|
يا أساسي الله يرضى عليك
|
لو ماعايز تجي هنا الله يرضى عليك أمشي أضرب بي تلفزيون عمر الفاروق ال ماااLCD الواطة ..كنت عايز أقول ليك كبوا في البلدية بس محتاج ل7 رجال يشيلوهوا وقالوا إنت بعافية ..والله يديك العافية أمس وأنا متفرجغ جنب تلفزيوني الــ LED الـ42 إنش* وخاتي قدامي فول مصلّح بالجبنة وطعمية أها قبل ما أبدأ في الفول بدأ قولوني العصبي يكاكي ويغوغي من حركات أكرم وكابتنية موسى الزومة ومدي ربي العجب من إنبراشات باسكال ومن وقوف خالد المصطفى ككوتش جنب الخط وشكلوا ماقادر لا يوجه لا يقول ليهم تلت التلاتة كم و..سيبك من الجملة التكتيكية بتاعة غانا القالها ود البشرى ديك وقال لعيبتنا ممكن يطبقوّها ..قمت كدا ضغطت ليك ريموت ال42 إنش قلت كدي نمشي أم درمان يمكن طبقوّها هناك لقيت ليك خليفة يتجاري هنا وهناااك وكايا لافي سورو وعمر بخيت عرقااان وكمحور إرتكاز أكل عليه الدهر وهو جنب دائرة السنتر وفي واحد كدا حالق صلعة ورأسو زي بيضة الحصان و....لسانو مدلدل ويقلّب في يدينوا والجماعة جاريين ومنفردين يحمدوا سيدهم ــ *إضافة لـ إنوا أهلي شندي وييييييييى وطقطقوها صااااح أهاحكاية الــ LED الـ 42 إنش دي بوبار مني سااااي ومابتفوت على فطنتك.. يشهد الله إستكرت أشوف وحرمّت وحلفت حرام تاني كان أشوف بيها الدوري الأول أفريقيا" وال35 عالميا" ياخي غلبني أكل الفول المصلح الأنا بعزوا ونمت من غيرعشاء ــ عموما" أأمل أن تكون أنت والعائلة بخير وكل أمورك كما ينبغي لها أن تكون و...ماتنسى برضوا تمرعلى ود الفاروق قالوا الوصيّة في الذمة
|
|
|
|
|
|
|
|
Re: يا أساسي الله يرضى عليك (Re: أمير محي الدين محمد)
|
في البداية شفت ليك علاء الدين يوسف زي الكويس كدا أها لمن رجع لنفس مزاحوا الباطل طواااالي لصّقت ليهوا ..(الغلط ماغلطك يا أبني غلط الجابك) ...ينطبق الكلام دا بي ضبانتو على غارزيتو لمن شفت زغبير والدعيع المشاطيب وههههه (المدعو) أكرم وجينارو والمعز السمين في الخط عايز يشاكل (تراجعت مذعورا" لخندق الدين) و..مشيت إتوضيت وإستغفرت ربيّ ثلاث * ـــ * النصيحة ليك يا الله بعد ما إتوضيت وإستغفرت ربيّ ثلاث ...إتفرجت في جلسات وناسة وشكشكت** مع السعوديين البشكشكوا ديك مع منى أمرشا وهي بتغني هي وهاااي وهو.. والله يقلعكم إنت وهاي وهوو واحد واحد ياأكرم ويا المعز وياعلاء وياموسى الزومة ويا عمر بخيت ويا أنت العامل رأسك زي بيضة الحصان ... ـــ ** منعا" لإي مس أندرستادنغ الشكشكة هي الجبجبة وتحريك الأكتاف والمؤخرة بلغة أهل نجد والحجاز
| |
|
|
|
|
|
|
Re: يا أساسي الله يرضى عليك (Re: أمير محي الدين محمد)
|
Quote: بدأ قولوني العصبي يكاكي ويغوغي من حركات |
