لا تعاون ولا بطاقه تموين... ولا زول يديكا بالدين... و كل زول عاوز حقو هسه ومافى بعدين... ياحليل الزمن السمج والزين... زمن القرش والتعريفه والكنتين... زمن حبوبتى كسبه وحاجه الزينه ام زين... وكان قلبنا واحد مو اتنين... ونتشارك الفرح والهم والانين.. امى امنه وجارتنا حوة يستلفو من بعض الطايووق وخمار العجين... فى الشارع تلقانا ماشين مع بعض متشابكين بالايدين... واى زول والله قلبو عليكا حنين... ومافى فرق بين الغنيان والزول المسكين... الناس طيبه وحلوين... ا لا هسه ضاقت وقولى ياياسر عاد اقبل وين... زمان الناس استحيل تسوى الشين... والزول المابخاف الله ولاحتى عندو دين... بيعرف الشهامه والكرامه ويراعى للناس الكبار ويعتبرمم متل الوالدين.. مانى قنعان ممكن يرجع الزمن ياوديدى لى ورا يا حبتين... ونبقا زى زمان اخوان ونتقاسم كل شى ولا زال عنندى يقين... بس نقول بسم الله ونقرا طه ويسن... ربنا يرجع بلدنا زى ماكانت وننسى كل الحاصل الحين... ربنا يصلحح الحال قولو امين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست