|
|
 معسكر المريخ فى (ابشر ) سهر وشيشة !
|
المريخ .... زاتو منتهى
اول امبارح ، غشيت زول صحبى فى فندق (ابشر) ، جنب نادى الضباط ، اثناء ما بشوفو جالس وين ، اشوف ليك لاعبينا ماليين الساحات (لاعبى المريخ ) برمودات ماشية وجاية ، واى زول منهم قاعد ليهو فى ركن ماسك التلفون ، والاسواء كمان فى واحد منهم ( ما عارف اسمو ) ماسك الشيشة ، وكر كر كر ، وبالفنلة والبرمودا ، شكلو كان خجلان يشوفو واحد من ناس الرشيد على عمر ويشيل حسو ، الكلام كان يا جماعة الساعة اتناشر مساء ، ودا مؤشر لشنو ، انو المعسكر دا كلو وهمة وكلام فارغ ، وواضح ان الادارة ما عندها زول عندو شخصية ينهر اللاعبين ( النصيحة هيثم مصطفى كان فى استقبال الفندق وبتونس ) لكن برضو بتحسب عليهو سهر ، وطبعا ليك ان تتخيل فريق فيهو خالد احمد المصطفى ومحمد موسى مسئولين عن المعسكر واللاعبين ، غايتو الانا شفتو بعيونى من ناس المريخ فى فندق ابشر ديل الناس ديل حدهم خمسة وعشرين دقيقة ونفسهم بقوم وبقطعوا ... وبلحقو الهلال
ولو ما لحقوه الليلة ما بمشو كتير قدام
|
|
  
|
|
|
|
|
|
|
 Re: معسكر المريخ فى (ابشر ) سهر وشيشة ! (Re: زول ساكت)
|
بالجد المناظر الشفتها اكدت لى ان المشكلة فى الكورة حقتنا فى اللاعبين ، بدوك احساس انهم مخلوعين بالنجومية والشهرة ، عندهم تصرفات ما بتتسق ومسئولية انك زول رياضى ، انا ما لى بحاجتهم الشخصية - دا اكيد - بس لمن يكون الامر عن معسكر وتلاقى الناس لغاية اتناشر وانصاص الليالى منتشرين ساحات الفندق الخارجية وفى ناس بتشيش وقدامها بعد 48 ساعة كورة دا تسميه شنو !
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: مجاهد محمد عباس)
|
ابدا والله شوف عين ، وعديييييييييييييييييييل
وازيدك كمان ، اول مرة اشوف لى زوار بيجو الساعة 12 ونص ، ياخ دا معسكر اكد لى شخصيا انو المريخ دا ما فيهو مدير كرة عندو شخصية ، ياخ محمد موسى شنو وخالد احمد المصطفى
وشفت الزول الاسمو (موانزا ) دا لى اخر السنة والموسم دا كان نفع ....انا ببقى حركات مسلحة
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: محمد حامد جمعه)
|
| Quote: اول امبارح ، غشيت زول صحبى فى فندق (ابشر) |
يا سعادتك عليك الله دا تقرير زول زائر و كمان امبارح و اول امبارح؟ يمكن زرت واحد من اللاعبين!! ، و زائر يمر برة الفندق و النجيلة و الاستقبال ، يعني لو نازل في الفندق كان عرفت لينا البشيش دا شرب نعناع و الله تفاح؟
| Quote: يقعدو يقضوها لينا جراك ونعناع ، وحوامة بالاردية ولمن نجى الاستاد نقعد فى احى وواى |
هههههههه قوية يا سعادتك
اوافقك الراي ان معسكرات هلال مريخ فوضى ، و مدير الكرة و المسئول عن المعسكر غالبا ليس بالقوة التي تمكنهم من ايقاف هذه الفوضى..
