|
|
|
 Re: من طرائف الشيخ عبد الحميد كشك -رحمه الله- (Re: احمد سيد احمد)
|
هذه ايضا بعض الطرائف التى لخصتها من اشرطته :
1- فى ليلة الدخلة وبعد انتهاء الحفله والجوطه مشى العرسان الفندق وداخل الغرفه قعدو سوا فى تربيزه والزوجه بدت تقلع فى الاكسسوارات وكلو صناعى فى صناعى رموش ,شعر,اظافر ......الخ ,المهم كومت كوم كبير جدا من الاكسسوارات الصناعيه فى التربيزه ومشت رقدت فى السرير والزوج لسه قاعد ف التربيزه ..لمن نادتو ياراجل ما تجى قاليها لا خلينى هنا مع الاغلبية.
2 - طبعا الشيخ رحمه الله كان معارض جدا للنظام المصرى ومسجده كان منبر للمعارضه فى خطبة الجمعة كثيرا ما ينتقد الاوضاع السياسية والاقتصادية والاجتماعية مما جعله عرضه للاعتقالات المتكررة ,وكان يكتظ مسجده بالمخبرين ورجال الامن.
قالوا كان فى نهاية خطبة الجمعة وبعد الدعاء بيقول ان الله وملائكته يصلون على اهل الصف الثالث , فالجماعه قالوليهو اشمعنا التالت يعنى ,قال الاول امن والتانى استخبارات
تانى قالوا برضو فى نهاية الخطبة ولمن يقول استووا كان بيقول اخوانا بتوع المباحث يوسعوا شويه المواطنين الغلابه مش لاقيين مكان بره
3 - مره بحكى قال واحد قالوليهو اذكر لينا جزء من الانبياء قام بدا يعد وقال محمد وعيسى وموسى وفرعون... قام قالوليهو فرعون نبى؟؟
قال هو كان عاجبو يكون نبى دا قال انا ربكم الاعلى
4 -
قال مره جوهو مرتين وقالوليهو انت قلت النساء ناقصات عقل ودين وهسى نحنا معانا بكلاريوس وخريجات جامعات ومتعلمات فكيف تقول كده؟
قام قاليهم انا قلت انو الناقصات عقل ودين ديل نساء النبى انما انتو ماشا الله لاعقل ولادين
| |
 
|
|
|
|
|
|
|
|
Re: من طرائف الشيخ عبد الحميد كشك -رحمه الله- (Re: احمد سيد احمد)
|
5 - قال الجماعة بتوع الحشيش بقولوا عن حكم شرب الحشيش:
اذا كان حلال أهو بنشربو واذا كان حرام أهو بنحرقو
6 - قال واحد فقير مشى للدكتور فالدكتور بعد الفحص قاليهو انت عندك فقر دم
قام الفقير قال هو وصل الدم كمان
7 - قال بيسألو واحد شيخ وبيقولولو هو تعلم الانجليزى حرام يا سى الشيخ ؟
الشيخ قاليهم NO
8 - قال في استاذ الانجليزى دخل الفصل وبدرس فى الحصه كدا واحد من الطلبه صعيدى جابوهو من كفر الزلاط لمدرسة النقراشي قال للاستاذ :
الود اللى هنى زعطنى على قفاى قام الـ لكحل ظاط
يعنى بقول للاستاذ الولد القاعد جنبو ضربو على قفاه فقام الحبر اتشتت
والاستاذ كم مره بيقوليهو انت بتقول ايه لمن زهج منو ومافهم قصدو قاليهو اقعد مش مقرر عليكم السنه دى - هو قايل الود بتكلم ليهو عن درس انجليزى
| |
|
|
|
|
|
|
|
|
|
Re: من طرائف الشيخ عبد الحميد كشك -رحمه الله- (Re: احمد سيد احمد)
|
