|
|
|
 Re: عندما يكون المطعم سودانى و الزبائن سودانيين (Re: ombadda)
|
ههههههههههه
و الله لو عايز تصلح السودانيين في دي, زي التكون عايز تصلح ليك عود شجرة اعوج!
ايام الجامعة طبعا كنا بناكل في السفرة, و انا زول عواف شديد!
السفرجية كانوا عندهم عادة; لما يشيلوا الصينينة عشان يختو ليك فيها الاكل, يضعوا اصابعهم حيث يوضع الملاح, و انا كنت احتج و اقول ليهم ياخ امسكوا الصينية من الطرف.
الجماعة كلامي ما نفع معاهم, و كانوا جميعهم تقريبا من الشمالية (فلنقل نوبة من الشمال) فأول ما يشوفوني في الصف يرطنوا لبعض, و عينك ما تشوف الا النور
بتاع الملاح يمسك الصينية من محل الملاح, و بتاع السلطة من محل السلطة و بتاع الشاي يدخل اصابعه الخمسة في الكباية حتى يكب الشاي.
هههههههههه
يا زول مرات احرد, و مرات اعمل ما شايف, اعمل شنو الجوع كافر!
في النهاية عملو لي ديسنستايزيشن desensitization ههههههههههه
ياخ حصل شفت يكبوا ليك ملاح فوق باقي موية الغسيل? دي عادي بتحصل في اي مطعم في السودان!
هل شفت الصحون المطرقعة?
شفت كباية الشاي البغتسوها في جردل الغسيل? بعد كل غتسة تركيز البزاغ بزيد في الموية, و في النهاية بكون غسيل الكباية عبارة عن تغتيسها في موية بزاغ!
ياخ ناس الصحة و الله مقصرين مع السودانيين في حكاية المطاعم دي.
لكن القرف ما حق السودانيين بس,
مرة اشتغلت هنا في امريكا في طرمبة بنزين (اول ما جيت امريكا), و صاحبها هندي و كل الشغالين ما عداي هنود, و كالعادة بنبيع قهوة في الطرمبة,
واحد من الشغالين معانا (دايما ورديتنا سوا, الغريبة هو بتكيف مني جدا و انا بكون قرفان كل الوردية منو هههههههه) يقوم مرات يعمل القهوة
طبعا هو اساسا ما بعمل اي حاجة, المكنة بتسوي القهوة لكن بس مفروض الزول يغسل الجك البتصب فيهو القهوة, و هو من السيخ و عندو دقن كبييييييييييييييرة و زي ما هو معروف السيخ جزء من عقيدتهم انه ما يتسحموا يوميا.
صاحبنا يشيل الجك و يمسح دقنو مرتين تلاتة, و يهندم شنبو و يحك بين كرعينو-ورا و قدام- و يفتح الماسورة و يدخل يدو في الجك و يمرقها, و عديل يمشي يخت الجك و يشغل مكنة القهوة.
يعني عمليا هو بغسل و س خ جسمه في الجك و يو س خ و اكثر من انه ينضفو!
و الله كنت بشفق على الناس البتجي تكب القهوة و تصفر بمزاج, هم ما عارفين بشربوا شنو ههههههههه
عشان كدة انا لا اكل بتاتا خارج البيت!
----
(عدل بواسطة بدر الدين احمد موسى on 04-08-2013, 08:54 PM)
| |
 
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
رحمة
سلام
و الله لا هوس و لا حاجة!
النضافة مطلوبة, و حق مفروض ناس المطاعم يراعوهو, لأن الزبون بدفع قروش و بتوقع حاجة جيدة في مقابل قروشو.
و بعدين من ناحية صحة مهم مراعاة قواعد النضافة منعا لانتشار الامراض.
في المطاعم الامريكية العمال يغيرون الجونتي في كل مرة و التانية, و بربطوا شعورهم عشان الشعر ما يقع في اكل الناس, و لو الواحد استعمل الحمام بغسل يديه بموية حاااااااارة و صابون قبل ما يلبس الجونتي, ودي قواعد و ضعتها الجهات الصحية. و عندهم مفتشين يزورون المطاعم مرات خلسة للتأكد من مراعاتها.
و غير كدة لو حصل انه احد الزبائن مثلا اكل او شرب في مطعم و مرض (اسهال او استفراغ) ممكن يشتكي المطعم, و لو التحقيق اثبت انه هناك تقصير في النضافة المطعم يواجه عقوبات و يدفع غرامات قد تصل لاغلاقه هذا بعد ان يدفع تعويض للمواطن المتأثر.
دي حاجات مفروض ما تكون موضوع مجاملة.
عشان كدا الامراض المعدية منتشرة في السودان.
بتاع المطعم يطلع الخلا و يجي يخت الابريق و يمسك الرغيف عشان يعمل ليك ساندوتش!
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: بدر الدين احمد موسى)
|
يا اخى بدر الدين انا بشتغل فى Organic foods والله ناس الصحه ديل بعملوا عمايل خليها ساكت لكن الشىئ المؤلمنى حتى ناسنا السودانيون عندما تقول لهم هذا المطعم غير نظيف هم يدافعوا عنه ويعتبروك انت زول شايف حالك واحد من اقاربى هو لا يعرف طبيعتى فقال اذا رجعت من امريكا اين تعيش قلت له فى الريف كباية الشاى عندما اغسلها اضعها على غصن تحت اشعة الشمس حتى تجف وكذلك الصحون وخلافهم واشوى لحوم وعيش الريف وكل شى هناك نظيف انا لست مغرم بحياة المدن طالما الريف تتوفر فيه كل الخدمات
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
تعرف يارحمة التصرف لوكان من
الشغالين في المطعم بكون شين
مامكن امسح في وجهو او شاربو
ويجي يشيل ليك العيش او يغسل
الصحن زي ماقال اخونا بدر الدين
المصيبة عندنا في سودانا دا
ياخي انت بي طريقتك دي في
السودان ماتاكل حاجة ولاتشرب
حاجة اقسم بالله قبل يومين نزلت
في مخبز اشيل رغيف مع المخبز في
بتاع عصير بصفي في العصير من الثلج
اقسم بالله بي يدو خاتي اصابعيهو
في الحفاظة عشان التلج ماينزل
عليك الله عينة دا تقول فيها شنو
تسلم
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: سليمان القرشي)
|
صاحب المقال كل حديثه عن رواد المطعم وليس العاملين فى المطعم. الشخص الذى يعبث بشاربه أو ذاك الذى يلامس أجزاء وجهه أو الصبى المتسول..ليس أى واحد فيهم عامل فى المطعم إنما رواد فيه..كما ذكر الكاتب..
.
مثال للقراءة بالإضنين.
.
.
شئ آخر:
عادة قبيحة جدا عندنا نحن السودانيين ألا وهى البحلقة فى الآخرين فى الأماكن العامة وحتى فى المواصلات.
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: سليمان القرشي)
|
اخى سليمان كثير من الناس فى بلدنا النظافه هى اخر همهم فى بعض المطاعم فى السودان تقدم وجبات طاعمه لزبائنها لذلك تجد الواحد بهتم كيف يحصل على الطلب وبشوف اقرب زاويه بحط صحنو فى ارض الله وبياكل نحن عندنا فى محل الشغل اى شى وصل الارض حاوية الزباله اولى به ولا تفكر كثير
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
صاحب المقال كل حديثه عن رواد المطعم وليس العاملين فى المطعم. الشخص الذى يعبث بشاربه أو ذاك الذى يلامس أجزاء وجهه أو الصبى المتسول..ليس أى واحد فيهم عامل فى المطعم إنما رواد فيه..كما ذكر الكاتب..
