صعب تعرف دوافع الكتابة والمثر عليها حولك ذاتي ا موضوعي مرات كتيرة بتكتب لكن بتتوقف عند النشر ولما ارجع ليها مرة تانية بعد فترة بعدزول التأثيرات تلقي انو عدم نشرها كان فكرة صحيحة حتي ل مجرد مداخلات في مواضيع مطروحة
لا يمنع انو في افكار عندها علاقة باللحظة الحالية اذا اتنشرت بعدها بتكون ما مفيدة لكن في العموم .. لا تنشر كل ما تكتب او تفكر فيهو اذا كان خارج هذه الحالة
04-03-2013, 12:17 PM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
Quote: لا يمنع انو في افكار عندها علاقة باللحظة الحالية اذا اتنشرت بعدها بتكون ما مفيدة لكن في العموم .. لا تنشر كل ما تكتب او تفكر فيهو اذا كان خارج هذه الحالة
كلام حلو ياجعفر ..لكن ما بتعتقد أنو الانفعال اللحظي في العموم بعبر عن الراي التلقائي والحسب زعمي اصدق وبعبر عننا
خاصة الكتابة اليها علاقة بالراي ..والهي في الغالب بمناسبات بعينها ..ووفق إنفعالات واستفزازات معينة
غير كدة بتكون كتابة فكرية ..او ابداعية ..ودي ما مرتبطة بآنية الحدث ..
04-03-2013, 10:56 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: زعلت من نفسي وأنا أمحو كل ماكتبت بعد جهد كتابة وتفكير الرقابة الذاتية - تتسبب في إجهاض فكرة ..موت ضمير ..و شعور بعدم الرضا قد يصل لاحتقار الذات .. قل ما تؤمن به فعلا ..فلن تغيير ..مالم تتغير!
04-03-2013, 11:59 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ولأن الفكرة التي كنت بصدد مشاركتها معكم (بح) ..
يفتح الله ..عايزين الفكرة الأصلية بس ولاّ بلاش
نعم يا داليا الرقابة الذاتية لابد منها, لكن ظان تتحول لخوف و تهيّب و فكرة ابعد من الشر وغنيلو فدا لايصح وبكدا تنتفي الفكرة الأساسية من البورد وهي النقاش وتبادل الآراء و اختلافها بكل حرية ويمكن السبب في دا لإنتشار ثقافة كسر العين و التعامل مع المختلف باعتباره عدو يجب نسفه وتحقير رأيه وسهولة تجاوز الخلاف رأيك و كلامك لشخصك بل و أهلك كمان ودي حاجة للأسف تتقاصر اللائحة عن معالجتها, يفترض كان يعالجها الوعي و الوعي فقط
04-03-2013, 12:07 PM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
..كلامك جميل لكن ربما تتكلم عن حالة مثالية ـ قد لا تتوفر في كل الأحوال ـ .قد يصاب اياً منا باوقات تتزعزع فيها ثقته في نفسه وقد يلجأللالتفاف حول الحقيقة أحيانا..، والمشكلة مافي الراي المخالف ..(المشكلة انك ما تقول رأيك عشان يخالفوك او يتفقوا معاك ..)!
(واحد) مايفهم الموضوع لا يضير ..المشكلة أنو يزعل من فهم واحد تاني ليهو ..
والله لكن لقيتك خطيرة، وبتعرفي تلبعي بالحتة الفيها الحديدة كمان.. بل بنفس العصاية زاتا... ، ، إنتي كده بديتي ثورة التغيير.. إلى الأمام، إلى الأمام.. ، ، (لو كان عرفت لايك بجيبوها كيف كان أغنتني..) ،
04-03-2013, 07:49 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
يا داليا ممكن أركب مكنة أيمن و أشرح ليك فهمي لحكمة بلير؟؟ حا أشرح بدون انتظار الأذن فهمتا أنو انك مسحتي الموضوع الكنتي عايزة تكتبيهو بعد المرور على الرقابة الذاتية بقى مافي موضوع ومن عدم الموضوع ده طلع موضوع زي الفل يبقي حكمة بلير في محلها (ناس تعمل من عدم الموضوع موضوع )
غايتو انا لمن اقرر اكتب بكتب تووووووووشك اللى يفهمنى مرحب بيه الما فهمنى مشكلته ما مشكلتى المهم انى بكون مقتنعه بالكتبه وعايزه غيرى يستفاد ويشاركنى فيه ولو طلع غلط فى شى ما بخجل اعتذر ياهو بنتعلم وبنعلم وبنقيف وبنقع وبنحيا وبنموت الحياه كان ما عشناها بطلاقه بتجى لحظات بنندم اننا ما جربنا وما عرفنا وما حاولنا وما سعينا عشان خوفنا من فهم غيرنا اصلا مستحيل تلقى فهم مشترك مع كل الناس ياما بنلقى المعانا وبنلقى العلينا وياها دى الحياه والبشر بما انى ما بغضب ربنا وبأذى غيرى فى الكتبته لا مانع في طرحه واختلاف الاراء لا يفسد فى الود قضيه
04-07-2013, 08:22 AM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
انا كتير بقرا ليك وفعلا أنت من الناس المتصالحين مع نفسهم شديد ودي ميزة
Quote: بما انى ما بغضب ربنا وبأذى غيرى فى الكتبته لا مانع في طرحه
تعرفي يا رانية الناس العندهم فكرة واضحة عن ما يغضب الله وما يؤذي الناس ـ حسب فهمهم، معتقدهم ـ ديل ناس مشاكلهم قليلة غالبا،الكتابة شيطانها قوي وشهوة الانتصار للذات والفكرة بتخلينا كتير نبطش بدون ر حمة ..!
