كنت في حفلة ليلة زي ما بغني الرائع الكابلي وفنان الحفلة أثناء أداءه وصلته الفنية قامت الفرقة بعزف صولو منفرد من عازف ماهر فما كان من أحد الحضور إلا وهتف قائلاً "ع ف ن" ولم ادر وقتها ما هي علاقة العفانة بالإبداع!!!!
والا يقول ليك لواحد ابدع "لكن ما فقري" فقري كيف يعني؟ ولا واحد يشك لي قميص جديد ويلاقيه احد اصحابه معلقاً " يا سلاااام قميص ابن ك ل ب والله" .. شنو اللم الكلاب مع القمصان ما تعرف!
ولا صاحبنا داك شاف ليه واحدة جميلة فقال معلقاً "سمحة لمن غلط" وما عارف هل في حاجة غلط في جمالها؟ وواحد تاني وصف حليوونة قائلاً لكن ما "بقاقة" وأيش علاقة البقبقة بالحلاوة غايتو!
مرة واحد شاف ليه عربية بت ك ل ب كدة يصف ليك بانها "موس شرط" أو "سنينة" ..مرة واحد من وليداتي الصغار جاءني باكياً وشاكياً احد اخوانه بأنه أداه كف صاموطي وصاموطي هذه كما نعرف صفة للشاي المظبوط فمتي صار الكف مكيفا؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق عبد الله الشيخ
فيس بوك
تويتر
انستقرام
يوتيوب
بنتيريست