يا اخى والله اذا انا لم اذكر العاملين فى المطعم ولكن ايضا هم عندنا عليهم ملاحظات كثيره
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
امبدة
سلام
"Quote: صاحب المقال كل حديثه عن رواد المطعم وليس العاملين فى المطعمز الشخص الذى يعبث بشاربه أو ذاك الذى يلامس أجزاء وجهه أو الصبى المتسولززليس أى واحد فيهم عامل فى المطعم إنما رواد فيهززكما ذكر الكاتبزز
.
مثال للقراءة بالإضنين.
. |
لا ما قراية بالاضنين, هل سمعت بحاجة اسمها تطوير الفكرة?
انا قريت الكلام و وقع لي في جرح, و اردت ان اطرح حاجة في نفس السياق تؤرقني كثيرا في المطاعم و محلات المشروبات في السودان.
واظن بدت تتبلور فكرة اوضح في البوست .
اتمنى ان يطلع ناس وزارة الصحة على البوست و يشوفوا شغلهم!
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: بدر الدين احمد موسى)
|
بدرالدين
سلام ياخ
طرحك جميل وهام جدا وفى قالب شيق ....لكن كمان موضوع البوست فيه سلوك يحتاج لنصح "البحلقة" ومراقبة تصرفات الآخرين فى الأماكن العامة. لو كان الموضوع عن نظافة المطاعم والمظاهر السالبة عند الأكل، لوجدتنى مؤيدا تماما لفكرة البوست.
وأرجو أن يتسع صدر أخونا رحمة فضل االمولى عجك لنقد مقاله..
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: ombadda)
|
السلام عليكم حميعاً.
النظافة مطلوبة..وعندنا فى السودان معظم الناس لا تكترس لذلك وأظنهم فقدوا ألأمل فى التغيير.....
من الملاحظات....معظم الناس فى السودان يغسلون أياديهم بالصابون بعد ألأكل وليس قبله....ما الحكمة فى ذلك؟!!!!!!
بعض الناس تعطس ولا تراعى ألأقرب منه ولا ألأكل الكاشف..
بعض الناس تستعمل نظافة سنونه أثناء ألأكل..
كثير من ألأشياء الغير لائقة ولا لطيفة.
والحمد لله بدأ فى وعى ويجب علينا المساعدة فى تطويره بنشر التوعية الصحية فى أداب ألأكل وسلوكياته والنظافة .
تقديرى وإحترامى للجميع..
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: ismeil abbas)
|
شكرا اخى اسماعيل عباس والحقيقه نحن نريد من المطعم وزبائنه مراعاة كل شى يتعلق بالنظافه والصحه ونحن يمكن ان نتخلى من كل مطعم غير نظيف او صحى ولكن لا يمكن ان نتخلى عن انفسنا ونريد ان نبحلق ونتمعن وندقق فى كل شى ولا نري شى يشعرك بالقرف او عدم الاطمئنان فما العيب فى ذلك
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
أخونا رحمة
سلام لك ولضيوفك
ما دام المطعم سوداني والزبون كمان سوداني
فانسى حكاية النظافة
وممكن يجيك وجع بطن واسهال
وتخبر صاحب المطعم ولا يعدل في النظام
فهو مطمئن لكون الزبائن سودانيين فلا ضرر منهم
قلن يشكونه لسلطات الصحة ولا خلافه
أذكر انه بعد صلاة الجمعة وزع لنا أحدهم مطوية تعلن عن افتتاح مطعم سوداني
حرصت أن أكون من أول المشترين
حملت صحن من البيت وطلبت منه فول وهي الوجبة الرئيسية التي ينتجونها
عندما رأيت حبات الفول في الصحن طوالي بادرت أخونا الزول وقلت ليهو
دفق باقي القدرة واشتري فول زي الناس وابدأ البيع
لا تبيع للناس فول حباته سوداااء وعينته رديئة
ياخي كبو ولا تتردد
طبعا اخونا سمع بي هنا وطلع بالاضان التانية
وحاتك اسبوع كان المطعم السوداني مقفل
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: garjah)
|
ما دام المطعم سوداني والزبون كمان سوداني
شكرا اخى garjah
الحقيقه ذكرتنى قصه كانت فى مطلع التسعينيات كنت مع ابن خالى وكان رجل انيق ونظيف ويحب النظافه . و بينما كنا نسير فى الطريق التقينا باحدى حسناوات الحى وكانت سيده انيقه وتفوح منها رائحة الطيب . وبعد ان تجاوزناها ايضا التقينا باخرى وكانت على عكسها تماما فقال لها بن خالى هولاء الناس نساءهم نظيفات وراقيات فقالت له انت وهم اركبوا هنا واشارة بسبابتها فهو ايضا رد عليها انتم وال###### كمان اركبوا هنا فضحكنا ثلاثاتنا وافترقنا .
