|
|
 في القوز ما نسينا وفي القوز ليس نجهل
|
دعوة لكل البورداب من حي القوز جنوب الخرطوم للكتابة عن هذا الحي العريق والشامخ والذي أتلف بأسر عريقة وكريمة شكلت مجتمعا رائعا ومتألفاانتج جيلنا ، ال الفكي عزالدين وال حرمين وال النجمي والقرشاب وال بلة كرار وال سعيد والشفيعاب والمكوك وال الاسد واولاد نايل و اولاد فضل المولى و اولاد المهل واولاد الدرديري واولاد حاج عبيدو اولاد علي كوري والشمباتة والعركيين والسليمانية ، ومن فاتني ذكرهم لهم كل الحب والتقدير
يلا يا جما القوز وهيثم عبد العزيز ومعتز مختار اكتبوا عن هذا التاريخ الجميل
|
|
 
|
|
|
|
|
|
|
|
Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
أبو القاسم . ..
حاضرين ياسيدي ..
سنأتيكـ بكل ذاكـ الجمال والألق الذي يسكن القوز وأهلها ..
وحقاً للقوز ما نسينا وللقوز كيف نجهل ..
مدرسة القوز(2) والقوز (1 ) ..
وميدان لوممبا .. وميدان العاصفة ..
ونادي القوز الرياضي ... والمسكيت .. وخور المدبغة ...
ومخازن السكر .. وغابة السنط .. وكوشة الجبل زمان ..
والقطر .. وذكرياتنا معه .. ونادي النيل ..
والمجاري .. التي اتعبت القوز.. والاسطبلات ..
وكل ناس القوز الحلوين ..
وتلكـ الأسر العريقة التي رسمت اسم القوز في دواخلنا ..
بحروف من نور ..
كل من سكن هذا الحي العريق ..
هي حروف ننثرها هنا نعبر بها عن لسان حالنا ..
بحبنا للقوز وأهلها ......
للقوز منتدى يديره صديقي ( مباركـ حته ) ..
لكنه مهمل .. ولا نشاط له ..
وكان من الأولى أن يكون له دور ..
في عكس نشاطات القوز ومبدعيها .......
واصل حبيبنا أبوالقاسم ..
فناس القوز في المنبر..
حيجوكـ واحد تلو الآخر ..
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
حين يمضي قطار الذكريات ..
وتكر سبحة الأشواق ..
فتملأك بالحنين ..
فتبدأ روحك في إجترار ..
تلك الأيام النادية المليئة ..
والمتخمة بكل ذلك الزخم الجميل ..
من المشاعر والأحاسيس ..
التي قطعاً لن تجد لها وصفاً في كل قواميس الكلام ..
ولن تستطيع ان تصفها ..
وتفيها حقها من الوصف والاطناب ..
فتقف كلماتكـ حيرى ..
في أن تبلغ مدى تلك الأحاسيس ..
وتحدد كل معالمها ..
وترسم ملامح الدهشة التي تكسوها ..
فتقف الغصة في حلقكـ ..
ويزدريك طوفان الأشواق ..
فتعصف بكـ وبروحكـ ..
الأشواق ..
وتسترسل في دواخلكـ مساحات الحنين ..
فتملأكـ وتمسك بتلابيب تعابيرك وبوحكـ ..
تلكـ الأشواق التي تسكنكـ ..
حينها تجد أنه لامنـاص لكـ ..
من أن تسترسل في بحور المحبة والأشواق ..
وتغوص في خضمها المتلاطم ..
وتتركـ العنان لروحكـ ..
في أن تعبر وتبوح ..
دون حروف ترهقكـ .. وتشجيك ..
في البحث عن معانيها ومدلولاتها ..
فتسرح وروحكـ ..
لتهوم في بحور من الحنين والأشواق ..
وتسرح كأن الأحباب ..
يملاؤن دنان روحكـ ..
وكأنكـ تعيش دنياهم ..
فتقتات عوالمهم الحنين ..
ولحظاتهم المحبة ..
تسكنكـ أرواحهم الشفيفة ..
بكل ذاك الألق ..
وبكل تلكـ الروعة ..
وحقاً ...
إذا الخاطر سرح عنك ..
تأكد إنو راح ليكـ ..
لأن دنياه لديكـ ..
وكل عوالمه التي تسكنه ..
وتسكن روحه ..
وتأسره ..
هي عندكـ ..
ولديكـ ..
فأنت تلكـ العوالم ..
وأنت هو ..
وهو أنت ..
حين تسوقكـ طيوف الذكرى ..
وتسحبكـ بتلكـ الخيوط التي تحسبها واهنه ..
لكن حقاً لافكاك منها ..
فهي تستدرجكـ بعوالمها المرحة ..
وخدرها اللذيذ لتبحر بك عبر أمواج من ذكريات جميلة عشتها ..
وتدثرت عوالمكـ بها .. تهفو روحكـ اليها ..
لتنعم ببعض مما في دنياواتها من ألق وطيوف رائعة الطيوب ..
تهرب عبر هذه الذكريات الى عوالم الطفولة الجميلة ومابها من شقاوة ..
تجد نفسكـ تبتسم ..
وربما إن كنت وحيداً لقهقهت جزلاً من تلكـ التصرفات والأفعال ..
التي تكتسي بطابع الشقاوة ..
حينها لابد لكـ أنت تدلف الى عوالم هذا الحي المتخم بالروعة ..
هذا الحي الذي كان مسرحاً .. لكل صخبنا وضوضاءنا ..
وكل تلك الجلبة التي كنا نحدثها ..
ونفتعلها في أحايين كثيرة ..
هي عوالمنا التي عايشناها ردحاً من الزمن ..
كانت وكنا ..
ذكريات طفولة مليئة بالشقاوة ..
سنعود اليها لنغترف من فيضها الجميل ..
ولكن بعد حين ..
هكذا دندنت حروفي ..
في لحظات شوق واجترار لذكريات ..
على أوتار محبتي لهذا الحي العريق ..
هي ذكريات ملؤها خواطرنا ..
فلنجيش بها ..
علها تعكس مدى محبتنا للقوز .........
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: محمد عبد الماجد الصايم)
|
سلام يا ناس القوز,,,,
وشكرا كتير استاذ. أبوالقاسم مضوي للتوثيق لهذا الحي العريق...
بس ما جبت سيرة ناس مربع خمسه :) ده تذكير اكتر من كونو عتاب,,
وشايف برضو جمال ودالقوز ما ذكر مدرسة القوز تلاته ; ونادي القنا (نادي القوز مربع خمسه).
تشكر تاني ونجيك بي رواقه كده ان شاء الله...
التعديل تغيير رقم المدرسة والمربع الي حروف...
غايتو رقم المربع بعزرو رقيب بكري يشخبتو,,, لكن رقم المدرسه شكلو حقاره ساااي....
(عدل بواسطة محمد التاج on 03-05-2013, 11:56 PM)
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: كمال علي الزين)
|
الإخوة المتداخلون
جمال ودالقوز
بلا شك سيكون لك القدح المعلى في توثيق هذا الجمال فلا تبخل
محمد عبد الماجد
بيتنا بفتح على مدرسة القوز 2 مباشرة تلك المدرسة التي خرجت الأفذاذ وانت احدهم التحية للأستاذ كمال والأستاذ عبدالله اللذين مازال عطاءهما ممتدا في هذا الصرح العملاق
صابر فضل المولي
انت صديقي الحبيب لا زلنا نذكر ايام المكتبة الثقافية بالقوز والتي كنت انت احد قياداتها وهي كما تذكر من اوائل التجمعات الثقافية في الخرطوم ، لك وحشة واشواق
محمد التاج
ناس مربع خمسة ركن ركين في القوز التاج حمد وعم شريف والمجلس المحلي عندكم وفريق لوممبا الذين كانوا (يخلو الكورة تتكلم)ونادي لوممبا الذي كان مركزاشعاع اجتماعي وثقافي مميز ، كيف ياخ ننسى ما بتجي بس تعال واكتب عن احبابنا في مربع 5
كمال علي الزين
نقطة فوق لا تكفي فانت صاحب قلم مسنون وعرقك عندنا في القوز عشان كدة ادي الرحم حقو واكتب يا رائع
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Saifeldin Gibreel)
|
اخوي سيف الدين جبريل - السلام عليك
ياخي اول ماذكرت اسم شطيطة هجيت فيني الذكريات -بالله طمئني عن اخي
وصديقي عثمان بابكر شطيطة وبالمناسبة عثمان وانا واخونا عبدالمنعم عبدالرحيم
كنا مجموعة شكلت ذاك الزمن الجميل -رجائي افادتي ولو امكن رقم تلفونك
ولك مودتي وشكري الجزيل
اخوك عبدالفتاح علي
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: عبدالفتاح علي خلف الله)
|
نبدأ ذكريات اهل القوز بالوسط الرياضي
نجوم الوسط الرياضي في الثمانينيات والتسعينيات
الحاج ميرغني رئيس نادي القوز المرحوم شبيلي ناصر والمكوك الكرام و بابكر ود البلة القوازي والهلالابي العلم رحمه الله تعالى.