9 - مره بحكى عن واحد بخيل لدرجة انو معلق قطعة جبنة فى الاوضه زى اللمبه واولادو لمن يجوعو بيدى اى واحد عيشه ويفتحليهم الاوضه ويقوليهم يلا عاينو لقطعة الجبنه وغمسو بالخيال - يعنى يتخيل زى كانو قطع حته جبنه مع العيشه_ اها مره كده نسى مفتاح الاوضه المعلق فيها قطعة الجبنه وطلع من البيت ولمن جا راجع سال الاولاد اتغديتو قالوا ايوا اتغدينا قاليهم غمستو كيف وانا قافل الاوضه والمفتاح معاى,قالو بقينا نعاين بخرم المفتاح ونغمس. قام قاليهم يخرب بيتكم انتو يوم واحد ما تاكلوش حاف؟؟؟
طبعا الشيخ رحمه الله بحكيها بلغة مصريه دارجية جميلة ومعاها موسيقى تصويرية رهيبه وتغيير لنبرات الصوت حسب مقتضى الحال
10 - اظرف حاجه مره حكى الشيخ كشك القصه الاتية:
قال واحد شيخ بيدرس الناس في الجامع فقام قاليهم الــــ مراتو تعباه يقوم على حيلو.....الجامع كلو وقف الا زول واحد...فقال الشيخ قاليهو انت بقى يعني مريحاك خالص؟الزول قاليهو يا سيدنا الشيخ دي ضارباني مكسرة رجليّ....هو انا قادر اقوم دي محتحتاني
| |
|
|
|
|
|
|
|
|
|
Re: من طرائف الشيخ عبد الحميد كشك -رحمه الله- (Re: احمد سيد احمد)
|
تسلم يا احمد سيد احمد
كان نعم الرجل هو ونعم الخطيب
وقد سمعت ذات مرة في اذاعة بي بي سي العربية في برنامج لكل سؤال جواب نبذة عن الشيخ كشك، وقد قال المذيع في نهاية النبذة أن الشيخ عبد الحميد كشك يعتبر أعظم خطيب معاصر (كان ذلك في الثمانينات)
رحمه الله رحمة واسعة واسكنه الفردوس الأعلى من الجنة
| |
|
|
|
|
|
|
|
|
|
Re: من طرائف الشيخ عبد الحميد كشك -رحمه الله- (Re: Mandingoo)
|
سلامات يا خ ماندينقو وشكرا كتير لتعليقك واهتمامك
كشك رحمه الله كان انسان زاهد وشجاع جدا جدا ما بخاف من اعتى عاتي وبقول الحق في وجه عبد الناصر ومن منبره بنتقد كل الاوضاع في بلده والبلاد الاخرى
والشيخ كشك في التمنينات او بالضبط سنة 81 بعد اغتيال السادات وقفوهو من الخطابة ومن الزمن داك ما خطب ولا جمعة تاني
لكنه يصدع بالحق من الستينات وهو تقريبا اول زول ينشر اشرطة الكاسيت الوعظية وبالجد دافع عن الاسلام في زمن صعب في الستينات حيث المد اليساري والالحادي في اشد عنفوانه
الله يجزيه الف خير ويجعل قبرو روضة من رياض الجنة...اعتقل كتير وعذبوهو عذاب شديد وما راعوا لبصره المفقود وحكى كتير في محاضراتو عن التعذيب والاعتقال
اتقدمت ليهو منذ الستينات والسبعينات عروض للاغتراب في الخليج بالمرتب الذى يريده لكنه رفض وقال انو بعتبير الخارج من مصر فار من الزحف
زول عجيب والله وفي الكوميديا والضحك ما بلحقو والله اظرف ممثل مصري...لكنه يحمل قلب مفعم بالايمان وحزن عميق رغم ضحكاته وقد مات في العام 1997 وهو ساجد
والكلام دا موثق ومذكور في كتاب صدر بعد وفاة الشيخ يوثق لقصة حياته
| |
|
|
|
|
|
|
| |
احمد سيد احمد
Mandingoo
د.يوسف محمد طاهر
أبوالزفت
aosman
فيس بوك
تويتر
انستقرام
يوتيوب
بنتيريست