|
أحاجى الكذب البقارية: أنا قاعد فى قعر الحجر بشوف الضر فى راس الحجر ..!
|
البقارة أتفقوا أن أكذب إنسان يعطوه بقرة .. وما أدراك ما البقرة لدى البقارة! .. شيئ فوق الخيال، لو أعطيت البقارى بقرة كأنك أعطيته قصر منيف في المنشية ..
وهنا نماذج .. وعلى الذين يعرفون أحاجى الكذب على الطريقة البقارية رجاءً الأضافة ..
الكذاب الأول: قال: "في ليلية* عقاب مطر .. وضلمه* أخر شهر .. أنا قاعد فى قعر الحجر* .. بشوف الضر* في رأس الحجر ماشى قطر قطر .. وأنا أفرز النيتايه* من الضكر.
المفردات:- الليلية: مطر غزير يهضل ليلاً عقاب مطر: أخر الخريف ضلمة: ظلام دامس .. مثل ظلام أخر الشهر. الحجر: الجبل الضر: النمل الصغار النيتاية: الأنثى
بريمة
|
|
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
الكذاب الثانى: قال: "قاعد نكج* في شركى .. جداد دارنا نلزلزى* بكيعانى* .. وقيل له: ما سبب الكج ما دام الجداد يأتى وحده لك .. هل لك أن تقبض قبض بدل الكج!
قال الكذاب: عشان الشرك يفرزى السمين من الباطل .. ويفرزى النيتاية من الضكر.
المفردات:- نكج: أى نشرك بالشرك، ومنها الكجيج .. الكججان .. وهى كلها تعنى التشريك للطيور أو الحيوانات المفترسة. الجداد: هنا المقصود به دجاج الوادى البرى. نلزلزى: أن يبعده من الشرك بكوع يده حتى لا يقع في الشرك. كيعانى: من الكوع .. يفرزى: أى يفرز بين الذكر والأنثى .. ويفرز بين السمين والضعيف ..
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
جميل يابريمة لما تغوص في سيرت اهلنا وعادتنا جميل ياخ لما تتجول في الفرقان وقت الدمر جميل لما تكتبعن ثقافة الدونكي جميل لما تحكي لينا عن طرائف الحمر والكبابيش وعن سيرة الغفل حسناء من كردفان جميل وانت تتداعي بصدق وعمق اتمني ان تواصل واتمني تبعد من سيرة دخلت نملة وشالت حبة ومرقت نملة وشالت حبة صدقني اتابع كل ماتكتبه هنا الكردفاني الاصيل لك كل تحياتي
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
ول أبا باسط المكى، سلامات ..
Quote: جميل يابريمة لما تغوص في سيرت اهلنا وعادتنا جميل ياخ لما تتجول في الفرقان وقت الدمر جميل لما تكتبعن ثقافة الدونكي جميل لما تحكي لينا عن طرائف الحمر والكبابيش وعن سيرة الغفل حسناء من كردفان جميل وانت تتداعي بصدق وعمق اتمني ان تواصل واتمني تبعد من سيرة دخلت نملة وشالت حبة ومرقت نملة وشالت حبة صدقني اتابع كل ماتكتبه هنا الكردفاني الاصيل لك كل تحياتي |
ألف شكر .. وأبقى معنا في أحاجى الكذب البقارية ..
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
Quote: ألف شكر .. وأبقى معنا في أحاجى الكذب البقارية ..
|
شكرا بريمة ماعارف اتذكرت حكاوي الوالد وابوزبد وام جمعة وولدها كباشي اطيب من مشي علي وجه الارض ام جمعة الخريف والمطر كتير التردة وطير الريهو ريهو يعلم الله بكيت يابريمة ماعايز افتلك البوست لكن هبشتني شديدياولدي ابزبد سمحة شديد والخير راقد كل شي رخيص البقارة طيبن شديدومرهم هين لايعرفون الكزب ولا النفاق ويابلدنا شن سلبك وقلبك التحية لك
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: حسن محمود)
|
تحية للجميع ..
عبد العزيز نهار، سلامات ..
Quote: حتة
كلمة ( حتة) غير موجودة بلهجة البقارة وبدلا عنها بقولوا ( حاجة) وليس لدي اي مانع في ان نحتكم الي اي كردفاني اصلي مش تايواني ولا صيني زيك |
بالجد عينك "طرينه" .. أولاً الكذابين ليس هم بقارة أصلاً .. الأحاجى هى البقارية .. أما الكذب على لسان قوم أخرين .. ليس كلمة حته فقط .. بل كلمات: كِدِب .. نلزلزِى .. ما نعرفِى .. نفرزِى .. يعنى كل الكلمات التى أضفت لها حرف مكسور قبل الأخير ليست بقارية (للعلم الأحاجى البقارية لم تورد هوية أو أصل وفصل القوم الذين ينقلون عنهم الكذب)
هل أستغربت أكتر !! .. لكن الحكاوى موجوده على الأقل لدينا نحن الحوازمة.