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: ابراهيم الفاضل)
|
اخى ابراهيم الفاضل شكرا على المداخله نحن نريد لهذه النظافه ان تعم سائر مطاعمنا وبيوتنا ومطابخنا وهذه المطاعم أأمل ان تقدم لنا وجبات شهيه وتخاف الله فينا على الاقل الجرسون يكون عنده مريله نظيفه بدلا من ملابسه الخاصه التى يظهور بها يوميا والملاحه التى كانها مثبته على الطاوله والفوطه التى تستعمل لتنظيفها الله يعلم وين كانت وكم مره تستعمل المهم يا اخى الله بعين
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: عبد العزيز محمد عمر)
|
الاخ عبد العزيز شكرا لك يا اخى .يا حبيبى نظافه الكمونيه والسمك بسيطه هل شاهدت كيفية تحضير امريين . يا للعجب هو عباره عن اضافة امراره لفضلات البهيمه التى تأخذ من احشائها او بالاحرى هو الفرث . الله يقدرك تقول ليهم الشغله دى مافى لزوم لها . يا اخى زمان عندما كنت فى السودان حينما اسافر امتنع عن الاكل حتى نهاية الرحله واحيانا أأكل بلح او بسكويت واحيانا عندما ارى المطاعم نظيفه اطلب فول واشترط ان لايكون مصلح يا عيب الشوم بلد حدادى ومدادى ومافيه مطعم بكيل العين
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: ombadda)
|
اخى امبده صحيح نحن نعيش فى الخارج ونحن وحبوبات من طينه واحده وليس فينا من هو حفيد لشيفناز ولكن هذه الاشياء التى نتحدث عنها لم نتعلمها من البلدان التى هاجرنا لها والفقر ليس له علاقه بالامر وهنالك مثل لبنانى يقول كل شئ من الله الا النظافه من صاحبها يا اخى نحن مطاعمنا يمكن تطلب اكل وتقعد تمشش العظم عادى وهذا المنظر لم اشاهده فى اى بلد
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
الأخ الكريم رحمه
تحياتي وشكرا على هذا الموضوع الحيوي
أهلنا السودانيين نظيفين جدا على المستوى الشخصي
السوداني يعتبر من أنظف الشعوب العربية
يقوم من الصباح يتسوك ويستحم ويمرق لي شغلو
ولو ما اتسوك يستحيل يدخل أكل أو شراب في فمه
كثير من الشعوب العربية ما تقدر تتكلم معاهو من ريحة فمه
ولو صليت جنبه في المسجد تكون مستني متين تنتهي الصلاة
وبعد ده السوداني لمن يرجع البيت تاني في المساء بياخد دش
لكن هذه النظافة لمن نجي نطبقها على المستوى الجماعي
نظافة المطاعم - الشوارع - المستشفيات - المرافق العامة
للأسف بنلقى نفسنا فيها صفر
وذلك راجع لحاجتين في تقديري:
الأولى السبهللية واللامبالاة البيتصف بيها معظم الشعب السوداني
التانية: ضعف الوعي والثقافة بأهمية النظافة على الصحة الخاصة والعامة
أنا طبعا إنسان محافظ جدا في موضوع النظافة
وأعتبر عند الكثير من الناس متشددا أو عوافا أو متفلهما عند البعض
بحكي ليك قصتين كنت مع عزابة وأغلبهم طلبة جامعات
في المرة الأولى كانوا دايرين يعملوا فتة سلطة الدكوة في حوض الغسل البلاستيكي
البغسلوا فيهو هدومهم .. تخيل!!! قلت ليهم لا يمكن وستين يمين ما باكل لو فتيتوها في حوض الغسيل
لحدي ما اضطروا في النهاية يقسموها في صحنين من صحانة الألمونيوم!!
