|
|
|
 Re: الجيش الكوري الشمالي مفوض بضرب أمريكا (Re: Elmosley)
|
غايتو يا حمد كوريا الشمالية بقت زي قصة شكل المصريين الشكلة كلها كلام وح اسوّي ليك واعمل ليك وأمك وابوك وعينهم للحجّازة
اليوم داك ضحكت في خبر قال الجيش وجّه صواريخه ناحية اراضي امريكية
هي يا الـ (كيم) بلبن, إنت مقاشر أمريكا من الخمسينات وهي خاته كم وتلاتين الف جندي و قواعد وقيامة رابطة على بعد خطوات و انت يا داب عايو توجّه الصاواريخ وتصرّح للجيش يضرب
بقت عليه قصة الخاتي سكينه لليوم الأسود
| |
  
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: Elmosley)
|
مرحب أستاذ موصلي
Quote: لكوارته ديل عورا ولاشنو
قنبلة نيوترون واحده تخلي ريحتهم مافيشه |
عوارة فايتة حدها
لكن لو قصدوا يعوقوا أمريكا بعوقوها ياخي في 75000 ألف جندي في هاواي واليابان وديل طبعا تكله من كوريا
بس لو هبشوهم أمريكا بتمسح بيهم الواطة
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: حمد عبد الغفار عمر)
|
هلا محمد البشرى
Quote: هي يا الـ (كيم) بلبن, إنت مقاشر أمريكا من الخمسينات وهي خاته كم وتلاتين الف جندي و قواعد وقيامة رابطة على بعد خطوات و انت يا داب عايو توجّه الصاواريخ وتصرّح للجيش يضرب
بقت عليه قصة الخاتي سكينه لليوم الأسود |
يا زول هي السكين ذاتها الليلة بخشمو قال ما بتقدر تحصل أمريكا
كل الشغلة صواريخ متوسطة المدى ما بتحص نص مسافة أمريكا بس هم كايسين ليهم سبب مع كوريا الجنوبية
أمريكا دي بي فوق كلاما قاسي وهسة الأمريكان ديل تلقى يدهم بتاكل فيهم عايزين ليهم محل تكون بعيدة يجربوا فيها القنابل النيوترونية دي
| |
|
|
|
|
|
|
|
|
 Re: الجيش الكوري الشمالي مفوض بضرب أمريكا (Re: smart_ana2001)
|
طيّب إذا افترضنا إنّو كوريا الشمالية هرّاشة ساكت كدا على حسب بعض المُداخلات ...
وعشان نقتنع إنّو ما عندها حاجة زي الكورة السودانية ...
المطلوب من أمريكا تضرب ليها غنماية كورية شمالية بصاروخ ...
ـــــــ
ممكن بعدها نعرف الطّفى النور منو
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: صبري طه)
|
Quote: طيّب إذا افترضنا إنّو كوريا الشمالية هرّاشة ساكت كدا على حسب بعض المُداخلات ...
وعشان نقتنع إنّو ما عندها حاجة زي الكورة السودانية ...
المطلوب من أمريكا تضرب ليها غنماية كورية شمالية بصاروخ ... |
امريكا دى مشكلتها مشكلة...تضرب الناس تزعل.
ما تضرب...الناس برضو تزعل.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: smart_ana2001)
|
هلا سمارت
رغم إني متعقد من المذيعين الأمريكان ديل وكتير ما بفهم بيقولوا شنو 
لكن القدرت أفهموا و بمصاحبة الصور الزول دا هزأ بيهم
أمريكا ممكن تنضرب جزئيا يا سمارت وممكن تنضرب ليها قاعدة جوية أو وحدة عسكرية في مكان ما
لكن مسألة إنها تخش حرب شاملة وتخسرها دا بالعقل كدا ما بيحصل إلا تتدخل غيبيات
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: رحمه فضل المولى عجك)
|
حمد يا فنان
كيفك
دا كلام شنو دا?
| Quote: لكن مسألة إنها تخش حرب شاملة وتخسرها دا بالعقل كدا ما بيحصل إلا تتدخل غيبيات |
بالمناسبة بمنطق الحروب, امريكا خسرت في العراق و في افغانستان, و بس اسمع كويس للمرفه الفي الفيديو الفوق دا!
كوريا تملك صواريخ عابرة للقارات قادرة على حمل رؤوس نووية, و نحن في غرب امريكا في خطر حقيقي لو الكوريين ركبوا رأسهم,
لكني اعتقد انهم عايزين يعززوا موقفهم التفاوضي لوقف حملات المقاطعة الاقتصادية ضد بلدهم.
امريكا ماخدة التهديد بشكل جاد, و حركت بطاريات مضادة للصواريخ لحماية غرب الولايات المتحدة.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: عبد الحفيظ فخر الدين)
|
هلا صبري
Quote: وعشان نقتنع إنّو ما عندها حاجة زي الكورة السودانية ...
المطلوب من أمريكا تضرب ليها غنماية كورية شمالية بصاروخ ...
|
بمناسبة الكرة السودانية دي صدقني أنا في السنوات الأخيرة دي كنت بفرح بس لما المريخ ينهزم
تاني ما عندي أي أحاسيس قوية تجاه النصر أو الهزيمة
لكن أمس لما الهلال جاب الثالث طلبت واحد شاي لما الفريق الغاني سجل ما قدرت أكمل الكباية وأول مرة أحس بحسرة كاملة وألم حقيقي على الكرة السودانية
وإنو نحن شعب أصلا ما ممكن يحافظ على مكتسباتو
بنفس القدر دا ممكن يحصل لكوريا فبناء خمسين عاما لكيم أيل سونغ حافظ عليها بتكتيك عالي الدقة وحنكة سياسية هائلة هسة الزول دا عايز يخربوا في ثواني عن طريق صاروخ طايش ممكن يرسلوا في إتجاه أمريكا
ويتسبب في هلاك كوريا
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: حمد عبد الغفار عمر)
|
كيفك يا بدر الدين
| Quote: المناسبة بمنطق الحروب, امريكا خسرت في العراق و في افغانستان |
ياخ ما تاخدك الجهوية ساي
وأنا ما بتكلم بمفهوم الأرباح والخسائرة الشامل يا بدر
صاح أمريكا لم تحقق ما كنت تصبو إليه من غزو العراق وأفغانستان لكن كمعركة عسكرية كسبت وبأسرع وقت
ياخ القوات الأمريكية دخلت بغداد دي كأنها داخلة فندق رغم إنو المسألة كانت قوات مشاه مع شوية طيران وكانت بتحارب بحذريعني لو فكت ليها قنبلة نيوترونية واحدة بس كان الرشاش حصلنا في السودان
لكن المسألة لو جابت ليها عوارة ورؤوس نووية عيييك
والله كوريا دي تاني إلا في كتاب الجغرافيا حتى تنشاف
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: حمد عبد الغفار عمر)
|
مرحب عبد الحفيظ
Quote: كوريا الشمالية ستُزيق هذه الأمريكا ويلات الحروب
فعلى أمريكا أن تعرف أن هؤلاء ليسوا ( عرباً ) |
امريكا دي قاعدة تهزم من طرف لا بتعرف عربي ولا جامايكي
عندك اليابان في رمشة عين مسحت بمدينتين الأرض وخليك ملاحظ الكلام دا سنة 1945
هسة تكون كيف ؟
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: صبري طه)
|
فنانا حمد
تحيات
| Quote: ياخ القوات الأمريكية دخلت بغداد دي كأنها داخلة فندق رغم إنو المسألة كانت قوات مشاه مع شوية طيران وكانت بتحارب بحذريعني لو فكت ليها قنبلة نيوترونية واحدة بس كان الرشاش حصلنا في السودان |
جهوية شنو يا حمد?
انا مواطن امريكي, و لست عراقيا و لا افغانيا.
يا حمد, هناك حاجات شفناها نحن هنا, و انتم لم ترونها. فانتم رأيتم عساكر يحتفلون بانتصار سريع في شاشات التلفزيون, و نحن رأينا امهات اولئك العساكر يولولن لتزيد الحكومة تدريع دباباتهم المدرعة اصلا اتقاء لهجمات العراقيين و الافغان.
عموما الوضع مختلف الان, كوريا لديها سلاح لم تمتلكه اليابان و لا المانيا و لا العراق و لا افغانستان, و لن تستطيع امريكا المخاطرة.