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: Kabar)
|
ول ابا باسط،
Quote: شكرا بريمة ماعارف اتذكرت حكاوي الوالد وابوزبد وام جمعة وولدها كباشي اطيب من مشي علي وجه الارض ام جمعة الخريف والمطر كتير التردة وطير الريهو ريهو يعلم الله بكيت يابريمة ماعايز افتلك البوست لكن هبشتني شديدياولدي ابزبد سمحة شديد والخير راقد كل شي رخيص البقارة طيبن شديدومرهم هين لايعرفون الكزب ولا النفاق ويابلدنا شن سلبك وقلبك التحية لك
|
تخيل لبرهة من الزمن أنا أنظر للصورة المرفقة وظننت أنها للرهد .. غريب تشابه قرانا في مناطق كردفان .. يا باسط نحن البقارة والرعاة عموماً شعوب لها المقدرة على البقاء .. مهما تكالبت علينا المحن تجدنا نواجها بتحدي أكبر وفى النهاية نتجاوز المحن. والرقص والغناء والحكاوى جزء من تراثنا في تجاوز المفازات.
أنا اليومين ديل قدر ما أقول أكتب سطر عن الأبالة أرى شخص ول أبا البحيراوى أمامى .. عليه ألف رحمة.
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
Quote: أنا اليومين ديل قدر ما أقول أكتب سطر عن الأبالة أرى شخص ول أبا البحيراوى أمامى .. عليه ألف رحمة.
|
ياحيليل الكان بهدي الغير يا حليل الكبير في كل شئ واتخيل الزول دة بطلع من كل حرف موجود هنا ويتامل لاحولا ولاقوة الا بالله قال لي طال ماغزالتك من الخوي انا راجيك في الدرب وكل يوم نقيل في بكان جمال البلد لايوصف الرحمة عليه مسخ علينا المنبر وطعم الكاتبةوالقراية
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: باسط المكي)
|
ول أبا كبر، سلام ..
Quote: بتي من زومها و من رومها..الصبيان ما بيقدروا يلمسوا قــدومها..
كبيشي كبيش ياسين.. بيشيل مية و خمسين..
بتي بت السلطان مغمغمة بالخــُلقان..
|
الحجوة الأولى: الثعبان .. وجاءت على صيغة الأثنى لأن البقارة يقول له الدبيبه على صغية الأثنى. كبيشى كبيش ياسين .. هو القندول وبت السلطان مغمغمة بالخلقان .. هو قندول عيش الريف.
صنقيعتين ودينقيرتين .. غلبتنى دت !
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
الكذاب السابع: قال: "كضب ما نعرفى حبل الله في رقبتى .. نحن في فريق البقر والصباح أصبح كر وشمس فوق طلع تشوفِى .. الوادى جنب الفريق ليله يداااااب دخل*، وصار ظلام دامس أيدك ما تنظرِي .. نسوان قاعدين في طرف الوادي في ا لنهار وأنا قاعد في طرف الضلام في الوادى نلوضى*، ونسوان بعيونهن تب ما يشوفنى .. من الضلام نمدِى إيدى في النهار وفستان المره نجرى"
المفردات:- ليله يداب داخل: أليل ليله .. نلوضى: نتوضأ
بريمة
| |
|
|
|
|
|
|
Re: أحاجى الكذب البقارية: أنا قاعد فى قعر الحجر بشوف الضر فى راس الحجر (Re: بريمة محمد)
|
ول ابا.. حبابك.. يازول خل عنك الكضب و الكضابين ( و الكضابات كما قال)..!! حلك صحيح...وواحدة غلبك حلها.. و كده ح نــّركــّبك.. ركبتك ما ركبتك ، ركبتك في انتنوف.. كدار بقلب الأنتنوف على الأنتنوف.. لقيتك واقع في جراب خوف..!!!
الحجوة الما قدرت عليها يا ولد ابوك.. معناها الصمغ.. اي و الله الصمغ الواحد ده..و الباقيين ممكن يتفرجوا و يشرحوا و يحللو ا معنى الثروة.. يعني حتى الثروة برضك عندها حظ في احاجي اهلك..ولا انا غلطان؟!!!
كبر
| |
|
|
|
|
|
|
|