كتب الكاتب الفاتح جبرا المتوفرة بمعرض الدوحة
|
الهلال والمريخ يحققان أفضل نتائج الممتاز الأفريقية والأهلي في خطر..!!
|
من أفضل النتائج اللي حققوها الهلال والمريخ في بطولة الدوري الممتاز في إعتقادي هي مباريات الأمس.. ومن أكتر المباريات اللي ح تخدم الهلال والمريخ في مشوارهم الإفريقي هي مباريات الأمس.. الان والان فقط وبمشيئة لله أضمن لكم تأهل الفريقين للدور القادم في البطولة الإفريقية وهاردلك مقدماً للأهلي شندي الخروج المبكر .. ولسسسة بقول ليكم الكلام ده ما مبني على علم ولا على قوانين كرة قدم..مبني على العقلية السودانية فقط.. لو كان فاز الهلال بالخمسة على الأهلي الخرطومي في مباراة الأمس كان الليلة لقينا الجرايد شبكتنا الهلال يعبر الأهلي في بروفة العاجي.. مهند الطاهر يمزق الشباك ويؤكد تصريحاته السابقة في شباك زوغبير.. كاريكا بالمزيكا يا العاجي راجيكا.. تراوري وسانيه العاجي مش ح يقدر يغمض عينيه .. ونجي يوم الكورة نخش الإستاد من الساعة 2 ضهر ونكورك وننبـــح ومن ما تبدا الكورة يظبطونا بي قون يطمم بطنا ونبدا نفلق ونرمي الباقات ونسب الحكم ..
ولو حقق المريخ الفوز امبارح أوووو كان مزمل الليلة بدع بينا .. في مباراة الضبح موانزا عمل السلخ.. وبي أكرم بي باسكال الأهلي حالو مال.. ويجينا سلك يشبكنا ليك إسلام بتي قالت لي دققي وختي لمن ابوكي يجي وقلت ليها لأ ابويا ما برجى في شندي ما برجى .. والجماعة ينومو في العسل وتجي مباراة الرد والجماعة يقفلوها ليهم ورا وتييت تييت الحكم يصفر وتنتهي الكورة صفر صفر ونبقا في السعودي لو كان خلاها كان خشت برااااها..
لكن بعد نتائج امبارح دي ح تشوفو إن شاء الله فريقين مختلفين ولاعبين مختلفين .. الهلال عااادي ممكن يحسمها من الشوط الأول ..والمريخ ممكن يحسما من اول عشرة دقايق.. الأهلي شندي حالياً هو اللي في خطر مع إنو قدم أجمل كورة ..والسبب نفسي برضو .. ولمن تمشو الحبشة يا ناس الأهلي وإنتو نايمين في العسل ح تاخدوا كوتتكم وتجو تشبكونا اهضبة الإثيوبية و10 الف قدم فوق سطح البحر والأكسجين ناقص واللاعبون يقضون سهرات في نوادي ليلية وو وو وو ..
تخريمة : غايتو بي فصاحتي دي ناس كتاااار ح يحرسوا الككور دي ويدعو تنظيري ده يخييب عشان بعد الكور دي تنتهي يجو يمتعوني
|
|
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: وليد محمد المبارك)
|
ولي يا حبوب: ياتو يووم كورتنا كانت فيها فكر بتاع ده مهاجم كويس وده مدافع كعب.. بكرة تقرا في الجرايد كايا نجم الدفاع قدم مباراة العمر ومساوي يفلق وما يداوي .. وبكرة تشوف بلة جابر بيجيب قون والباشا يخترق ويسجل .. عارف ليعبتنا ديل ما عايزين مدرب..عايزين زول زي يونس محمود بتاع الشعب السوداني البطل داك يجي يحشيهم ليك نفخ ومعنويات (ما يشتغل رئيس زي ما اشتغل في المرغني كسلا) بالمناسبة المريخ محتاج للعجب يبدا من لابداية وكورتو ح تظبط.. وزولكم ده لو مدرب شاطر يلعب بي هيثم والعجب سوا ..
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: عمر الفاروق)
|
Quote: ومن أكتر المباريات اللي ح تخدم الهلال والمريخ في مشوارهم الإفريقي هي مباريات الأمس.. الان والان فقط وبمشيئة لله أضمن لكم تأهل الفريقين للدور القادم في البطولة الإفريقية وهاردلك مقدماً للأهلي شندي الخروج المبكر .. ولسسسة بقول ليكم الكلام ده ما مبني على علم ولا على قوانين كرة قدم..مبني على العقلية السودانية فقط.. لو كان فاز الهلال بالخمسة على الأهلي الخرطومي في مباراة الأمس كان الليلة لقينا الجرايد شبكتنا الهلال يعبر الأهلي في بروفة العاجي.. |
يا عمر بالنسبـة للهلال : الكلام دا كان زماااان طبعا لما الهزيمـة أو التعادل كانو بيجو نتاج لي ضربـة شمش .. وكانت حركة زي دي بتحصل لما حمار الخلاء يهنق .. يعني بي صورة اوضح: يكون الهلال داقي كفـر زي الترتيب دفاع مكررب .. وسط فنيات عالية وتقفيل وتقارب بين الخطين .. هجوم كاسح .. يزنق ليك اي دفاعات بتاعت خصم .. والاجمل ما في الحركة دي بتكون بتحضر في الكورة قدام التلفزيون وانت واقف قدام الشاشة .. ما زي حسع دي تاميها لي جديع مخدات في الحيطة .. .. الكلام دا بالمناسبة ما بعيد .. قريبات دي وقبل عهد غارزيتو دا كنا على الاقل بنجاسف لينا كورة درون واحدة بس لكن بنكون جايبين لينا قون قونين .. وكم كورة دقت في العراضة .. المهم الواحد بيحضر الكورة وبعديها بيقدر يتعشى .. الآن ... اربعة مباريات والاشباح جاريه في الميدان .. اربعة مباريات وكل مرة نقول لالا العترة دي بتصلح المشية الجاية .. قبل مباراتنا الأفريقية .. هل كان المستوى مرتفع ..؟ لا كانت هناك اخطا ونفس الروتين اللاعبين بيهو .. الشي الوحيد الحصل .. انو اتغشينا بي اننا الاتنين وتلتين دا نحن اساسا قاعدين نمر فوقو ساكت .. .. انا دا كلو ما مهتم بيهو ولا مهتم بي الجماهير التفت حول غارزيتو طالبتو بالفوز .. والبرير قال ح نستفيد من الاخطا ونصححه .. وتراوري وعد بي انو يمزق شباك الفريق ويكرر اهدافو .. دا كلو ما واجعني من تصريحات ولا اي حاجة .. واجعاني ومحيراني حاجة واحدة ..: شنو مسالة الباصات العرضية البقت تتلعب قدام مرمى الهلال بالطريقة الغريبة دي ... استهتار ..؟ هل هناك مدرب يرضى بأن يقوم اي من لعيبة الدفاع بنقل الكورة العرضية بتلك الطريقة الصبيانية .. والله يا عمر نحن في الرابطة زمان .. نادر كتكوت لما تلعب ليهو كورة زي دي .. يكون بضرب في الفريق كلو شهر لي قدام .. حسع دي انا لما بقيت اشوف التمريرة دي عااادي في دفاعات الهلال الغارزيتيه .. والله جاتني حساسية عديل كدا .. وحسع دي لمن قاعد استعمل لي في مرهم مما جلدي بقى يقوم شوك شوك
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: tmbis)
|
يا تمبس الهلال في مباراتين من الاربعة كور ما كان كعب وكان الافضل.. كورة المريخ وكورة الفريق العاجي.. كورة امبارح دي غارزيتو عامل فيها مورينهو وقرر إراحة اللاعبين المتجانسين وما بقول الأساسيين أو الأفضل بقول المتجانسين.. امبارح سانيه ضييع ليهو ملوة اقوان وبكري المدينة رغم المجهودات الوافرة لكن لسة بينسى الكورة وراهو ...:). قصة الباصات دي يا تمبس انا ملاااحظا لكن البقدر اقولو ليك إنو غارزيتو ما بيكون قال ليهم العبو الباص العرضي ..مستحيييل.. لكن بيكون قال ليهم ماف زول يطفش ليهو كورة العبو الكورة الممرحلة وابدوها من ورا.. لكن لأنو اللاعب السوداني ثقافته ثقافة دافوري الحلة بينسى روحو بيلعب كورة اولاد الحلة ومخو بيقفل وما بيعرف يتصرف فطوااالي بيخارج الكورة في اقرب إتجاه عرضي طولي ما بيفرق معاهو..