04-04-2013, 01:20 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: فهمتا أنو انك مسحتي الموضوع الكنتي عايزة تكتبيهو بعد المرور على الرقابة الذاتية بقى مافي موضوع
لا .. لا بعد ما مسحت الموضوع الكانت عايزة تكتبو اتولد موضوع :
Quote: الرقابة الذاتية ..وأحيانا تقرأ (الجبن) ..(المسالمة) ..(مبدأ أبعد عن الشر وغنيلو) ..أو (حتى عدم الرغبة في خلق عداوة) ..أو ..او .. تتسبب في إجهاض فكرة ..موت ضمير ..و شعور بعدم الرضا قد يصل لاحتقار الذات ..
اي نعم عنوان الموضوع كان طويل ،،، بس واضح ! بتاعة المشرف
04-04-2013, 01:47 PM
على عبدالله بشير
على عبدالله بشير
تاريخ التسجيل: 01-10-2013
مجموع المشاركات: 963
سلامات يا ناس ممكن اشارك -عضو جديد ويتيم- ول للسناير بس؟
شكراً
Quote: لا نكتب الا ذواتنا يا داليا .. وذواتنا هى ذاتها متغيره .. فأين التماسك من كل ذلك ؟!
يبقى لازم الزول يغير رأيو .. وبحيث يكون التغيير هو التماسك الوحيد الممكن .. والمحك الأساسي يكون الصدق مع الذات .. ومع متغيراتها بالضروره ..
دي مش اسمها (الحنف) يا رفيقي في الغار.. (ما كان إبراهيم يهودياً ولا نصرانيّاً ولكن كان حنيفاً مسلماً) او (الكسرة) بلغة الموسيقى المهم .. دي ما بتاعة ( صاحب الحوالي ... على التوالي ... حولا!)
من زاوية شوفي -وانا في البلكونة مستمخ- انو دا ما تغيير الرأي القصدتو ست الدار بت حافظ هي قصدت (النطة) الواااحدة ديك .. يعني الزول يبلع السيف متني .. ويلحقو بالذمة ذااااتا .. او يمطها (للنوع ابو استك) والله صحي
عشان كدي الناس بتسأل عن الوعود: كلام رجال؟
-----------
داليا ازيك ياخي لسة متضامنة مع قيقراوي .. ول غيرتي رأيك برضو؟
04-07-2013, 10:57 AM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
Quote: إنتشار ثقافة كسر العين و التعامل مع المختلف باعتباره عدو يجب نسفه وتحقير رأيه وسهولة تجاوز الخلاف رأيك و كلامك لشخصك بل و أهلك كمان ودي حاجة للأسف تتقاصر اللائحة عن معالجتها, يفترض كان يعالجها الوعي و الوعي فقط
الوعي عاجز عن إدارة الرأي والرأي الآخر وين ما اتلفت وبالذات هنا في المنبر عدم القبول بالآخر بخلي الشغلانة لون واحد يحرمك كتير من متعة المشاهدة المحطة الوسطى نعامة لا لمت مع الجداد ولا لحقت الأبل، لكن عدم قبول الراي الآخر بخليك تميل لي الوسطية
بوستات كتيرة في البال ممنوعة بي رقيب عدم القبول والوصول لي مرحلة الشخصنة توم وجيري ياني عاصم الطيب عادل يوسف طاشر سنة غياب استاذ عبد الغفووووور وعن الديش والأمن وشيطان السياسة ... وحاجات تانية مالياني وحتى الرد علي البوست دا اخد اكتر من خمسة دقايق !!! تحياتي
04-09-2013, 08:25 AM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة