|
|
 الإمام الهادي دا منو كمان؟!
|
السلام عليكم
على وزن بوست اخونا ادريس
ود جيرانا من مواليد 1990 م
مرة قلت ليهو انت يا فلان بتقرا وين؟
قال هندسه مدنيه في الامام الهادي...
قلت ليهو الامام الهادي دا هو منو؟
قال والله ما عارف عنو اي شي
طيب قلت ليهو تبع ياتو حزب قال ما بعرف
عاش في ياتو عصر
قال والله ما بعرف عنو اي شي
_______________
|
|
 
|
|
|
|
|
|
|
|
Re: الإمام الهادي دا منو كمان؟! (Re: احمد سيد احمد)
|
مرة مجموعة من طلاب الطب حوالى ى 15 طالب سأ لتهم عن تاريخ استقلال السودان و الله العظيم ما فيه
واحد عرف l حسن واحدة اعتذرت بأنها درست من سلطنة عمان و ان تاريخ السودان كان عبارة عن صفحة واحدة من كتاب التاريخ الذي درسوه
| |
|
|
|
|
|
|
|
|
|
Re: الإمام الهادي دا منو كمان؟! (Re: فايزودالقاضي)
|
ابو السيد سلام
ذكرتني اللعبة حقت مسلا مسلا شقلبي على الصفح
شبير شد طار بجماعتو ورك برا
عصا ولا بنبقا
وبوستيك طلع بنبقا الله عفا
لكن كان طلع عصا كان والي الدين الفوق دا ذبحك ونحن سلخناك
.
.
انا اتربيت وتشربت عقيدة في منطقة من اهم اقوالها
والخالفاك يا الهادي كافو طالع كان صام وكان صلى
.
.
.
كافو طالع كما اشار فايز اعلاه
.
.
وبعد دا كلو لو اكتشفنا اجندة خفية للحول ما بنخليك 
| |
|
|
|
|
|
|
|
|
|
Re: الإمام الهادي دا منو كمان؟! (Re: عبدالله ود البوش)
|
عزيزي الفاضل
هذا زمن مسخ التاريخ من اجيال زمن الانقاذ
و الله العظيم مرة و انا اشاهد برنامج الفكاهي محمد موسي( الشروق مرة من هنا )
و كان مع طلبة جامعة الخرطوم و تحت جامعة الخرطوم خط خطيين تحت
و سألهم أول شهيد من الحركة الطلابية في أكتوبر 1964م بالله تخيل واحد قال عبيد ختم
و الله العظيم ثلاثة قفلت النلفزيون
هذه ايامك يامهزل فأمرحي
| |
|
|
|
|
|
|
|
|
|
Re: الإمام الهادي دا منو كمان؟! (Re: احمد سيد احمد)
|
مرة مجموعة من طلاب الطب حوالى ى 15 طالب سأ لتهم عن تاريخ استقلال السودان و الله العظيم ما فيه
واحد عرف l حسن واحدة اعتذرت بأنها درست من سلطنة عمان و ان تاريخ السودان كان عبارة عن صفحة واحدة من كتاب التاريخ الذي درسوه
| |
|
|
|
|
|
|
|
|
|
Re: الإمام الهادي دا منو كمان؟! (Re: Waly Eldin Elfakey)
|
سلام ليكم كلكم
والي الدين و ود القاضي و ود البوش
الحمد لله كافي ما طلعت طالعة ههههههههههههههه
والله ياخ الوضع المعرفي ولا الثقافي في اوساط الشباب الجامعي فما دون.... واقع شديد
في رمضان طبعا اغلب ناس الحلة بقيلو في الجوامع عشان التكييف وكدا
اها بكون في فئات شبابية ذات اعمار متباينة مجتمعين مع بعض
اها بقوم اعمليك لشباب بداية العشرينات ديل استطلاع حول الثقافة السياسية والتاريخية للسودان
والله لا بعرفوا نيفاشا لا بعرفوا ابوجا ولا عبود ولا ثورة اكتوبر ولا القرشي
تعرف انا دخلت الجامعة سنة 97 وكنت متابع لصيق لاركان النقاش وبالجد المتحدثين كان اغلبهم ضعاف والنسبة المتابعة للسياسة والاركان نسبة ضعيفة جدا من مجموع طلاب جامعة الخرطوم
في ناس المظاهرة تجي طالعة بجنبهم ةهم خالطين في المين روود ولا جايبين خبر الدنيا
حتى نصاب الانتخابات بتاعة الاتحاد مرات ما بكتمل وبتفشل الانتخابات....مثلا شوف الكلام دا كان في بوست للاستاذ صلاح غريبة سنة 2001
Quote:
وقال مقرر لجنة الانتخابات؛ الدكتور ياسر يوسف لـ(الأهرام اليوم) إن العملية الانتخابية بدأت يوم أمس في جامعة الخرطوم في(56) مركزاً للاقتراع واستمرت لفترة( 11) ساعات، وأضاف أن العدد الكلي للطلاب المسجلين الذين يحق لهم التصويت بلغ(23,481) طالباً وطالبة، وأن عدد الطلاب الذين أدلوا بأصواتهم في العملية الانتخابية بلغ (9093) طالباً وطالبة من العدد الكلي للطلاب الذين يحق لهم التصويت بنسبة تصويت بلغت 38,7% ، وأشار إلى أنه وفقاً للائحة ودستور اتحاد طلاب جامعة النصاب لم يكتمل، وأن العملية الانتخابية لاتحاد طلاب جامعة الخرطوم تعتبر موقوفة،
|
مع انو النصاب بكون ما 50% من عدد الطلاب ...بعد دا كلو ما بكتمل
الخلاصة لمن تجي تعاين للوعي الطلابي في التمنينات والسبعينات وانت نازل بتلقى انو ناس الزيت والسكر زاد دي بطلعو ليها ناس المتوسط والابتدائي اما الجامعة والثانوي لو طلعوا فالحكومة مقلوبة مقلوبة
والنشاط السياسي كان ببدا من الثانوي لكن انا دخلت الثانوي سنة 93 وغير حلقات وعظ ديني للسلفيين ما كان في اي نشاط فكري
عشان كدا التغيير صعب لو ما الناس بقت واعية وعارفه تاريخ بلدها شنو
| |
|
|
|
|
|
|
| |
احمد سيد احمد
Waly Eldin Elfakey
فايزودالقاضي
عبدالله ود البوش
عادل خياري
مدثر صديق
فيس بوك
تويتر
انستقرام
يوتيوب
بنتيريست