الحل الوحيد مع كوريا هو ان تعترف امريكا بان للشعوب الاخرى في الارض حق اختيار نظمها الاقتصادية-السياسية كما تريد و تترك تحويل تلك الانظمة للديمقراطية لشعوب تلك البلدان.
فرض عقوبات اقتصادية هو اعلان للحرب.
و امريكا هي التي تضيق على كوريا و ايران و فنزويلا و كوبا و غيرها الخناق بالعقوبات الاقتصادية الظالمة, و امريكا نفسها لن تسكت لثانية واحدة لو تم فرض عقوبات اقتصادية تهدد حيواتنا كمواطنين و تدمر الاقتصاد و ترجعنا للعصور الوسطى.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
يا صبري وبدر الدين
يا جماعة حكاية كوريا قوية نوويا دي أنا ما مشكك فيها
بس أمس وزير الدفاع (مسئول آخر) ما متذكر قال نحن ما عندنا سلاح طويل المدى ممكن يضرب أمريكا
وحتى لو دا في نفترض كوريا أرسلت صواريخ ضربت جزء من الأراض الأمريكية الشاسعة
طيب ثلاثة قنابل أمريكية ممكن تنتهي من حاجة أسمها كوريا
ول كيف؟
يا بدر أنا بقصد جهوية الفكر
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: حمد عبد الغفار عمر)
|
حمدنا الفنان
ليس بالضرورة تهديد امريكا مباشرة, و لكن تهديد النصف الاخر من كوريا الذي يحوي استثمارات امريكية ضخمة جدا و ايضا تهديد المصالح الامريكية في تلك المنطقة من اسيا, ممكن يوقف اقتصاد العالم و يدفعه لركود لا يعلم الا الله متى يخرج منه العالم بعد ذلك.
ليس الخوف من القنابل, و انما الخوف من الاثار الاقتصادية.
عارف قنبلة واحدة على اي مدينة رئيسية في غرب الولايات المتحدة يعني انهيار كامل للاقتصاد الامريكي, و اظنك تتذكر سبتمبر 11, فانهيار مبنى مركز التجارة ارسل الاقتصاد الامريكي في ثبات لم يفق منه حتى الان.
بعدين كلنا شفنا الصواريخ عابرة القارات بتاعت كوريا, يعني دي ما موضوع خلاف.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
اها يا حمد شوف الغلطان منو?!!!!
اجرت امريكا و كوريا الجنوبية مناورات و استخدمت فيها طائرات شكلت تهديد لأمن كوريا الشمالية مباشرة!
تقول لي جهوية يا حمد ياخ?
The U.S. and South Korea stage joint military exercises every year around this time, and North Korea always gets upset. This year, there's a new leader in the North, determined to make an impression. So the U.S. and South Korea decided it was important to "signal" their readiness to respond to hostile action and the exercises included an especially dramatic show of force with stealth bombers.
The reaction from the North has been especially aggressive.
http://www.npr.org/2013/04/06/176407333/tensi...tm_campaign=20130406
The U.S. military is making no secret about a training flight by a pair of nuclear-capable B-2 stealth bombers from a base in the American Midwest to the Korean Peninsula — what's being described as an "extended deterrence mission."
The flight of the two radar-evading bombers "demonstrates the United States' ability to conduct long range, precision strikes quickly and at will," the United States Forces Korea said in a press release Thursday.
http://www.npr.org/blogs/thetwo-way/2013/03/2...ver-korean-peninsula
زمان الشاعر قال قولته المشهورة "باسم الدين و الصرفيكان اي عوج مبدي و مختوم" .
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
حمد وضيوفه الكرام
الخطر الحقيقي على امريكا اقتصادي بحت و كوريا في رأيي ليس لديها ما تخسره
اقتصاديا و هي تستطيع التكيف مع الأزمات بعكس الشعب الامريكي المدلل !!
الوضع الاقتصادي مترنح لأمريكا والعالم .
و الواضح انها عملية ابتزاز عالمية من كوريا الشمالية وترسيخ لحكم الطفل المعجزة !!
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: محمد يوسف طه)
|
.. هل يوجد حراشين..
روسيا.. الصين.. (مثلاً)
ووعود مشفرة جداً.. بخوض حرب.. أو دفع تكاليف..
والضحية الشعب الكوري الشمالي.. والمكسب.. انهيار أمريكا بجرها لحرب .. قد تستنزف ميزانيتها المستنزفة أصلاً..
أنا غايتو ما أستبعد الحرب الاقتصادية.. بين الصين وروسيا من طرف.. وأمريكا من طرف ثاني..
والاستعداد وتحريك البطاريات.. برضو مكلف..
والكسبان الجوز الفوق ده..
| |
|
|
|
|
|
|
|
|
 Re: الجيش الكوري الشمالي مفوض بضرب أمريكا (Re: smart_ana2001)
|
اسمارت انا
سلام
ليه معلومتي غير صحيحة?
كدي شوفي هنا
In December, North Korea launched a long-range rocket, which Washington and its allies took as a provocation.
In February, Pyongyang tested a nuclear charge, triggering international outrage, including from allies Russia and China. The United Nations increased sanctions against North Korea as a result.
South Korea reacted with emergency military drills, demonstrating cutting-edge, pinpoint weaponry. Annual joint drills between the U.S. and South Korea followed in March.
http://www.cnn.com/2013/04/06/world/asia/kore...-tensions/index.html
http://www.thesun.co.uk/sol/homepage/news/pol...d-Cameron-warns.html
Now that the Stalinist hermit-state has successfully tested long-range missiles and atomic weapons, though, such statements have to be taken seriously.
http://www.forbes.com/sites/lorenthompson/201...rth-koreas-missiles/
و بعدين يا اسمارت, ما تفكري في قنبلة نووية زي العملتها امريكا السنة الفاتت, فكري في واحدة زي الرمتها امريكا على اليابان في اربعينات القرن الماضي, رأيك شنو لو تم ارسال واحدة لشواطئ امريكا?
الكوريون عندهم تكنلوجيا لعمل قنبلة زي ديك, و بالمناسبة هي تكنلوجيا ساهلة جدا ارجعي لاي كتاب فيزياء و ما بتصدقي, الصعب هو التخصيب .
و برضو الخوف من ما يسمى القنابل النووية القذرة dirty bombs و هي اكثر تخلف من قنبلة هيروشيما و ناجازاكي, لكنها كافية لخلق خلل في العملية الاقتصادية في الغرب المنهك اصلا, و دا الخطر الحقيقي.
انا برضي ارجو اني اكون في امان من كوريا الشمالية و بلاويها في كاليفورنيا و في امريكا, لكن المهم ليس اماني انا و لا انت كشخصين, و انما امان العالم.
و لو كان همنا امان العالم, لازم نكشف من هو المتعدي, و في حالتنا دي بلدنا (امريكا) هي المتعدية, لانها ارسلت طائرتين نوويتين لداخل كوريا الشمالية. و اكثر من ذلك اصرارنا المخل ان ترضخ لنا كل دول العالم, و الا فسنسلط عليها حرب اقتصادية او حرب حقيقية كما كان في العراق و افغانستان.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
اسمارت انا
ليه لو كنتي امريكا تقولي "لي" انا كوريا و للا الاتحاد السوفيتي? انا مواطن امريكي تهمني سلامة بلدي زي و زي اي امريكي لكن ما بدس النصيحة ههههههههه
الاتحاد السوفيتي لم ينهار امام امريكا, و انما انهار لمشاكل داخلية, لكن لحدي الان امريكا لا ترجو ان تدخل في حرب نووية مع روسيا و ايضا لا ترجو ان تدخل مع كوريا او ايران.
كلامك دا كلام زول لا بعرف سياسة و لا حاجة, انت قايلة السياسة اي فون و لا شنو?
