|
كتب الكاتب الفاتح جبرا المتوفرة بمعرض الدوحة
|
|
 Re: (إعلان تحذيري) لعناية شرطة الرياض الخرطوم (صورة) (Re: مدثر صديق)
|
Quote: سلام جنابوا
يوميا بجي اشترى طعمية و فول من المحل ده و اقف مستعجب من الاعلان ده ...و
امسك بعدها في جيبوي جيدا و ادخل معركة الطعمية التى تعرف .... |
والله يامدثر هم كتر خيرهم على تنبيه الزبائن !!!
وأنت لاتملك غير تمسك في جيوبك قوي هههههههههههه
لكن في كم بوليس جاء المحل ده وشاف الاعلان ده !!! وما عمل اى حاجة !!!!!!!
| |
  
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: محمد الهادى عبد الرحيم)
|
Quote: جنابو عمر عثمان
اها بكلامك ده يعنى (فرد) بوليس لكل محل طعمية بالخرطوم
ولا الراى شنو !!
تقديري واحترامي |
هلا يامحمد .......
بالطبع الفكرة اكبر من فرد بوليس لكل محل طعمية !!!
المادة 13 فقرة (ج) من قانون الشرطة لسنة 2008م
تلزم الشرطة كواجب من واجباتها بمنع إرتكاب الجريمة إبتداءً
ثم إكتشاف مايقع منها !!! فاذا كان هناك محل طعمية او غيره
وفيه مهدد أمني لدرجة تجعل صاحب المحل يضع مثل هذا الاعلان
فلابد من إجراءات منعية معينة تقوم بها الشرطة التى يقع في دائرة إختصاصها
هذا المحل !!!
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: ياسر منصور عثمان)
|
والله يا جنابو كنتا في السودان قبل اسبوعين امشي اي مكان اكنكش في جيبي ..
وخاصة لو لابس جلابية .. دي ما ياها البفتشو ليها الجماعة زاتا ..
بقيت زي العوير كل مرة اهبش لمن خفتا تكون لي عادة ..
Quote: النشل بقى في اي حتة في الخرطوم
في الجامع بنشلوك في الكورة بنشلوك في محل الفول بنشلوك في المواصلات اسكت ساكت
اهو كلو نشل في نشل |
يا ياسر يا اخوي انحنا ما منشولين وطن هسع ..
والله ناس الحكومة ديل نشلو احلامنا تقول لي محل فول  ..
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: محمد جلال عبدالله)
|
Quote: إزيك يا جنابو
المحل ده حجمه قدر شنو ومقدراته المادية كيف؟
أفتكر لو ركب كاميرا مراقبة ممكن يضبطوا الحرامي
وممكن يختوا لافتة المحل مراقب بالكاميرات وهمة ساكت
وتوجد كاميرات غير حقيقية مجرد شكل كاميرا فقط |
المحل صغير في حجمه لكن كبير جدا في مقدراته المادية (ماشاء الله)
المشكلة الحرامية في السودان بقو يعرفو كيف يتعاملو مع الكاميرات والافلات منها !!!
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: omer osman)
|
سلام جنابو
| Quote: المشكلة الحرامية في السودان بقو يعرفو كيف يتعاملو مع الكاميرات والافلات منها !!! |
و الدليل على كلامك ...في منطقة الشرقي (اركويت ) اتكسر قزاز عربية صاحبنا ...و يوجد محل على الشارع عندوا كاميرا ...
الظهر في التسجيل انو ركشة وقفت و زي الرش حاجة و اتحركت طوالى و جاء بعدها شخص كسر القزاز بكل سهوله و شال الشنطة الوراء
و لم يظهر في التصوير الا بظهرهم فقط....
تنبهية: منطقة الشرقي في كسر قزاز العربات بكثرة (مع انو شارع متحرك )نرجوا الانتباه...
