|
Re: بنستفاد شنو ...؟!؟ (Re: رانيه محمد الشيخ)
|
الاخت / رانبا
فليكن هذا ديدن الجميع في التعامل مع مثل هذه الاشياء
القوية
كيف تتسرب هذه الفيديوهات
لولا تفريط اصحابها
والثقة الزائدة عن اللزوم في بعض الاصحاب
واجهزة الجوال التي تعودنا بيعها عند اول زنقة مالية دون التاكد من ازالة محتوياتها
سلمتي
| |
|
|
|
|
|
|
Re: بنستفاد شنو ...؟!؟ (Re: garjah)
|
اخى garjah بعض النظر عن تسربها حتى لو بافتراض صاحبها نشرها هل نشرنا ليها صواب اننا بنساعد فى الرزيله والسوء هل معنى انسان عمل شى غلط انى انا طبيعى اقول دا عمل كده واذيعها له زياده دينا ما اظن بيناشدنا نكون كده وانا لمن بصون تصرفاتى بصونها كرمان نفسى ما بس كرمان غيرى
| |
|
|
|
|
|
|
Re: بنستفاد شنو ...؟!؟ (Re: Elmosley)
|
تسلم اخى الموصلى فكرتنى لمن كنت راكبه الحافله ايام الجامعه ودايره اوقفهم عشان انزل قولت له اقيف هووون قال لى اقيف وفهمناها هون دى شنو كمان هون طبعا بالخليجى يعنى هنا دا :))))))) غايتو لغتى دى يصلحها الله من عنده بين يوم وليله غير كده ياها البشتنه الفيها ما حتخلص :(((((
| |
|
|
|
|
|
|
Re: بنستفاد شنو ...؟!؟ (Re: Elmosley)
|
صح والله هون شاميه يا الموصلى غايتو فى مصطلحات كتيره ما عارفه بتنتمى لياتو بلد العماره العشنا فيها واتربينا فيها جيرانا كانوا خليط سوريين وفلسطينيين ومصريين ولبنانيين فشنو لقطنا لقيط عشوائى غير مدرساتنا الفى الروضه و المدرسه جنسيات كتيره يعنى ما عشان انتقلت كتير لكن المحيط الكنت فيه كان بيحوى جنسيات كتيره
| |
|
|
|
|
|
|
Re: بنستفاد شنو ...؟!؟ (Re: محمد عبد الماجد الصايم)
|
اخت رانية تحياتي
تسرب الخصوصيات أصبح الأصل .... في كل شيء ... وما حكّ جلدك مثل ظفرك .... الجوال.. الللابتوب... حتى الإيميل ... كلها معرضة للسرقة والإختراق .... الحيطة والحذر واجبة عند التصوير ... ويجب مراعاة الحفظ الأمين ..
ومن يجد في يده مثل هذا .... فلينسها ... ويمسحها ....
| |
|
|
|
|
|
|
Re: بنستفاد شنو ...؟!؟ (Re: عبد العزيز محمد عمر)
|
اخى عبد العزيز عدم الثقه وعدم الامانه وعدم الاحترام بقى عادى جدا ولو حنتعامل بالسياسه دى ما حنعممممممممممممل اى شى فى حياتنا خوفا من الاختراق ودايما بقى فى تطور فى مجال التجسس دا وبتلقى اقرب الاقربين ليك البيطعنك وبيفضحك :(((( البيدنا زى ما قولت لمن تصلنا نمسحها مباشرتا وننبه الرسلها بخطئه عسى ولعلى نحد من المشكله
| |
|
|
|
|
|
|
Re: بنستفاد شنو ...؟!؟ (Re: رانيه محمد الشيخ)
|
اختى رانية
تحياتى وتقديرى ..
Quote: منذ ايام وصلنى فى الواتساب فيديو رقيص لاحظته انه شديد الخصوصه يعنى مستحيل تكون صاحبته موافقه على اذاعته ونشره |
لا ياتى الطيب الا طيب ..
مشكورة على ما بينتى من واجب الستر وخاصة (من ستر مؤمنا سترة الله يوم القيامة )
ويقول المثل :دقة بى دقة ولو زدنا زاد السقا .
اتفق معك وازيد على ان يحرص الجميع على عدم الوقوع فى المحظور , وان نتجنب التصوير بلا داعى مهما كانت الاسباب .
خاصة ونحن فى زمن لا نعلم فية صليحنا من عدونا .
واتمنى ان يرتقى الجميع بفهم السترة ..!
وتقبلى تقديرى ومرورى .
| |
|
|
|
|
|
|
Re: بنستفاد شنو ...؟!؟ (Re: عبداللطيف شريف على)
|
اخى عبد اللطيف التصوير ماهو العيب عشان نتحرم منو كتير لمن نتفرج على ذكريات صورناها بنحس بمتعه فى استرجاعها حاجات كتيره بديت تنقرض مش لانها غلط لان بتم الاسائه بيها ودا ما علاج لاننا بنسيب الساحه للاسوء يتسع دا هروب منو ما مواجهه له
| |
|
|
|
|
|
|
Re: بنستفاد شنو ...؟!؟ (Re: عبداللطيف شريف على)
|
تسلم اخى عبد اللطيف كفيت ووفيت فى توضيح ما احببت سماعه مافى اجمل من الذكريات دى خصوصا فى لحظات عطشنا لشى يفرح دواخلنا ويخلق فينا ابتسامه بلا اراده ووعى زمن جميل ولحظه جميله وملامح مختلفه بنحس اننا بنعيشها تانى بحزافيرها وبجمال شعورها خساره ان الزمن دا بقى يشوه اى شى جميله بنحاول نمتلكه ويحوله لكاااااااااااااااارثه مدمره تندمك على ذكراه بالجد الماعندهم ضميرواخلاق مسخوا حياتنا واخلاقنا يديك العافيه
| |
|
|
|
|
|
|
بنستفيد شنو ...؟!؟ (Re: رانيه محمد الشيخ)
|
Quote: شكرا ليك يارانيه كلام ينضح بالعقلانية ----- علي جمب كده ليه بنستفاد المصريه وما بنستفيد السودانيه ولا قلتي اخير نعملها مصريه سودانيه بقولك بستفاد شنو بدلا عن مصريه بنستفاد ايه آو سودانيه بنستفيد شنو تحياتي |
حبيبة سودانية متابعة لصيقة يا أخ إنت من سنة 2001 لسع ما أتعلمتي العربي السوداني؟ شكرا يا موصلي طبعا حبيبة سودانية - أسم الدلع بتاعا رانية محمد الشيخ- معانا في سودان نت من سنة دو ولسع لسانا مكعوج لمن جاتنا جديدة قلنا ليها يا زولة نديك الستة شهور الأولي وبعد داك كان ما نزلتي الخط الله قال بي قولك وأهو حداشر سنة ولسع أب زيد لا غزا لا شاف الغزو والدليل: بنستفاد شنو؟؟؟
شكرا يا حبيبة السنة دي أنا آخر رمضان معاكم في لمة ما تسوهوا لينا قندهار وحاجات كدا ما بنعرفا عصيدة وتقلية وحاجات بالشكل دا ... عندي مزاج نفتح ليك الملفات بتاعة رقصوني علي واحدة ونص بإعتباري شاهد علي العصر غايتو أتجدع في الملف دا جنس تجدع
ذا بوتوم لاين
موضوع في الصميم بجيك بي رواقة _____ الحليلة
| |
|
|
|
|
|
|
Re: بنستفيد شنو ...؟!؟ (Re: elhilayla)
|
سيحت لى تسيح يا الحليله حسى اقبل وين غايتو ديك كان ايام الخرف :)))))))) حسى نجضته ,,, قصدى نضجته فشنووووووووووووو بقيت كفتونى على وحده ونص :))))))))))))))))))) قولت لى لمة رمضان غايتو كانى ما سمعتك ولا شوفتنى يا زول انا رويحتى بتتسلخ لمن البرنامج دا ينتهى وحاليا اعصابى بقيت ما بتتحمل فشنو عامله نايمه وبشخر كمان الا تعزمونى براكم واجى ضيفه لكن اصلاااااااااااا ما بتهور اقود الحمله :(( حسى نستناك فى البوتوم لاين ما تطول الطشه :))))
| |
|
|
|
|
|
|
Re: بنستفيد شنو ...؟!؟ (Re: د.محمد حسن)
|
رانيه أختي ...
كيفنك ياخ ....
كما تفضلت فليس هناك أي فائدة في تداول خصوصيات الآخرين .... لكنه وللأسف في هذا الزمن بعض الناس لا يصدق أن يجد مثل تلك الفيديوهات فينشرها على (قفا من يشيل) ...
إنت عملت بأصلك يا رانيه ....
ولكن كل إناء بما فيه ينضح ....
مع خالص ودي وتقديري الذي تعرفين يا خاله ...ههههه ....
| |
|
|
|
|
|
|
Re: بنستفاد شنو ...؟!؟ (Re: الأمين كامل الأمين)
|
أختنا الكريمه رانيه
سلام الله عليك
Quote: وشنو المتعه فى الفرجه على اعراض غيرنا وهى بتنتهك وهل فكرنا ان ممكن يكون دا عرضنا ونستره بدل نزيد فضحه |
الكثيرون يعانون من هذه الامراض نسأل الله تعلى أن يشفيهم.
اللهم أستر ولايانا وولايا المسلمين.
مشكوره على إثارة الأمر....ولي عوده إن شاء الله.
تحياتي وتقديري
| |
|
|
|
|
|
|
Re: بنستفاد شنو ...؟!؟ (Re: رانيه محمد الشيخ)
|
الحقائق تقول ان هذه الفئات التي تهتم بأعراض الناس متواجده في المجتمع السوداني منذ أمد...تلك الجماعات كانت تصوب سهامها نحو الفئات التي تتفق معها سلوكيآ...بمعنى أنه لم يكن هناك تجاوز وتعدي على فئات تتلبسها القيم الفاضله للمجتمع السوداني الذي إستقى أعرافه من الدين الحنيف. التركيز كان في مجمله ينصب على الفئه التي لا تجد غضاضه أو إستنكار للأفعال المشينه.
السؤال "رانيه" هو ما الذي حدث؟؟ لماذا لم يعد هناك أطر لهذه السلوكيات كما السابق؟؟ المجتمع السوداني هو نفسه!! من أين أتت الجرأة لهذه الفئات والتي اصبحت سهامها تصيب حتى المحصنات؟؟ ما الذي تغير؟؟..القيم الفاضله التي نشأ عليها السوداني ظلت ملازمه له.
الأسئله كثيره...ولنا عوده بإذن الله.
تحياتي أختنا "رانيه"
| |
|
|
|
|
|
|
Re: بنستفاد شنو ...؟!؟ (Re: الشيخ سيد أحمد)
|
اخى الشيخ كتير بحس ان اى مشكله بنعانى منها سببها وااااااااااااااااااااااااحد ياهو الاخلاق والضمائر الانعدمت المشكله اننا بدينا نتعود على الانعدام دا بدينا نموت ونحنا احياء ونضحك على المساخر والمعاصى ونشجعها بلا اى وعى منا بدينا نعتاد الاثم والمعصيه والخطىء وننسى حلاوة الصح والحلال والضمير كل الاستغاثات دى بتعكس احتضار ارواحنا ويأسها من التغيير لانه صعب بكل المقاااااااااااااايس صعب
| |
|
|
|
|
|
|
|