديوان شعر
|
دفتر معاش وديوان شعر... وكلام بين اتنين فى السر... وحروف بين السطور وشيتن غير صالح للنشر.... وكلمات تزاحم الافكار سؤلا لى كتر... وهما وهما زى السيل الجارف ومنهمر... وانت شن سويت فى دنياك يافقر... وديمه خطاك مابيه تمشى وتتعسر... وصح الزول وين يمشى من المكتوب والقدر... ساعات افكر تفكير الكفر.. ا فكر ارحل وانتحر.. .وساعات يغلبنى ذاتو الفكر... انزويت واويت لى حجر.... يعصمنى من سيل الاحزان المندفر... حالى زى عصفور فى صحرا والدنيا حر.. حاول المستحيل تانى ارجع وابدا مالو من الصفر... ودسيت مشاعرى من سائر البشر... لكن الهم زاد عليا وكتر.. وانا براى فى المهجر... و فى قرارة نفسى اقول الهروب مو الحل ولا الترحال والسفر... لابد من يوم طريق يقصر.. اخاف اكون فى حق ارحامى او والدى انا المقصر... دا سبب عدم نزول الغيث على والمطر.. مافى مستحيل طالما فى العشم والامل وحتى لو دقيت الحجر.. لابد يوم تهل تباشير الخريف والخير بظهر.. سته افواه من البشر... شنو ياربى البزيل الهم والكدر... وماعندى شى ارجع لو غير دفتر معاش وديوان شعر..
تحياتى لكل معاشى بلادى من الخدمة والعسكرية ولكم تحياتى
|
|
|
|
|
|