المسألة دي ماخاصة بالكورة وبس أها نفس التقلصّات دي جاتني قبل كم يوم كدا وأنا بشوف في برنامج نقطة نظام بتاع حسن معوض وكان مع السيد مبارك الفاضل المهدي...وحسن معوض بتنفّخ في السيد مبارك الفاضل قلت دا يمكن إستايلوا بس كمان شفتوا مؤدب وبتكلم مع أحمد الحريري بدون ما يتنفخ قلت آآآيووووه بالله إنت كدا ...بس دا ماياهوا الخلى قولوني يغاغي الخلاهو يغاغي لمن إتكلم السيد مبارك الفاضل عن السيد الأمام الصادق المهدي وقال إنوا في نهاية عمرو السياسي وعينيّ أنا نائب لرئيس الأمة والخلى قولوني يغوغي وقرّب طااااخ ينفجر لمن قال ليهو إنت كرزاي السودان ورجل أمريكا والسيد مبارك يتبسّم ويتفصّل وشعرت زي إنو المسألة وبدل مايدي حسن معوض كف ...إنها راقت للسيد مبارك ....عموما" مبارك عليك يامبارك كرزانيتك دخلت البورد قلت أكييييد محمد عادل عامل هلولة ..ومن عجبي لا محمد عادل لا محمد عبد الرحمن لا دودي جوار تمثال الحرية ظهروا لا عيدروس ـــ للأمانة عجبتني لفة عمّة السيد مبارك الفاضل وإتشافت لي زي لفة عمّة ودالبشرى في صورتوا الظهرت وهو متنازع بين يافطتين.. دا طبعا" قبل ما دكتور إي *يجي ويفرتك الحفلة... __ * و..يادكتور إي صراحة وأأمل أن تتقبلّها مني بصدر رحب منظرك في البوست المعني لاكان حلو لا كان ظريف ولو في طريقة وتصالح مع وهبة أكان في الخاص على قولك لو هو طلب.. أكان جنب عصير بارد شوف ليها طريقة ودايرين لينا آكشن يمتّع ..وكورتوا مختوتة وآآىطة وأهو براك شايف إدريالين البورد كلو مًمل ورتيب .... وحتى أنا ممل ورتيب ..دي علشان مافي زول يتضايق زي ضيقى الأمس القرّبت أطلع بسببوا من أمة محمد وأنا بشوف في الحضري عامل يادنيا مافيك الأ أنا...وفي الزومة وقبلوا أكرم كباتن للمريخ هذا و...إستغفر الله لي ولكم
| |
|
|
|
|
|
|
Re: يا أساسي الله يرضى عليك (Re: محمد البشرى الخضر)
|
Quote: للأمانة عجبتني لفة عمّة السيد مبارك الفاضل وإتشافت لي زي لفة عمّة ودالبشرى |
هههههههه يامعلّم دي غايتوا لمن كتبتها إبتسمت إبتسامة جنباويّة حسي عليك الله بوست الزول القاعد جنب طلحة دا الجاب نبيشة فيس بوكية دا دايرلو بورد FBI هههههههه أمممممك قربتها أكتبها VIB بس ريك سترني شايف لي وما ستروا الباز وبالله عليك بوست البداوة المنبرية وصاقعة النجم البحمي نقل التصاوير والنضم ما أحرج ودخل ليك الناس المؤملين يمشوا هناك في الحته بتاعت جنى وزين الهُم شهيرين بيها ديك ــ دا زائد توقيت البوست لعودة أساسي شعرت بيهوا غير موفق .. ولا ياربي علشان البوست مني أنا ..يعني أنا أبقى هيثم طه مثلا" علشان أساسي دا يخلي حردانوا دا ويجي . غايتوا لو ماجاء ياهو أنا ذاتي داخل حتة جنى الوزّين إياها وأوعك تكون لخيت أساسي بزووووطات وماراعيت أسباب غيابوا ..شكلوا براهوا الفيهو مكفيهوا
| |
|
|
|
|
|
|
Re: يا أساسي الله يرضى عليك (Re: أمير محي الدين محمد)
|
شنو يا إث إث بوستك غااااطس وأنا مابحبش البوست الغااااطس وذاتو بديت أدخل رويدا" رويدا" وسيسي سيسي في أحشاء الوزة وأهو زي ما إنت شايف ..لا.. أنت ..لا.. أحدً يأتي لا.. أحدً يمر.. إتوقعت الناس تشيل يافطات لعودة أساسي قبل يافطات عودة حلايب شكلوا كدا .. ذهب الذين تحبُهم ويحبُوك ذهبوا لا أخوة لك يا إث إث لا أصدقاء.. ـــ أحبطتني يا إث إث كان إنت كان أصحابك وأخشى ماأخشى أن يقرأ سِفرنا هذا كسير تلج عليه وأصلا" الدنيا خميس أعلن توجهي من هنا لبوست البقرة والبوكسي وماحدش حوّش
| |
|
|
|
|
|
|
|