هههههههههههه (ما تزعلي عليك الله, بهاظر)
اي حرب نووية, مع اصغر دولة في العالم او حتى عصابة مثل تنظيم القاعدة, ستكون عواقبها وخيمة جدا على الاقتصاد الامريكي. لأن شركات التأمين ستنهار تماما امام التكاليف الباهظة لدفع اي تعويضات (بالمناسبة في الحادي عشر من سبتمبر شركات التأمين اعادت تحميل تكاليف اعادة بناء البرجين على المسلمين في امريكا, و لو عايزة تعرفي اسألي اي سواق تاكسي في امريكا حيث ارتفع تأمين سيارة التاكسي من حوالي مئة و عشرين دولار في الشهر لخمسمية دولار في الشهر بعد اسبوع فقط من الاحداث و استمر لمدة عامين او اكثر و المعروف ان اغلب سائقي التاكسي في امريكا من دول عربية و اسلامية)
و مش بس شركات التامين, برضو التأخير في حركة الطيران و المواصلات و النقل و الاعمال, ستكون تكلفتها قاصمة للظهر.
دعينا نرجو الله ان تعدي هذه الحالة بسلام.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
سلامات أخ بدر الدين.
انا فعلا ما بفهم في السياسة.
خلينا ننتهي من موضوع ان( كوريا عندها صواريخ عابرة للقرات قادرة علي حمل قنابل نووية.) ده. لانه ما عاوز معرفة في السياسة. :) . لانه ما حاصل. و ده اللي انا قلت عليه انه ما صحيح.
كونه ان كوريا ممكن تحرك طائرة من كوريا لحدي سواحل أمريكا و ترمي قنبلة و ترجع و ما في زول يسألها ده موضوع صعب شديد. و انت بتكون سامع عن الرادارات و حاملات الصواريخ اللي اتخت في المحيط قبل أيام.
كون أنهم يصدعوا بأمريكا فده حاصل الان. و كل الكلام حول شركات التامين و الاقتصاد ممكن يكون صحيح.
و كلامك حول عدم رغبة أمريكا الدخول في حرب، ف أكيد أمريكا ما عاوزه تدخل في حرب. ما في زول بيكون عاوز يدخل في حرب.
أما عن الاتحاد السوفيتي، ما تبالغ يا أخي :)
الأمريكان تعبوهم و تعبوا اقتصادهم بسباق تسلح و سباق للفضاء. لكن بيني و بينك الشيوعية براها كافية أنها تخسف بيهم و باي اقتصاد الأرض. حتي لو بعد سبعين سنة. :)
كلامي بتاع been there done that كان لعوض ، ما ليك.
المشكلة في الحرب مع كوريا دي ان أمريكا ما ح تبدأ حرب. لكن لو كوريا الشمالية عملت اي حاجه غبية، ح يوحشونا. أمريكا ح تمسحها مع الأرض. و اللي اتعمل في ألمانيا و في اليابان ح يكون بسيط جدا مقارنة باللي ح يحصل الان.
لانه الأمريكان عارفين انه دي ما العراق. و ما يحلموا حتي يلقوا زول ذي كارازاي او المالكي في كوريا الشمالية. مفروض لو دخلوا في حرب يهدوا البلد نهائي.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: smart_ana2001)
|
اسمارت انا
سلامات
يعني الروابط الانا جبتها فوق ديك, ابلها و اشرب مويتها?
ياخ الروابط دي كلها بتتكلم عن ان لدى كوريا الشمالية تملك صواريخ عابرة للقارات, و اكثر من كدة انا شخصيا و بعيوني التي سيأكلها الدود, شفت تجربة الصاروخ في التلفزيون الامريكي و ما اظني كن حلمان.
كانت هناك تجربتان; الاولي سبقت الثانية بعدة اشهر, و فشل فيها اطلاق الصاروخ حيث انفجر و سقط في المحيط. اما الثاني, فقد نجح اطلاقه, حتى ان اليابان كانت تفكر جادة في اسقاطه, لكن يبدو ان الغرب كان يريد يستوثق من مقدرة كوريا على اطلاق الصاروخ.
برضو انا لم اقل بتاتا انه ليست لامريكا رغبة في الحرب ضد كوريا, فالواقع يقول ان امريكا هي التي بدأت بالحرب و شقت كوريا لدولتين, و ترابض على بعد امتار من حدود كوريا, و هي ايضا التي تعدت على الحدود بارسال الطائرتين في الحادثة التي ادت للتصعيد الحالي.
فمن ناحية ان هناك رغبة, هناك رغبة, لكن التوازنات في تلك المنطقة دائما كانت حائل, و الان وجود قدرات نووية و صاروخية لدى كوريا الشمالية يحد كثيرا من تحقيق تلك الرغبة.
قصتنا هي زي قصة الكديسة التي حاولت مرارا الوصول لحبل الشرموط المعلق, و لما غلبت حيلة قالت "ها منو الداير ياكل لحم عفن"! هههههههه
NORTH Korea's ability to hit Australia with a missile was real but unlikely, Australia's Department of Defence warned Canberra late last year.
It also warned in the 150-page 2013 Defence white paper that such a missile may soon be capable of carrying a nuclear warhead.
"North Korea continues to expand its missile arsenal, including developing an intercontinental ballistic missile that may be able to deliver a nuclear warhead to the US," the draft white paper says.
"This system could also theoretically target parts of Australia, but it is highly unlikely North Korea would choose to do so."
Evidence of this capability was soon forthcoming.
On December 12 last year, North Korea announced it had tested an experimental rocket capable of carrying a 500kg payload over 10,000 kilometres.
The three-stage Unha 3 was used to boost a satellite into orbit. Its path took it over Australia.
This is a significant improvement over its current long-range missile, the Taepodong 4, which can cover some 6000km - with Darwin within its reach.
http://www.adelaidenow.com.au/news/national/d...cz7kyc-1226612307509
----
(عدل بواسطة بدر الدين احمد موسى on 04-07-2013, 04:07 AM)
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
بدر الدين يا أخي انا قلت ليك موضوع الصواريخ براه، و موضوع القنابل النووية اللي بتتشال في الصواريخ ده براه. الصواريخ نجحت ( او شاكين أنها نجحت). الرؤوس النووية اللي بتتشال في الصواريخ دي بدري عليها.
جيت قلتا ما بيحتاجوا للرؤوس المتطورة دي، ممكن يرموا قنابل بطيرات. قلت ليك ما عندهم طريقة. بس.
هسي انا عاوزه ارجع لكلامك بتاع تكلفة تأمين عربات التاكسي. ممكن؟
تعرف كلامك ده ذي شنو؟ ذي اجي أقول ليك ان أمريكا دفعت الفيتناميين مصاريف ( اي شيء، ان شاء الله حرب فيتنام) لان رخصة فتح محل منكير و بدكير ذادت في الفترة الفاتت و معروف انه المحلات دي ماسكينها فيتناميين!!!!
يا بدر الدين يا أخي كلامك ده كلام زول ما بيفهم في الاقتصاد. :)
لما التكلفة بتاعت البزنس تزيد انت تزيد سعر المنتج بتاعة طوالي. Pass التكلفة للزبون. كل الناس بتعمل كده. أكيد بزيادة التامين ذات تكلفة ركوب التاكسي علي المستهلك.
عشان ما نبقي بنتكلم ساي و منو خاتي علي منو، خلينا نكتب أصلا موضوع الكوريتين ده بدا متين و ليه. و لو انا ما بفهم في السياسة و انت ( باين انك) ما بتفهم في الاقتصاد. خلينا نشوف الفهم في الجغرافيا و التاريخ. :)
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: smart_ana2001)
|
اسمارت انا
سلامات
| Quote: انت ( باين انك) ما بتفهم في الاقتصاد |
.
معقول اني يمكن ما اكون فاهم اقتصاد? هههههههههههه
لعلمك انا درست الاقتصاد تقريبا بكل انواعه من المبادئ العامة principles of economics لغاية الاقتصاد الكلي macro and micro economics و نهاية بالادارة و التسويق management and marketing و ضيفي الاقتصاد السياسي و خلافه!
مثال التأمين و حادثة سبتمبر الفن دي حقيقة, و لو بتتذكري رمسفيلد قال اننا حا "ندفعهم" على داير المليم.
الفرق بين مثالك و مثالي انه زيادة تكلفة التأمين على اعمال المسلمين جاءت مباشرة بعد الاحداث, و استمرت لغاية الفين و ستة 2006 اما مثال المنكير فهو ايريليفنت!
For commercial property and casualty insurers, the World Trade Center disaster was what actuaries call an "extreme event." Insured losses are still unknowable, but they are estimated at $30 billion to $70 billion. Given that the commercial PandC industry, worldwide, came into this crisis with perhaps only about $300 billion in capital, the economic effects of this disaster are simply enormous.