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: سليمان القرشي)
|
الأخ محمد حامد جمعة,
ده شيئ مؤسف جدا وهذا الشيئ يثبت أن الفريق يفتقد إلي الإنضباط. أتذكر زمان لمن كان الفاتح تريم يدرب لأول مرة فريقه التركي الحالي قلاتاسراي, أصدر أوامر للعيبة بالنوم بدري وعدم الذهاب إلي الأندية الليلية وذلك عندما أحضروا كأس أوربي لأول مرة في تاريخهم كما أظن, وكان في لاعب إسمه سيرقان عامل فيها شفت, قام مشي لي نادي ليلي بي طريقة سرية في قبرص التركية, وبعد أن قضى ليلته وجاء للكاشير عشان يحاسب, الكاشير قال ليهو: الفاتح تيرم دفع ليك الحساب. فتخيل منظر اللاعب كان كيف؟ وصدى هذا الدرس على بقية اللعيبة؟؟؟
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: aosman)
|
عثمان
سلامات
تعرف هسة الناس قايمة كلها على غارزيتو ، واى هو مدرب قد ما يكون مية مية لكن الاكيدة والنجيضة انو بجتهد لكن وين ومع منو ، وكذا الحال الكوكى وغيرو ، شوف اللاعبين بتاعنا ديل جزء كبير وضخم من المشكلة نفسها ، وهم الاساس ، المشكلة يمكن فيها جوانب ادارية وفنية لكن الاصل الاعظم عند اللاعبين ، امبارح هسة غلط البرير ولا غاريتو فى قون بخش فى الدقيقة مافى شنو ؟؟ ، شفت ناس المريخ الشفتهم انا ديل لو جابو ليهم مورينو ...ما بنفعو
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: aosman)
|
| Quote: اوافقك الراي ان معسكرات هلال مريخ فوضى ، و مدير الكرة و المسئول عن المعسكر غالبا ليس بالقوة التي تمكنهم من ايقاف هذه الفوضى.. |
وأنا كمان أوافقكم, والمؤسف حقيقة اللاعب السوداني كيسو فاضي وبعد ده بشعر بعظمة غير طبيعية وبفتكر نفسه مقددها, ولا يقبل الإنتقاد حتى وإن كان بناءا, والمصيبة الكبيرة, المشجعين البدافعوا عنهم ويكبروا ليهم روسينهم
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: aosman)
|
عارفين يا جماعة انا قلت امارس حقى كمريخابى ، وانهر الناس المتجدعة دى ، لكن تانى لمن شفت ليك كمية الشباب المكسرين وقاعدين عشان يشوفو راجى عبدالعاطى حايم ويبتظارف ولا علاء الدين يوسف (المتفرجخ ) بطريقة فجة عند مدخل الاستقبال وقاعد ماسك التفلون ، وكنت قريب منو وقلت انصحو لكن احترمت نفسى لانو زول بديك احساس غريب بعدم الود
عشرات الشباب والمشجعين كانوا هم الزوار ، تصدقوا ويمكن فى بعضهم دفع الشيشة للكابتن الكان قاعد فى زاوية وركن مضلم وبشفط بمزاج وغايتو يا جماعة محن والله والغريبة فى ركن الشيشة صاحب الفندق مشغل (الدورى الاوربى ) وجماعتك مصنقرين نظام بستفيدو من الكورة كدا
غايتو الليلة المريخ لو فاز ولا خسر ...الناس ديل واللاعبين ديل ...ما منهم رجاء
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: خالد عبد الله محمود)
|
يا خالد عبدالله
عرفنا كلام الكوز ما بتسمع
أها كلام الما كيزان ما بتسمع لشنو ؟؟؟
نفس كلام محمد حامد دا قاعدين نقول فيهو (أنا وآخرين ) من جلغمية سنة في المريخ والهلال والكورة السودانية عموما .
يا محمد حامد جعمة كلامك مليون في المية صاح وأشك اانك في حاجات تانية شفتها وما قلتها احتراما للقراء ..
وبعد الفضائح والهزائم دي كلها لو مشيت كتبت كلامك دا في الجريدة إلا تشوف ليك بلد تانية ..
الوجع الحاصل دا يا زول مستفيدين منو ناس متنفذين لا قبل لك بهم .
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: طلحة عبدالله)
|
طلحة
تحياتى
انا بالجد صدمت عندما رايت لاعبى المريخ وقبل تمانية واربعين ساعة منتشرين - كالفراشات - فى ساحات الفندق الخارجية والساعة كم (اوفر اتناشر ) وكابتن عريض المنكبين منجعص ببخ فى الشيشة ، وكمية من المعجبين والجمهور والاصحاب واولاد الحلة كل زول ماسك ليهو لاعب ، ياخ دا معسكر شنو !!
طبعا انا شخصيا مقتنع ان المشكلة لا فى التدريب لا فى الادارة ( الادارات دى دفعت لغاية من اللاعبين ديل بقو اصحاب اطيان ومشيتهم فى الارض اتغيرت ) والمدربين اهو عندك حسام البدرى ، جابوه لفريق فيهو الوهم الاسمو موسى الزومة وامثاله فكان طبيعى يفشل ورجع القاهرة شال مع الاهلى كاس افريقيا تقول لى مدربين وادارة المشكلة فى اللاعبين حقننا ديل
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: طلحة عبدالله)
|
| Quote: وأشك اانك في حاجات تانية شفتها |
اها يا طلحة ازيدك
مرة الفريق القومى الواحد دا ، صقر الجديان عديل ، كان معسكر فى فندق فى العمارات تقريبا ونواحى شارع 15 ، اها الفريق دا لاعب فى دورة ولا مباريات اعداية ولا معسكر ما عارف ، السودان لعب (الفريق يعنى ) والكورة انتهت ، اها الساعة حوالى الواحدة صباحا (الا كدا ) اتين من عتاة كابتن المنتخب ، لاعبين (واحد مهاجم والتانى مدافع ) الاتنين ، تك ترك ركبو الفارهة وتووووووووووش الديم جاك زول ، وقفوا العربية وبدقو فى باب (كافتريا ) قفلت عديل والناس مشت ، والشغالات بحاسبن ، جماعتك جو وطلبو شيشة وجبنة ، وقعدو اتونسو لغاية الصباح قرب ودى حكاها لى سيد الكافتريا بذات نفسو وهو حى يرزق وناس الحلة شهود لانو الشباب عملو معاهم مشكلة كادت ان تؤدى الى ...ربيع عربى فى ديم القنا !!
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: omer osman)
|
| Quote: وشفت الزول الاسمو (موانزا ) دا لى اخر السنة والموسم دا كان نفع ....انا ببقى حركات مسلحة |
| Quote: يقعدو يقضوها لينا جراك ونعناع ، وحوامة بالاردية ولمن نجى الاستاد نقعد فى احى وواى |
| Quote: غايتو الله يعوض على القطب المريخى المتكفل بفواتير معسكر المريخ فى فندق ابشر ، لو كان صرف القروش دى فى دعم فريق الشباب كان افضل |
| Quote: شفت ناس المريخ الشفتهم انا ديل لو جابو ليهم مورينو ...ما بنفعو |
| Quote: غايتو الليلة المريخ لو فاز ولا خسر ...الناس ديل واللاعبين ديل ...ما منهم رجاء |
| Quote: كلامى جاكم يا جماعة |
الأخ محمد حامد جمعة
بالفعل زيارتك للمعسكر و قراءة نتائج ما سيحدث كانت صحيحة و كلامك جانا لكن ما قايلين المرض ديل ح يمثلوا بالمريخ للدرجة دي!!
المهم ما كتبته له قيمة لأنك اكدت أن بعض من هؤلاء اللاعبين لا يشبهون المريخ و تاريخه.
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: omer osman)
|
يا محمد حامد تكلمني أنا بسوء سلوك الجماعة ديل ؟؟؟؟؟؟؟؟؟؟؟؟؟
Quote:
الشباب عملو معاهم مشكلة كادت ان تؤدى الى ...ربيع عربى فى ديم القن
|
إتا عارف والله أنا دائما بقول إنو لو الوهم الإسمهم لاعبين ديل قاعدين يلموا فيهم الشباب يدوهم علقة نضييييييييفة
لأمن الواحد يبول في لباسو والله يمشوا زي الخيط وأعدل منو كمان وبعد كدا لو اتغلبوا فدا قدر الله ..
المشكلة يا محمد حامد إنو الوهم الإسمهم لاعبين ديل قدر ما يقلوا أدبم ويعملوا مشاكل الغلط بكون على المرحوم حسب صحافة
المدرجات والعوك عاك .. والغريبة إنو لاعب ممكن عادي يلم ليهو في مشجع يلعن سنسفيل أجدادو ويملاهو شتيمة من تحت لى فوق
وبعد كدا يديهو شلوت شلوتين وبرضو الناس تتعاطف مع اللاعب .. ولاحظ الناس ديل هم ذاتم الجمهور المدقوق منهم واحد ..
الأكيد يا جمعة انو الإنضباط والنظام وحسن السير والسلوك بالنسبة للاعب السوداني زيو وزي العنقاء والغول والخل الوفي .
منغصات ومغايص ما ليها حد لكن الجمهور عايز كدا وأهو عندك المنبر دا أكبر دليل على فساد ذوق المشجع الرياضي .
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: طلحة عبدالله)
|
تعرف يا طلحة اللاعبين السبب فى فسادهم ، المشجعين من (ضباط الشرطة ) عادى جدا ممكن اى وهم منو يعمل اى حاجة واضمن ليك (الحراسة ) ما بخشها ، الكابتن ممكن يجى ويقعد فى مكتب الضابط المناوب ويخلف رجل على رجل ، والتعليمات من فوق (طبعا فى كمية فرقاء ولواءات فى الاندية اسكت ساى ) ، هسة فى زول صاحبنا اسمو (هابمو ) دا لقب طبعا ، مرضان شيشة ، دا يوماتى متلتنا واره فى الضمانات ، وفكوه يا جماعة ، ويوماتى من الحراسة للسجن (بتهمة تعاطى الشيشة ) وندفع الغرامة ونفكو الضهر ، المساء يضربو يقولو قبضوه فى الكشة وناسك بشربوها فى نمرة اتتنين عينك يا تاجر وبلبس الفريق ، والرداء قصير ، والحكومة عاملة رايحة ، الحكومة ، الولاية ، الشرطة كلهم فلاحتهم فى هامبو والزيو وناس المريخ والزيهم حلال ليهم ....تف ياخى
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: محمد حامد جمعه)
|
تف دي مالا صغنتوتة وحنينة كدا يا محمد ؟؟ أملا خشمك كويس ياخ ..
يا محمد حامد بصفتك مؤتمر وطني تفتكر الواقع الكروي البائس دا ما ح يكون ليهو علاقة سالبة جدا على إستقرار الحكومة ؟؟؟
أكيد ح يكون يا جمعة لأنو لما الجمهور دا يمل ويصيبو الإحباط ح يخلي الحاجة الوحيدة الشاغلاهو .. وتعال شوف لما كمية مهولة
من الجمهور يكون ما عندو مصدر ترفيه وقضاء وقت ..... عدم اهتمام الحكومة بالواقع الكروي دا أنا بعتبرو غباء سياسي يا محمد ولو
جاءت مصيبة للحكومة ح تكون بى سببو (اللي هو الواقع الكروي المأزوم دا ) .. اتحركوا يا جمعة .
الحكومة المفروض تشوف شغلا وتضاعف جهودا عشان يكون في كورة في البلد .. وطبعا البداية تكون بفرض الانضباط وتطبيق نظام
الاحتراف إلزامي على الجميع وأول حاجة تبدأ بيها تأديب وتهذيب أي لاعب كورة ليكون في المقام الأول قدوة للجمهور في أخلاقو ومظهرو
وحسن سيرو وسلوكو ...
هسع عليك الله لو زي علاء الدين شلاليت دا كان قدوة للجمهور ما البلد دي خلاص غاصت عميق جدا في الوحل .
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: محمد حامد جمعه)
|
Quote: لفوضى تضرب معسكر المريخ..واللاعبون مابين ستات الشاي والسوق العربي (منذ 6 يوم)
افادت صحيفة عالم النجوم ان معسكر المريخ بفنق ابشر بلا رقيب ولا حسيب مشيرةً الى خروج اللاعبون بصفة دائمة لتناول الشاي وهم بزي المريخ في اوقات يفترض ان يخلدوا فيها للراحة وهم مقبلين على مباراة شرسة على الصعيد المحلي امام الاهلي شندي واخرى افريقية امام ليبولو الانجولي تستوجب التهيئة النفسية والبدنية
واضافت الصحيفة ان عددا من نجوم المريخ كانوا يتجولون يوم امس بالسوق العربي للتبضع والتسوق في المفترض بهم الخلود للراحة استعدادا للمران الرئيسي لمباراة الاهلي شندي
|
http://www.almshaheer.com/article-130095-%D8%...B9%D8%B1%D8%A8%D9%8A
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: محمد حامد جمعه)
|
الأخ محمد حامد...