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: omer osman)
|
جنبو عمر
الناس ديل بس كاميرتين في مكان السندويتشات بتشيل عنهم الحرج .....هل من اختصاصات الشرطة انها تقدم توصيات في الحالات الشبيهة
القسم بتاع الايسكريم والحلويات عادة ما بيكون فيه زحمة ما افتكر بيحتاج
وده بأفتراض انه اللي في بالي نفس المحل الانت قاصده
الكلام ده قاله احد الزملاء فوق
سلامي
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: Abdo Mustafa)
|
ســلام للجميع .. وللأخ /عمر
السرقة والنشل عادة معروفة ومألوفة في المجتمعات
البتعاني ضنك العيش والبطالة
السـرقة والنشل في أماكن التجمعات ظاهرة لن تنتهي حتى ولو انتهت الأسباب لأن بعضها مرض
وهي اسهل الطرق للأستحواز على المال وفي فترة وجيزة
وفي الغالب الأعم البقوموا بيها من جنس الرجال
بمعنى رجالة وقلع ،، زايد قوة قلب
لكن تعالوا عليكم الله شوفوا جنس قوة العين دي سمعتوا بيهو
..
بتي الصغيرة تدرس هندسة العمارة في جامعة الخرطوم
في سنة تانية وفي اول شهر وهي شغالة مشروع
أبوها رسل ليها لابتوب ( توشيبا ) جديد بالكرتونة
والبت نزلت عمل المشروع والبرامج والمتعلقات
في العادة كل الدفعة لما يطلعوا للكافتريا للفطور بخلوا اجهزتهم في المرسم
لحين ما يخلصوا فطور
في اليوم داك _ بتي ختت اللابتوب في تربيزة قريبة لباب المرسم
وفي غفلة من الجميع تدخل شابة في نفس عمر الطالبات
تدخل المرسم وبهدؤ شديد تتناول لابتوب بتي وكان الأقرب واختصاراً للزمن
ولم ينتبه اي شخص لذلك
وفي سرعة البرق ومن نفس الباب الدخلت بيهو تطلع
اتنين من الطالبات لمحوها وهي مسرعة وشايلة الشنطة
وكانت الشنطة معروفة لزميلات بتي وشكوا تكون دي شنطة بتي
وجري علي المرسم ونادن علي بتي __ وكانت المفاجأة اللابتوب إنسرق
بواسطة بت
بلغنا في حينها الشرطة وتابعت أنا معاهم لمدة شهرين ولا حس ولا خبر
ضاع اللابتوب وراح المشروع ..
دي السـرقة يا جنابو والا بلاش
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: محمد عوض السيد)
|
قيل "سأل عمر بن الخطاب عمر بن العاص حينما ولاه مصرقال اذا اتاك سارق ماذاتفعل به ؟
قال اقطع يده..
قال عمر فإن اتاني منك جائع قطعت يدك ...
فهذا عمر وذاك عمـــر ....
......................................................................................
ســـلام جنابو عمـــر .. وأمسكـ في كلام عباس محمود الفوق ده كويس ...
بلد نصفها عاطل عن العمل .. وهائمون وراء السراب (البحث عن الذهب)
وأغلب أهلها لا يعلم بحالهم الأ فاطر السموات والأرض ...
وطن أصبح الناس فيه قسمين فقط لا ثالث لهما .. فوق أو تحت .. وضاعت الطبقة الوسطى تماما
كيف تستطيع اي شرطة كانت أن تحارب فيه مثل هذه الجرائم ؟؟
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: محمد عوض السيد)
|
مرة يا جنابو صاحبنا شغال في قريتر نايل وقابض مرتب تلاتة شهور مع حافز كوووتة كده زي عشرة مليون..أها خش كورة الهلال ومعاهو ود اختو صغييير..وزولنا ماسك في الجيب. الكورة كلللها..
اها طالعين في الزحمة ديك الولد قال عايز داردمة..مسااافة الخال يدخل يدو في الجيب طقققو القروش..اها زولنا مشى الاوسط يفتح بلاغ..قال للضابط يا جنابو اتسرقت مني عشرة مليون في كورة الهلال..
الضابط قال ليهو عششششرة مليون؟؟؟؟ انت مشيت تحضر الكورة ولا تسجل لاعب..قوووم طير من هنا:-):-):-)
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: رشا بابكر)
|
جنابو علي الأيمان ليك وحشة..
قريت قبل يومين تلاتة كدة إنو 200 من موظفي متحف اللوفر بباريس أعلنوا إضراب بسبب تفشي ظاهرة نشل زوار المتحف..
وكان الهدف من الإضراب لفت أنظار السلطات المسؤولة..
لاحظ ناس متحف اللوفر ما اكتفوا بتعليق ورقة إعلان تحذيري في الحيطة لأنهم اعتبروا الشغلانة ظاهرة خطيرة يجب المساهمة في القضاء عليها..