تخريمة : كتكون مرة البواسل إنضربو أربعة من ناس رابطة ابروف ..والله يا تمبس حايم بي عصايتو في الحلة الراااجل يلقاهو حايم بعد الساعة 7 والرااااجل مايجي التمرين الساعة 2 ونص ..إستنفار لي مدة اسبوع كااامل ..لما ناس ابروف جو رابطة ابوعنجة البواسل اداهم 7 مع الرأفة .
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: عمر الفاروق)
|
Quote: قصة الباصات دي يا تمبس انا ملاااحظا لكن البقدر اقولو ليك إنو غارزيتو ما بيكون قال ليهم العبو الباص العرضي ..مستحيييل.. لكن بيكون قال ليهم ماف زول يطفش ليهو كورة العبو الكورة الممرحلة وابدوها من ورا..لكن لأنو اللاعب السوداني ثقافته ثقافة دافوري الحلة بينسى روحو بيلعب كورة اولاد الحلة ومخو بيقفل وما بيعرف يتصرف فطوااالي بيخارج الكورة في اقرب إتجاه عرضي طولي ما بيفرق معاهو.. |
تعرف دي المشكلة الكبيرة والبغيظني يا عمر انو .. بقت ظاهرة متكررة في اي كورة للهلال .. زي الحركة بتاعت سانييية لما يضيع الكورة ويقعد يرفع ليك يدينو للسما ويعمل في الحركة بتاعت الواحد لما يشوت ليهو كورة وهمية ويقعد في الوااطة ويفك ويربط الرباط حق الجزمة .. الحركة الكان قادينا بيها الطيب الدويم .. المشكلة الكبيرة يا عمر بتقرا انو غارزيتو يقول ح نصحح غلطات المباراة السابقة .. طيب ياتو اكبر خطأ في الدنيا دي اكبر من الخطأ بتاع الباص العرضي قدام القون .. يا عمر انا بتكلم في الحتة دي لانو انا حارس مرمى .. والله لما يتضرب لي باص زي دا بقيف عشان تجي قوون والمرة الجاية ما تتكرر .. خليك من غارزيتو .. في كم مساعد مدرب ماف واحد الله فتح عليهو يشدد في المسالة دي ..؟ المواسم السابقة كنا مظعمطين بالحركة بتاعت المعز محجوب يمسك الكورة ويرفع رجلو يضرب بيها اللاعب .. لو ما لقى اللاعب يضرب بيها الحكم ولو ما لقى الحكم يضربنا بيها نحن القاعدين جمب الشاشة .. والغريبة كل مرة تتكرر من كورة لي كورة .. وماف اي تصحيح .. طيب الناس دي بتصحح في شنـو ..؟ في شنو اكبر من الغلطات القاتلة دي ..؟ Quote: تخريمة : كتكون مرة البواسل إنضربو أربعة من ناس رابطة ابروف ..والله يا تمبس حايم بي عصايتو في الحلة الراااجل يلقاهو حايم بعد الساعة 7 والرااااجل مايجي التمرين الساعة 2 ونص ..إستنفار لي مدة اسبوع كااامل ..لما ناس ابروف جو رابطة ابوعنجة البواسل اداهم 7 مع الرأفة . |
عارف يا عمر انا مشكلتي قاعد احضر اي مباراة واشوف اي مباراة بي عقليتي القديمة مع نادر كتكوت .. فتأمل عليك الله كتكوت يكون ووين وغارزيتو بستعرض فينا ..؟
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: Amir Omer)
|
Quote: يا تمبس الهلال في مباراتين من الاربعة كور ما كان كعب وكان الافضل.. كورة المريخ وكورة الفريق العاجي..