تساؤلك مشروع عن الفوضى التى تضرب معسكرات انديتنا و فرقنا التي تشارك في المنافسات المختلفة... و لكن السؤال المهم لماذا نتوقع ان يكون الوضع في معسكرات الأندية الرياضية كالهلال و المريخ و المنتخب استثناءا بحيث نتوقع أن يسودها النظام و الانضباط !! فالبلد على جميع مستوياتها تعمها الفوضي و غياب الانضباط و الالتزام بالمعايير المهنية و الاخلاقية، فأنا شخصيا لا ارى ما وصفته غريبا بل كنت سأتعجب جدا اذا وصفت لنا وضعا معاكسا في المعسكر.
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: مجدي كنة)
|
Quote:
يعنى نجيب حامد صديق يلعب قشاش للهلال والمريخ عشان ما يترشو
|
لا يا محمد حامد ما تجيب حامد صديق .. لكن بصفتك سلطة وفر المقومات
وأوجد المناخ البخليهم ما يترشوا ..
المناخ والمقومات ديل في مقدمتهم طبعا الانضباط والنظام عشان ناس علاء الدين
شلاليت ديل لما يمارسوا خمجم دا يلقوا الزول البحسم بدون ما يخاف من ناس الشرطة
القلتهم فوق ديل .
أظنك متفق معاي إنو أس المشكلة هي الصعلقة الحاصلة دي ؟؟ وتييييييب ياخ .
| |
|
|
|
|
|
|
|
|
|
Re: معسكر المريخ فى (ابشر ) سهر وشيشة ! (Re: حيدر حسن ميرغني)
|
عارف يا طلحة ومن قبله يا ود جمعة انا قصة الإنضباط والسهر وقلة الأدب بقوول ما مشكلة وأقلاه نحن السودانيين ديل ويا قول بربيكان هذه حياتي..
السهر وقلة الأدب بالنسبة لي ثقافتنا حقت الكورة فقط بتقلل عمر اللاعب في الملاعب لكن على مستوى ال90 دقيقة عمرها ما كانت مشكلة ..
العشوائية ضاربانا منننن الخمسينات والستينات ولاعبونا يتفاخرون وهم في برامج تلفزيونية يتونسو لينا زمااان كنا بنتلم لاعبي الهلال والمريخ سوا في بيت واحد من اللاعبين بعد ما نجي من الشغل ونضرب الكسرة بالملاح عند أمنا منو كده وبعد داك نمشي الإستاد مع بعض نلعب في الميدان كما الأعداء ثم بعد نهاية الكورة نتلاقا بالليل عند ناس منو كده ونساااهر ونتعشى وننسى هموم الكورة ..
أها نحن الونسة دي قاعدين نتفاخر بيها ونصفق ليها ونقول يا سلااام بالله شوفو كورتنا زمان كانت كيف ونحن ما عارفين إنو البنشوف فيهو أسة ده إمتداد طبيعي للورثناهو من زمان مع إختلاف المواقع بتطور الزمن وبدل ما نتلاقا عند أمنا فلانة في بيتهم بنتلاقا في الفنادق..وبدل ما نساهر ونتونس في ضل العمود وباقة العرقي تحتنا بنساهر ونتونس في الريسيبشن والشيشة في ركن ..وبدل ما نطفي البنقوية قبل ما ندخل الميدان بي ثواني بقينا نديها حبوب منشطة ..
كورتنا يا طلحة صدقني ما مفروض نقيسها بالعلمية والواقعية ومفروض نعمل شنو ونسوي شنو عشان نصلحا..
كورتنا دي نخليها كده بس يوم في الطالع يومين في النازل.. الليلة نطلع نضرب البوري في المحطات ونهلل بإسم اللاعبين..بكرة نفففس اللاعبين نلعن أبو أمهات أخلاقهم ونفلقهم بي الشباشب ..
| |
|
|
|
|
|
|
| |
محمد حامد جمعه
زول ساكت
الحاج حمد الحاج
سليمان القرشي
aosman
عبدالمجيد المقابل
خالد عبد الله محمود
طلحة عبدالله
omer osman
حيدر حسن ميرغني
ياسر منصور عثمان
مجدي كنة
عبد الحكم ابراهيم الحاج
عمر الفاروق
فيس بوك
تويتر
انستقرام
يوتيوب
بنتيريست