فـ ليه محل الفول والطعمية دا ما يعصر على نفسو شوية ويقفل يومين تلاتة للفت أنظار السلطات الأمنية في كل العاصمة؟..
أو يتقدموا ببلاغ رسمي يفيد بتفشي الظاهرة في المحل..
أو زي ما اقترحوا الشباب ياخدوا تصريح تركيب كاميرات مراقبة حتى لو كانت مخفية..
في حلول كتيرة ممكن تقلل أو تحد تماماً من وجود النشالين بالمحل..
وأنا معاك إنو في تقصير شديد من قبل السلطات للحد من ظاهرة النشل في العاصمة تحديدا..
لكن في نفس الوقت أنا شايف كونهم يعلقوا ليهم وريقة زي دي في المحل من باب أضعف الإيمان (ما دخلي)، دا في رأيي نوع من عدم المبالاة..
لأنو بالطريقة دي ممكن إدارة المحل تشوف النشالين بينشلوا في الزبائن بدون ما يحركوا ساكن..
: نحنا قبيل شِن قلنا؟؟ القال ليك تفك جيبك منو؟ إنتا عميان؟ الورقة المعلقة دي كولللها ما شايفها؟..
معقول بس دي تكون الطريقة المثلى للتعامل مع ظاهرة خطيرة زي دي؟
عميق احترامي
| |
|
|
|
|
|
|
|
|
|
Re: (إعلان تحذيري) لعناية شرطة الرياض الخرطوم (صورة) (Re: علاء الدين صالح)
|
سلام جنابو ....
والله أنا لا مستغرب في النشالين، ولا في محل الطعمية.
أنا مستغرب في الناس البيقولوا مفروض المحل يركب كاميرات، وصديقنا علاء الدين صالح يقول المحل يعلن إضراب ليومين.
يا جماعة في جهاز إسمو البوليس .... ود شغلهم ...... بعد ما يقولوا ما قادرين عليهو ..... نقوم نشوف بوليسنا القطاع الخاص ده.
_____
ما ملاحظين إنو المحل بوضعه الإعلان ده بيخاطر بسمعته .... وممكن المسألة تأثر على مبيعاته؟ بس واضح إنو إختار يبين للناس إهتمامو بيهم واحترامو لزباينه
| |
|
|
|
|
|
|
|
|
 Re: (إعلان تحذيري) لعناية شرطة الرياض الخرطوم (صورة) (Re: محمد أبوالعزائم أبوالريش)
|
سلام يا جنابو عمر .. ولكل زوارك الكرام ...
يا جماعة أنا شايف إنه الجماعة ديل لا يركبوا كاميرات ولا حاجة .. لأنها تكلفة إضافية ..
وممكن النشالين يتحايلوا عليها ببساطة .. وتستمر الظاهرة ... أما حكاية الإضراب دي بالغت فيها يا علاء ..
يا خي ديل لو في طريقة يشتغلوا 24 ساعة ما عندهم مانع .. يضربوا شنوا ياخ ... ح ياكلوا نيم .. 
أنا بقترح إنهم يعملوا اتفاقية مع مركز شرطة الشرقي يوفر ليهم أفراد من الشرطة بالتناوب ..
وهم بدورهم يوفروا للأفراد ديل .. وللمركز .. وجبات من ساندوتشات الطعمية .. مجاناً ..
زي ما بيعملوا أصحاب المطاعم للسواقين في الطرق السريعة بين الولايات ...
وبالطريقة دي ممكن ظاهرة النشالين تختفي من المحل بوجود أفراد الشرطة ..
ويوفروا لأفراد الشرطة تكلفة الوجبات دي ... وتظل سمعة المحل زي ما هي ..
ويزيد إقبال الناس عليه بإطمئنان وبدون ما يكونوا مكنكشين في جيوبهم .. 
| |
|
|
|
|
|
|
| |
omer osman
مدثر صديق
حيدر حسن ميرغني
محمد الهادى عبد الرحيم
محمد جلال عبدالله
ياسر منصور عثمان
هشام كمال عبادي
elhilayla
الصادق صديق سلمان
عباس محمود
Abdo Mustafa
رشا بابكر
محمد عوض السيد
عمر الفاروق
عباس فوراوى
علاء الدين صالح
محمد أبوالعزائم أبوالريش
عبد الله كسلا
فيس بوك
تويتر
انستقرام
يوتيوب
بنتيريست