الكابتن عبد المنعم صديق كابتن فريق القوز في الثمانينيات ولاعب الفريق القومي السوداني بالغرم ان فريق القوز كان في الدرجة الثانية
الكابتن الحريف كمال جنين متعه الله بالصحة والعافية
خالد الزهرة انتقل لفريق الزهرة بالدرجة الأولى من نادي القوز
الكابتن عاطف فضل المولى (عاطف القوز) لاعب المريخ والفريق القومي
الكابتن عماد عوض (عماد القوز) لاعب المريخ والفريق القومي
اولاد الطيب الأسد نصرالدين الطيب وناصر الطيب والمخضرم حارس مرمى الهلال والفريق القومي حسن الطيب
الكباتن خالد ميرغني ، ود الفحل ، خالد عبد العظيم، حمادة فضل المولي ، الرشيد فيصل حارس نادي الهلال والفريق القومي ، محمد بابكر وشقيقه معتصم تفاحةومرتضى ، المعلم عبد المنعم ابسنون رحمه الله ، الكابتن أحمد عبدالله (ابدية) وشقيقه الموهوب محمد عبدالله ، عصام ابشر (باسطة)، ابن خالتي اسامة الهادي، عباس ركس ، الحارس شاهين اولاد عبد القيوم عماد ومحمد (ضلمة)، عباس معني لعب في نادي القوز من فريق العاصفة، الخير بله وامير عبدالرحيم ود الارباب
معذرة الذاكرة بتجي شوية شوية
ساعدونا يا جماعة
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
يا سلاااااام أجمل لحظات عمري قضيتها في هذا الحي العريق
جمعتنا علاقة و صداقة قوية جدا مع الاخ عوض (منقه) ولد المرحوم أحمد قندران
قضيت اياما خالدة في منزل شقيقة عوض و زوجها علي مالك (علي حيطة)
و لا أنسي رجل جميل يدعي عبيد كان هو من يشرف علي دفن الموتي
كل التحية و المحبة الي كل سكان هذا الحي العريق
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: امير طمبل)
|
لك التحية أخونا وحبيبنا أبوالقاسم والتحية لكل المتداخلين والمشاركين فى البوست
القوز مرتع الصبا وأيام الطفولة .. كما تحدث عنها حبيبنا طارق بخيت في بوست سابق
ولنا فيها كثير من الزكريات وبكل تأكيد سأعود لسرد تفاصيل كثيرة والمشاركة في هذا التوثيق ..
.
تحياتي
| |
|
|
|
|
|
|
|
|
Re: في القوز ما نسينا وفي القوز ليس نجهل (Re: معتز زيزي)
|
القوز .. هذا الحي الجميل ..
الذي يرسم بحروف إسمه في دواخلي ..
أرتال من الأشواق والحنين ..
شهد صرختي الأولى مستقبلاً الحياه ..
وخبرت أزقته وحواريه وقع خطواتي ..
وآثار أقدامي التي ارتسمت على سطح أديمه ..
الذي طالما اشتهته روحي ..
شهد هذا الحي وأجواءه صخبي ..
ومعاركي الصغيره .. التي كنت كثير الإفتعال لها ..
بسبب وبدونه .. ظل هذا الحي يلازم مخيلتي ..
تتجدد ذكراه وتترسخ كلما كبرت ..
فيكفي أن تقفز صورته أويجول اسمه بخاطري ولو لهنيهه ..
حتى تتجاذب روحي أطياف من الذكرى الجميله ..
ويعاودني الحنين .. لتلكم الأيام النضرات ..
التي مابارحت مخيلتي قط .. لازلت أذكر ..
رغماً عن كل ذاك الركام الذي خلفته الأيام والسنين ..
التي جثت على ذاكرتي ..
والتي مافتئت تبتلع وتحتل مكامن الذكرى في تلافيف خيالي ..
فاظل أقاومها محافظاً على مواقع ذكرياتي في هذا الحي الجميل ..
متشبثاً بها .. رغماً عن بحث جديد الأحداث عن مواقع إضافية ..
تحط عليها رحالها داخل تجاويف ذاكرتي المجهدة أصلاً ..
والتي اكتظت باحداث وأحداث قد يتململ منها ..
وينوء بحملها أصحاب الذاكرات الفوتغرافيه ..
ومن زاده الله بسطه في دقة الذاكرة ..
وسرعة الإسترجاع .. والاستدعاء لمخزونات الذاكره المكتظة ..
تلك الأحداث المتشعبة والمتشابكة والمتشابهة ..
والتي قد تتشابك ويصعب فك طلاسمها ..
كلما مرت وتراكمت عليها السنين والأحداث ..
فرغماً عن ذلكـ ظل هذا الحي ..
يراوح مكانه في تراتيب الأشياء المحببه الى نفسي ولايفارق ..
بل ظل حبه متجدداً تصقله السنين وتجليه ..
كلما مرت عليه فيظل متوهجاً كما أوده أن يكون ..
وحقاً ..
للقوز مانسينا .. وللقوز كيف نجهل ..
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
| Quote: بجيكم يااهل القوز الحلوين.... |
ياصابر وينكـ ..
شنو مالكـ مارديت على الايميلات ..
الرسلتها ليكـ ع الياهوو ..
عارف ..
حأقابل عبدالله سعد ..
وأشتكيكـ ليهو ............
يأخ وينكـ ..
شنو بتطول في الظهور هنا ..
تعال وامتعنا يأخ ............
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
Quote: حباب شباب القوز
أخوكم خريج القوز 2 سنة السيول 88
أيام الأساتذة كمال العربي وكمال الشايقي
والضي ومحمد مدني |
يابطه .. ....
بالله طلعت من اندنــــــــا ..
ومريت على مدرستنا كمان ..
لكن ياخسارة جيت بعدنا ..
وطلعت اصغر مننا ..
وإلا كنا قابلناكـ وطفقناكـ .........
وانا أقول خفة دمكـ دي من وين ؟؟ .....
اتاريكـ قوازي ......
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
(*)
تحياتي يا قاسم وعموم اهل القوز ..
بالقوز ضريج جدي (الشيخ حسن راجل القوز) وخالنا الخليفة مصطفى وخالتنا فاطمة حسن (أم المحينة) وبيتنا القديم
على ما اعتقد بعناهو سنة 64 وهو البيت الملاصق لبيت ناس خالتي فاطمة حسن عبدالعزيز شكرالله ومقابل لبيت ناس الشفيع
جيت قبل فترة زواج غادة حبيب الله (بت خالتي فاطنة ) ولقيت بيت جدي القديم ساكنينو حبش على ما اعتقد ,اما بيت جدي التاني
فهو في ابوحمامة على الشارع جنب البنك الجديد وبيتو التالت جنب البوستة والاخيرين ديل مابعناهم بس (محتلنهم اهلنا )
وبقية اهلنا لسا في القوز بس متفرقين من المقرن وانتا ماشي مابتوقف وجودهم الا في الجبل ..
دي مداخلة سريعة لحدي ما اجيكم راجع ..
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: كمال علي الزين)
|
أهل القوز
اهلنا الطيبين
من الحلة الجديدة شمال ( سك العملة ) أحييييييييكُم
ذكرياتنا وطفولتنا في القوز لا تُنسى
شجرة كعومة
محطة القوز
محطة النيمة
دكان عمك سيد وأولاده ( عطا وأحمد )
أولاد موسى ( صلاح ، ماجد ، عبده )
........إلخ
تفرق الشمل الآن ،،، وستُعيدنا الذكريات الحلوة
جايييييييكم برواقة .
وشكراً أبو القاسم
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: سيف الدين محجوب)
|
أمير طمبل
ذكرت كرام عوض منقة شاب خلوق مهذب الان في السعودية كما اعتقد وهو لاعب كرة قدم موهوب
عمنا عبيد الخضر ما زال في عطاءه يجمع كل جمعة ما يجود به الناس ليشتري اسمنت ورملة ويعمل طوب للقبور يخزن في داره العامرة وما زال كلما حدثت وفاة يشيل العدة ويذهب للمقابر حتى لو لم يكن يعرف الميت وأهله وهو المرجع الموثوق به لمقابر القوز . ربنا يتقبل منو هذا الجهد الخالص
معتز زيزي
حبيبنا وذرية العم عبيد بلال الرجل العلم والبيت العريق ، مما يقوله لي الوالد يكاد يكون بيت عم عبيد بلال جمع بالقرابة والمصاهرة جميع ناس القوز ، منتظر كتاباتك يا رائع وانت مبدع كفر ووتر
كمال علي الزين
مسيد جدك الشيخ الحسن مقام كريم يزين القوز حفظ القرأن ، والحولية وملجأ المحتاجين أما خالتنا فاطمة حسن فمن يجهل الطيبة والنقاء متعها الله بالصحة والعافية، قلمك المسنون منتظر بشغف
سيف محجوب
انت صديقي وشقيق صديقي ودفعتي ايوب محجوب فصل بفصل لم تفصلنا الا هذه الغربة ، دكان عم محجوب سواء القديم أو الجديد هو من معالم القوز الشاهدة ويا سلام لمن نتذكر عمنا محجوب بتلك البشاشة والبسطة التي يلاقي بها الناس ، وحيكم سك العملة فيه التآلف والمحبة يونس وأولاد موسى وحمادة المصري واولاد كومي واولاد كوبس واولاد عبدالله هشام واسامة والزبير ومحمد واولاد عيسى ناس اللاعب الفنان عوض وعيسى واخوانو وناس ابراهيم ويحى ومحمود واولاد الملك عبد الماجد وعلاء الدين واولاد القتيم المبدعين نصرالدين الجيلاني وكثيرون تخوننا الذاكرة عن ذكرهم ، طبعا انتو يا سيف استمتعتوا بالقوز في الزمن الجمل لمن كان جوز الحمام تلاتة فرد يلا اطلع ورينا واحكي عن هذه الجمال اشياء وشخوصا
دمتم جميعا
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
يا أبو القاسم ..
ما اجمل هذا الإندياح الجميل ..
لقد اعدتم الينا ذكريات ما اروعها ..
حينما أطللتم بهذه االسيرة ..
قفزت بذاكرتي رأساً لدكان محجوب وتلكـ الشجرة الظليلة ..
وجلوسنا تحتها نشرب البيبسي البااااااااااااارد ..
ونشتري الطحنية لنضعها جوه القزازة ..
فما أجملنا ونحن نفتح أفواهنا لنقابل فورة البيبسي ..
ياسلاااااااام يأخ ....
ذاكـ الزمان ما أجمله عندما كان البيبسي رفاهية ..
عارف عندنا واحد صاحبنا كان زمان ..
لمن يشوفكـ شايل ليكـ قزازة بيبسي من دكان محجوب وماشي البيت ..
يقول ليك أقف هنا العيان في بيتكم منو .. ؟ ..
حاكم الزول لمن يكون عيان بتكون روحه مشحتفه للبيبسي .. 
ما اجمل أيام حوليات جامع شيخ الحسن ..
وتلكـ الأجواء الروحانية .. والنوبة والحيران ..
ونحن صغارا كنا نتسرب وسط حلقات الذكر ..
فنتعشى .. ونضرب الزلابيا ..
ثم نغفل عائدين الى مهاجعنا ..
ما اجمل تلكـ الخمايس المشحونة بالذكر والنوبة والذاكرين ..
حتى تاريخه ..
تعود الى ذكريات الحوليه والدراويش ..
فتشجيني .. وتشدني الى ذاكـ الزمن الأنيق ..
أبدعوا يا ابو القاسم وجودوا علينا برحيق الذكريات ..
وتلكم الأيام النضرات ..
فما اجمل القوز وناس القوز ..
وقطعاً ..
سنعود لكم ...
فمعكم أخي أبو القاسم ..
يحلو اجترار أحداث وذكريات هذا الحي الجميل .....
فقد قتلت الغربة كل الجمال الذي يسكننا ..
وجعلتنا كطبل اجوف ...
تتآكله الوحده ..
ولا تكاد تستبين من نغماته شئ ..
| |
|
|
|
|
|
|
|
|
 Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
الاخ العزيز والصديق الغالي ابو القاسم الف ومليار سلام
ياخي والله مشتاقين شوقا لايوصف ولايعد (الشكر لبكري الذي جمعنا في هذا الحوش الرائع)
القوز من اروع الاحياء علي الاطلاق لما يتمتع به اهله من روح حلوة تنعكس في كل تعاملهم ومعاملاتهم
وفيه الابداع بكل الوانه قدم عراقة وجدارة يكفي ان فرق القوز اينما شاركت عملت لها الفرق الف حساب ، وعدم صعودها وبقاءها في الأولى لسؤ طالع وليس
فقر مواهب ولاعبين.
كنت اجالس ابن عمتي المرحوم سليمان عبد القادر الملحن الاول للمرحوم الخالدي والموسيقار والمؤلف والملحن
وكنت اجد في منزله مجموعة من الفنانين الذين شيئاً فشيئا اصبحوا من المعروفين والمميزين في مجال الفن
وفي مجال الثقافة نعم كانت المكتبة الثقافية نبراسا اضاء للكثير العمل الثقافي والاجتماعي معا وكانت الحادي الثقافي في المنطقة
اما الجمعيات المربعية والجامعية فكانت عملا لا مثيل حيث اقام كل مربع جمعيته الثقافية الاجتماعية وبدؤا نشاطا محموما في المجتمع
ونواصل.......
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: صابر فضل المولي)
|
Quote: جمال ود القوز
سلامات يا رفيق الصبا
انت وينك وين
عارف اكتر حاجة بتذكرك بيها خرخرتك في الكورة
لما كنا بنلغب بي كورة سامي مكي ابو الخرخرة
والله زمان
ولنا عودة |
ياسلام يا صابر يأخ ..
ما احلى تلكـ الأيام ..
والله اعدتني لي ايام الكورة في القوز ..
والخرخره .. وناس سامي ..
وميادين العاصفة ولوممبا ..
وميادين الدافوري كلها ..
طبعا انا انضربت ..
وعملت عملية غضروف في مصر ..
وحينما عدت .. وقلت ارجع للكورة ..
حلف الوالد حفظه الله على الا العب كورة تاني ..
وكان يقف لي عند خروجي من البيت للتمارين ..
وفضل قاعد لي كده لحدي ما تركت الكورة واتشطبت ..
وتفرغت للجامعة ..
كانت ايام والله ما اروعها ..
هسه انا بلعب كورة مع الشفع داخل الحوش وس ............
تعال ياصابر يأخ وامتعنا برحيق هذه الايام النضره ...
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
Quote: جمال ود القوز
سلامات يا رفيق الصبا
انت وينك وين
عارف اكتر حاجة بتذكرك بيها خرخرتك في الكورة
لما كنا بنلغب بيكورة سامي مكي ابو الخرخة
والله زمان
ولنا عودة |
أضحكك في سامي ده شوية ..
طبعاً أخوك شليق وبتاع شريك للقمري ..
وكنا بنمشي للزرايب الجنب البحر ..
عشان نشركـ للقمري ..
طبعاً بنخش الزرايب بالدس ..
وكان قبضوك الله قال بي قولك ..
اها ونحن بنظبط في الشركـ كده ..
ظهر الراعي بتاع الزريبة ..
وقال كده جرى بي ورانا ..
طبعاً أنا لفيف وخفيف ..
نطيت من فوق الشوك والحديد بتاع الزريبة .. وفتحت فتح شديد ..
وماوقفت الا جنب قضيب القطر ..
وخليت زولنا داك بي وراي ..
اها رجعت الحلة ورجيتو ..
لمن جاء ..
زعل مني شديد وقال لي كيف تتجري وتخليني ...........
| |
|
|
|
|
|
|
|
|
 Re: في القوز ما نسينا وفي القوز ليس نجهل (Re: جمال ود القوز)
|
غايتو ملف القوز في الهاردسكـ
بتاع راسي بقى مغبّش كلو كلو!
حاجات بسيطة من الذاكرة ..
بيتنا كان في شارع الجامع زااتو
يعني تطلع من الجامع باتجاه الشمال وقبل قفلتو في النهاية
قبل ناس الحوري طوالي وفي نهاية شارعنا عمارة عمكـ (بلة)
كان عندو بوكس شفر أحمر!!
سبحانه الله .. نسيت الأسامي زاتو!
بتذكر عمنا المؤذن خوجلي .. ولدو حافظ كان في دفعتنا
وعمكـ عبده عبدالله الجزار ولدو محمد برضو كان دفعتنا
كان من أحسن لاعبي الكرة الطائرة في القـوز 2
جيمي يا بطة
الظاهر عليكـ قبلينا بكتيييير!
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: محمد عبد الماجد الصايم)
|
Quote: جيمي يا بطة
الظاهر عليكـ قبلينا بكتيييير! |
يعني ماكتير خالص ..
وصفكـ ده كلو في حتتنا ...
عمنا خوجلي وذاكـ الأذان الجميل .. والصوت الرخيم ..
النذير جارنا وصديقنا ..
أها تاني قصرتا معاكـ يابطه .......
وأديكـ النجيضة ..
بعد عمر معين كده ...
الناس كووولهم ببقوا في عمر واحد ..
وأظننا نحن الجوز وصلنا الحته دي .................
ـــــــــــــــــــــــــــــــــــــــــــــــ
ما اجمل القوز وناسها الحلوين ...
لكن أقول ليكـ كلام .. يا ود الصايم
صدقاً .. أنا بعرفكـ ...
لكنه طشاش زي وصفكـ ده ...
فقد تراكمت على مواقع الذاكرة ارتال من الأحداث المتلاحقة ..
التي تقطع نفس أجعص ذاكرة ..
لكننا بين الحين والآخر ..
نتملص من كل ذاكـ الركام ..
ببعض الحرفنه ..
مجترين من ثنايا تلكـ الذاكرة المعطوبة ..
بعض الذكريات ..
التي تحفزنا على استحضار الفرح ..
فالواقع كله رتابة وملل ..
سعدت بكـ ياحبيبنا .........
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
| Quote: أضحكك في سامي ده شوية .. |
يا صديق انا وعبد الله عندنا موقف قريب من دا
كنا بنجيب العيش من جنب الجامع 6
وكان في بيت في الناصية ماسكون
لقينا حمار واصرينا نركبو وشوية الله ستر كان بيرفس عبد الله ... قررنا نادب الحما
طادناه لحد ما دخل البت ا دخل الحمار البيت ووقعنا ضرب فيه بالحجار والعصي وكل شي
فجأة دخل صاحب الحمار من الباب .. بتعملوا في شنو .. تلعثمنا
وقال الليلة بوديكم الشرطة
خليناه دخل يعاين في الحمار ... عاينا لبعض وفللي بنفس واحد لحد البيت
في ذاك الزمن كانت بعض بيوت القوز لم تسكن بعد خاصة مربع سته
وكان هناك عدد مقدر من الاخوة القادمين من الجزيرة ، عزابة
ولو بتذكر الاكشاك التي كانت في ميدان لوممبا مدرسة الحميراء الحاليىة
وكيف كان زاك المكان مكتظا في الليل
ونواصل
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
من العام 75 إلى نهاية الثمانينيات سكن أشقائي في لفة القوز
بينهم وبين الاسطبلات زقاق في بيت عمنا مهدي
وكانت ايام لا تنسى، رغم اننا كنا عزابة، إلا أننا عشنا بينهم كإخوة
وكان أهلي لما يجوا من كوستي يحرصوا على زيارة الجيران في القوز
تحياتي لهم، وعظيم امتناني لكل ما قدموه لنا في غربتنا الأولى تلك
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
Quote: ســـــــــــلام لصاحب البوست و للجميع و جاييكم بعد غربة و شوق.....
لنســــرد الممتع و الجميل لهذا الحي المتفرد...... |
هيثم يا عبد العزيز ..
طبعاً كان لكم في بوست مثلث الزمن الجميل ..
انت وتلكـ الثلة المباركة من ناس القوز ..
بالذات ناس حلة جامع عركي على ما أذكر ..
من اجترار لذكريات ما أروعها ...
كنت أنا خارج الأسوار وقتها ..
لكني كنت اتابعكم ..
واسترجع معكم مابخاطري من ذكريات ..
شهدتها ازقة ذاكـ الحي الجميل ..
فقد شكل القوز وفضاءاته كل مابداخلنا من ذكريات جميله ..
تقريباً انتم أقرب لمسجد ومسيد الشمباته ..
كان ميلادي في الشارع الجنوب المسيد..
قبل رحلونا وأنا طفل لقرب مدرسة القوز ..
وحتى تاريخه ونحن هسه ناس كبااار ..
يذكرني والدي بانني كنت في ليلة أواصل البكاء ..
طول الليل ولم اتوقف عن البكاء حتى ساعات الفجر الاولى ..
فاخذني والدي للمسيد الذي كان على بعد خطوات قليلة ..
فعزم الشيخ الشمباتي وتفل في فمي ..
فقال والدي من يومها وانا لا أبكي مطلقاً في الليل ..
بل ظللت اواصل استدراج الانبساط حتى تاريخه ..
أي والله .. هذا ماحدث ..
جعل الله أيام الجميع ممهورة ومغموسة بالفرح والانبساط .......
ــــــــــــــــ ـ ـ ـ ـ ـــــــــــــــــــــ
قربكم كان يسكن صديقي الجميل محمد عبد المنعم ...
فقد كنت كثيراً ما أأتي معه .. الى نواحيكم ..
تعال وعطر فضاءات هذا البوست ..
وبل الشوق .. وأغسل أدران الغربة ...
..
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
صابر
يا سلام عليك ذكرتني بالحاضر الغائب الموسيقار أبوداؤود ( عليه رحمة الله )
الرجُل الظريف الأخلاق المُجامل الفنان ،،، ورغم مرور السنين فمازال وسيظل باقٍ في قلوبنا
رحمة الله تنزل علية بقدر ما أشجانا بألحانه الرائعة وأضحكنا بقفشاته الظريفة
لقد كان نِعم الجار ،،، حقيقة بوفاته فقد خسرت القوز علماً من أعلامها
فلنرحم عليه جميعاً .
هيثم ،،، وينك يا ود اللفة
يا حليل أيامنا الظريفة في شارعكم ،،، صديقي( علام ) عليه رحمة الله
عبد الرحيم أخبارو شنو ؟؟؟
تحياتي عبرك لجميع الأهل
فعلاً في القوز مانسينا
وتاني شكراً مولانا أبو القاسم
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: سيف الدين محجوب)
|
Quote: هيثم يا عبد العزيز ..
طبعاً كان لكم في بوست مثلث الزمن الجميل .. |
هلا يا جمال كيف الحال مرحب بيك في المنبر..
نعم كان هنالك بوست عن مثلث الزمن الجميل (القوز و الحلة الجديدة و الرميلة) كاتبه صديقنا و عضو المنبر الغائب الحاضر مولانا ياسر الأمير أبوجكة لكن الناس إنشغلت......
وإختفى البوست كما كان هنالك بوست لصديقنا ايضاً زميل البورد الغائب الحاضر طارق بخيت و برضو ذهب مع الريح.....
لكن إن شاءالله ربنا يقدرنا جميعاً أن نواصل في هذا البوست ويجوا الغائبين ياسر و طارق و معتز زيزي ......
و كذلك بعض أعضاء المنبر من ساكني القوز في الماضي و رحلوا إلى أماكن متفرقة من العاصمة وهم كٌثــر.......
صديقي سيف محجوب مرحب بيك في المنبر و مشتاقين والله كيف عامل عساك طيب....... (عبدالرحيم سلك بخير و الحمدلله)
مولانا أبا القاسم.... ياريت لو تكتب إيميلك لقراء و متابعين المنبر من الخارج للمشاركة في هذا البوست.......
و لــــــي عودة كان امد الله في الآجال....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
الاحباء
فاتني في ذكر ناس القوز نفر كثير ارجو منهم الصفح والعفو فما اوردتهم على سبيل المثال لا الحصر واملي في ان يواصل شباب القوز ذكر من خانتني الذاكرة .
في القوز مربع ستة عمنا المخضرم مضوي الخاتمي بيتو بفتح ناحية العراضة الشمالية لميدان القوز واولاده الكرام العظام اخزنا العميد شرطة عماد مضوي مدير سجن موبر حاليا على ما اعتقد والاخ عصام مضوي اللذيذ والذي يعمل هنا في الدوحة في احدى شركات البترول المرموقة والاخ محمد مضوي المقمي في امريكا والذي يملأ المكان ضحكا وانساوقد كانو خير سفراء للقوز في غربتهم فما يحل احد من القوز بالدوحة الا وهرعوا اليه واوجبو له الواجب الكريم من الحفاوة والتكريم ، واذكر بيت عمنا الشيخ الخاتمي في مربع 4 واولاده دفعتي حتى الجامةالطبيب النابه د. عادل الشيخ الخاتمي والمقمي في لندن وسعادتو طارق الشيخ بالقوات المسلحة، وانا اترك لهيثم عبد العزيز مؤنة اجترار ذكرايت اهلنا في مربع 4
صابر فضل المولى
الملحن المبدع الراحل سليمان عبدالقادر (ودقريبة) وحاجة قريبة ام لنا جميعا ، وقد لحن معظم ان لم يكن كل أغاني الفنان عبد المنعم الخالدي والذي سكن القوز ايضا لمدة من الزمن منها سلمى ومنها ساعي دوام لقربك
ود الصايم
انت تتحدث عن العم بله سعيد رحمه الله واولاده هشام المقيم في هولندا والمرحوم عصام وهيثم ويعمل في السودان ومازالوا ساكنين في نفس البيت
اما عمنا المؤذن خوجلي رحمه الله فكان له صوت جميل في الأذان لو تذكر وقد عرض عليه في الثمانينيات السفر الى المملكة السعودية للعمل كمؤذن في المسجد النبوي بالمدينة المنورة على ما أذكر لكنه كان سائحا في الذكر بجامع الشيخ الحسن فابت نفسه الفراق
هيثم عبدالعزيز
يلا اطلع بالعندك منتظرين منك الكتير ، وعلى ذكر هيثم عبد العزيز لابد من ذكر شقيقه الطبيب النابه الإنسان محمد عبدالعزيز وشكره على كل الخدمات التي كان ومازال يقدمها لناس القوز ابتداء من الكشف المجاني والى شراء الأدوية وال عبد العزيز جميعا كانوا محل محبة وتقدير اهل القوز بما تحلو به من كريم الصفات والاخلاق
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
الاحباء
فاتني في ذكر ناس القوز نفر كثير ارجو منهم الصفح والعفو فما اوردتهم على سبيل المثال لا الحصر واملي في ان يواصل شباب القوز ذكر من خانتني الذاكرة .
في القوز مربع ستة عمنا المخضرم مضوي الخاتمي بيتو بفتح ناحية العراضة الشمالية لميدان القوز واولاده الكرام العظام اخزنا العميد شرطة عماد مضوي مدير سجن موبر حاليا على ما اعتقد والاخ عصام مضوي اللذيذ والذي يعمل هنا في الدوحة في احدى شركات البترول المرموقة والاخ محمد مضوي المقمي في امريكا والذي يملأ المكان ضحكا وانساوقد كانو خير سفراء للقوز في غربتهم فما يحل احد من القوز بالدوحة الا وهرعوا اليه واوجبو له الواجب الكريم من الحفاوة والتكريم ، واذكر بيت عمنا الشيخ الخاتمي في مربع 4 واولاده دفعتي حتى الجامةالطبيب النابه د. عادل الشيخ الخاتمي والمقمي في لندن وسعادتو طارق الشيخ بالقوات المسلحة، وانا اترك لهيثم عبد العزيز مؤنة اجترار ذكرايت اهلنا في مربع 4
صابر فضل المولى
الملحن المبدع الراحل سليمان عبدالقادر (ودقريبة) وحاجة قريبة ام لنا جميعا ، وقد لحن معظم ان لم يكن كل أغاني الفنان عبد المنعم الخالدي والذي سكن القوز ايضا لمدة من الزمن منها سلمى ومنها ساعي دوام لقربك
ود الصايم
انت تتحدث عن العم بله سعيد رحمه الله واولاده هشام المقيم في هولندا والمرحوم عصام وهيثم ويعمل في السودان ومازالوا ساكنين في نفس البيت
اما عمنا المؤذن خوجلي رحمه الله فكان له صوت جميل في الأذان لو تذكر وقد عرض عليه في الثمانينيات السفر الى المملكة السعودية للعمل كمؤذن في المسجد النبوي بالمدينة المنورة على ما أذكر لكنه كان سائحا في الذكر بجامع الشيخ الحسن فابت نفسه الفراق
هيثم عبدالعزيز
يلا اطلع بالعندك منتظرين منك الكتير ، وعلى ذكر هيثم عبد العزيز لابد من ذكر شقيقه الطبيب النابه الإنسان محمد عبدالعزيز وشكره على كل الخدمات التي كان ومازال يقدمها لناس القوز ابتداء من الكشف المجاني والى شراء الأدوية وال عبد العزيز جميعا كانوا محل محبة وتقدير اهل القوز بما تحلو به من كريم الصفات والاخلاق
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
تعريف كلمة القوز:-
القَوْزُ : الكثيبُ العالي من الرمل . والجمع : أقواز ، وقِيزان .
فلذلك الســـلام عليكم يا كيزان أقصــد يا قيزان .......
القوز ذلك الحي المتفرد في يقع قلب العاصمة الخرطوم وهو من الأحياء القديمة في منطقة الخرطوم مثل بري و السجانة......
يحدها من الشرق الديم و السجانة و من الغرب الرميلة و من الشمال الحلة الجديدة و من الجنوب سباق الخيل و نادي النيل العاصمي.....
سكان القوز مزيج من القبائل التي شكلت جمال المنطقة بتكاتف أهلها و تآلفهم و تجدهم في السراء و الضراء لا فرق بينهم......
فالقوز سكن بها المسلم و المسيحي و الشمالي و الجنوبي و الغربي و الشرقي......
فمثالاً لذلك سكن بها أفضل لاعب سلة سوداني جنوبي أمريكي الراحل مانوت كان يسكن القوز مربع 3 جوار منزل صاحب هذا البوست الرائع مولانا أبوالقاسم......
جمع القوز أهل الفن و الطرب و أهل الرياضة و الدراما و الفكاهة فكان قبلة المبدعين في ذلك الزمن الجميل......
و لــــي عودة بإذن الله.......
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
| Quote: في القوز ما نسينا وفي القوز ليس نجهل..... |
و إذا رجعنا لعنوان البوست و أصله:-
من أغنية الحقيبة المعروفة (في القوز ما نسينا) المعروف أن معظم الغناء سابقاً كان لأم درمان و لم تنل الخرطوم حظاً من ذلك الغناء الجميل...
و قيل سبب هذه الأغنية، ذات مرة إلتقى الشاعر سيد عبدالعزيز و الفنان عبيد عبدالرحمن في مناسبة زواج في القوز و أثناء ونستهم فإذا ببنات الخرطوم يسألن الشاعرين - ليه كل الغناء لأم درمان؟؟؟
و وعدوهم بأن يتغنوا للخرطوم، فهنا عمل الشاعر الفنان عبيد عبدالرحمن قصيدة "في القوز ما نسينا" و التي مطلعها:-
*** في القوز ما نسينا و في القوز ليس نجهل *** فيهو وجدنا عينة و فيهو وردنا منهل***
* و الملاحظ هنا أن الشاعر لم يصرح بإسم الخرطوم صراحةً في هذه القصيدة بل ذكر أحد أحيائهــا و هو حي "القوز"
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
و يا حليل بصات الحلة و القوز و الرميلة ذو اللونين الأحمرالأخضر و مكتوب عليها (الخرطوم الديوم الغربية و بالعكس) ....
و مسمياتها(الهنقاري، التيمس،أبيض ضميرك و المرسيدس و البعيو) .... و يا ســـلاااام لمن تبدأ الرحلة من السوق العربي إلى أن ينادي الكمساري سجانة قوز عن طريق شارع الحرية و أول محطـــــــة:
* مدرسة الأميرية و الحلة الجديدة بنات....
* بعد كبري الحرية محطة العداد....
* محطة المنطقة الصناعية مقابل سينما الخرطوم جنوب....
* محطة الجنوبي....
* محطة السجانة....
* محطة الماسورة....
* محطة أبوحمامة....
* محطة المجرى....
* محطة ديم سلمان أو مدرسة هاشم عابدون....
* محطة عبداللطيف.....
* محطة لفة القوز.....
* ثم يواصل البص إلى الرميلة إحدى مثلث الزمن الجميل....
أما إذا بدأت الرحلة من السوق العربي فينادي الكمساري حلقة قوز عن طريق شارع الحرية أول محطـــــــة:
* مدرسة الأميرية و الحلة الجديدة بنات....
* بعد كبري الحرية محطة العداد....
* محطة المنطقة الصناعية مقابل سينما الخرطوم جنوب....
* محطة الجنوبي....
* محطة الإمدادت الطبية....
* محطة الداخلية.....
* محطة ود المبارك.....
* محطة جامع ميرغني....
* محطة نادي إرتقاشة.....
* محطة إجزخانة هاني....
* محطة نسيت إسمها.....
* محطة عبيد بلال أو مظلة مرتضى....
* محطة النيمة أو مكتبة مضوي....
* محطة لفة القوز....
و بالعكــــــــــــــــس هي كالآتـي...........
* محطة لفة القوز.....
* محطة عبداللطيف.....
* محطة ديم سلمان أو مدرسة هاشم عابدون....
* محطة المجرى....
* محطة أبوحمامة....
* محطة الماسورة....
* محطة السجانة....
* محطة الجنوبي....
* محطة المنطقة الصناعية مقابل سينما الخرطوم جنوب....
* محطة العداد قبل كبري الحرية ....
* مدرسة الأميرية و الحلة الجديدة بنات....
* السوق العربي ......
و واصلو يا بورداب الداخل و الخارج من أبناء القوز الجميل.....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
هيثم عبدالعزيز
الشكر لك وانت صاحب معلومات غزيزة عن حينا العزيز القوز
نكتب عن مربع 4 عم الشيخ ادريس عبدالله واولاده ودكان عم عثمان محمد احمد الحلاق(دكان ود البصير) وعمك ود الاغبش والبقر الكتير وعمك احمد عبد الرحيم والد العقيد شرطة قدورة والشيخ وناس عمك محمد بخيت اولاده خالد رحمه الله وعاصم بخيت وناس عباس ركس والمحامي المخضرم نجم الدين مصطفى وعبد الرحيم مصطفى والدفعة نور الجليل وصلاح البنك الزراعي وعمنا صديق عركي وناس معني النور واولاد الموج وناس السر نكير وجامع اهلي العركيين والاسطبلات ناس شيخ الدين وطبعا فريقكم الكان بجلجل الارض والعزيز ياسر الصادة والعزيز رحمة عبدالرحمن الحوار رحمه الله وعبدالمتعال صالح جدو ووالهادي وعوض كضوض الناس كتار الا الكبر حصل فالمعذرة ممن فاتني ذكرهم وهم في القلب
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
أو كما قال صابر فضل المولي ..
ذاكـ الصديق القوازي الاصيل ..
ما أجمل اكلنا التبش مع الشطة في لفة القوز ..
وتلك الرواكيب المصنوعة من شوالات الخيش ..
هذه الوجبة المدنكلة كانت تحاكي ..
في لذاذتها طعم البيكـ الحراق ..
أي والله ..
بل كانت تفوق طعم دجاج البيكـ النافق ده ...........
كنا نذهب لضرب التبش بعد العودة من المدرسة ..
وفي شمساً تصر العين ..
تلقانا مقنبرين لضرب هذا التبش وتعليمه الأدب ...........
يمين دي أيام مابتتكرر كلو كلو ..
ـــــــــــــــــــــــــــــــــــــــــــــــــــــــــــ
والله ياصابر هسه انا قاعد أجرجر ..
في ماكينة شريط الذكريات المعصلجة معاي دي ..
فاخيراً ظفرت بمنظرنا نحن الجوز ..
ونحن قاعدين نقرقش في التبش بالشطة نصة نهار ....
في كل مره نستبطئ خطوات تحضير التبش بالشطة ..
ونلادح عشان كمية مزيج الشطة تكون دسمة ..
فبعد أن يتم تنظيف التبش وتقطيعة لقطع صغيرة ..
ومن ثم وضعة في صحين صغيروني كده من الطلس ..
فنقوم نغمس ونضرب وبعدما يكمل محتوى الصحين ..
الشكلة والكبسيبة تقع ..
في شنو ؟؟ ......
في باقي الشطة الكنا بنغمس فيها ديكـ ..
ففيها تكمن لذاذة الشغلانه دي كلها ..
وكل واحد عايز يشفط الجرجوب الفي صحن كلو .......
بعداك نكابس السبيل الذي يقابلنا ..
في الفسيحة القدام جامع عركي ديكـ ..
ومن ثم نغفل عائدين لي حلتنا ..
ونحن بنلهلب من طعم ذاكـ الكنتاكي البلدي الحراق ...
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: جمال ود القوز)
|
حي القوز يتكون من 12 مربع على ما أذكر.... كل مربع له طابع خاص على مستوى العائلات المشهورة و المعروفة على نطاق المنطقة بشتى ضروب الحياة....
قد أكون مخطئ في المربعات حسب أسامي الأسر، بالإضافة هنالك أسماء أسر لم أذكر إسمها بالكامل لانني ساكن بعيد من المربع الذين يقطنون فيه، فنرجو المعذرة....
فلذلك أرجو التصحيح و الإضافة لإثراء البوست....
فمثـــلاً.....
مربع (1) مشهور بعدد كبير من الأسر فعلى سبيل المثال لا للحصـــر، أسرة شبيلي ناصر، أسرة مدني أسرة أبشر، أسرة عباس أبشنب والد لاعب المريخ الراحل (نصر الدين جكسا)
أسرة عوض خليفة، أسرة مساعد علي..... أسرة عبدو عبدالله، أسرة ملاح، أسرة علي حسين، أسرة بابكر العوض، أسرة كرار، اسرة أرباب هذا المربع معروف بحي الجزارين لإمتهانهم هذه المهنة...
مربع (2) أسرة مختار (والد عضو المنبر معتز زيزي)، أسر أبوعركي أسرة شيخ إدريس (والد عمر) أسرة الدرديري، أسرة أبوعضل، أسرة عبدالرحمن صبير،...
يلا يدكم معانا عشان ما نظلم مربع إتنين بذكر مزيدأ من الأســـر..... فاصل ثم نعود و نواصل.....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: محمد التاج)
|
Quote: سلام هيثم.
علي ما اعتقد القوز فيهو 8 مربعات بس. من مربع 1 الي 6 ومربع 11و 12.
ما حصل سمعته بمربع 7, 8, ...
انا طبعا معلوماتي شويه مقارنة بك وبكل الشباب الشاركو في البوست ده.. فلو غلطان عليكم الله صلحوني... |
هلا يا ود التاج كيف الحال....
كلامك صاح ليس هنالك مربع 7-8.... فأرجوا المعذرة.....
فمسح رأسه بكفه... فقال..... هرمــــــــنــا..... فلك العتبى يا حبيب لقد هرمنااااااااا....
بالمناسبة إنت أخو مبارك التاج الساكن مربع 5؟
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
سلام للاخ هيثم عبد العزيز الذي كنت في كل مرة العب ضده اسجل فيهم هدفا
وكما قال الاخ ياسر ابجكه الذي احييه من هنا وارجو ان يتداخل كانوا يسموني ###### الحر
اول رابطة جامعية تكونت في منطقة الديوم الغربية (الحلة - القوز - الرميلة)
هي رابطة طلاب الديوم الغربية بجامعة القاهرة - الفرع
وقد اسهمنا في تكوينها بتنادي من الاخ الاستاذ نجم الدين (اب حنك) مربع 4 انذاك
وقد كنت اول سكرتيرا عاما لها ..
بدأنا نشاطا محموما ... اجتماعيا وثقافيا ورياضيا
ومن انشطتنا كان ترقيم منازل القوز...
وفعلا في القوز 8 مرابيع فقط من 1-6 ثم 11 -12
واجمل ما كان يميمز تلك الدورة بعدها التام عن السياسة والعمل من اجل الطلاب
والمنطقة فقط
ونعود لتلك الحقبة لاحقا......
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: صابر فضل المولي)
|
Quote: سلام للاخ هيثم عبد العزيز الذي كنت في كل مرة العب ضده اسجل فيهم هدفا
وكما قال الاخ ياسر ابجكه الذي احييه من هنا وارجو ان يتداخل كانوا يسموني ###### الحر
اول رابطة جامعية تكونت في منطقة الديوم الغربية (الحلة - القوز - الرميلة)
هي رابطة طلاب الديوم الغربية بجامعة القاهرة - الفرع
وقد اسهمنا في تكوينها بتنادي من الاخ الاستاذ نجم الدين (اب حنك) مربع 4 انذاك
وقد كنت اول سكرتيرا عاما لها ..
بدأنا نشاطا محموما ... اجتماعيا وثقافيا ورياضيا
ومن انشطتنا كان ترقيم منازل القوز...
وفعلا في القوز 8 مرابيع فقط من 1-6 ثم 11 -12
واجمل ما كان يميمز تلك الدورة بعدها التام عن السياسة والعمل من اجل الطلاب
والمنطقة فقط
ونعود لتلك الحقبة لاحقا...... |
كابتن صابر صديقي كيف الحال....
صحيح كنت بتسجل أهداف فينا طوالي، لكن أنا أغلى و أجمل أهدافي كان في مرماكم بقذيفة يسارية في مرمى الحارس عادل خضر، لو بتذكر حتى صديق عبدالوهاب و محمود لبتو لتحت ...
حقيقي من أقوى الديربيات في رابطة القوز في تلك الفترة، البراعم ضد العاصفة، لوممبا ضد الزمالك،
نجوم إفريقيا ضد إرتقاشة، السلام ضد الثوار، لوممبا ضد البراعم، العاصفة ضد لوممبا،
في فريقين من العشش نسيت أساميهم كان مبارياتهم ضد بعض نار منقد.... و كمان فريق بلعب فيهو أسامة عقيد في الحلة الجديدة نسيت إسمو كان مباراتهم نار ضد الجلاء...
سوف أحاول أتذكر لعيبة ذلك الزمن الجميل في رابطة القوز من دفعتنا....
فمثلاً من فرق القوز:
من العاصفة ناصر الطيب، عادل آدم، صلاح صارقيلا ، كمال يابا، أمير عبدالرحيم، الخير بلة، عصام عوض، النذير، عبيد حبة،
من لوممبا صابر فضل المولى، صديق عبدالوهاب، عاطف تنقو، عادل فوكس،محمود، علي، فتحي شريف،إبراهيم، إمام مصطفى.
من البراعم ياسر أبوجكة، صلاح عبدالله، سعيد نوبة، شيخ الدين حماد، بابكر شبيلي، خالد حرمين، المرحوم خالد محمد بخيت،علي هارون.
علي عبدالكريم،عصام ميرغني، عثمان السني، عثمان شحاتة، بكري الجعلي،وليد عبدالرحيم الجيلي،فيصل خضر، احمد الصادق.
عبدالرحيم مصطفى، المرحوم ياسين الأمين،حسام فيصل حاكم.
من فرق الحلة الجديدة:
من السلام عصام ديسكو، عماد عبدالجليل،صلاح سوسيوة.
من الثوار منصور عثمان، عبدالكريم كريمو، عماد البياز، صبري، صلاح عبدالرحيم، محمد قطر،عبد المنعم الطويل.
من الجلاء خالد تلج، ممدوح، مودي، كبتا، فيصل ابدرق، ناجي لوفا، محي الدين لوفا، عبدالله عقيد،
من نجوم إفريقيا خالد، وليد كوكو، محجوب، عاطف،وهبة، احمد.
من إرتقاشة أحمد جودة، عوض قرب، علاءالدين.
-------------------------
المكتبة الثقافية يا صابر من اهم لبنات ذلك الزمن الجميل فهي ربطت (مثلث الزمن الجميل) القوز و الحلة الجديدة و الرميلة ببعضه البعض....
فمثلاً كان كل جمعة نظافة الأحياء و ترقيم البيوت و المساهمة في الدروس الخصوصية أي بما يسمى درس العصر آنذاك....
فكان هنالك كثير من الأخوان النابغة في ذلك الوقت ساهموا في التدريس المجاني ليس للطلبة قط بل لمحو الأمية....
فمنهم على سبيل المثال أستاذ نجم الدين مصطفى (أبحنك) معتصم الدرديري، صلاح عجيب، أبوعبيدة أحمد سعيد، انس و عارف و عامر من الرميلة...
محمد بابكر، عمر شيخ إدريس، خالد أبشر، محمد عوض خليفة، محمد عوض موسى، محمد حمامة، مبارك حتة، مجدي حدباي، طارق محمد بخيت، عصام ميرغني,
بكري حسن جيلاني أبو مدين محمد الهادي، الأشقاء ضياءالدين و محمد و عبدالعزيز عثمان محمد أحمد ..
و مبارك التاج محمد فضل... أستاذ عزالدين عبدالوهاب و الفاضل حسن و القائمة تطول فعذراً لمن سقط إسمه هرماً مني فلا استطيع أن أذكر الجميع فلكم العتبى حتى ترضوا....
و كذلك من ضمن نشاطات المكتبة الثقافية الدورات الرمضانية و الليالي الثقافية في رمضان....
تجميع جلود الأضاحي من البيوت و المساهمة في سد حاجات الأسر المتعففة... و هلمجــرا.....
_____________
ولي عودة كان أمدً الله في الآجال....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: محمد التاج)
|
Quote: سلام هيثم.
نعم. انا اخو مبارك :(
غايتو لو انت دفعة مبارك التاج ليك حق تمسح علي راسك ...... :) |
يا سلام ياخ إنت ما إتذكرتني يا محمد كنت بجي بيتكم طوالي مع قريبك الحرامي جدو مهدي....
لا لا ياخ أنا ما دفعة مبارك ... أنا لمن سافرت للهند للدراسة سنة أولى مبارك كا ن إتخرج من الماجستير والله صحي....
كدي رسلي تلفونو في كندا....
سلم على جدو و ناس البيت....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
أستاذي هيثم عبدالعزيز ..
كنت أقراأ بشغف المحطات .. رغم انني لا افقه في عاصمة شيء خالص .. نحن ناس ضواحي الدنيا ..
لكنك هنا ذكرت اسم قريتنا ارتقاشا .. نادي ارتقاشا .. لأنني كنت اسمع دائماً الحلة والقوز ..
لكن مثل هذا التأصيل يجمع الناس ويقود الناس الى المعرفة والحنين للبعض ..
هكذا اخي هيثم لن افارق هذا البوست ابداً ووجدت فيه اسماء بعض اهلي واقربائي ..
شكراً استاذنا هيثم خلوا البوست مرفوع ..
محطة ود المبارك.....
* محطة جامع ميرغني....
* محطة نادي إرتقاشة.....
* محطة إجزخانة هاني....
* محطة نسيت إسمها.....
* محطة عبيد بلال أو مظلة مرتضى....
* محطة النيمة أو مكتبة مضوي....
* محطة لفة القوز....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: علي عبدالوهاب عثمان)
|
Quote: أستاذي هيثم عبدالعزيز ..
كنت أقراأ بشغف المحطات .. رغم انني لا افقه في عاصمة شيء خالص .. نحن ناس ضواحي الدنيا ..
لكنك هنا ذكرت اسم قريتنا ارتقاشا .. نادي ارتقاشا .. لأنني كنت اسمع دائماً الحلة والقوز ..
لكن مثل هذا التأصيل يجمع الناس ويقود الناس الى المعرفة والحنين للبعض ..
هكذا اخي هيثم لن افارق هذا البوست ابداً ووجدت فيه اسماء بعض اهلي واقربائي ..
شكراً استاذنا هيثم خلوا البوست مرفوع .. |
يا علي عبدالوهاب كيف الحال...
بقيتني أستاذ عديل الله يديك العافية ياخ....
تعرف يا أستاذ علي هذا المثلث لا يغيب عن خاطري لحظة.....
فقد إتولدت و ترعرت في القوز و إرتبطت علاقاتي في الحلة الجديدة و الرميلة بحكم الدراسة و لعب الكرة.....
زمان يا علي لمن تركب الباص ممكن تدفع للكمساري لكل الركاب أو يدفعوا ليك لأنه الناس كان بتتعارف كلها و نفوسهم طيبة....
لكن هسي لما أنا أرجع السودان أقعد أتلفت في الحافلة زي الثيرباك ما بلقى زول بعرفوا و لا في زول بعرفني.....
يا حبيب مرحب بيك في البوست فهو لك إنابة عن صاحبه مولانا أبوالقاسم....
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
محمد التاج كيفا حالك وكل الاسرة انشاء الله تكونوا كلكم بكل خير
مبارك من سنين قبل ما يهاجر مرة بالامارات وتصور ما قابلته عموما لو متواصل معاه بلغوا سلامي
وحاتم والحاج .. وكل اهل القوز مربع 5
وبالمناسبة معتصم وين وكيف عامل بالله رسل لي تلفونه
وليك التحية من فوكس زعيم ابوظبي
ونواصال
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: علي عبدالوهاب عثمان)
|
صابر ياصديق الطفولة والصبا ...
مروركـ الفخيم يرج تلافيف ذاكرتي رجاً ..
يعيد بكرة فيلم الطفولة الى الوراء لتكر أمام عيني ..
كل تلكـ المشاهد التي تحوي ذكرياتنا الجميله ..
ونحن نمرح في ميدان لوممبا .. بكرة سامي ود السفير ..
وتلكـ الرباعايات الجميلة والأقوان الصغيرة التي كانت بالكاد تسمح بمرور الكرة عبرها ..
أو لعب الأقيام في عراضه واحدة .. التي في الناحية الشمالية ..
تعلمنا ياصديقي في هذا الميدان أبجديات لعب كرة القدم ..
وحينما كنا نمل من كرة القدم كنا نلعب كمبلت أو كدت ..
يأخ كرة التنس الصفراء ديكـ لمن تصقعكـ في نص ضهركـ .. أحساس عجيب يأخ ..
وكنا نخوج في موية المطره .. غير آبهين لما قد يصيبنا من زجاج مكسور ..
أو قطعة من حديد صدئ .. قد تتربص بارجلنا الغضة داخل تلكـ المياه الراكده ..
في الاجازات وحين تضع حرب القراية أم دق اوزارها .. ويطلق سراحنا الاهل ..
كنا نتقاطر زرافات .. لاستكشاف كل ما حول هذا الحي العريق ..
من مناطق قد تصلح كارضية خصبة لمغامراتنا الطفولية .. فعبر مقابر الرميله ..
كنا نذهب للمسكيت ( ياحليلو ) أو لكوشة الجبل .. أو للمصانع التي خلف الحي .. او لغابة السنط ..
لنصطاد القمري والدباس ونجيب الصمغ ..
ومن ثم نستولي على طماطم الجروف بعد ان نكون قد انتهينا من فاصل السباحة في بحر أبيض ..
كنا نمشي على أرجلنا أو بدراجاتنا حتى وسط الخرطوم ..
نذهب لنشتري باسطة سلا .. أو لاستكشاف شوارع الداون تاون .. وسبر أغوار شوارع البندر الجواني ..
ثم نغفل عائدين .. باتجاه استاد الخرطوم .. ومن ثم الى شارع الغابة ..
ثم الى المنطقة الصناعية الجديدة ومخازن السكر .. ثم الى الحي ..
السجانة ما أجمل مشوارها الاسبوعي لشراء مجلات ميكي وسمير والالغاز الجديدة ونحن نركب عجلاتنا ..
ودردقة البطيخ و الاستيلاء عليه من الباعة المصطفين بالقرب من زلط الحرية وزريبة الفحم وفسحة ديم سلمان زمان ..
وتلكـ الشكلات التي كنا ندورها مع أولاد الحلة الجديدة .. ونحن في طريقنا لسوق السجانة وتربصهم بنا وتربصنا بهم ..
حين يفكروا في المجئ للنيل .. وأي زول فيهم يفكر في الاتجاه جنوباً لابد له من اعداد نفسة جيداً وإلا حيشوف العمرو ماينساهو ..
عارف يا صديقي قبل فترة وأنا في الحلة الجديدة قابلت أكثر زول كنت بتشاكل معاهو وأنا في طريقي للسجانة ..
لم ينساني ولم أنساه رغم كل هذه السنوات الطوال .. أحتضنني كأننا أكثر من أخوان أصر على اخذي لمنزله لنتغدى سوياً ..
فاعتذرت وتعللت له بان الوقت قد لا يسعفني للذهاب معه للمنزل .. أعاد الى كل ذكريات ذاكـ العراكـ والشكلات التي كانت بيننا ..
اعلمني بأنه سأل كثيراً عني وعن اخباري .. فسعدت بذلكـ أيما سعادة ..
يآآآآآآآآه زمن يأخ ...
فعلاً خلينا هنا ياصابر .......
فهنا تكتسي الحياة بطعم مغامراتنا الطفولية الشقية ..
وذاكـ الصخب الطفولي العجيب ..
سعيد ياصديقي بي جيتكـ التي تحاكي طعم التبش بالشطة والدكوة والليمون في لفة القوز ...http://www.sudaneseonline.com/db/attention/200_4e.gif
لابد من نقل هذه الكلمات الى مكانها الأصلي ياصابر يأخ ....
وحقا للقوز ما نسينا وللقوز ليس نجهل ........... 
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: أبوالقاسم مضوي أحمد)
|
| Quote: عملا بتوجيهات المخضرم هيثم عبدالعزيز بأدناه ايميلي لكل من يرغب في الكتابة عن قوزنا الجميل وسأتولى نشرها في البوست ليظل عاليا علو القوز ورمالها |
كانت كل الفسحات الفي القوز أيام الأعياد تلقاها بقت حفر .. لفرش البيوت بالرمال البيضا الناااعمه .. يرسلوك تجيب الرمله ..
وبعدين يشيلوا الوساخه من البيوت عشان يدفنوا تلكـ الحفر .....
يأخ زمن كان حلو وطاعم ..
هسه تقدر تحفر ليكـ حفره في فسحة ... ...
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: معتز زيزي)
|
| Quote: والمجاري .. التي اتعبت القوز.. والاسطبلات |
يا جمال ود القوز
بلدياتنا اول مره يجى الخرتوم . نزل فى السجانه ماشى الكلاكلة راكب التكسى ..
لما وصل المجارى جرّ العمة غتّ نخرتو .. بعد العفنه فاتت سأل سيد التاكسى
:( ده تيز الهرتوم ولّه ايه ..؟)
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: الصادق سيكا)
|
Quote: يا جمال ود القوز
بلدياتنا اول مره يجى الخرتوم . نزل فى السجانه ماشى الكلاكلة راكب التكسى ..
لما وصل المجارى جرّ العمة غتّ نخرتو .. بعد العفنه فاتت سأل سيد التاكسى
:( ده تيز الهرتوم ولّه ايه ..؟) |
سيكا يا سيكا ......
شاكر لهذه النكته ذات الريحه ..
عارف ..
أغلب الناس كانت تعتقد أن الريحة القوية جاية من المجاري ..
صاح أحواض الترسيب بالمجاري كان فيها ريحة قوية ..
لكن الريحة القوية شديد كانت جاية من موية خور الدباغة ..
وتلكـ المياه السامه ذات الروائح النفاذة والكريهة التي كانت تخرج من عملية دباغة الجلود ..
والتي كانت تلوث مياه بحر أبيض بلا شكـ .. كمصرف دائم الجريان وطوال أيام السنة ..
يعني كنا جامعين بين الحسنيين ..
هسه الاثنين الله يرحمهم ..
ماتت المجاري .. وجف خور الدباغة ..
والمسكيت ذاااااااتو حشوهو ..
أها تاني تعال شم ليكـ ريحة معفنة في المنطقة ديكـ كان إتــــــا ولا بلدياتنا الجاي من البلد ده ........
أرحب بي ود دفعتنا سيكا .. صاحب القفشات الخلابه .. الملعوبة في التمنيات ..
وأشكره على مروره ( العاطر ) بهذا البوست الخاص بحي القوز وناسه الحلوين ..
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
نواصل ما إنقطع من حديث عن مربعات القوز و أشهر أسرها و عائلاتها.....
مربع (3) أسرة مضوي أحمد، أسرة عطا الله سعيد،أسرة محمد سعيد،أسرة قسم الدبوك، أسرة الهادي الأمين، أسرة الشمباتة،أسرة عوض أحمدون،
أسرة عطا سيد،أسرة علي التوم، أسرة خليل أبو هيلي، أسرة النعيم عبدالله أبوزيد، أسرة صلاح طلب،أسرة علي الطاهر، أسرة الخياط الراحل إبراهيم الحاج،......
أسرة حرمين، أسرة الطيب الأسد، أسرة علي مصطفى،أسرة عوض مصطفى،أسرة عبدالله الدليل،أسرة الدسوقي، أسرة محمد السني،أسرة سليمان طيارة......
أسرة النور معني أسرة محمد أحمد القرشاب، أسرة عبيدالله،أسرة يوسف عبدالقادر، أسرة أستاذ معتصم أبورجيلة، أسرة عوض منصور،أسرة علي أب كتلة......
أسرة ميسرة يسن عبدالحميد،أسرة عبدالرحمن صبير......
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
القوز من الاحياء القديمة او تعتبر مدينة قائمة بذاتها منذ القدم فقد ارتطبت نشأتها بكلكلة ( الكلاكلات حالياً ) والحسناب وابوحراز
وايضاً ارتبطت بالقطينة والمحس عامة
اذكر من الاسرة العريقة في القوز
أسرة سعيد حاج صالح
أسرة زمراوي ( الخليفة )
أسرة احمد أبشر
أسرة فضل بشير
ومن المعالم المشهورة طاحونة عمنا عبيد بلال
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
مربع (4) أسرة عبدالعزيز محمد، أسرة شيخ إدريس عبدالله أبوزيد،أسرة عبدالرحمن الأغبش،أسرة الحاج محمد أحمد، أسرة محمد عبدالفادر،أسرة الطيب الزين،أسرة جاد الله حمد الماصع........
أسرة العركيين،أسرة حرمين،أسرة أحمد عبدالرحيم،أسرة خوجلي حامد،أسرة يحي الأمين (بُرة)،أسرة مهدي عبداللطيف،أسرة محمد بخيت،أسرة الشيخ الخاتمي،أسرة مرتضى الزقندي.......
أسرة الشفيعاب،أسرة معتصم الجيلاني،أسرة معني النور،أسرة صديق الشيخ،أسرة صديق عركي،أسرة الموج،أسرة نور الجليل،أسرة عثمان محمد أحمد،أسرة النحاس،أسرة المحينة،........
أسرة أحمد إبراهيم الجعلي،أسرة مصطفى عبدالرحيم،أسرة العاقب،أسرة السر بشير نكير،أسرة أحمد البلال،أسرة خوجلي أبو التوأم (هاني و رامي)، أسرة المهل،أسرة العجب،أسرة مكاوي عبيدة......
أسرة حمد سعيد،أسرة الطيب مضوي،أسرة عبدالله الترح،أسرة عبدالله بابكر الخواجة،أسرة علي جاد الله (فتاي)،أسرة الصادق مضوي،أسرة سليمان الشفيع،أسرة معتصم الدرديري ......
أسرة حسين الطيب،أسرة صلا عجيب،
| |
|
|
|
|
|
|
|
|
|
Re: في القوز ما نسينا وفي القوز ليس نجهل (Re: Haytham Abdulaziz)
|
سلااااام صابر
اخبارك واحوالك. زمن طوييييييييل شديد والله.
مبارك انا ذاتي طولت ما لاقيتو :) طبعا هو مستقر في كندا.
الوالد (ربنا يديهو الصحه والعافيه) تمام الحمد لله, لسه مع الجامع :)
و حاتم التاج كوييييس شديد الحمد لله. هو القاعد في السودان لسه.
معتصم بقي من سكان الحاج يوسف :) بحاول ارسل ليك رقمو ان شاء الله.
تسلم كتير يا صابر ونبقي علي اتصال ان شاء الله.
تقبل تحياتي, وتحيات من عنتر
| |
|
|
|
|
|
|
| |
جمال ود القوز
Saifeldin Gibreel
صابر فضل المولي
محمد عبد الماجد الصايم
كمال علي الزين
امير طمبل
معتز زيزي
سيف الدين محجوب
Haytham Abdulaziz
معاوية الزبير
علي عبدالوهاب عثمان
الصادق سيكا
فيس بوك
تويتر
انستقرام
يوتيوب
بنتيريست