But the business got thrown a bone. As extreme events often do, this one transformed the industry's prices. After Sept. 11, the premiums that insurers could charge suddenly rocketed upward into what's called a "hard market." Despite its biting name, that's a good market for sellers of insurance. It describes a period in which prices are high enough to potentially cover the industry's risks and provide it with something it almost never has: a decent, or maybe even good, return on equity. Hard markets are created by the addition of fear to the insurance equation--by the perception that risks have increased--and by a collective mindset among the sellers that they are now in the driver's seat, finally able to demand the prices they need.
http://money.cnn.com/magazines/fortune/fortun...e/2002/06/10/324523/
مثال التأمين كان بس عشان اوريك كم هي باهظة تكلفة اي اعتداء على اي مدينة في امريكا و خاصة في الغرب مثلا سانفرانسيسكو او لوس انجلس
اما قصة تغريم الشعوب بعد الحروب فارجو انك تتذكري المانيا و الغرامات بعد الحرب العالمية الاولى التي ادت في النهاية للحرب العالمية الثانية
-----
(عدل بواسطة بدر الدين احمد موسى on 04-07-2013, 05:30 AM)
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
قراية الاقتصاد شيء و الفهم فيه ( باين) انه شيء تاني. هسي انت الكلام الانجليزي اللي جبته دي بيقول انه شركات التامين رفعت مصاريفها و ما حددت لمنو بالضبط. يعني في النهاية ما تأمين التاكسي و لا حتي العربات بس. كل اوجه التامين.
انت برضو طنشتني في اهم نقطة. شركات التامين باصت خساراتها للعملاء و العملاء مفروض يباصوا التكلفة لعملاءهم. في النهاية ما المسلمين بس اللي دفعوا التكلفة. اي زول ركب تاكسي او اشتري بيت او عربية او فتح عيادة حتي.
طبعا الحرب تكلفتها كبيرة. خليها شركات التامين، البورصة بس لو انهارت ح تكون مصيبة.
الحرب العالمية الأولي لما انتهت الناس كلها كانت حاسة ان ظلال الحرب لسه مخيمة. لكن بعد الحرب العالمية التانية أمريكا made sure ان المانيا و اليابان ما يدخلوا او يدخلوا العالم في حرب تاني.
اذا ما قال جون استيوارد، لو قامت حرب مع كوريا الشمالية مع ح تكون حرب ذي بتاعة العراق فيها مشاءة و جنود و ندرب جيشكم قبل ما نمشي و كلام ذي ده. ح تكون حرب الغرض منها هد كوريا الشمالية تماماً. و إعادتها للعصر الحجري.
(strategic patience )دي سياسة أوباما تجاه موضوع كوريا ده. و أظن أنها سياسة معقولة. موضوع الطيارات ال B-2 ده كان بس عشان يذكروا كوريا الشمالية بالفرق في الأسلحة بين البلدين. و كمان برضو لتطمئن كوريا الجنوبية.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: smart_ana2001)
|
اسمارت انا
هههههههههه ايوة باين اني ما فاهم اي حاجة زاتو ههههههه
ياخي ما طنشتك, لكن الموضوع فرعي و غير مهم لغرض النقاش في البوست, لكن لو حسبتيها من المثال الانا جبته (مثال تأمين التاكسي) كنت حا تعرفي انه تأمين التاكسي زاد خمسمائة بالمائة 500%, و لو بحثت في الزيادة مثلا في التأمين الصحي ستجدين انه كان فقط اربعة في المية 4%, بعد داك صاحب العقل يميز.
ما تسمعي لكلام استيوارت او خلافه, اي حرب ستؤثر سلبا على امريكا. فنتيجة الحرب في العراق و افغانستان كانت مفاقمة اثر الازمة الاقتصادية الاخيرة, و لو متخيلة ان الصين و روسيا ستقفان مكتوفتي الايدي تتفرجان على دك كوريا الشمالية راجعي مفاهيم الاستراتيجي في اسيا!
استراتيجيك بيشانس بتاع منو دي يا اسمارت ياخ?
زول يمشي يتحرش و يجي يقول هو يتبع التأني الاستراتيجي? ما تصدقي كل ما يقال!
ايوة موضوع الطيارتين كان للاستعراض لكن براكي شوفي النتيجة شنو هسع.
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: بدر الدين احمد موسى)
|
سلام يا شباب
بالمناسبة كوريا الشمالية دى عندها تكنلوجيا حربى متطور جداً ، صحيح هى دولة فقيرة أقتصادياً
لكن النظام الشيوعى المطبق عندهم بيخلى الدولة قوية عسكرياً لأنه إقتصاد البلد كله موجه للتكنلوجيا الدفاعية ..
الناس ديل جابوا صاروخ (اسكوت) الروسى القديم و طوروا الصاروخ و طلعوا بيهو الفضاء بواسطة
القمر الصناعى بتاعهم (اونها-3) ، وعند طريق هذا القمر الصناعى يتم توجيه الصواريخ ..
الأمريكان فاهم السالفة من أوله لى آخره و مجهزين حالهم لأى صاروخ قادم من كوريا و طريقة التصدى للصاروخ كالأتى ..
الأمريكان عايزين يمسكوا الصاروخ القادم من كوريا الشمالية فى جزيرة (غوام) قبل ما تصل سواحل أمريكا
لكن زى ما شفنا القبة الحديدية الإدوها لليهود ما إشتغلت تمام فى حرب غزة ..
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: smart_ana2001)
|
| Quote: و يا حمد، معليش علي احتلال البوست. |
دا اسمو كلام دا يا سمارت البوست حقك
ياخي انت وبدر الدين أنعشتوا البوست وأنا متكيف لتداخلكم
بس أنا الليلة من الصباح مزاجي متعكر شديد وتركيزي صفر والله الشغل غالبني
حتى ما قادر اتداخل وأشكركم على نقاشكم المفيد دا بس مداخلتك دي أضطرتني أدخل وأقول ليك عكس ما اعتقدتي
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: حمد عبد الغفار عمر)
|
الكوريين دييل درسوني 5 سنوات وعلى حسب معرفتي بيهم شعب أحمق جداً ولن يتورعوا
عن تنفيذ ما وعدوا ، ده غير الاستفزازات الامريكية المستمرة والمتمثلة في الطلعات الجوية
فوق الأجواء الكورية الشمالية ، - الناس دييل لو ما شافوا معاهم حل حيضربوا حتى لو كان عارفين
إنو الضربة قد لا تأتي بنيجة، وأصلا ما عندهم حاجة يخسروها اقتصادهم وفي الواطة
ولك ولضيوفك الود
| |
|
|
|
|
|
|
|
|
|
Re: الجيش الكوري الشمالي مفوض بضرب أمريكا (Re: ترهاقا)
|
مرحب ترهاقا
Quote: شعب أحمق جداً ولن يتورعوا
عن تنفيذ ما وعدوا ، ده غير الاستفزازات الامريكية المستمرة والمتمثلة في الطلعات الجوية
فوق الأجواء الكورية الشمالية ، - الناس دييل لو ما شافوا معاهم حل حيضربوا حتى لو كان عارفين
إنو الضربة قد لا تأتي بنيجة، وأصلا ما عندهم حاجة يخسروها اقتصادهم وفي الواطة |
أحمق دي ما بتقسم في عالم السياسة لأنو المسألة بتبقى في الروح العزيزة دي المسألة فيها قنابل نووية مدمرة
أحمق دي زول شاكلك في الشارع المسألة ما تتعدى بونية وشلاليت وشوية جروح
هسة نحن ما شعب أحمق لكن أهو أسرائيل جات ضربت نص الخرطوم ولا عملنا حاجة ( أو ما قادرين نعمل حاجة)
أمريكا دولة قوية وقوية جدا وعندها حاجات ومصالح ما بتهظر فيها وحتضرب مهما كان الثمن لأنو لو تهاونت بيختل الميزان عندها وبتفقد أكتر من البتفقدو في الحرب
| |
|
|
|
|
|
|
| |
حمد عبد الغفار عمر
رحمه فضل المولى عجك
Elmosley
محمد البشرى الخضر
Mutaz Hussien
smart_ana2001
بدر الدين احمد موسى
عبد الحفيظ فخر الدين
محمد يوسف طه
عوض أبو عيش
ترهاقا
فيس بوك
تويتر
انستقرام
يوتيوب
بنتيريست