|
ياخ الامريكان ديل شعب غلبان زيو زي غيرو!
|
يعني بعد كل مجازر المهووسين بالمدارس و ترسانات الاسلحة الني تكون بحوزتهم، الدولة بي (سوبر) قوتها ما قادرة تضع تشريعات تحدد تداول و حيازة السلاح لحماية الابرياء و المساكين؟ يوم الجمعة تحدث اوباما بكل ما اوتي من فصاحة بيان و قوة تأثير عن فداحة محاولة نسيان المجزرة التي حدثت قبل مائة يوم و أنهم اذا نسوا فهذا يعني انهم ليسو بأمريكان (كأخلاق و قيم) و كان ورائه موظفي حكومته و قد اغرورقت عينا احداهن. لقيتهم ليك مساكين زيهم زي غيرهم من شعوب الأرض، علا حكوماتهم و سياستها مشوهة سمعتهم ساي زيها و زي حكوماتنا،الفرق هو أن ضررهم لغيرهم من الشعوب اكبر من فتكهم بشعبهم و العكس في حالة حكوماتنا الما بتقدر على شنو كدا و تتقوم تتشطر على ايه كدا ما عارف!
|
|
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
يعني الحكومة الامريكية (بي جلالة قدرها) و التي اشعلت الحرب في العراق استجابة لمزاعم و اتهامات وافقت مخططات مؤيدة للاجتياح، مزاعم بامتلاك سلاح نووي و وثائق مزورة من بعض قادة المعارضة العراقية ادت لاجتياح بلد كامل و ازالة نظام قائم حتف أنف العالم و الامم المتحدة التي رفضت اضفاء شرعية على تلك الحرب ضداسلحة نووية خيالية! نفس هذه الدولة تقعد عاجزة عن حماية مواطنيها و هي ترى السلاح يملأ شوارعها و يحصد الطلاب و المساكين و لا تحرك ساكنا، مما يخلق انطباعا بأن لوبي المستفيدين من تجارة السلاح اعلى من اي سلطة امريكية و أن الديمقراطية الامريكية ليست هي نفس كيكة الشوكلاتة التي تسر الناظرين و يحاولون تسويقها في العالم!
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
Quote: و لا تحرك ساكنا، مما يخلق انطباعا بأن لوبي المستفيدين من تجارة السلاح اعلى من اي سلطة امريكية و أن الديمقراطية الامريكية ليست هي نفس كيكة الشوكلاتة التي تسر الناظرين و يحاولون تسويقها في العالم |
ما عشان الموضوع ديمقراطة حقيقية لاتتم حلحلة الامور فقط وفقا لروى الجهات التنفيذية يعني الحكومة..
المعضلة يا عبدل ان الامر متعلق بحق دستوري يكفل للامريكي بحمل السلاح وهذا الحق لا تقوى حكومة او حزب
او اي جهة من الغاءه بناءا على وجهة نظرها ...حق حمل السلاح كفله التعديل الثاني للدستور الامريكي
عجاجة اوباما دي كلها لاضافة ضوابط لحمل السلاح وليس الغاء هذا الحق ...
عملتا لينا شنو في الـــ conflict of interest ؟:)
سلامات..
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: حسين نوباتيا)
|
يا نوباتيا ياخ انتو طلعتو غلبانين ساااي حق دستوري شنو ؟ هو الغلب ده كيفنو زاتو؟ ما لازم يكون دستوري، امال ايه! الناس تموت و يقولوا ليك كلو شيء دستوري. الناس شنو، البوليس زاتو بموت! الكونفليكت بالبسكويت البتقول عليهو ده شنو يا اخوي؟ اخوك انجليزيتو على قدرو ؛)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
و عليكم السلام خالد، طبعا ليس هناك وجه شبه في طريقة تكوين الحكومتين، المقارنة فقط في ما يخص تشويه سمعة شعبيهما دوليا الشعب الامريكي تقع عليه تبعات السياسة الخارجية للحكومة، لذا تجدهم مكروهين في نواحي كثيرة من العالم ليس لذنب سوى انهم ينتمون لامريكا و حكومتها التي تتدخل في شؤون الدول و تفرض سياساتها و ينجم عن ذلك مقتل الكثير من الناس- ابرياء و محاربين- في العراق و افغانستان و غيرها . حتى ان بعض الامريكان ينكرون انتمائهم حين يسافرون للخارج خوفا من هذه الكراهية التي قد تصل لمرحلة العمليات الانتقامية. لذا تجد بعضهم يزعمون انهم من جنسيات أخرى -اوروبية و نيوزيلندية و غيرها- حكومتنا تقتل شعبها فقط، ما يجمع الحكومتين هو القتل، الفرق يكمن في من تكون الضحية. معلوم أن امريكا دولة دستور و قانون و تصويت، لكن كل هذا تحكمه مراكز القوى و المادة.. نعم ما اتحدث عنه هو نفس اللوبي القوي الذي ذكرته انت، هذا اللوبي لا يهمه كم يذهب من الضحايا نتيجة تشبثهم بهذا الحق الدستوري الذي يضمن استمرار التجارة و ارباحها التي يجنونها. ما فائدة الديمقراطية اذا لم تخدم المصلحة العليا للمواطن في حياة آمنة؟ هناك دول مثل استراليا نجحت في نزع السلاح مما حققا انخفاضا ملحوظا في جرائم القتل، هل لاحظت الفرق؟ تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
طبعا غلب دستوري... حنعمل ايه مع العجائز الربطونا بيهو ومشو:)
عشان يحصل تعديل في حق دستوري لازم يمر التعديل بالكونقرس المكون من
بيتين مجلس الشيوخ ومجلس النواب.. ولازم تكون الموافقة بثلثين الاعضاء في كل بيت على حدى
ثم بعد داك يذهب للولايات لتقول قولتها هي الاخرى ولازم تتم الموافقة على المادة المراد تعديلها
من السلطات التشريعية للولايات وعادة يضع الكونقرس مدة زمنية لاجازة مثل هذه التعديلات
وغالبا تكون 7 سنوات... وتصدق دي الطريقة الاسهل لعمل تعديل دستوري
اما الطريقة الاخرى فانسى بس.. وفعليا لم يتم استخدامها بعد وهي عن طريق مؤتمر دستوري جامع
تتم الدعوى له من قبل ثلثين المجالس التشريعية للولايات والاجازة تكون بثلاث ارباع ممثلين الولايات
الحاضرين للمؤتمر الدستوري الجامع.. لكن للولايات الحق في عمل ضوابط متشددة او متساهلة لحق
حمل السلاح... يعني باختصار الزول احسن ليهو يشترى سلاح ويرخصو وبعد داك ينتظر:)
يعني يا سعد الابل السمان والمراعي وشبهة البسكويت دا كلو نكرتو حطب وتكلتو على الانجليزي الماعندو حق المحاكم:)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: حسين نوباتيا)
|
الأخ سعد الدين.
موضوع حيازة الأسلحة في أمريكا ليس هو بالأمر الساهل كما يراه الذين يعيشون خارج أمريكا. وهو موضوع ذات صلة بالحرب الأهلية الأمريكية وبالعادات والتقاليد. حيث حيازة الأسلحة بالنسبة لعدد كبير من الأمريكان هو شئ متوارث عبر الأجيال. الرئيس الأمريكي(حزب ديمقراطي) كسلطة تنفيذية، لا يستطيع أن يغير القوانين من غير أن يكون هنالك أتفاق مع السلطة التشريعية(الكونجرس مجلسي النواب والشيوخ) وذلك غير موجود الأن. رغم حوادث القتل التي تحدث بواسطة الأسلحة في أمريكا إلا أن أغلبية الشعب الأمريكي لم تقرر بعد بأن تعيد تنظيم قوانين الأسلحة. أنا أقول الشعب الأمريكي وأحمله المسئولية لأنه هو في نهاية الأمر هو الذي يقوم بعملية التصويت في أنتخاب ممثليه في الكونجرس الأمريكي. رغم وجود اللوبيهات التي تعمل في الأتجاهيين (مع أو ضد تغير القوانين).
ملحوظة:
هنالك ولايات ومدن أمريكية لديها تشريعات، تمنع حيازة الأسلحة خارج المنازل بالنسبة لأي شخص لا يعمل في أي جهاز أمني.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Deng)
|
تعرف يا سعد بالدستور ومن غير الدستور الشعوب تعبانة مع الحكومات مرة راكبين القطر في زنجي فكي البالطو حقو قوم يا مسدس اقع فندرب على بعد نص متر مننا وكانت دي اول مرة اشوف مسدس خارج السينما والتلفزيون حصل توتر شديد بين الناس الفي المحلة وناس خارجت روحها في اقرب محطة اكيد الخلعة الدخلتهم اثرت فيهم وافتكر اي زول من ديل ما عايز اسلحة عند الشعب لكن تجار الاسلحة ماسكين الناس بالدستور ونهائيا لن تمنع الاسلحة لو قتلو اطفال امريكا كلهم لانه التجار اقوى من السياسين وما يفعله اوباما لب سرفيس فقط واتجار باللحظة امال الرأسمالية دي كعبة ليه وديمقراطيتها وهمية ليه!!؟؟؟ لان الفي يدو القرش هو الاعلى
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: د.نجاة محمود)
|
سلامات سعد الدين و ضيوفه. ذي ما قالوا ليك يا سعد الدين، موضوع السلاح موضوع حساس جداً في أمريكا. في ناس السلاح جزء من هويتها. و أوباما رغم انه بيتمني انه يحظر كل الأسلحة الاتوتوماتيكية، لكن ما يحلم بانه يقدر يعمل كده. أكيد بتكون سمعوا بانه قبل كده كان بيتكلم و ما ملاحظ أن الميكروفون شغال و قال بانه في ناس ( مكنكشة في دينها و سلاحها) أو حاجة بالمعني ده. و ذي ما قالوا ليك الشباب فوق، الدستور الأمريكي بيكفل للمواطن حمل السلاح. مع انك في التلفزيون ح تشوف ناس كتار جداً زعلانيين في موضوع الأسلحة الحايمة في الشوارع دى، لكن في ناس كتار برضو ما بيرضو بالتلميح حتي بالتضييق عليهم في أسلحتهم. و ديل هم الله بيصوتوا لنواب الكونغرس اللي ح يقيفوا ضد أي قانون ممكن يضيق علي ناس الأسلحة. قبل فترة طلعتا من الشغل باليل، حوالي 9 مساء. تاني يوم الصباح عرفتا انه بعد خروجي بساعة في زول حاول يكس باب المكتب لكن كان في جهاز أنزار و البوليس جاء و كده. المهم بحكي لمديري بانه أنا مرقتا قبل الحادث بشوية. قام قال لي: عندك مسدس؟. أنا السؤال خلعني. لما قلت ليه لا. قال لي اشتري مسدس. و طلع ورقة كتب لي عنوان محل ممكن يعلموني الرماية طوالي. إها الزول ده نوع اللي دمه فاير الأيام دي في موضوع السلاح ده. اللي عاوزة أقوله انه ما كل الشعب الأمريكي مع حظر السلاح. الحجات اللي الشعب الأمريكي كله متفق عليها ما ح تسمع بيها حتي في الأخبار. لأنهم بيصوتوا عليها من سكات.