|
يا أبوعمير إتا بقيت تشوف الكورة زي المشجعين العاديين واللا شنو ؟ مالك عايز تخلذني ياخ ؟؟ الهلال كان كعب جدا قدام المريخ لكن اتوا شفتوهو ما كعب لأن المريخ كان أكعب من الكعب . بالنسبة لنظريتك موضوع البوست صااااااااااح لكن التخريمة التحت خلت الكلام زي الهظار والمكاواة بالرغم من أنو صاح الصاح .. لو بقيت على عضمة البوست ذاتو كان بكون أفضل كتير حتي ولو الفريقين اتهزموا شر هزيمة لأنو دا الواقع بالضبط ... ورجغة وورورة صحافة المشجعين بعد كل فوز أو خسارة + نفسيات اللاعب الهشة البتخليهو يبقي قدر الجبل كان فاز وقدر الفار كان اتهزم على رأس أسباب بلاوي الكورة السودانية . .......... مخصوم منك مرتب شهر .
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: عمر الفاروق)
|
يا طلحة .. كواسة الهلال أمام المريخ كانت حاصلة ..ونظريتك ما صاح فقط لأنو المريخ كان كعب.. إنت كمان يا طلحة ما ممكن يعني ..يا الزول يوافق ويشابه رأيك يا كمان تخصم منو .. كواسة الهلال انا قستها بي شوفي لي الهلال في اخر مباريات هلال مريخ ..واللي الهلال فيها كان بيقبل من هدف لي هدفين لي تلاتة .. كواسة الهلال شوفتها من الحركة جوة الميدان بغض النظر عن ضعف المنافس وقتها.. بالمناسبة حتتتى لمن تشوف فريق ضعيف وسئ فبرضو ادي الفريق التاني حقو في إنو ممكن هو اللي بي إستراتيجيتو خلى الفريق ده سئ وتعبان..
التخريمة يا طلحة ممازحة أختم بيها مش عشان اعملا مراقة يا طلحة ..انا كمان حريف ما تشوفني كده ..لو عايز أعمل المراقات بعملا بي صورة احسن من دي.. ما ممكن كمان جغلومية سطر جادي تجي تنسفها لي بي سطر واحد ختامي.. مرة مرة حاول أقرا صاح يا عمك ..انا في تلاتة بوستات بكرر نفس كلامي ولو ما باقي عليهو ما بعيدو مش؟
تخريمة : راتب الشهر المخصوم بالله رسلو لي دعم الثورة المصرية في كفر البطيخ
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: عمر الفاروق)
|
انعل ابو التنظير زاااااااااتو ...!! يا عمر الفاروق ذكرتني واحد اخونا كده اصلو ما بتغالط وكل ما نتناقش فى موضوع يفتكر انو هو الصاح حتي لو كان البطيخ جرجير وبعد يومين لمن نجي نتناقش فى نفس الموضوع طوالي رايح مغير كلامو اسألو يا أخي الحاصل شنو انت قبل كدة ما قلتا العكس يقول لي (نحن ما عندنا ثوابت)
اها يا عمر الفاروق نظر طوالي واعتمد النظرية دي :)
| |
|
|
|
|
|
|
Re: الهلال والمريخ يحققان أفضل نتائج الممتاز الأفريقية والأهلي في خطر. (Re: زول ساكت)
|
الرأي إنو الهلال قررربت تظبط يا وليد لكن النصيييحة المريخ فاجأني النهار ..ويا لها من أجمل مفاجأة وغااالباً تاني طوااالي ح أتوقع ليهو.. الهلال كان في حكم المتأهلين يا وليد وخلينا نقول عمل العليهو نوعا ما ..لكن بالجد المريخ هجمني يا وليد ..
يا عباس المهنة غيرناها لكن باقي ليك ما بيقصوها لي بعد ده ؟
بالنسبة للتنظير فأبشركم ح أوااااصل :)
| |
|
|
|
|
|
|
|