|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
Quote: اترجم شنو يا قيقا ياخ, اقعد لي عايز ترجمة لغاية ما يثبتو انه هناك سبعة ارضين (اراضي) و صاحبك هشام ادم يقعد يطقطق في اصابعه!
|
ؤ درويشاً غرق ترجم مع النوبات .. بذكر الله ؤ حي قييييييييييييوم
ؤ كدا
------------
ياخي انا ما كنت امين فوق ..
الدغمستو اكتر من الفهمتو والله صحي!
بس المكيفني في الموضوع دا انو المتنطعين ح يلقوا انو فهمهم لأي حاجة كان بائس جداً .. وح يكتشفوا قصور خيالهم!
ترجم يا عمك .. خلينا نترجم وفيها ذاتو نقشر بالمعلومات الطازة دي في المحافل الجدلية المافي شنو؟
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
(Working translation)
قام علماء من وكالة الفضاء الأمريكية ( ناسا) في الإسبوع الماضي بوضع التلسكوب الفضائي كيبلر في حالةٍ أشبه بالسبات التكنولوجي، وكان التليسكوب المركبة – الذي صُمم للبحث عن كواكب شبيهة للأرض تدور حول النجوم الجارة، على بُعد عدة آلآف من السنوات الضوئية- قد تعرض لعطبٍ يبدو من الصعب إصلاحه (رغم ذلك الأمل يبقى موجودأ). التليسكوب كيبلر الذي تم إطلاقه عام 2009 ، اكتشف 132 كوكباً من المحتمل أن تكون صالحة للعيش فيها. ولا يزال لدى العلماء 2740 كوكباً ينتظر الدراسة والتحليل التفصيلي. وتنتظر التليسكوبات الارضية التاكيد حتى تقوم بتوجيه بصرها إلى الجهات الجهة المعيبنة من قبل كيبلر. كان التليسكوب الذي كلف بناءه 550 مليون دولار قد غير الطريقة التي ننظر بها للفضاء وكيفية ملائمتنا له، التي كانت تشبه الدفاع المستميت للعالم الالماني من القرن السابع عشر، لنظرية أن الشمس هي مركز الكون وأول من وضع القوانين الرياضية لمدارات الكواكب.
التحايا العطرات للعزيز بدرالدين وضيوفه.
قيقا يا حبيب كنت عاوز أترجم كل المقال لكن أعذرني عندي شوية شغل. خلى الشباب يواصلو أو بجيك بعدين
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: محمد مكى محمد)
|
حبيبنا دكتور ود المكي ما قصرت والله وينك يا رجل بركة في الشوفة والله .. والشوق الوااحد داك
اها اسي 2,740 ديل انا قريتم هم الناس البدرسوا في الموضوع .. 132 دي فرزتها مش قالو كيبلر 22 بي احتمال شبهو وصلاحو للحياة هو الاقرب؟
بعد تفضا تعال تمو .. وياريت بدر يشرح .. ما فاضي قاعد يسوي شنو؟ في حتة فعلاً دايرة ليها زول بتاع احياء -اعتقد- البتتكلم عن الاساس الكربوني والاساس الشنو السيلكوني ول شنو كدا دا الفرق شنو ذاتو؟
------
مسألة بؤس الخيال ملاحظا كتير في البورد دا ليه الناس طوالي بتخيلوا انو (التطور) بياخد نفس المسارات .. وفي كل الكواكب وكأنهم -الاحياء- كاست تمثيل جاهز ومدرب جيداً، بأدي في سيناريو مرسوم سلفاً!؟
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: محمد مكى محمد)
|
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ * عَلَى أَن نُّبَدِّلَ أَمْثَالَكُمْ وَنُنشِئَكُمْ فِي مَا لا تَعْلَمُونَ * وَلَقَدْ عَلِمْتُمُ النَّشْأَةَ الأُولَى فَلَوْلا تَذَكَّرُونَ * أَفَرَأَيْتُم مَّا تَحْرُثُونَ * أَأَنتُمْ تَزْرَعُونَهُ أَمْ نَحْنُ الزَّارِعُونَ * لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ * إِنَّا لَمُغْرَمُونَ * بَلْ نَحْنُ مَحْرُومُونَ * أَفَرَأَيْتُمُ الْمَاء الَّذِي تَشْرَبُونَ * أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ * لَوْ نَشَاء جَعَلْنَاهُ أُجَاجًا فَلَوْلا تَشْكُرُونَ * أَفَرَأَيْتُمُ النَّارَ الَّتِي تُورُونَ * أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِؤُونَ * نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ * فَسَبِّحْ بِاسْمِ رَبِّكَ الْعَظِيمِ * فَلا أُقْسِمُ بِمَوَاقِعِ النُّجُومِ * وَإِنَّهُ لَقَسَمٌ لَّوْ تَعْلَمُونَ عَظِيمٌ * إِنَّهُ لَقُرْآنٌ كَرِيمٌ * فِي كِتَابٍ مَّكْنُونٍ * لّا يَمَسُّهُ إِلاَّ الْمُطَهَّرُونَ * تَنزِيلٌ مِّن رَّبِّ الْعَالَمِينَ
(الترجمة على الشريط)
... المهم ...
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: تبارك شيخ الدين جبريل)
|
Quote: في حتة فعلاً دايرة ليها زول بتاع احياء -اعتقد- البتتكلم عن الاساس الكربوني والاساس الشنو السيلكوني ول شنو كدا دا الفرق شنو ذاتو؟ |
ما اهو إنت ختيت صباعك في كور الشغلانة كووولها.. قال ترجمو قال!
Quote: But note that when scientists talk about life they are refereeing to life as we know it, that is, carbon-based and operating in an aqueous medium. Other types (such as silicon-based and using ammonia as solvent), even if interesting, are probably more fiction than reality, although some speculations are quite unsettling: intelligent life could have evolved so beyond what we can conceive that it reached a stage where it could leave behind its carbon envelope, existing in some sort of ethereal digital web sustained by electromagnetic fields, that is, a life without a narrow spatial confine or a biochemical ####bolism. Who knows? |
Quote: are we unique and hence important in some sense, or are we the norm and typical of what's out there across the vastness of space? |
Cc : د. قرشي + هشام آدم شكرا بدر الدين.
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
حيا الله بدر وضيوفه الكرام، مجرد خاطرة: القرآن يتكلم عن سبع أرضين وسبع سماوات! ومن ناحية أخرى: التطور العلمي الراهن يعود إلى فكرة مركزية الأرض من جديد، فكثير من الظواهر الفلكية، لا يمكن تفسيرها إلا بافتراض هذه الفكرة! فهذا كلّه يقودني إلى التفكير في سبع عوالم كونية: -لكل منها مركز هو الأرض! -ولكل منها سماء، هو ما يحيط بأرضها من الأفلاك، بل والمجرات!
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
Quote:
هل نحن مُتفرَّدون ومُتميِّزون، وبالتالي مهمين على نحوٍ ما؟ أم أنَّنا معيار نموذجي لما قد يُوجد هنالك في مكانٍ ما من هذا الكون؟
|
مملكة النمل كغيرها من الممالك:
ملكة جنود عمال ومفكرون .. يتساءلون: هل هناك ثمة وجود لغيرنا!؟
(البياتي بتصرف)
------------
في فيلم Contact الدكتورة -اللادرية- قرررربت تأمن بعد رحلتها الجدلية المسجلة ب18 ساعة من الشخشخة المتواصلة*، ردت على سؤالتلاميذها الصغار هل هناك وجود لغيرنا؟ برضو ردت: لا ادري .. واستدركت (لكنه سيكون بذاراً كبيراً)
لكن النجيضة اللطلعت بيها الدكتورة - والعهدة على جودي فوستر- انو مفروض نقدر(نثمن) كم نحن عزيزين .. متفردين .. وصغار جداً
* الجدل في انو الاخرين ما شايفين اي رحلة تمت .. اصلاً المركبة الفضائية ما قامت من ن ن حتتا! وهي مصرة انها عبرت المررات الفضائية لاكوان تانية .. النجيضة .. حيث لا نجيضة هناك، التسجيل ما سجل اي حاجة غير (التنميل) بتاع تلفزيون السودان زمان قبل وبعد الارسال 3-11 لكن برضو كمان 18 ساعة لي شنووووو!؟
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
نجيضة نجيضتك يا قيقا إنه فيلم Contact مُجرَّد فيلم خيال علمي، لا يُمكن الاعتماد عليه في وضع استنتاجات. أمَّا نجيضتي الخاصة: فرضية وجود حيوات (أكثر تطورًا منَّا أو أقل) هي فرضية قائمة، وغير مُستبعدة أبدًا. بس المُحيِّرني: إذا كنا (كبشر أقل تطورًا من تلك الحيوات المُفترضة) نبحث عن حيوات في هذا الكوكب، فكيف لم نُصادف تلك الحيوات وهي تبحث عن الشيء ذاته؟ أليس من المُفترض أنَّ هذه الحيوات هي التي من المُفترض أن تصل إلينا أولًا إن كانت أكثر تطورًا منا؟ وإذا كانت هنالك حيوات أخرى، فهل يجب فعلًا أن تنطبق على حياتها شروط الحياة على الأرض؟ أليس من الممكن مثلًا أن تكون لها شروط حياة مُختلفة عن شروط الحياة التي نعرفها؟ هنا علماء البيولوجيا (أو العارفين بها) فقط هم من يملكون الإجابة.
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
Quote: مملكة النمل كغيرها من الممالك:
ملكة جنود عمال ومفكرون .. يتساءلون: هل هناك ثمة وجود لغيرنا!؟ |
عارف يا قيقا .. مُش بس في عالم النمل، بل وحتى في عالم النحل وغيرها، يكون تصوير الأمر على أساس: ملكة وجنود ومُربيات ووو إلخ، هو مُجرَّد تجريد "بشري" لعالم الحشرات، وهو بالضرورة ليس مُلزم للحشرات. الإنسان بطبعه يميل إلى التجريد، وتصوير الأشياء من حوله بالصورة التي يُمكنه فهم الأشياء عليها. (هذه مُجرَّد خاطرة عابرة فقط)
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
Quote:
نجيضة نجيضتك يا قيقا إنه فيلم Contact مُجرَّد فيلم خيال علمي، لا يُمكن الاعتماد عليه في وضع استنتاجات. أمَّا نجيضتي الخاصة: فرضية وجود حيوات (أكثر تطورًا منَّا أو أقل) هي فرضية قائمة، وغير مُستبعدة أبدًا. بس المُحيِّرني: إذا كنا (كبشر أقل تطورًا من تلك الحيوات المُفترضة) نبحث عن حيوات في هذا الكوكب، فكيف لم نُصادف تلك الحيوات وهي تبحث عن الشيء ذاته؟ أليس من المُفترض أنَّ هذه الحيوات هي التي من المُفترض أن تصل إلينا أولًا إن كانت أكثر تطورًا منا؟ وإذا كانت هنالك حيوات أخرى، فهل يجب فعلًا أن تنطبق على حياتها شروط الحياة على الأرض؟ أليس من الممكن مثلًا أن تكون لها شروط حياة مُختلفة عن شروط الحياة التي نعرفها؟ هنا علماء البيولوجيا (أو العارفين بها) فقط هم من يملكون الإجابة.
|
صدق -على غير العادة- ما مختلف معاك !
---------
الا في الجزء الاخير .. حتة (العارفين) .. الحقيقة المطلقة عند الله وحده لا شريك له وما حيص (انسان) الا باذن .. وستكون نسبية بعد داك!! عشان تعرف (حقيقة واسرار الخلق) الا تكون انت الخالق!! عشان كدا قلت لحبيبنا محسن يكف عن ارهاق نفسه .. لن يحيط احد بعلم الله
في بوست جميل هنا للصديقة نازك الطيب عن كيبلر 22 بي داهمتي فيو خواطر قريبة من بتاعتك دي
ما تجيبو يا ملك هنا .. وانت ليك فيو مساهمات جيدة في تكريس المكرس!!
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
Quote: ما تجيبو يا ملك هنا .. وانت ليك فيو مساهمات جيدة في تكريس المكرس!! |
ههههه .. تعال اوريك المكرس بى بصلو ^ ـ ^ .. أبونا آدم لو ما نزل الأرض مش كنا كوولنا في الجنة ؟ قرار التنزيل دا حصل لإنو بعد أكل بقى غير صالح لحياة الجنة ( بطلنا سيرة الشدر عشان ما تهب فينا) .. عشان تعرف نحن أغبيا وفوق غبانا نفاخين مقدودة.. لما كنا حيوانات منوية إخوانا كانوا أذكى مننا ؤ كاشفين اللعبة .. بسراع عبرو درابزين الموت ووصلو العمارات زماان.. ؤ نحن الغبيانين العامل فيها منجضنها ادبسنا ؤقعدنا نتحكحك ما معروف نصل بتين ذاتو . : قلت لي بنصل يوم القيامة العصر ؟ ههه ـ أهو ######ر وراح فيها تاني الفضل شنو ؟ : إنت أقعد باريني لامن تفوتني.. أهو غايتو أنا بقولا ليك ^ ـ ^ : شكرا هشام على الترجمة.
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
وخلينا شويَّة في كوشتك نفسها، عشان نختبر النتائج "Existing" واللي هي عشر نتائج بالترتيب من الأعلى إلى الأسفل، عشان ننتهي من الموضوع "البيض" دا نهائي. النتيجة على النحو التالي: 1- النتيجة الأولى: أول خيار رابط ترجمتي هنا، وخيارات لكلمات مُتطابقة على روابط أخرى. 2- النتيجة الثانية: ترجمتي هنا حصريًا 3- النتيجة الثالثة: ترجمتي هنا حصريًا 4- النتيجة الرابعة: ترجمتي هنا حصريًا 5- النتيجة الخامسة: ترجمتي هنا حصريًا 6- النتيجة السادسة: ترجمتي هنا حصريًا 7- النتيجة السابعة: ترجمتي هنا حصريًا 8- النتيجة الثامنة: ترجمتي هنا حصريًا 9- النتيجة التاسعة: ترجمتي هنا حصريًا 10- النتيجة العاشرة: ترجمتي هنا حصريًا
!Full Stop
وطالما "فنياتك" طلعت فنشك، فخلينا نرجع للموضوع الأساسي، والمهم. فدا البيهم الناس مش الكلام القاعد تعمل فيهو دا .. الـ"لا" بيودي ولا بيجيب. خلينا نناقش فكرة إمكانية أنَّ هنالك كواكب صالحة للسكن، وبالتالي إمكانية إن تكون في حياة في كواكب تانية. هذا الاكتشاف، إلى أي مدى هو مُهم ومُؤثر على حياتنا وتاريخنا ومُستقبل البشرية القادم؟ ما هي النتائج الفلسفية المُحتملة لهذا الاكتشاف العلمي المُذهل؟
أرقد عافية
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
هشام ادم
هنا صورة من النتيجة التي تظهر لدي عند وضع ما زعمت انت انه ترجمتك
لاحظ لنسبة واحد و اربعين في المائة هي النسبة التي لم يجد البرنامج مثيل لها في النت لكن اهم حاجة اقرأ ما مكتوب لك تحت النتيجة: A part of your content is matching some text from the web. Please make sure that this text is correctly referenced الكلام دا ترجمته كالاتي: بعض "نصك" يطابق نصوص في الانترنت من فضلك تأكد ان تضع المراجع التي اخذتها منها
هههههههههههههه قاربيج ان قاربيج آوت تراكا قاعد تودينا الكوشة لما فترنا يا هشام ياخ حرام عليك انا عارف ان من شب على شئ شاب عليه لكن ياخ حاول حاول تقلل من السرقات دي ياخ
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
أبدًا ما شفت لي زول بيحب الغلات زيَّك .. ياخ بتحب الفارغة زي عيونك ... ياخ ببساطة شديدة، البرنامج نفسه بيديك روابط "الانتحالات" الممكنة أو المحتملة، أمش جيب لينا اقتباس عشان نعمل مقارنة ونشوف. الموضوع بسيط، ليه عامل ليه قومة وقعدة؟ عارف يا بدر الدين .. أمش ختُ الجُملة دي بحذافيرها في البرنامج "الأنتيكة" بتاعك، وتعال ورينا النتيجة. Quote: في البداية يا هشام, ارجو ان تفهمنا ما هو الفكر الشيوعي الاصلي و عداءه للدين و ثم فهمنا الفكر الشيوعي السوداني. بالعربي يا هشام, اشرح لنا ليه الفكر الشيوعي معاد للدين و انا هنا عايز كلام مثبت مثل ان تقول في هذه الفقرة من كتاب ماركس او انجلز او عبد الخالق محجوب فان على كل شيوعي ان يكون ملحدا و معاد للدين كشرط ان يكون شيوعي. بعد داك حا نرمي بسهمنا ان شاء الله! |
ويمكن تكون اتذكرت الجُملة الفوقانية دي، لأنها أول مداخلة ليك في بوست "الشيوعية والإلحاد" .. ببساطة شديدة يا بدر الدين حتلقى النتيجة هي (0% Unique Content) ونفس الجُملة العاجباك حتلقاها تحت النتيجة: A part of your content is matching some text from the Web. Please make sure that this text is correctly referenced. الكلام دا، ممكن يكون معناتو شنو برأيك؟ ما هو حاجة من اتنين: 1- يا إمَّا إنك "انتحلت" الجملة دي بالكامل من مكان تاني وجيت استخدمته في مداخلتك في بوستي. 2- يا إمّا برنامجك دا بيض وما عنده أي موضوع ولا يعوَّل عليه وعلى نتائجه.
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
هشام ادم , يا هشام ادم هههههههههه
Quote: الكلام دا، ممكن يكون معناتو شنو برأيك؟ ما هو حاجة من اتنين: 1- يا إمَّا إنك "انتحلت" الجملة دي بالكامل من مكان تاني وجيت استخدمته في مداخلتك في بوستي. 2- يا إمّا برنامجك دا بيض وما عنده أي موضوع ولا يعوَّل عليه وعلى نتائجه. |
الساعة عندك كم هسع? ياخ امشي نوم ساكت هههههههههه يا هشام و الله العظيم السرقة حرام!
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
بدرنا العالي قدرو وهشام .. كورة واطة يا شباب للحقيقة يا بدر لغة هشام الانقليزية ثالثة ثلاثة اذ هن احسده عليهن .. مع قدرتو على الغلاط طبعا .. وتحمله الاذى
ياخي الراجل تطوع مشكوراً لا مأموراً للترجمة .. انت كدا بتضرنا نحن الغير ناطقين بها ديل!!
----------
بعدين انا ما قلت انت قاعد ساي في الاحياء .. لكن في الاقتصاد .. فحدث ولا حرج
يا شباب خلونا نستفيد منكم الجوز نرجع للموضوع اللساسي
شنو يعني كاربون بيز؟
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
Quote:
كاربون بيسد معناه مبني او يعتمد على الكربون. المواد العضوية على الارض -و الانسان برضو مركب عضوي- كلها تحتوي على عنصر الكربون كعنصر اساسي في تركيبتها و الحياة على الارض تعتبر صفة لمركبات الكربون "العليا".
|
طيب عندي سؤال
لو افترضنا جدلاً انو اتلقى حياة مماثلة في كوكب مماثل تماماً للارض.. هل في احتمال انو يكون البنى الاجتماعية فيو نفسها الحاصلة في الارض دي.. علوم واديان .. ونظم اجتماعية واقتصادية .. امريكان .. وكيزان!؟
---
غايتو لو الاجابة كانت بنعم .. حليلو قبلو!! الزول كان اضايق من كوكبنا يطير ليكم وين في الحالة دي!؟
برضو يكون راجينا هنا دفن لماركس حقهم!؟
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
كوكب الأرض - من ناحية مقياس رسم - يشبه حبة رمل صغيرة ... في خف بعيرٍ من العتاق النجيبات المراسيل (كلس!) ... في قافلة طويلة لا يسمع حداتها بعضهم بعضا ... وتلك القافلة تشق صحراء مترامية الأطراف والفيافي حتى لكأنها لا نهاية لها ...
فأين من عيني هاتيك المجالي ...
(ونجيضة قيقراوينا انجض من نجيضتك با هشام آدم)
... المهم ....
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: تبارك شيخ الدين جبريل)
|
سلام يا بدر الدين، الخبر دا قديم ليهو أكتر من سنة وممكن تراجع موقع ناسا عن مهمات كبلر، بصراحة أنا لا أصدق كبلر وفيه شيء من المبالغة، مثلاً عندما إكتشف أول كوكب شبيه بالأرض قد كان على بُعد 600 سنة ضوئية من الأرض، فكيف صور كبلر هذه الكواكب؟! لدرجة أنه ميز بأن بها مكونات شبيهة بالارض؟! فنعلم بأن أي تصوير يعتمد على إنكسار الضوء على عدسة الكاميرا، ولكي ينتقل الضوء من جسمٍ ما إلى عدسات كاميرات كبلر على بُعد 600 سنة ضوئية يحتاج هذا الضوء للإنتقال لمدة 600 سنة زمنية، ويمكن تقليل هذه المسافة عن طريق تثبيت عدسات مكبرة متقدمة جداً، ولكن من المستحيل أن يصور الصور في أقل من مائة عام في أحسن الحالات، بصراحة لا أصدق كبلر.
تحياتي
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: بدر الدين احمد موسى)
|
Quote: ياتو نجيضة يا تبارك؟ ما تكون قاصد النجيضة البيتفق معاي فيها قيقراوي همسيلف
|
ما تعتمد على ما فوق الخط .. غالباً بكون دا اليقين الخادع .. وتحت الخط بتجي الحولا* .. وقيل الكسر او القلبة (بلغة ناس الموسيقى)
-----------
اعتقد انو تبارك بشير للاستدراك او الاستثناء الشذ عن الاتفاق حتة (العارفين) .. (وما اوتيتم من العلم الا قليلاً) اسي انا شايف التم دا مش (انتقال من التكهنات للملاحظة) بل هو انتقال من تكهنات ضعيفة جداً .. لتكهنات اقل ضعفاً بس
بعدين -ما دام رجعنا للحتة دي- تعال هنا منو هو القال ليك جيراننا الاكتر ذكاء ما بادرو بالزيارة .. او حتى مصوريننا عرايا ذاتو!! من اين اتاك اليقين دا؟
استبعد لو توفرت اي فرصة لحياة في غير الارض لحياة ما .. انهم يكونوا بنفس غباءنا شخصياً غير سعيد بمسار التطور -في البنى الفوقية- الحاصل على كوكبنا التعيس دا
سئمنا .. عشان كدا الواحد عاوز يعمل تعارف ويصلح علاقاتو مع الجيران .. الاكثر ذكاءاً ؤ كدا المافي شنو ما انتهازي واعي؟
يا ملك تعرف زولك محمد سعيد عشماوي دا انا ح اعتبرو رافع الحرج عن القانونيين والمصريين .. ؤ جوز لا يخسر
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
سلامات يا قيقا .. عارف! في عبارات بقت مُستهلك لدرجة الزول بقى ما عارف معناتا ذاته. وخصوصًا حكاية "جبت اليقين دا من وين؟" وهو وينو اليقين الأنا اتكلمتَ بيهو ذاته يا قيقا ياخوي، ما ياهو قدامك "مُجرَّد" تساؤلات مُتحيِّرة Quote: بس المُحيِّرني: إذا كنا (كبشر أقل تطورًا من تلك الحيوات المُفترضة) نبحث عن حيوات في هذا الكوكب، فكيف لم نُصادف تلك الحيوات وهي تبحث عن الشيء ذاته؟ أليس من المُفترض أنَّ هذه الحيوات هي التي من المُفترض أن تصل إلينا أولًا إن كانت أكثر تطورًا منا؟ وإذا كانت هنالك حيوات أخرى، فهل يجب فعلًا أن تنطبق على حياتها شروط الحياة على الأرض؟ أليس من الممكن مثلًا أن تكون لها شروط حياة مُختلفة عن شروط الحياة التي نعرفها؟ |