سلامات د. نجاة. مشتاقين. عندي طلب بسيط. كلمة ( زنجي) دي كلمة ما لطيفة. أو إحنا العايشين في أمريكا بقينا نحس أنها ما لطيفة. لو سمحتي غيريها.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Deng)
|
حباب ددينق
Quote: . أنا أقول الشعب الأمريكي وأحمله المسئولية لأنه هو في نهاية الأمر هو الذي يقوم بعملية التصويت في أنتخاب ممثليه في الكونجرس الأمريكي. رغم وجود اللوبيهات التي تعمل في الأتجاهيين (مع أو ضد تغير القوانين) |
هذا مربط الفرس، الشعب لا يستطيع تغيير وضع يتضرر منه بسبب هذه اللوبيهات المستفيدة من التجارة ، و التي ارباحها- أيضا- تغذي نفوذها، دائرة جهنمية تسقط الشعب من الحساب تماما حين يبدأ الحديث عن اي تغيير فعلي في القوانين المعنية.
تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: د.نجاة محمود)
|
الأخ Deng مسائك خير
الأخ Deng كتب:Quote: موضوع حيازة الأسلحة في أمريكا ليس هو بالأمر الساهل كما يراه الذين يعيشون خارج أمريكا. وهو موضوع ذات صلة بالحرب الأهلية الأمريكية وبالعادات والتقاليد. |
بعد كل الأحترام والتقدير .... لا يا Deng قانون الدفاع عن النفس وحمل السلاح ما ليهو علاقة بلحرب الأهلية والعادات والتقاليد... القانون الدستوري لحمل السلاح للدفاع عن النفس هو أحد الحريات الأساسية الموضوعة كحجر أساس للدولة الأمريكية. حرية الخطاب العام حرية التجمع حرية الدينات حرية الصحافة حرية الدفاع عن النفس، "قانون حمل السلاح" حرية اختيار ممثلين في البرلمان الحريات هذي هي سبب هروب الاوروبيين في عام "1606"من عدة دول إورببية إلي أمريكا من الأنظمة الملكية الاقطاعية في اوروبا انذاك، لذا كانت هذة الحريات المسلوبة منهم في بلادهم القاسم المشترك للجميع عند تاسيس أمريكا.
الحرب الأهلية في أمريكا ليها علاقة بايقاف تجارة الرقيق داخل أمريكا ووقف إستجلاب الرقيق من أفريقيا للعمل في مزارع الجنوب الغنية ، ومنها محاولة الجنوب "تكساس" في الانفصال من الاتحاد الأمريكي.
إضافة: في فلم اسمو Amistad يحكي الفترة قبل الحرب الأهلية وقصة إيقاف تجارة الرقيق, فليم يحكي عن قصة واقعية إذا عندك زمن شاهدو.
Warm Regards, Khalidkeba
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
سلام يا خالد من جديد،
Quote: الحريات هذي هي سبب هروب الاوروبيين في عام "1606"من عدة دول إورببية إلي أمريكا من الأنظمة الملكية الاقطاعية في اوروبا انذاك، لذا كانت هذة الحريات المسلوبة منهم في بلادهم القاسم المشترك للجميع عند تاسيس أمريكا.
الحرب الأهلية في أمريكا ليها علاقة بايقاف تجارة الرقيق داخل أمريكا ووقف إستجلاب الرقيق من أفريقيا للعمل في مزارع الجنوب الغنية ، ومنها محاولة الجنوب "تكساس" في الانفصال من الاتحاد الأمريكي. |
نفس هذه الحريات كانت سببا للعنف ضد المواطنين الاصليين و الافارقة في ما بعد؟. اعتقد ان ما قصده دينق هو ما اشار اليه نوباتيا.و سمارت لاحقا عن هواية الصيد و التسلح و غيرهما حيث قد لا تجد مقولات مثل To live by the gun and die by the gun حديثا الا في امريكا، و بما أن التسلح جزء من الثقافة و التقليد فهذا يعني ارتباطه بالتاريخ و الحرب الأهلية دون شك، مرات فعلا كما ذكر بعض الأخوان هنا: يصل الأمر لدرجة العقيدة عند بعض الامريكان!
تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
Quote: متعلق بحق دستوري يكفل للامريكي بحمل السلاح |
طبعا دا كلام بتاع إستهلاك مع إحترامي لكل من يعلل بهذا السبب الديمقراطية الأمريكية ديمقراطية موجهة ون إت كومس للسلاح والتأمين الصحي وبعض القضايا الأخرى فالصفوة الجمهورية المتشددة تستفيد من سذاجة الأمريكيين أحيانا عندما تثار قضايا مثل السلاح و والتأمين الصحي. فهم يستطيعون أن يشُيعو الخوف فيهم بالخطر المحدق بأمريكا من الأعداءالذين يتربصون بالولايات التحدة ويريدون أحتلالها "الإتجاد السوفيتي,الصين,أيران, روسيا, الإرهاب " فلهذا يجب أن يكونو على أُهبة الإستعداد لهم. وتارتا يحاولون الإستفادة من خوف البيض المحافظين من الإقليات الأخري "الأفريكان أمريكان, اللاتينو , الخ". وهم بذلك يجنون أرباح كبيرة جدا مستفيدين من خوف المجتمع. فهم لديهم جماعات ضغط مثل NRA ولديه أعلاميون مساندون ولديهم أعضاء في الكونقرس مساندون لقضاياهم نفس الشيئ ينطبق على التأمين الصحي في الولايات المتحدة وكيف تحاول بعض الجماعات أن تُنشر الخوف في الشعب الأمريكي بالخطر الشيوعي والإشتراكي "Socialism" على الرأس مالية الأمريكية "Capitalism".
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
أخ Ammar نهارك سعيد
Ammar كتب:Quote: طبعا دا كلام بتاع إستهلاك مع إحترامي لكل من يعلل بهذا السبب |
لا يا Ammar أمريكا دولة قانون والقانون ما فيهو إستهلاك ....الدستور الأمريكي ما هو ألسبب في حياة الامريكان الدستور هو القانون المنظم لحياتهم اليومية. Ammar كتب:
Quote: فهم يستطيعون أن يشُيعو الخوف فيهم بالخطر المحدق بأمريكا من الأعداءالذين يتربصون بالولايات التحدة ويريدون أحتلالها "الإتجاد السوفيتي,الصين,أيران, روسيا, الإرهاب " فلهذا يجب أن يكونو على أُهبة الإستعداد لهم. وتارتا يحاولون الإستفادة من خوف البيض المحافظين من الإقليات الأخري "الأفريكان أمريكان, اللاتينو , الخ". |
كلامك عن الخوف والبروبقندا هو الجانب المستخدم في الاعلامي واللوبي في أمريكا وما ليهو علاقة بلقانون في حدي ذاتو أو الدستور. كيفية إستقتطاب مؤيدين ومصوتين لكل جانب و نشر الرعب عن الجانب الأخر ده التسويق للافكار والإستقطاب للايدولوجية السياسية. في الجانب ده كلامك صاح الجانب الجمهوري في أمريكا أو الحزب الجمهوري دايما يستغل العاطفة في الاعلام و اللوبي لتسويق أفكاره و في طرح كل قوانينو أما الحزب الديمقراطي يستخدم جانب المنطق والعقل في تسويق كل مقترحاتو، والطريقتين متداولة وتخاطب نوعين من الأمريكان.
كل الاحترام والتقدير Khalidkeba
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Gaafar Ismail)
|
الأخ خالد وعليكم السلام يا حبيب كيف إنتا وكيف الساب معاك :)
Quote: لا يا Ammar أمريكا دولة قانون والقانون ما فيهو إستهلاك ....الدستور الأمريكي ما هو ألسبب في حياة الامريكان الدستور هو القانون المنظم لحياتهم اليومية. |
أنا لم أقل بأن أمريكا ليست بدولة القانون وأنا لم أقل بأن هذه القوانين غير دستورية. وعندما إشرته الي العبارة أدناه لم أقصد القانون في حد ذاته من الفهوم التشريعي الدستوري
Quote: طبعا دا كلام بتاع إستهلاك مع إحترامي لكل من يعلل بهذا السبب |
ولكن قصدته وجود مادة في الدستور أو القانون من المفترض أن تُعدل لأنه هذه المادة لا تتلائم مع دولة كبرى مثل الولايات المتحدة ووجود هذا القانون مرتبط بمصالح فئات وجماعات معينة تستطيع أن تسوق فكرتها مستفيدة من الجو الديمقراطي الموجود بالرغم من أن هذه قوانين نتاجها عكسي على المجتمع الامريكي. من ما يجعل الديمقراطية الأمريكية موجهة أحيانا في بعض القضايا.
Quote: كلامك عن الخوف والبروبقندا هو الجانب المستخدم في الاعلامي واللوبي في أمريكا وما ليهو علاقة بلقانون في حدي ذاتو أو الدستور. |
وأنا لم أقل غير ذلك
Quote: في الجانب ده كلامك صاح الجانب الجمهوري في أمريكا أو الحزب الجمهوري دايما يستغل العاطفة في الاعلام و اللوبي لتسويق أفكاره و في طرح كل قوانينو أما الحزب الديمقراطي يستخدم جانب المنطق والعقل في تسويق كل مقترحاتو، والطريقتين متداولة وتخاطب نوعين من الأمريكان.
|
ما تنسى الالة الإعلامية الموجهة ومحاولة تشويه صورة الأقليات أو كما قال ميكل مور Demonetization والذي يحسن إستغلاله المحافظون الجمهوريون لعدم تغيير القوانين.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: د.نجاة محمود)
|
سلام خالة نجاة،
Quote: تجار الاسلحة ماسكين الناس بالدستور ونهائيا لن تمنع الاسلحة لو قتلو اطفال امريكا كلهم لانه التجار اقوى من السياسين وما يفعله اوباما لب سرفيس فقط واتجار باللحظة امال الرأسمالية دي كعبة ليه وديمقراطيتها وهمية ليه!!؟؟؟ لان الفي يدو القرش هو الاعلى
|
القادر بسوي :)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: حسين نوباتيا)
|
نوباتيا يا حسين :)
Quote: طبعا غلب دستوري... حنعمل ايه مع العجائز الربطونا بيهو ومشو:)
عشان يحصل تعديل في حق دستوري لازم يمر التعديل بالكونقرس المكون من
بيتين مجلس الشيوخ ومجلس النواب.. ولازم تكون الموافقة بثلثين الاعضاء في كل بيت على حدى
ثم بعد داك يذهب للولايات لتقول قولتها هي الاخرى ولازم تتم الموافقة على المادة المراد تعديلها
من السلطات التشريعية للولايات وعادة يضع الكونقرس مدة زمنية لاجازة مثل هذه التعديلات
وغالبا تكون 7 سنوات... وتصدق دي الطريقة الاسهل لعمل تعديل دستوري
اما الطريقة الاخرى فانسى بس.. وفعليا لم يتم استخدامها بعد وهي عن طريق مؤتمر دستوري جامع
تتم الدعوى له من قبل ثلثين المجالس التشريعية للولايات والاجازة تكون بثلاث ارباع ممثلين الولايات
الحاضرين للمؤتمر الدستوري الجامع.. لكن للولايات الحق في عمل ضوابط متشددة او متساهلة لحق
حمل السلاح... يعني باختصار الزول احسن ليهو يشترى سلاح ويرخصو وبعد داك ينتظر:)
يعني يا سعد الابل السمان والمراعي وشبهة البسكويت دا كلو نكرتو حطب وتكلتو على الانجليزي الماعندو حق المحاكم:) |
عشان كدا بيقولوا (الشيطان يكمن في التفاصيل) فكلما طالت المدة و صُعبت العملية سياسيا وجدت مراكز القوى اكثر من فرصة للضغط و ممارسة سياسة التخويف و الالعاب القذرة (حين تتحدث الاموال) و ربما الابتزاز ، التي تجعل حتى اوباما يقف عاجزا الا من حديث عاطفي كما ذكرت خالتنا نجاة. من الأخر كدا على قول المصريين(موت يا حمار)
--------- الانجليزي مسكين و طيب يا أخوي، لا بغرمك لا بجرجرك! مالنا و مال القراية ام بنكنوت :)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
Quote: Gun ownership
The General Social Survey (GSS) is a primary source for data on firearm ownership, with surveys periodically done by other organizations such as Harris Interactive.[71] In 2004, 36.5% of Americans reported having a gun in their home and in 1997, 40% of Americans reported having a gun in their homes.At this time there were approximately 44 million gun owners in the United States . This meant that 25 percent of all adults owned at least one firearm. These owners possessed 192 million firearms, of which 65 million were handguns. |
عليك الله دي ما حاجة بتزعل في بريطانيا البوليس ما قاعد يشيل سلاح
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
Quote: عشان كدا بيقولوا (الشيطان يكمن في التفاصيل) فكلما طالت المدة و صُعبت العملية سياسيا وجدت مراكز القوى اكثر من فرصة |
بالعكس يا سعد الدين. الدستور في أمريكا محترم جدا. و انا شخصيا شايفة انه مهم جدا يكون تغييره ما ساهل. يا جماعة مهم جدا نلاحظ انه نصف الشعب الأمريكي ما عاوز قيود علي امتلاك الأسلحة . ما عشان جاهلين و ما عارفين الحاصل. الناس دي عاوزة سلاحها، بس كده. احتمال إحنا ما نقدر نفهم الكلام ده، لكن دي طبيعة الشعب الأمريكي. ده ما بيمنع انه شركات الأسلحة عندها لوبي قوي، لكن الشعب الأمريكي منقسم في الموضوع ده. ذي موضوع التامين الصحي. في ناس في أمريكا رأيها انه كل زول يأكل ناره. الحكومة ما ليها دخل بزول. الحكومة عشان تدافع عن البد ضد العدوان الخارجي بس. لكن داخل البلد ما مفروض تتدخل. في واحد كان مترشح في الحزب الجمهوري كان عاوز يلغي وزارة التعليم. كنتا ح أموت من الضحك لما سمعتا بالرقم الوطني في السودان. تمشي تكتب اسمك و اسم أمك و أبوك و قبيلتك و كمان شنو يشيلو بصماتك!!. طبعا حاجة ذي دي لو نزل جن احمر في واشنطن ما تقدر حكومة أمريكية تعملها. تشيل بصمات الناس ساي كده؟؟؟؟ و علي مستوي كل البلد؟؟؟؟
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
حق امتلاك السلاح في امريكا له علاقه بحمايه الدستور نفسه وحمايه حق المواطن في الدفاع عن حريته وعن حقه في الثوره علي او ضد الحكومه المركزيه او الولائيه في حاله تهديد هذه الحكومه (الوحده الامريكيه والدستور) ولهذا ليس هنالك _جهاز شرطه في امريكا لديه (كل المعلومات) عن كل شئ حتي لا ينفرد جهاز امني واحد بحايزه كل المعلومات والهدف هو وجود (ميزان للسلطه ) فلكل جه (شرطه) خاص بها مثل ( البوسته والغابات والولايات والمدن وحتي الحكومه الفدراليه نفسها والخ) وكل هذه الاجهزه الامنيه تعمل سويا من اجل حمايه (الدستور) والوحده التي تجمع جميع الولايات الخمسين وحمايه المواطن نفسه وعلي هذه الاجهزه التعاون وفق قوانين تحمي عمليه التعاون نفسها .. الموضوع متشعب جدا ولا يمكن تغييره ابدا .. ممكن اجراء اصلاحات فيه ولكل ولايه قوانين خاصه في موضوع حيازه الاسلحه وحملها ..
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Muhib)
|
ازيك يا مهيب حديثك على المستوى النظري جيد جدا، غير أنه لا يفيد مجموعات التلاميذ حين تُحاصر داخل مدرسة أو فصل من مهووس حدث أن توفرت عنده ترسانة سلاح اتاحتها له حقوقه الدستورية. من الجيد أن يكون هناك دستور محترم و سيادة قانون، لكن اليس الغرض من الدستور هو ادارة شؤون الدولة و حماية حقوق الافراد والاقليات؟ و اذا كانت الدولة علمانية و ترفض جمود النصوص و تحجر العقول، لماذ يقف "حمار" تقنين حق التسلح في "عقبة " الحق الدستوري؟ ما لم تكون هناك جهات مستفيدة من الراهن و تفوح منه شبهة فساد؟ ما يصنع الفرق هو القابلية على تطوير الدستور ليتوافق مع المتغيرات. تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
الأخت إسمارت السلام عليكم هسع ما وريتينا إنك إشتريتي سلاح ولا لأ عشان لو إشتريتي سلاح ما حقدر إختلف معاك شديد :)
Quote: يا جماعة مهم جدا نلاحظ انه نصف الشعب الأمريكي ما عاوز قيود علي امتلاك الأسلحة |
الصحيح هنالك من يستغل نصف الشعب الأمريكي ليقنعه بأهمية السلاح وبأنه في خطر دائم
Quote: الناس دي عاوزة سلاحها، بس كده |
كلام ما منطقي
Quote: كنتا ح أموت من الضحك لما سمعتا بالرقم الوطني في السودان. تمشي تكتب اسمك و اسم أمك و أبوك و قبيلتك و كمان شنو يشيلو بصماتك!!. طبعا حاجة ذي دي لو نزل جن احمر في واشنطن ما تقدر حكومة أمريكية تعملها. تشيل بصمات الناس ساي كده؟؟؟؟ و علي مستوي كل البلد؟؟؟؟ |
مبدأ وجود رقم وطني في ذاته هو شيئ جيد. قد تكون هنالك علات بسيطة في التطبيق مثل البصمة وغيره ولكن المبدأ نفسه ما فيهو مشكلة وبالذات لو كان هنالك إلتزام من الحكومة بعد إستعمال هذه البصمة.
على كل حال حتى في أمريكا هنالك قوانين كثيرة مثيرة للجدل مثل حكاية Internet censorship ولي عودة إنشاء الله
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
الرقم الوطني ياهو السوشال سيكورتي نمبر اه ناس ديل بشيلو الحاجات دي من امريكا ذاتها بعدين اي طفل يتولد في امريكا بتتشال بصماته لا اذكر تم الاستذات مننا حينما بصمو البنات اليدين والكرعين في امريكابيكتبو ليك ريس بتحدد لونك الكلام دا داطبعا زمن مشينا في الثمانيات هل اتغير واشطبت خانة الريس؟ سمارتي انت عايزة تضحكي براك ساي دا كلو في امريكا في
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: بريمة محمد)
|
Quote: حق امتلاك السلاح في امريكا له علاقه بحمايه الدستور نفسه وحمايه حق المواطن في الدفاع عن حريته وعن حقه في الثوره علي او ضد الحكومه المركزيه او الولائيه في حاله تهديد هذه الحكومه (الوحده الامريكيه والدستور)
|
لا أعرف لماذا معظم الردود تحاول إيجاد المبررات الفطيرة على حق تملك السلاح في الولايات المتحدة. يا منيب يا أخوي الكلام الكاتبو فوق دا زاتو الكلام البرددوهو المحافظين المتشددين من الجمهوريين والبحاولو يقنعو بيهو بقية الشعب الأمريكي المغلوب على أمرو بأنو وجود السلاح شيئ مهم طيب يأخي بنفس الفهم لماذا لا يكون وجود السلاح تهديد للوحدة الأمريكية مش منكن وجود السلاح يساعد التيارات الإرهابية المتشددة على حصول على للسلاح بكل سهولة للقيام بي عمليات إرهابية مش منكن إنتشار السلاح يساعد على قتل البريئين من مختلف فئات المجتمع زي ما بيحصل كل يوم
Quote: ولهذا ليس هنالك _جهاز شرطه في امريكا لديه (كل المعلومات) عن كل شئ حتي لا ينفرد جهاز امني واحد بحايزه كل المعلومات والهدف هو وجود (ميزان للسلطه ) فلكل جه (شرطه) خاص بها مثل ( البوسته والغابات والولايات والمدن وحتي الحكومه الفدراليه نفسها والخ) وكل هذه الاجهزه الامنيه تعمل سويا من اجل حمايه (الدستور) والوحده التي تجمع جميع الولايات الخمسين وحمايه المواطن نفسه وعلي هذه الاجهزه التعاون وفق قوانين تحمي عمليه التعاون نفسها .. الموضوع متشعب جدا ولا يمكن تغييره ابدا .. ممكن اجراء اصلاحات فيه ولكل ولايه قوانين خاصه في موضوع حيازه الاسلحه وحملها .. |
كيف مافي شرطة بتملك المعلومات وماذا عن ال FBI , بعد داك التقسيم بتاع الشرطة دا موجودEvery where تقريبا حتي السودان دا فيهو شرطة سياحة ,شرطة محاكم , شرطة مرور شرطة حرس صيد. بعد داك ناس أمريكا ديل خليهوم من المعلومات عن المواطنين في أمريكا يا أخي واللهي أنا قايل حبوبتي في السودان بكون عارفين معلومات عنها.
Quote: حق حمل السلاح حق دستورى .. لا يمكن أوباما أو أى حزب يلغيه إلا بأستفتاء الشعب الأمريكى .. وح يسقط لو عملوا أستفتاء.
|
يا بريمة ما يميز الديمقراطية الأمريكية هي لا توجد كلمة مستحيل ولا روزا باركس عندما رفضت إخلاء مقعدها مخالفة لقوانين الولاية ما كانت بقت بطلة قومية اليوم من مجرمة الأمس. أتفهم جدا صعوبة تغيير الدستور وهذا شيئ منطقي عشان ما كل من هب ودب يغير الدستور مثل ما يحدث عندنا في السودان ودول العالم الثالث. البشير مدتو إنتهت بكرة يجتمع البرلمان لتعديل الدستور ليترشح لمرة ثالثة في خلال 24 ساعة فقط. فصعوبة تغيير الدستور شيئ منطقي ومطلوب حقيقتا. ولكن المعركة الأهم الان هي محاربة المتشددين الذين يُوعزون للشعب الأمريكي أهمية وجود السلاح من أجل مصالحهم الشخصية أو لمإرب أُخرى ثم بعد ذلك تأتي معركة الدستور. فلإمبرطورية الأمريكية واحدة من أعظم الإمبراطوريات في التاريخ فلا يمكن أن تُحكم بقوانين ومفاهيم من دول العالم الثالث.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
Quote: حق حمل السلاح حق دستورى .. لا يمكن أوباما أو أى حزب يلغيه إلا بأستفتاء الشعب الأمريكى .. وح يسقط لو عملوا أستفتاء.
بريمة |
ازيك يا بريمة، اها كونه انه استفتاء زي ده بحميك من المهووسين و يسقط؟ دي ياها المسكنة زاتا، يمكنك أن تأخذ خيولك الى النهر لكنك لا تستطيع ارغامها أن تشرب. المرطبين مستفيدين من الوضع و التجارة المربحة دي و مبرمجين المايند سيت بتاع الكثيرين على قصة حق دستوري و حكمة اقتناء سلاح ، لدرجة اقنعوك و انت المهاجر حديثا بجدوى التسلح،
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: د.نجاة محمود)
|
دينق، و عمار مكي،( و كوستاوي ذاتوا)، ده من من الأسرار القومية يا أخي.:) لكن للضمان كده أقول ليكم، مؤخراً، بقت في مسدسات صغيرة كتيرة مصنعة خصيصا عشان النساء و اياديهم الصغيرة. :)
سلامات د. نجاة. لو دققتي في كل النقاط اللي قلتيها دي ح تضحكي معاي :). نبدأ ب بصمات الاطفال. البصمات اللي بتتعمل في بعض المستشفيات (في بعض الولايات) دي يا د. نجاة عبارة عن تذكار بيدوه ليك في شهادة كده عبارة عن حركة من المستشفي. الشهادة اللي يبدوها ليك دي ما عندها اي قيمة قانونية. و البصمات دي ما موجودة في اي قاعدة بينات. و كان ممكن عادي ترفضي تعمليها. و الشهادة دي حتي ما بتطلع ليك جواز لطفلك. لازم تقدمي للشهادة الحقيقة من الولاية. شهادات الميلاد أصلا في أمريكا مسؤولية الولايات. و ليس الحكومة الفدرالية. و كل ولاية عندها نظام مختلف. و شهادة مختلفة و بيسالوا عن اشياء مختلفة عشان يطلعوا شهادة ميلاد لمولود جديد. و اي زول بيفهم في الكومبيوتر و قواعد البيانات ممكن يقول ممكن يكون موضوع معقد ( و مرات مستحيل ) كيف انك تلم قواعد بينات من أنظمة مختلفة. رقم الضمان الاجتماعي، الامركان بيطلعوه بعد شهادة الميلاد طوالي. و عشان تقدم للمولود ما بتحتاج بصمة و لا حتي صورة للمولود. اي زول عنده رقم فعلا، لكن ده ما بيعني ان الحكومة عارفه انت شكلك كيف و بصماتك شكلها كيف.
الريس في أمريكا يا د. نجاة لو ما ساعدك ما بيضرك ( خاصة لو كنتا من الأقليات). ده غير انه في فورمان كتيرة بيكون اختياري و ممكن ما تكتبه. و في دائماً خيار ل ( other) و يعني انك شايف روحك انك ما من اي جنس من الأجناس اللي في الفورم. و لو كتبتا اي شيء ما في زول بيغالطك فيه.
د. نجاة في كم مرة في تاريخ أمريكا أتعرض موضوع انه يتعمل بطاقة شخصية لكل الأمريكان. و أبدا الموضوع ما مشي لقدام.
انا ما عارفه انتي عشتي زمن قدر شنو في أمريكا، لكن شكلك ما عرفتي المجتمع الأمريكي كويس. موضوع البصمات ده فعلا قصة كبيرة في أمريكا. إحنا عشان بنجي أمريكا أجانب بيشيلوا بصماتنا في المشية و الجية. لكن لو كنتي مواطن لتولد في أمريكا فالقصة مختلفة.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
سلامات عمار مكي. و الله الكلام منطقي يا أخي :) ( كلام انه في ناس عاوزه بس سلاحها في يدها) انت شكلك ما مشيت اتعاملتا مع مزارعين في أمريكا. او صيايدين البط. انا بعرف هنود حمر* صيد الدببة جزء من ممارساتهم الدينية. و ما في زول بيقدر بمنعهم من الصيد. ------------ * حتي مصطلح ( هنود حمر) ما مقبول في أمريكا. و استعملته عشان اغلب الناس خارج أمريكا ما بيعرفوا السكان الأصليين بغير المصطلح ده.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
Quote: الريس في أمريكا يا د. نجاة لو ما ساعدك ما بيضرك ( خاصة لو كنتا من الأقليات). ده غير انه في فورمان كتيرة بيكون اختياري و ممكن ما تكتبه. و في دائماً خيار ل ( other) و يعني انك شايف روحك انك ما من اي جنس من الأجناس اللي في الفورم. و لو كتبتا اي شيء ما في زول بيغالطك فيه.
|
مشكورة يا اسمارت على الشرح الوافي اعلاه ... يعجبني فيك نفسك المفتوحة للكتابة وتقديم الشروحات الوافية:) مما يكون عامل تشجيع للكسالى امثالي:)
حتت الريس في الفورمات دي ان اتكلمت فيها كتير في البورد دا وشجعت السودانين انهم يكتبوا بلاك لانهم فعلا بلاك ... دا غير الفوائد الممكن يجنوها من هذه الحقيقة
لان هناك ما يعرف بالتفرقة الايجابية يستفيد منها الاقليات وسكان مناطق معينة بناءا على متوسط الدخول في تلك المناطق...
عندي صحبي اسود من الحجر الاسود وبكتب other - الموهوم قال لانو شعرو سبيبي - ويكتبها حتى في فورمات قروض البنوك ..
فشرحت له البنوك تسعي جاهدة لاعطاء القروض للاقليات القاطنة في مناطق ذات دخول متوسطة ودنيا تطبيقا لقانون الــ CRA
الذي يشجع البنوك على معاملة اسهل في مناطق الاقليات .. وبشكل سنوي ترفع البنوك تقريرا للحكومة الفدرالية لتتباهى بنسة
الاقراض للاقليات الخ.. والقانون اساسا اتى كمحاربة الى ما كان يعرف بالرد زونن ( Red Zoning ) - بعدها الراجل قال لي
بقيت بكتب بلاك معاها ++ ... قلتا ليهو ++ معناها شنو قال لي عشان يعرفوا اني افريقي اصلي:) الموهوم مصّر يكون مميز:)
بالنسبة لافضل الاسلحة للنساء انا بنصح بالــRuger LCR Revolver فهو يزن فقط 13.5 وقية بطول ستة ونصف بوصة
قومي على سلاحك يرحمك الله وبعدين التنظير ملحوق:)
_____
اخونا عمار ياخي براحة علينا شوية ... من نوعية كلام استهلاكي ... ومبررات فطيرة وكلامك الكبار دا...
ممكن تناقش الموضوع من وجهة نظرك بدون الالفاظ الغليظة دي... يعني انا هسي بقرا في كلامك دا وبضحك
لانو كلام لا يمت للواقع ولا للحقيقة بصلة مع انو فيهو لمحات بسيطة ممكن تكون صحيحة لكن الزول اهو
بحاول يدي معلومة مفيدة للناس ويستفيد من وجهات النظر المقابلة بدون ادعاء امتلاك الحقيقة وتسفيه اراء
الناس... معظم الناس الهنا دي معارضة للتساهل في حمل الاسلحة بل ترغب في منعه منعا باتا لكنها
تعرفت على العقبات الحقيقية... تصوريك للشعب الامريكي بانه ساذج مخموم من قبل لوبي الــNRA
دا كلام غريب بل كلام زول يستقي معلوماته من مصدر واحد ...
فبالله خلي النقاش يسير بنفس الروح التى افترع بها صاحب البوست بوسته ...
وحاول افضح الكلام الاستهلاكي دا ... ورينا مخارجك شنو للتنصل من هذا الحق الدستوري
الطريقة والفكرة وكدا .. عشان نستفيد منك لانو معلومة قوة الـــNRA هذه معلومة للجميع ومصدر قوتهم الاساسية هي التعديل
الثاني للدستور الامريكي الذي يستخدمونه في وجه كل من ينقنق ساكت في هذا الموضوع..
سلامات..
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: حسين نوباتيا)
|
الأخ حسين نوباتيا عساك بخير Quote: خونا عمار ياخي براحة علينا شوية ... من نوعية كلام استهلاكي ... ومبررات فطيرة وكلامك الكبار دا...
ممكن تناقش الموضوع من وجهة نظرك بدون الالفاظ الغليظة دي |
Quote: وتسفيه اراء الناس... |
أبدا واللهي يا أخ حسين ما كان القصد ان أسُفِه حديث شخص ولا إغلِظ عليه في القول. وإذا فعلت فأنا إعتذر عن ذلك فلك انت والجميع العتبى حتي ترضى
Quote: دون ادعاء امتلاك الحقيقة |
أحاول في جميع مناقشاتي أن أناقش بذهن مفتوح بدون وضع النتائج المسبقة فإذا وجدت طرح أخر مقنع أكثر, لا اتردد أبدا في تبني هذا الطرح.
Quote: عني انا هسي بقرا في كلامك دا وبضحك
لانو كلام لا يمت للواقع ولا للحقيقة بصلة مع انو فيهو لمحات بسيطة ممكن تكون صحيحة |
أرجوتوضيح اكثر, ما هو الكلام الذي لا يمت للواقع أو الحقيقة بصلة
Quote: ورينا مخارجك شنو للتنصل من هذا الحق الدستوري
الطريقة والفكرة وكدا .. عشان نستفيد منك لانو معلومة قوة الـــNRA هذه معلومة للجميع ومصدر قوتهم الاساسية هي التعديل
الثاني للدستور الامريكي الذي يستخدمونه في وجه كل من ينقنق ساكت في هذا الموضوع..
|
حقيقتا هذا سؤال صعب الإجابة عليه ولكن بنفس الطريقة التي تستخدمها ال NRA. تكوين اللوبيز المناهضة لل NRA ومحاولة فضخهم أما الشعب الأمريكي محاولة تعديل المفهوم الخاطئ للأمريكيين في بعض الأحيان بالخطر المحدق بهم من كل إتجاه. محاولة محاربة بعض وسائل الأعلام التي في بعض الأحيان تحاول تشويه وتصوير بعض الإقليات بأنهم معتادي إجرام ومصدر خطر. كشف الحقيقة بأن المستفيد الأول من بيع السلاح هم رجال الأعمال واصحاب الشركات التي تتضاعف أرباحها على حساب دافعي الضرائب. تنوير الشعب الامريكي عن خطورة إنتشار السلاح والمقارنة الحالة الأمريكية برصيفتها من الدول الديمقراطية "الدول الإسكندنافية, بريطانبا, فرنسا" مثلا مع التأمين بأن لكل ديمفراطية لها وضعها الخاص بدا المعركة بالولايات بوضع الضوابط المشددة في القوانين الفدرالية على إقتناء السلاح قبل معركة الدستور. المعركة ليست مع ال NRA بل المعركة معركة سياسية شعبية لأنها معركة تغيير مفاهيم. أُخرى لا إستحضرها ثم بعد ذلك طرح الموضوع كإستفتاء أو من خلال مجلس النواب والشيوخ وهذه ستكون معركة اجرائية في حالة كسب تأييد الشعب الأمريكي وفضح الجماعات المتشددة وجماعة ال NRA
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
سلامات يا عمار وشكرا لتفهمك وروحك المتسامحة ...
طيب يا حبيب خليني من كلامك الفات خليني اجيب ليك كلام مخالف الواقع من مداخلتك الفاتت دي...
Quote: تكوين اللوبيز المناهضة لل NRA ومحاولة فضخهم أما الشعب الأمريكي |
الـــ National Rifle Association هي جمعية امريكية تعمل في النور انشأت في عام 1871
وهي تجمّع للمهتمين بالاسلحة من الهواة والمحترفين ونعم تدعم من صناع الاسلحة وهي من اكثر المدافعين شراسة عن
عن التعديل الثاني للدستور الامريكي ولا يوجد ما يعيبها قانونيا ولا اخلاقيا ليتم فضحها - نعم هي تدعم المرشحين المطالبين عدم
المساس بهذا الحق الدستوري - يعني زيها زي الجمعيات الاخرى التى تتكون لاصحاب هواية مشتركة الخ... ولا يمكن تكوين لوبي
بالمعني الحرفي ليقابل او يعمل ضد هذه الجميعة لان مطالبها محصنة من قبل الدستور الامريكي... يعني قران كريم بالنسبة للامريكان..
انا عضو في جمعية تدعى organizing for action احد اهدافها هي الضغط على نواب الكونقرس لمساعدة اوباما لجعل ضوابط حمل
السلاح اكثر صرامتةََ ... ولكنا لا يمكن ان نعادي باي حال من الاحوال الــNRA او نفضحهم زي ما بتقول لانهم ما بعملو في شي غير قانوني..
Quote: محاولة تعديل المفهوم الخاطئ للأمريكيين في بعض الأحيان بالخطر المحدق بهم من كل إتجاه. |
هذا افتراض مبني على حكم مجهول المصدر ان الشعب الامريكي مغيّب وانه منقاد لمفهوم خاطئ والحقيقة تقول ان الذين يدعمون
حق حمل السلاح لهم حجج قوية مرتبطة بثقافة البلد وهواية عشرات الملاين من الامريكان في اقتناء الاسلحة المختلفة وممارسة الصيد بكل انواعه
مثلا في ولاية نوهامشر التى تقع شمالي مباشرة مسالة صيد الغزلان عندهم لها قدسية اكثر من قدسية صلاة الجمعة عن المسلمين .. يعني ثقاقة
متجذرة منذ الاف السنين وتكاد كل البيوت يكون فيها انواع اسلحة الصيد المختلفة وهي من اامن الولايات الامريكية من حيث معدل الجريمة ولم يحدث فيها
حواث شوتن معروفة - فهم غير مستعدين لان يتنازلوا عن هذا الارث من اجل حوادث يعتبرونها فردية .. لا يمكن لقانون او قوانين ان تمنعها...
Quote: محاولة محاربة بعض وسائل الأعلام التي في بعض الأحيان تحاول تشويه وتصوير بعض الإقليات بأنهم معتادي إجرام ومصدر خطر. |
هذا شي غير موجود اصلا لكي يحارب لانه ضد القانون ... وهناك مئات المتصيدين لاي هفوة حتى ولو كانت غير مقصودة ويقوموا برفع قضايا
على اي محطة تجرؤ على فعل مثل هذا .. ويمكنني ان اسرد لك مئات من الحوادث الغير مقصودة التى من اجلها الغيت برامج شهيرة ودفعت القنوات مبالغ طائلة..
Quote: كشف الحقيقة بأن المستفيد الأول من بيع السلاح هم رجال الأعمال واصحاب الشركات التي تتضاعف أرباحها على حساب دافعي الضرائب. |
الجزء الاول معروف لدى كل الامريكان تقريبا ولا يحتاج لكشف .. اما الجزء الاخر فما فهمت كيف تكون الاستفادة على حساب دافعي الضرائب؟؟
Quote: تنوير الشعب الامريكي عن خطورة إنتشار السلاح والمقارنة الحالة الأمريكية برصيفتها من الدول الديمقراطية "الدول الإسكندنافية, بريطانبا, فرنسا" مثلا مع التأمين بأن لكل ديمفراطية لها وضعها الخاص |
طبعا من نعم البرامج الامريكية انها تدعو المتخصصين لعمل مقارانات وشروحات غاية في الروعة والدقة ... في احداها تمت محاولة زنق المتحاور الداعم لعدم اضافة ضوابط لحمل
السلاح وذكروا له الدول الاروبية والاسكندنافية ... فببساطة قال لهم ان قوانينهم المتشددة لم تمنع مثلا مجزرة النرويج التى راح ضحيتها 77 قتيلا عام 2011
فالشعب متنور تماما فيهم من يرفض التنازل عن حقه الدستوري بناءاََ على حوادث عشوائية... وبعضهم يقول ان وجود سلاح في يد مجنون لا علاج له الا وجود سلاح
مقابل في يد مواطن صالح.. لانو فرضية وجود السلاح في يد مجنون لا يوجد قانون ولا اجراء من منعها ..
Quote: بدا المعركة بالولايات بوضع الضوابط المشددة في القوانين الفدرالية على إقتناء السلاح قبل معركة الدستور. |
مافي ضوابط فدرالية اصلا تمت اجازتها وانما هناك ولايات اضافت قيود لهذا الحق الدستوري ومنها الولاية التى اعيش بها لا يسمح
بحمل السلاح خارج البيت الا بعد تصاريخ خاصة ولاسباب موضوعية متعلقة بالشخص .. وهذا طبعا بتعمد على سكان الولاية يعني
مثلا في الجنوب يعتبر انتحار سياسي لاي سياسي يحاول ان يفرض مثل هذه القيود حتى في بعض ولايات الشمال..
Quote: المعركة ليست مع ال NRA بل المعركة معركة سياسية شعبية لأنها معركة تغيير مفاهيم. |
نعم المعركة ليست مع الــ NRA هنا بتفق معاك لان المعركة فعلا تغيير مفاهيم بل ثقافات متجذرة محتاجة سنين
وما مسالة انهم مغيبين وما عارفين وين الله حاطهم زي ما بتقول فوق...
Quote: ثم بعد ذلك طرح الموضوع كإستفتاء أو من خلال مجلس النواب والشيوخ وهذه ستكون معركة اجرائية في حالة كسب تأييد الشعب الأمريكي وفضح الجماعات المتشددة وجماعة ال NRA
|
هنا بتفق معاك من غير اجراء اي استفتاءات شعبية لان الــ Founding fathers لم يضعوها كوسيلة لتغيير الدستور ومن غير فضائح لان الفضائح تكون للذين يعملون خارج اطار القانون...
تحياتي..
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: حسين نوباتيا)
|
عندنا فى الشرق الرجل لازم يشيل سيف واللا عصايـة.. حتى الطفل.. ما يمشى بيدينـه ساكت زى المرا..
بالنسبـة للسلاح فى أمريكا.. طبعا فى تقليد أمريكى قديم فى حمل السلاح أقرب للتقليـد شرق السودان.. (اقاليم اخرى ايضا يحملون السلاح).. وهل شفتو كاوبوى ما عنده سلاح؟ لكن الزمن تغير، والكثيرون بل غالبية الأمريكان اليوم لا يحملون السلاح خارج بيوتهم.. ولكن شركات الأسلحـة متمسكـة بالتبرير (التقليدى) .. وذات الشركات التى دفعت امريكا نحو الحروب الخارجيـة (لتصريف البضاعـة) هى التى تدفع بملايين القطع سنويا داخل السوق الأمريكية، ولا فرق لديهم بين عراقى أو أمريكى يموت ما دامت الطلقـة خارجة من مسدسات من صنعهـم.
لو أن هناك سببا واحـدا به تتحلل الحضارة الأمريكيـة فسيكون هـذه الشركات المتضخمـة التى لا ترى الوطن إلا من خلال حسابات البنوك.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Abureesh)
|
Quote: لكن الزمن تغير، والكثيرون بل غالبية الأمريكان اليوم لا يحملون السلاح خارج بيوتهم.. ولكن شركات الأسلحـة متمسكـة بالتبرير (التقليدى) .. وذات الشركات التى دفعت امريكا نحو الحروب الخارجيـة (لتصريف البضاعـة) هى التى تدفع بملايين القطع سنويا داخل السوق الأمريكية، ولا فرق لديهم بين عراقى أو أمريكى يموت ما دامت الطلقـة خارجة من مسدسات من صنعهـم.
لو أن هناك سببا واحـدا به تتحلل الحضارة الأمريكيـة فسيكون هـذه الشركات المتضخمـة التى لا ترى الوطن إلا من خلال حسابات البنوك |
دي نقطة مهمة جدا أخي ابوالريش و هي لب الموضوع و محوره الذي يجعل اوباما و بيدن كأنهم يتسولون للدفع بشيء من التغيير و هم يعلمون أنهم يناطحون صخرة الواقع المادي بوجود هذه الشركات. تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
حق حمل السلاح هو حقٌّ دستورى لكل مواطن أمريكى التمتع به بحكم : The Second Amendment (Amendment II) to the United States Constitution is the part of the United States Bill of Rights that protects the right to keep and bear arms. It was adopted on December 15, 1791, along with the rest of the Bill of Rights. ... فلا أوباما أو غيره من الليبراليين من أمثال هيلارى كلينتون الذين يتمشدغون فى الدفاع عن حقوق ( اللواطيين ) و ( السحاقيات ) و تحليل إستعمال البنقو و المخدرات و من تبعهم من تجار السياسة و ( القات ! ) بالحزب ( الدمغراتى ! ) بتغيير ذلك !!! أوباما ! منافق ! وكذلك نائبه الساذج ! و أولئك الذين يريدون إستغلال الأحداث لتمرير أجندتهم !!! ........ عبدالماجد
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: ABDELMAGID ABDELMAGID)
|
Quote: أوباما ! منافق ! وكذلك نائبه الساذج !
|
يا عبد الماجد دا كلام شنو يا زول. مالك مهاجم عمك أوباما بدون إيٌ مقدمات ولا مسوقات. أوباما دا واحد من أعظم الرؤساء الأمريكيين قد يكون لديه بعض الهنات مثله مثل إيٌ رئيس أخر. لكن منافق دي كبيرة شوية !! كدي عليك الله قارنو بالطبوج بوش واللهي لو ما البرفايل بيتشر بتاعت مانشتر كنتا دمغتك لكن أنا ناس مانشتر ما بقدر على زعلوم :).
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
Quote: حق حمل السلاح هو حقٌّ دستورى لكل مواطن أمريكى التمتع به بحكم : |
مافي زول قال ما حق دستوري يا عبدالماجد، مع ذلك الناس ديل علمانيين راسو عديل ما زي حقتكم الرمادية دي، يعني ما بعترفوا بالكتب السماوية كدستور! البخليهم يقدسوا دستور من صنع البشر شنو؟!
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: ABDELMAGID ABDELMAGID)
|
- شكراً أستاذ سعد الدين على هذا البوست الهام والذي لا أدري - وأنا أقرأ عنوانه- لماذا قفزت إلى ذهني صورة الناشطة الشابة (راشيل خوري) التي لم تقتلها طلقة طائشة من مسدس أمريكي، وإنما دهستها جرافة إسرائيلية على مرأى ومسمع من العالم كله، وانتهت حياة تلك المواطنة الأمريكية البيضاء تماماً مثلما انتهت حياة الملايين من الهنود الحمر، بلا دمعة أمريكية تذرف، ولا محاسبة ولا قانون ولا يحزنون. ما يؤكد يا أخي الحبيب (خالد حسن كيبا) نظرية المعايير المزدوجة..
فثمة أناس فوق القانون، وثمة دول فوق القانون، وثمة تمييز في تطبيق الأحكام والقوانين بامتداد الكرة الأرضية.. وأرجو أن تسمح لي اقتباس الآتي:
:((منذ القرن الثامن عشر كان الأسكتلندي آدم سميث، مؤسس علم الاقتصاد السياسي، هو الذي عزى تفوّق أوروبا إلى ابتكارها ثقافة العنف، وتحويل الحرب إلى علم، وإلى استثمار)).
وفي القرن ذاته كان جورج واشنطن، أوّل رئيس أمريكي، هو الذي قال: 'إنّ التوسيع التدريجي لمستعمراتنا كفيل بطرد الهمجيّ والذئب على حدّ سواء، فكلاهما وحش برّي وإنْ اختلفا في الهيئة'.
وأمّا في أواسط القرن اللاحق، فقد كان المشرّع الهولندي هوغو غروتيوس، مؤسس القانون الدولي الحديث، هو الذي جزم دون أن يرفّ له جفن: 'أكثر الحروب عدالة هي تلك التي تُشنّ ضدّ الوحوش. وثمة بشر يشبهون الوحوش'. (صبحي حديدي، القدس العربي 28/5/2012)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: الصادق عبدالله الحسن)
|
- الحكومة الأمريكية، وإبان الأزمة المالية الأخيرة، أنفقت من أموال البسطاء المساكين الغلابة دافعي الضرائب مبلغ 700 مليار دولار لتدفعها منحة لأولئك السفهاء المغامرين والمقامرين في "كازينو" "وول ستريت" ، في الوقت الذي كان هناك أكثر من 18,000 أمريكي يموتون كل عام جراء عدم القدرة على دفع تكلفة علاجهم.
وهنا يا دكتورة نجاة ليس ثمة فرق بين الحكومة الأمريكية والحكومة السودانية، هذا إن افترضنا جدلاً وأطلقنا على تلك المافيا التي تحكمنا في السودان لفظ حكومة. .
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: الصادق عبدالله الحسن)
|
سلام يا سمارت و تسلمي على التفاصيل الوافية
Quote: مع انك في التلفزيون ح تشوف ناس كتار جداً زعلانيين في موضوع الأسلحة الحايمة في الشوارع دى، لكن في ناس كتار برضو ما بيرضو بالتلميح حتي بالتضييق عليهم في أسلحتهم. و ديل هم الله بيصوتوا لنواب الكونغرس اللي ح يقيفوا ضد أي قانون ممكن يضيق علي ناس الأسلحة. |
بس دي ياها فكرة البوست كلو ، انو في ناس (كتار جدا) بالاضافة للرئيس زاتو، ضد ناس (كتار بس) متشددين و مستفيدين من الوضع القائم سواء أن كان بغرض الهواية أو التجارة أو كتقليد اجتماعي قديم. مش دي الديمقراطية؟ حكم الاغلبية و ليس المتشددين أو المستفيدين، اليس كذلك؟ لماذا هي غير سارية المفعول في هذه الحالة؟ ، اتمنى لو كانت هناك احصاءات دقيقة أو استفتاء بمع أو ضد تقنين حمل السلاح بأمريكا على العموم لو وجدت أتمنى أن يرفد بها أحدهم/ن البوست، بس الواضح عقب كل مجزرة أن ال(مع) التقنين أكثر من الضد، أين تذهب أصواتهم في البرامج الانتخابية؟ هل اصلا الموضوع بيطرح في برنامج انتخابي لمترشح؟ ام أن مجرد حمل لواء (معركة) كهذه يفقد المرشح داعمين أقوياء بكل نفوذهم و اموالهم؟
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
الاخ نوباتيا ردودك منطقية وجديرة بالإهتمام و المناقشة في نفس الوقت ولكن هذا لا يمنع ن أُبدي عليها بعض الملاحظات بس في وقت لاحق "مزنزق في المكتب شوية".
الاخ ابوالريش
Quote: عندنا فى الشرق الرجل لازم يشيل سيف واللا عصايـة.. حتى الطفل.. ما يمشى بيدينـه ساكت زى المرا..
بالنسبـة للسلاح فى أمريكا.. طبعا فى تقليد أمريكى قديم فى حمل السلاح أقرب للتقليـد شرق السودان.. (اقاليم اخرى ايضا يحملون السلاح).. وهل شفتو كاوبوى ما عنده سلاح؟ لكن الزمن تغير، والكثيرون بل غالبية الأمريكان اليوم لا يحملون السلاح خارج بيوتهم.. ولكن شركات الأسلحـة متمسكـة بالتبرير (التقليدى) .. وذات الشركات التى دفعت امريكا نحو الحروب الخارجيـة (لتصريف البضاعـة) هى التى تدفع بملايين القطع سنويا داخل السوق الأمريكية، ولا فرق لديهم بين عراقى أو أمريكى يموت ما دامت الطلقـة خارجة من مسدسات من صنعهـم.
لو أن هناك سببا واحـدا به تتحلل الحضارة الأمريكيـة فسيكون هـذه الشركات المتضخمـة التى لا ترى الوطن إلا من خلال حسابات البنوك. |
Big like
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
شكرا اخونا حسن. شكلو عدم وضوع منى بس. :)
Quote: بس دي ياها فكرة البوست كلو ، انو في ناس (كتار جدا) بالاضافة للرئيس زاتو، ضد ناس (كتار بس) متشددين و مستفيدين من الوضع القائم سواء أن كان بغرض الهواية أو التجارة أو كتقليد اجتماعي قديم. مش دي الديمقراطية؟ حكم الاغلبية و ليس المتشددين أو المستفيدين، اليس كذلك؟ لماذا هي غير سارية المفعول في هذه الحالة؟
|
تعرف يا سعد الدين ....اى زول فى الكنقرس بيمثل الناس اللى انتخبوه. دايما الجماعة ديل بيصوتوا فى الكونقرس عشان يرضو ناس المنطقة . و لو فى كونقرس مان من تكساس صوت بانه يمنع حمل الاسلحة.... المرة الجاية ما بيعتب الكونقرس. يعنى كون ان حق حمل السلاح ده مكفول فى امريكا معناها ان فى ناس اكتر عاوزنه. انت شايف انه الاغلبية مع حظر السلاح لانه فى نظرك ده هو الشيء المنطقى. اغلب الديمقراط ضد الاسلحة ....و اغلبهم ما بيشم ريحة دولار من الناس اللى مع السلاح و حمله. لكن لسه بيفوزو. عشان كده القول بانك -بغض النظر عن انت مترشح عن اى منطقة- ما ح تفوز لو كنت ضد حمل السلاح (لانك ما تلاقى دعم من شركات الاسلحة) ما صحيح. الموضوع بيعتمد على انك مترشح وين. بالمناسبة كمان, (اغلب) الناس اللى عندها اسلحة بتكون للصيد او كهواية. فى ناس عندهم سلاح لانهم شاكين فى الحكومة للامريكية ذاتها انها ح تنقلب عليهم فى يوما ما (ديل قليلين لكنهم موجودين). فى ناس تانين بيفكروا انهم لو سمحوا للحكومة تقلع حقهم (الدستوري) فى حمل الاسلحة ما معروف بكرة الحكومة تقلع شنو!!!! ممكن تقلع حريتهم فى انتقاد الحكومة.
خلينا نعاين لموضوع الاجهاض. فى ناس كتار ضده (و هم دايما الناس اللى مع حق حمل السلاح) . و شكله هو ده الشيء المنطقى صح ?? اها المرة دى المتشديين هم الى ضد الاجهاض (خلينا من رائي الشخصي). لكن حق الاجهاض مكفون من المحكمة العليا. و ما فى زول بيقدر يقلعه. ده بس عشان اقول ليك الموضوع ما (تشدديين و ما متشددين) الموضوع حريات. عجبتنا ام لا.
الشعب الامريكى شعب مهووس بالحرية (بالجد). يمكن لانه فعلا اتبنى على ايادى ناس هربت من اوربا للدنيا الجديدة عشان تقدر تمارس دينها و حياتها بحرية. موش هم اللى قالوا على بلدهم انها land of the free and the home of the brave !
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
سلام يا سمارت شكرا على الشرح اعلاه في الأخبار قبل شوية، شاهدت أن نسبة الناس الداعمة لقوانين اكثر صرامة هبطت من 57% بعد الحادثة الأخيرة الى 47% فقط حاليا، ده بيدعم مقولة أن امريكا بلد قامت فوق نهر من الدماء و ستظل كذلك، يعني الناس بعد الموت الاخير داك كلو، ياادوب عملو 57%؟ الشغلانة ما حرية و شجاعة بس، بل ميل الى العنف تاريخيا، هذا ربما أحد اسباب وجود الآلة العسكرية الامريكية للأمر خصوصية محلية دون شك، لكنها مكلفة جدا!
تحياتي و ربنا يغطي عليكم جميعا
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: Ammar Makki)
|
سلام يا عمار و تسلم على المساهمات المفيدة
Quote: الديمقراطية الأمريكية ديمقراطية موجهة ون إت كومس للسلاح والتأمين الصحي وبعض القضايا الأخرى فالصفوة الجمهورية المتشددة تستفيد من سذاجة الأمريكيين أحيانا عندما تثار قضايا مثل السلاح و والتأمين الصحي. فهم يستطيعون أن يشُيعو الخوف فيهم بالخطر المحدق بأمريكا من الأعداءالذين يتربصون بالولايات التحدة ويريدون أحتلالها "الإتجاد السوفيتي,الصين,أيران, روسيا, الإرهاب " فلهذا يجب أن يكونو على أُهبة الإستعداد لهم. وتارتا يحاولون الإستفادة من خوف البيض المحافظين من الإقليات الأخري "الأفريكان أمريكان, اللاتينو , الخ". وهم بذلك يجنون أرباح كبيرة جدا مستفيدين من خوف المجتمع. فهم لديهم جماعات ضغط مثل NRA ولديه أعلاميون مساندون ولديهم أعضاء في الكونقرس مساندون لقضاياهم |
ليس فقط السلاح و التأمين الصحي، بل هي انتقائية أيضا حين نتحدث عن السياسة الخارجية أوضح دليل هو حالة كوريا الشمالية الراهنة التي تهدد علنا بقصف أمريكا ، الحكومة الأمريكية يشتد اذاها و ترفع عصاها على من تقدر عليه وفق حسابات خاصة جدا في افغانستان و العراق و تساند اسرائيل كما نعرف جميعا لأن العرب و الفلسطينيين لا يملكون غير العويل و بعض عمليات انتحارية فردية مجنونة، اما في حالة كوريا الشمالية التي تعني ما تقول ، تقف الحكومة الامريكية (على حيلها) و تضطر أن تؤكد تحالفها لكوريا الجنوبية و لا يجرؤون حتى على الحديث باقتراح التدخل و حسم الأمور كما في حالات أخرى سبقت، فكوريا تملك مثل سلاحهم الاسترتيجي و ترسانة موجعة جدا و ردود قد تصل ضحاياها للمليون و ربما أكثر، و اتوقع أن يتراجع الامريكان عن تطبيق قرارات الحظر الاقتصادي الجديدة على كوريا الشمالية، فهي قطعا ليست ضعيفة و جعجاعة كسودان الانقاذ!
تحياتي
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: saadeldin abdelrahman)
|
سعد الدين. شكلك زهجتا من البوست بتاعك. انا أسفة لو كنتا انا السبب. رغم دعاءك لينا في النهاية بانه ربنا يغطي علينا، لكن شكلك زعلان :) و انا لاحظتا انه دي دائماً بتكون نهاية اي حوار عن أمريكا. قبل ما امرق من البوست عاوزه اقول حاجه بسيطة. انا حقيقي ما عاشرتا شعوب كتيرة، لكن ما اللي عاشرتهم، اكتر ناس لطيفين هم الأمريكان. شعب ابعد ما يكون عن العنف. اذا عينك وقعت في عين زول في الشارع غالبا ح يبتسم ليك ( أكيد في ما كل الناس، لكن غالبا) ناس مجاملين و منفتحين و متسامحين جدا مع الأغراب بصورة مدهشة. That said كيف يا أخي الأمريكان ما قالوا شيء بخصوص كوريا الشمالية؟ و كيف يعني كوريا تمللك مثل الترسانة الأمريكية الاستراتيجية؟؟؟ و لا حتي قريبة منها. امس أمريكا حركت طيارات( بي2) من غير طيار لا يمكن الرادارات معرفتها (و هي الطيرات اللي بتحمل رؤوس نووية) طارت من وسط امريكا لحدي فوق الأجواء الكورية و رمت قنابل { قنابل فشنك :)} علي بعد 15 ميل من السواحل الكورية و رجعت. انا عارفة الناس ما بتحب نوع الأخبار دي، و انت ح تزعل زيادة لو قلت ليك واحدة تانية. عشان كده كفاية. لكن..... أمريكا عارفة و متاكده ان كوريا ما تشعل حرب. لكن ممكن تصدع بأمريكا بانها تبيع السلاح النووي لأعداء أمريكا. شكرًا علي البوست و اتمني ان أوباما يقدر يضيق ( و لو شوية ) في قوانيين حيازة السلاح.
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: smart_ana2001)
|
سمارتوز و الحساسة، ياخي حتى لو زهجت من البوست مامكن بكون بي سببك ابدا يعني يمكن ازهج من كون اني اجيبو من الصفحة التانية :) من مشاغل الدنيا عموما مثلا، لكن ما ممكن ازهج من وجهة نظرك في بلد انتي مقيمة فيها حتى ولو اختلفنا، بعدين معارفك ديل ياهم الغلبانين الانا بتكلم عنهم، الواحد هو/هي ولا اولادو يكونوا بيقروا و لا بيشتغلوا ولا ماشي في الشارع ساي و لا في بقالة و فجأة الرصاص يدور و يكون من الضحايا المساكين، أما العنف و أهله ف ياهم المكنكشين في سلاحهم القلتيهم و المتاجرين فيهو و ديل للأسف قايدين رسن البلد في الحتة دي بالدستور و القانون و الارث الثقافي رغم دموع الغلابة و دمائهم و حديث اوباما و قناعاتكم بديمقراطية امريكا،. بخصوص كوريا الشمالية، أنا ما قلت انه كوريا تملك نفس ترسانة امريكا، قلت تملك نفس سلاح امريكا الاستراتيجي، يعني نووي لاقى نووي.. و النووي يجب ما قبله من الاسلحة، صاروخ من أي من البلدين حيخلق دمار على نطاق واسع، لهذا امريكا لن تتعامل معها كالعراق أو افغانستان مثلا، ولا اعتقد أن خوف امريكا في ظل التوترات والتهديدات يكون بسبب احتمال بيع كوريا للسلاح النووي، بل من الراهن و التعامل مع عدو قد يكون مؤذيا جدا ، كلاً من كوريا و امريكا يلعب بالنار و يعرف ذلك جيدا، السؤال هو الى أي مدى؟ -______
أخوك ما زعلان، عشان كدا منتظر خبرك التاني :)
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
الأخ العزيز الصادق عبدالله الحسن
نهارك سعيد وجمعة مباركة
شكرا للقصة الحزينة وال-"Anecdote"
الصادق كتب: Quote: فثمة أناس فوق القانون، وثمة دول فوق القانون، وثمة تمييز في تطبيق الأحكام والقوانين بامتداد الكرة الأرضية.. |
لكن يبقي القانون كما هو لا يفسد انما الفساد إنساني في تطبيق القانون ..... كل الاحترام والتقدير Khalidkeba
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
تشكر أخ saadeldin
تشكر أخي للرد المفصل
في البداية أنا لاحظت ردك إلا هسي كنت دايما بعاين لاخر الردود
saadeldin كتب:Quote: نعم ما اتحدث عنه هو نفس اللوبي القوي الذي ذكرته انت، هذا اللوبي لا يهمه كم يذهب من الضحايا نتيجة تشبثهم بهذا الحق الدستوري الذي يضمن استمرار التجارة و ارباحها التي يجنونها. |
هنا أنا بشوف وجهة نظرك والجهة الانت باني عليها رايك الرابط بين الديمقراطية كنظام حكم واللوبي كنظام قانوني ممثل لجهة معينة وأكيد إنت تعلم انهما شتان مختلفان. اللوبي نظام تمثيل قانوني مقنن و معترف بيه في أمريكا ويشملة القانون إذا أجحف. أي نعم اللوبيين لهم تاثير كبير في صانعي القرار الأمريكي، لكن هذا الجانب ليس له دخل بالديمقراطية كنظام، هذا الجانب إنساني أخلاقي له دخل بافراد بعينهم داخل موسسة القرار الأمريكي، وكمية كبيرة من هذة الفئة منبوذة من الأمريكان بالاخص الجمهورين منهم.
saadeldin كتب: Quote: ما فائدة الديمقراطية اذا لم تخدم المصلحة العليا للمواطن في حياة آمنة؟ |
الديمقراطية هي نظام الحكم أو الوصفة الادارية للحكم ومنفذي هذا الوصفة هم المرشحيين وهم بشر ذي وزيك فيهم المصلح وفيهم المفسد وهم ما يصلح أو يفسد تطبيق وصفة الحكم الديمقراطي والناتج عنها. المواطن "الشعب" هو الرقابة في ظل الحكم الديمقراطي أي هم ما يراقب ما يرشحون وهذا هو الحاصل في السياسة الداخلية لامريكا. أما ما يخص السياسة الخاريجية فغالبيه الأمريكان يفوض الحكومة الأمريكية تفويض كامل لعدم درايتهم بما يحصل خارج أمريكا. وناتج هذا التفويض هو السياسة الخارجية للحكومة الأمريكية تجاه أصدقائها والغير, أيضا هذا ليس له دخل بالديمقراطية كنظام.
Further اشارك الراي في عدم فائدة الديمقراطية كنظام "واضف", إذا لم توجد رقابة من الشعب والمواطنين تجاه المرشحيين للحكم.
saadeldin كتب: Quote: هناك دول مثل استراليا نجحت في نزع السلاح مما حققا انخفاضا ملحوظا في جرائم القتل، هل لاحظت الفرق؟ |
نعم لاحظت الفرق و عرفت الصعوبة، خاصة وقت تناولت قصة تاسيس أستراليا وعدد سكنانها وقصة تاسيس أمريكا وعدد سكانها. أستراليا في عام1885 كانت سجن كبير عدد سكانها يقارب 28 ألف نسمة والسلاح الموجود كان عند حراس السجون، في عام1885 عدد سكان أمريكا كانو أكتر من 55 مليون نسمة وكانت في دولة عمرها مائة سنة ودستور يسمح بحمل السلاح و تقريبا في الزمن داك كلو واحد فيهم عندو سلاح للصيد والدفاع عن النفس في حاله الغزو مره تانية من برطانيا. لاحظت الفرق و الصعوبة في المقارنة؟
saadeldin كتب: Quote: نفس هذه الحريات كانت سببا للعنف ضد المواطنين الاصليين و الافارقة في ما بعد؟. |
أول مرة أعرف إنو الحريات كانت سبب العنف ضد الهنود الحمر والافارقة. كنت مفتكر الاسباب أخلاقية من بعض الأروبين تجاه المذكورين أعلاهم, وبسببهم قامت حرب أهلية في أمريكا استمرت عدة سنوات ومات فيها ما يقارب مليون أمريكي.
Quote: اعتقد ان ما قصده دينق هو ما اشار اليه نوباتيا.و سمارت لاحقا عن هواية الصيد و التسلح و غيرهما حيث قد لا تجد مقولات مثل To live by the gun and die by the gun حديثا الا في امريكا، و بما أن التسلح جزء من الثقافة و التقليد فهذا يعني ارتباطه بالتاريخ و الحرب الأهلية دون شك، مرات فعلا كما ذكر بعض الأخوان هنا: يصل الأمر لدرجة العقيدة عند بعض الامريكان! |
معذرة أخ Deng
فهمتك غلط ...... جايكم زيارة قريب في DC.... الغداء علي
كل الاحترام والتقدير لصاحب البوست والجميع , Khalidkeba
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
الدفاع عن النفس و الممتلكات حق اصيل فى التشريعات والدساتير وحمل السلاح بشرط الدفاع عن النفس من السلطات المختصه ايضا حق لمن هم تعرضهم للخطر اكثر بسبب اموالهم او وظائفهم و لكن الغير منطقى ودستورى فى الدستور الامريكى بحريه حمل السلاح كحق من حقوق الدفاع الشخصى لان الاصل الدوله ممثله الاجهزه الشرطيه والقضائيه هى المعنيه وليست الافراد فى حمايه انفسهم والنماذج فى غالب العالم و التدخل السريع للشرطه والوقايه هى صمام امان الافراد فى امنهم وفى منازلهم ومدارسهم و حريه حمل السلاح هى مشكله العنف فى الولايات المتحده وليست عاصما له الدساتير ليست نهائيه والمجتمع يتطور والقانون يتطور والجريمه تتطور و التشريعات تتطور بتطور الجريمه لذا من اكبر اخطاء الدستور الامريكى حريه حمل السلاح بدعوى ثقافيه و حقوقيه وتاريخيه مودتى
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: فرح)
|
أخي الحبيب/ الصادق عبدالله الحسن سلام و معذرة على التأخير.. Quote: شكراً أستاذ سعد الدين على هذا البوست الهام والذي لا أدري - وأنا أقرأ عنوانه- لماذا قفزت إلى ذهني صورة الناشطة الشابة (راشيل خوري) التي لم تقتلها طلقة طائشة من مسدس أمريكي، وإنما دهستها جرافة إسرائيلية على مرأى ومسمع من العالم كله، وانتهت حياة تلك المواطنة الأمريكية البيضاء تماماً مثلما انتهت حياة الملايين من الهنود الحمر، بلا دمعة أمريكية تذرف، ولا محاسبة ولا قانون ولا يحزنون. ما يؤكد يا أخي الحبيب (خالد حسن كيبا) نظرية المعايير المزدوجة..
|
السؤال عن حقوق الابرياء و الارواح البريئة المهدرة من قبل فوهات السلاح المسنود بالحق الدستوري يكشف سوأة اي تشدق بلبوس الديمقراطية و الأخلاق عارية. ابسط رد لهذه المظالم هو تهذيب قانون السلاح ، غير ذلك فهو حكم القوي و من بيده القلم و الدولار لا أكثر!
تحياتي و امتناني
| |
|
|
|
|
|
|
Re: ياخ الامريكان ديل شعب غلبان زيو زي غيرو! (Re: خالد كيبا)
|
سلام أخ خالد
Quote: أول مرة أعرف إنو الحريات كانت سبب العنف ضد الهنود الحمر والافارقة. كنت مفتكر الاسباب أخلاقية من بعض الأروبين تجاه المذكورين أعلاهم, وبسببهم قامت حرب أهلية في أمريكا استمرت عدة سنوات ومات فيها ما يقارب مليون أمريكي. |
ما قصدته هو أن السلاح كان ( اداة ) لقهر الهنود الحمر- قبل الدستور- و للسيطرة على الافارقة أيضا أيام العبودية، عذرا لم أوفق في التعبير عن ذلك، لذا تجد العنف و السلاح جزء من تاريخ بناء و تكون أمريكا ( هذا هو التقليد الذي يتحدث عنه بعض الاخوة هنا) عُرف مخزي للأسف لكنه ماضي مقيم.
| |
|
|
|
|
|
|
|