كتب الكاتب الفاتح جبرا المتوفرة بمعرض الدوحة
|
|
 نيابة عن الشعب المصرى أشكر الرئيس البشير
|
شكرا سيدى الرئيس ..
لقد عرفناك شجاعا صنديداً مدافعا عن قضايا الامة
العربية والاسلامية أين ما كانت وكيفما كانت ..
شكرا يا خادم القران لوقفتك الصلبة مع ضعفاء العالم
وشعوبه الكادحة ..
شكرا سيدى الرئيس ..
سير سير يا بشير
هى لله هى لله
ناكل مما نزرع
ونلبس من اى حته تعجبنا
الويل للمعارضة فى حوش بكرى وما جاوره
|
|
  
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
سيدى الرئيس المجد والخلود لك والذل والهوان والفناء لهذا الشعب العجيب
يا سيدى يا خادم القران لقد عرفناك كريما جوّاد تعطى بلا حساب لا تخاف
حتى من ربنا .. اى والله سيدى الرئيس ..
بالامس القريب لقد أكرمت الفريق القومى المصرى كرماً تحدثت عنه الركبان
واليوم يا سيدى الرئيس أراك تجاوزت حاتم الطائى فى كرمك للشعب المصرى
الشقيق ..
سيدى الرئيس ان شعب السودان اذا شبع انقلب عليك , رجاءاً لا تشبع هذا الشعب
وارى ان تخفض الراتب من 1800 دولار فى الشهر ل 1500 دولار فقط ..
وهذا يكفى جداً .
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
اتفق الرئيسان السوداني عمر البشير والمصري الدكتور محمد مرسي، مساء الخميس، على رفع تمثيل تمثيل اللجنة المشتركة بين الجانبين لمستوى الرؤساء من أجل ترقية علاقات البلدين وتعزيزها، ومنح البشير مصر قطعة أرض صناعية بمساحة مليوني متر مربع.
وأكد البشير في كلمة ألقاها في جلسة المباحثات المشتركة حرص بلاده التام ودعمها الكامل لاستقرار مصر واستعداده لتسخير كافة مقدراته البشرية والمادية لتحقيقه.
كما أكد حرص بلاده كذلك على بناء علاقات استراتيجية مع مصر تقوم على أرضية صلبة من التفاهمات والاتفاقيات والآليات المشتركة الفاعلة تمكنهما من مواجهة التحديات وتجاوز الصعوبات الماثلة.
وقال الرئيس البشير"إن ما يعتري مصر يضار منه السودان"، مشيراً إلى تطلع السودان لأن تستعيد مصر أدوارها الإيجابية والفاعلة في المنطقة بعد أن أصابها الركود لفترة طويلة خدمة لمصلحتها ولمصلحة دول المنطقة.
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
أنتو الرئيس ده مفتكر السودان ده حقو على كيفو يبعزق فيهو ..؟
| Quote: ومنح البشير مصر قطعة أرض صناعية بمساحة مليوني متر مربع. |
يعنى ياريت كانت زراعية كان شوية ضررها اقل ..
تخيلوا منطقة صناعية ومخلفات هذه المدينة الهائلة علينا دعك من الضجيج والازعاج ..؟
هل هذا رجل رشيد ..؟
توقعنا أن يباصر مرسى ويقلع منو حلايب بى أخوى وأخوك يقوم يديهو 2 مليون هوادة فوق حلايب ..؟
ياخ حاتم كان بكرم من جيبو لكن يا عمنا تكرم من جيب الشعب والشعب محتاج كرم دى ما سمعنا بيها ..!!
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
طيب يا سعادة الرئيس نجيك بى درب الدين وما أظن أنت عندك دين ..
قال رسول الله صلى الله عليه وسلم :( كلكم راع وكلكم مسئول عن رعيته ) وللحديث بقية ..
طيب انت يا سعادتك عارف فى ناس ما لاقيه ارض عشان تسكن .. فى ناس ساكنه فى
كراتين .. فى ناس ساكنه فى عشش .. فى ناس ساكنه فى بيوت تحت الانشاء .. بالله عليك
ديل مش رعية ..؟ أديهم مية متر بس ياخ
انت ما سمعت بى مقولة عمربن الخطاب (لو عثرت بغلة فى العراق لخفت اله ان يسألنى لماذا لم
تمهد لها الطريق يا عمر )
ده عمر الكان بشيل فوق ضهرو ويطعم الشعب .. انت زول رئيس ومش معقول تبقى زى
عمر و ت و س خ ضهرك .. لا .. انت أدى الناس التحتك تعليمات عشان يشوفوا الجعان مين ..؟
مش الشعرو طويل مين ..
أعرف أنك وزبانيتك لا تخافون الله والله لا يخافكم لكن الشعب يخاف الله ويخافكم ايضاً
لما اذيتموهو و جوّعتموه وشردتوهو ..
لا أقول لكم أتقوا الله لانكم لا تتقوه بل أقول لكم أختشوا أو كما قال دينق
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
| Quote: إلى ذلك أعلنت مصر عن إنشاء منطقة صناعية في جنوب السودان بمساحة مليوني متر مربع تخصص للتصنيع الزراعي، وأبدى رئيس الوزراء المصري استعداد مصر للمساهمة بكل ما تملك من نفوذ في تحسين العلاقات بين الخرطوم وجوبا |
يا صادق ..
الرئيس داير يقول الجنوبيين ما (أكرم) مننا ...
أدوهم 2 مليون نحن نديهم 2 مليون برضو ...
.................................
..................
الإقتباس أعلاه ..من تقرير حول زيارة رئيس الوزراء المصري هشام قنديل لجنوب السودان - صحيفة الشرق الأوسط
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: مجاهد محمد عباس)
|
سيكا
صباحاتك خير
وجمعة مباركة طيبة
| Quote: تخيلوا منطقة صناعية ومخلفات هذه المدينة الهائلة علينا دعك من الضجيج والازعاج ..؟ |
كونك تقرأ وتفهم وتجيب الكلام البيخدم بوستك، دي مصيبة
واذا كنت بتقرأ بدون فهم تبقى دي مصيبتين
| Quote: جوار (مصفاة الجيلي) شمال العاصمة الخرطوم |
الاتنين مليون متر دي داخل منطقة صناعية مخططة اصلاً، ومساحتها حسب ما اذكر 25 مليون متر مربع (5كلم في 5كلم)
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
يا مجاهد
Quote: يا صادق ..
الرئيس داير يقول الجنوبيين ما (أكرم) مننا ...
أدوهم 2 مليون نحن نديهم 2 مليون برضو . |
ياريت كان اداها للجنوبيين ما كان فى مغسة ..
يشاكلوا الجنوبيين فى مترين فى الحدود ويدوا المصريين حلايب
بلد بى حالا وفوقها هوادة 2 مليون كيلو متر مربع تأمل يا ملاسى ..
غايتو يا مجاهد بلد عايره والسوط نازل فوق ضهرنا
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: الصادق سيكا)
|
حبيبنا الباشمهندس الشفيع
Quote: سيكا
صباحاتك خير
وجمعة مباركة طيبة
Quote: تخيلوا منطقة صناعية ومخلفات هذه المدينة الهائلة علينا دعك من الضجيج والازعاج ..؟
كونك تقرأ وتفهم وتجيب الكلام البيخدم بوستك، دي مصيبة
واذا كنت بتقرأ بدون فهم تبقى دي مصيبتين
Quote: جوار (مصفاة الجيلي) شمال العاصمة الخرطوم
الاتنين مليون متر دي داخل منطقة صناعية مخططة اصلاً، ومساحتها حسب ما اذكر 25 مليون متر مربع (5كلم في 5كلم) |
صباحك عافية ليك انت والمعاك ..
الله يبارك فيك ..
| Quote: كونك تقرأ وتفهم وتجيب الكلام البيخدم بوستك، دي مصيبة |
الكلام البخدم البوست ..؟ هو البوست يا هندسة عن الارض الادوها للمصريين هوادة فوق حلايب ..
ده كل الحاصل .. ولو فى مصيبة اكيد هى عدم استيعاب الفكرة .. بس
| Quote: واذا كنت بتقرأ بدون فهم تبقى دي مصيبتين |
كدى يا هندسة معليش انا زول قد تكون لاحظت انت انا بدون فهم .. انت بى فهمك ده
قعِّد لى الخبر ده وادينى الزبدة .. ان طلعت غير المكتوب فى الخبر ليك على اعتذار يجيك بال DHL
| Quote: الاتنين مليون متر دي داخل منطقة صناعية مخططة اصلاً، ومساحتها حسب ما اذكر 25 مليون متر مربع (5كلم في 5كلم) |
مخصصة لى منو يا هندسة ..؟ للشعب السودانى .؟ ام لشعب مصر الشقيق ...؟؟؟؟
| Quote: جوار (مصفاة الجيلي) شمال العاصمة الخرطوم |
الجيلى دى يا هندسة برضو مش فى السودان الحبيب ..؟
يا باشمهندس لو متر واحد اولى بيهو محمد احمد المسكين ..
البلد دفنوا النفايات والليلة اليوم الناس بقت تموت بالسرطان والنسبة مخيفة
والان مصانع ما حنستفيد شئ غير تلويث الجو نحنا ما ناقصين ..
من حقك يا هندسة تقيف مع الحكومة دى وتبارك سياساتا.. بس ياخى ما تغبِّش لينا الحقيقة ..
سلام يا هندسة ..
| |
|
|
|
|
|
|
|
|
|
Re: نيابة عن الشعب المصرى أشكر الرئيس البشير (Re: منتصر عبد الباسط)
|
Quote: شكرا يا خادم القران لوقفتك الصلبة مع ضعفاء العالم
وشعوبه الكادحة ..
شكرا سيدى الرئيس ..
سير سير يا بشير
هى لله هى لله
ناكل مما نزرع
ونلبس من اى حته تعجبنا |
شكراً ايها الحاكم البليغ الملهم
وانت تدهش الشعوب بعبارتكم الندية
(( شذاذ افاق ))
شكراً سيدي الرئيس وانت حامي حمى دولة المواطنة ومثال نادر للوطنية
(( فاروق ابو عيسى ما عنده قبيله ))
شكراً سيدي الرئيس وانت مثالاً للحاكم الديمقراطي المتقبل للاخر المقنع حد الاقناع برشدكم
(( الحشرة الشعبية ))
شكراً سيدي الرئيس وانت تدافع عن حقوق المرأة وترتفع بها مكاناً علياء
(( انحنا البتفوت حدها بنجلده .. وما بنخاف ))
شكراً سيد الرئيس وانت امين على شعبك رحيم به
(( عدد القتلى في دار فور لا يتجاوز العشرة الف ))
نقطة سطر جديد
تحيييييييييييييييياتي سيكا
| |
|
|
|
|
|
|
| |
الصادق سيكا
فيصل محمد خليل
Hani Arabi Mohamed
الشفيع وراق عبد الرحمن
منتصر عبد الباسط
فرح الطاهر ابو روضة
فيس بوك
تويتر
انستقرام
يوتيوب
بنتيريست