القصة التانية: سكنت مع عزابة برضو أغلبهم طلبة جامعة
وذات مرة الجماعة بياكلوا ودايرين يغسلوا الصحن
قاموا دايرين يغلسوهو بإبريق المستراح
قلت ليهم ما ممكن نغسل صحن الأكل بإبريق المستراح
كلهم استغربوا واستنكروا ومنهم طالب الطب قريبي
وقال لي باستغراب: فيها شنو يعني؟
| |
|
|
|
|
|
|
|
|
Re: عندما يكون المطعم سودانى و الزبائن سودانيين (Re: محمد جلال عبدالله)
|
شكرا لمداخلتك اخى محمد جلال فعلا السودانيين هم نظيفين ولكن يا اخى محتاجين للمسات بسيطه والوضع بتصلح يا اخى انا مثل وضعك عواف من الدرجه الاولى وكمان مهتم بالنظافه هل تعرف انا بزعل عندما ارى واحد ماشى فى الطريق ويضع رجله فى مكان فيه مويه جاريه على الطريق لانى اتصوره عندما يدخل الى محل بلاطه نظيف فاتخيل حجم الحرج الذى يجلبه لنفسه. يا سيدى الله يعينا كنت فى مصر ببحث عن شقه للايجار فاتصل ابن خالى على صديقه بالقاهره وطلب منه ان يساعدنى فاخذنى الى حى راقى فى القاهره ولكن العمارات امرها عجيب اولا الققط الضاله تتنقل من طابق الى اخر واكياس الزباله مكدسه امام الشقق وقد مزقتها القطط وتنبعث منها روائح كريهه فقلت له يا اخى اترك هذه الشقه لا اريد ان اتفرج عليها فغضب وثار وقال لى يا اخى انت مش فى امريكا قلت له ليست امريكا هى التى علمتنى النظافه وانما تعلمتها فى السودان
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
Quote: ي المرة الأولى كانوا دايرين يعملوا فتة سلطة الدكوة في حوض الغسل البلاستيكي
البغسلوا فيهو هدومهم .. تخيل!!! قلت ليهم لا يمكن وستين يمين ما باكل لو فتيتوها في حوض الغسيل
لحدي ما اضطروا في النهاية يقسموها في صحنين من صحانة الألمونيوم!! |
زملائك ديل بالغو يا محمد
وما ننسى يا جماعة تفشي الظاهر في بيوت المناسبات
فرح كانت أو كره ، تغسل الاواني وخصوصا كبابي الشاي في جردل بطريقة مقرفة جدا .
واحيانا لا تغسل نهائيا.
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: حسين ديقول)
|
اخى حسين ديقول شكرا لمرورك كتروا لينا من ملاحظاتكم يا اخى انا كنت فى مطعم سودانى ودائما بكون عندى قاروره مويه بشرب منها لوحدى وفى هذه المرة نسيت حتى بدات ألأكل وكبرت اللقمة شوى فشعرت انى محتاج لمويه المهم اتوكلت على الحافظه بتاعت المطعم لقيت عندهم كاسات المويه من استانلس ولكن ما عليها لمعه نظافه ولكن عليها بقع ودموع من مسكات اليدين وقلبتها بسرعه لكن ما وجدت كباية اطمئن لها لعنت اليوم الجابنى المطعم داتو وتركت الاكل ومشيت
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
الأخ رحمـة، تحيـة طيبة.