بذمتك يا قيقا "اليقين" في كلامي دا وين؟ .. لكن كدي تعال شوف جُملتك الاستنكارية دي: Quote: منو هو القال ليك جيراننا الاكتر ذكاء ما بادرو بالزيارة .. او حتى مصوريننا عرايا ذاتو!! |
دا كان ما بقا يقين يبقى شنو؟ سلطة روب؟ :) ياخ ما طلعتو ...نا بحكاية اليقين دي هههههههه
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: هشام آدم)
|
Quote: دا كان ما بقا يقين يبقى شنو؟ سلطة روب؟ :) ياخ ما طلعتو ...نا بحكاية اليقين دي هههههههه
|
اجي!! هو في!؟
---------
مرة بفتش في الجوال -الذكي (ممكن تقرأ "الكتاب المنير" اذا بتريد)- بتاعي لقيت لي نغمة غريبة كدا .. فعلاً تصلح خلفية موسيقي لزيارات الالاينس ؤ كدا! ثبتها كنغمة للبريد الوارد ..وكتها ما استكنهت العاجبني فيها .. لحدي ما يوم سارة حكت لي عن (يقين) فادي .. اجمل ما فيها -النغمة- ما بتقدر تنسب الصوت لمصدر محدد -لو ما عارف- ومع عمك الفيس الصواط دا (امنة مختار عملت، وطبارك ترك، وعادل عبد العاطي مالو .. وحاتم يأسو زاد .. اللخ اللخ من ورجغات كوكبكم الما بتنتهي دي) اها كل مرة الموسيقى التصويرية تدور .. فادي كل مرة كان بتلبش .. ويجري على امو وهو يردد بيقين قااااطع:
ديل الفضائيين جوا .. انا كنت متأكد انهم ح يجوا!!
بي يقينو دا .. قطع شك زولكم يا هشام .. اوبالميت كدا ح يقدم طلبو للانضمام للمؤتمر الوطني في الثانوي!! ما بختى واحدة من جماعات الهوس دي غايتو .. زول من اسي مريخابي دا ما منو رجا!!
قبل فترة سألني : انت الله دا شايف كل حاجة، وعارف كل حاجة؟ ودي على خلفية تخويفي ليو، عشان ما يعمل الحاجات البمنعو منها في غيابي، بكرر ليو: لو انا ما شايفك .. الله شايفك. اها لمن رديت بالايجاب، قال لي: طيب خلقنا لشنو!؟
فبهت الذي عاوز يطلع في الكفر
| |
|
|
|
|
|
|
Re: كبلر........ يكتشف وجود كواكب..... شبيهة بالارض (Re: فتح الرحمن حمودي)
|
Quote: إذا كنا (كبشر أقل تطورًا من تلك الحيوات المُفترضة) نبحث عن حيوات في هذا الكوكب، فكيف لم نُصادف تلك الحيوات وهي تبحث عن الشيء ذاته؟ أليس من المُفترض أنَّ هذه الحيوات هي التي من المُفترض أن تصل إلينا أولًا إن كانت أكثر تطورًا منا؟
|
يا هشام اسئلتك هنا ما استفهامية ولا استعلامية .. بل لغتها تقريرية
دا من جهة شوفي
--------
الغريبة سؤالك التاني- وللعجب في الترتيب- يجاوبه الاول تماماً
اذا كان صح الشرط المقرر في الاول كإحتمال وارد [(كبشر أقل تطورًا من تلك الحيوات المُفترضة)]، كيف ح يتسنى لك ان تقطع برد شافي على: [فكيف لم نُصادف تلك الحيوات وهي تبحث عن الشيء ذاته؟]
منو القال ليك انهم ما في جبتك!! يا زول هي بعد امنة مختار طلعت من بني اسرائيل لكن متنكرة في صورة سودانية ساي .. تاني ما في ضمان كلو كلو!!
| |
|
|
|
|
|
|
|