لا شك أن النقـد الإيجـابي مفيـد في إصلاح الخلل فيما يخص المطاعم ونظافتها.
ولكن المبالغـة في الوصف أيضاً غير مقبولـة، وخير الأمـور أوسطهـا.
المؤكـد أن المطاعم السودانية بخدماتها وعمالتها وزبائنها، ماهي إلا انعكاس لواقع مجتمعي معين بإيجابياته وسلبياته.
النظافة مطلوبة في كل الأحـوال، والإنسان السوداني في مظهره العـام يعتبر نظيـف مقارنة بشعوب أخـرى.
وأعتقد أن المطـاعم (في الخرطوم على الأقل حسب التجربة)، مجتهـدة في تحقيق أساسيات النظافة.
يعني، العـديد من المطاعم الكبيرة لا بأس بها من حيث نظافة العمال والأواني..
طبعاً المسألة نسبيـة، عند المقارنة بمطاعم أمريكا مثلاً،
ولكن أستطيع كزبـون أن أتابع مسألة نظافـة الطعام المقدم لي، حتى داخل مطاعم (القراصة) في السودق العربي
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
دا كلو ما مشكلة المشكلة الجد ..... نفض/ ارجاع باقي الاكل الملتصق في الاصابع الي الصحن بعد ادخال اللقمة الي الفم
دا كلو ما مشكلة المشكلة الجد ..... نفض/ ارجاع باقي الاكل الملتصق في الاصابع الي الصحن بعد ادخال اللقمة الي الفم
دا كلو ما مشكلة المشكلة الجد ..... نفض/ ارجاع باقي الاكل الملتصق في الاصابع الي الصحن بعد ادخال اللقمة الي الفم
دا كلو ما مشكلة المشكلة الجد ..... نفض/ ارجاع باقي الاكل الملتصق في الاصابع الي الصحن بعد ادخال اللقمة الي الفم
هناك سودانيون عاشوا في اروبا وامريكا لاكثر من عقدين ولا يزالوا يمارسون هذه العادة
اعادة المتبقي من الاكل بعد ادخاله الي الفم الي الصحن
هل تفكر في شعب آخر يمارس مثل هذا؟؟!!!!!!!
اتحداك يا صاحب البوست
| |
|
|
|
|
|
|
|
|
|
Re: عندما يكون المطعم سودانى و الزبائن سودانيين (Re: رحمه فضل المولى عجك)
|
يا أخوي الله يعينك أنت ما حصل أكلت مع زووول ويكة ولا أم رقيقة ولا ملوخية بكسرة ولا قراصة ما شفته مصمصة الاصابع في الاكل جبطتك جبطبك وتاني يقوم يغطس يدو في الصحن ويواصل الجلبيط و المصميص مره أخري .... ولا ما شفتا ناس أشرب المركز على ميه في السوق الواحد بيغطس الكوز 1000 مره في العصير عشان يبقى بارد وبيجي بشرب بنفس الكوز دا 100 واحد ولا ما شفتا بتاع الشاورما لمن يكون عرقان ومدنقر في الصينية والعرق بينقط و يحشي ليك منو ساندوتش ... ولا ما أكلت ليك كرامة في مسجد الله يعيييينك .... انا في اغلب الاحيان بعمل نفسي ما شايف وبقول موت الجماعة عرس
يا اخى والله كل هذه المناظر شاهدتها ولكن بمجرد ذكرها بشعر بالقرف وماتنسى فى بعض الناس بعد الذى ذكرته تكون التحليه بقراصه علىها زبادى وربنا يقدرك تقول اغسلوا اياديكم من البامية
| |
|
|
|
|
|
|
| |
رحمه فضل المولى عجك
ombadda
بدر الدين احمد موسى
سليمان القرشي
ضحيه ابراهيم
ismeil abbas
garjah
ابراهيم الفاضل
محمد جلال عبدالله
حسين ديقول
طه داوود
فيس بوك
تويتر
انستقرام
يوتيوب
بنتيريست