مجنونة بيك كل الحروف

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
التحية و الانحناء لشهداء الثورة السودانية ...شهداء ثورة ١٩ ديسمبر ٢٠١٨ المجيدة
مرحبا Guest
اخر زيارك لك: 18-01-2019, 06:27 AM الصفحة الرئيسية

مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-01-2013, 05:22 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


مجنونة بيك كل الحروف

    ذلك طريق كتب علينا , تنام قلوبنا على نبضاته وتستيقظ على احلام ....احلام تتجسد فى ان يسود الحب ليس لحبيب فقط انما لكون لايتعمر بدون نبضات حنينة ............
    اذا جفت ينابيع الحب ورحلت الاشواق وبقينا بلا حلم واعد حتما سنموت ............
    كم نحلم بصباحات تغلفها الامنيات الحلوة ...... وامسيات مغزولة من خيوط الحب ..... الحب ليس خيارنا هو رسالة.. حلم ,امنية..بان نستيقظ ذات صباح لنجد الحب لحن يترنم به كل من مشى على هذه البسيطة ....
    1463687655_7e22e06f5e_o.jpg Hosting at Sudaneseonline.com


    http://www.youtube.com/watch?feature=player_e...beddedandv=SBKG8BMM39U
                  
|Articles |News |مقالات |بيانات

16-01-2013, 05:47 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    مجنونة بيك !!!!!!!!!
    وحياة عيون الشوق ........
    البنده فى خواطرى ....
    انا ..........
    taorldk49ghnkwe9caq8.jpg Hosting at Sudaneseonline.com
                  
|Articles |News |مقالات |بيانات

16-01-2013, 05:58 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)
                  
|Articles |News |مقالات |بيانات

16-01-2013, 06:04 PM

وليد زمبركس

تاريخ التسجيل: 10-01-2013
مجموع المشاركات: 663

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    كل الحروف مجنونة بيك ترحل وراكِ كما الغمام ، كل المداين لى هواك فتحت بيوتات القصيد ، رسمت عيونك فى الضّباب رعشة ملامح قوس قزح ، الأمنيات تنزل على ساحة النشيد ، مشدوهة زى كلّ الطيور ، تبحث عن الحب و الأمان ، لهفة عيونا على الغنا ، شَدّت قوافى الكلمة ساحات الحنين و الإرتحال ، نصبر على حزن السنين رغم المسافات الضياع ، برضو الرحيل مفروض عليك ، كلّ القصايد و الحروف واشراقة الحلم المنى مشغولة بيك ، تتهادَى زى همس الرياح ، قبل الصباح يلثم خطاك نربط مصيرنا على غناك ، نلمَح على دربك تعاريج أمنياتنا ونرهَنا للشوق وللحلم القديم و الأمنيات ، الأغنيات نديانة مَدّت لهفتا وهَمسَة حنينا على خطاك ، شَدّت مواعيد شوقا فى حسنك ضفاف ، تريانة بي سحر الجروف ، مسقيّة بي فرح المواسم والغنا ، منسِيّة فى كوم ذكريات ، ما عادت تلامس فرحة الوتر الحنين الأغنيات ، أدّيني من صمتك أمان ، أو مدّى من شجرك ثمار ، أو هِدّى فينى الإنتظار ، أو خلّى شوقنا يَرِف على وجع السنين ، الشّاردة من وَهَج الرّمال ، تَرسم خطاها على الطريق تبحث دروب الحب وراك ، أو كونى لى حلمِي الغمام ، يرحل وراك يَفرِد ضفايرو على السنابل و الحقول ، يرسم ملامح الخضرة فى لون الغصون ، أو كونى زى جدول يفيض بالشّوق يغازل نخلة يعتِق روحا من وَهَج الهجير والضّو ، يرَجّع للشمِس نورا ، حين يرتسم فى مخيلتو إنّو النّور بيفضح لون حبيبتو يعَرّى خطاها يكشف ساقا للمارّين ، ويِترنّح جمال غصن الحبيبة حنين كما لحن الغنا الطربان يدغدغ حنجرة موهوب يرسِل للوطن أنغام .
                  
|Articles |News |مقالات |بيانات

16-01-2013, 06:13 PM

ضياء الدين ميرغني
<aضياء الدين ميرغني
تاريخ التسجيل: 29-01-2009
مجموع المشاركات: 1428

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: وليد زمبركس)

    >مرحب بيك يا صديقة من زمنا جميل ازيك انصاف
                  
|Articles |News |مقالات |بيانات

16-01-2013, 06:18 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: ضياء الدين ميرغني)

    سلام انصاف

    نحن المجنونين بكل حروفك

    تنزل تغسل كدر صدورنا من الغم


    كوني بخير وكوني كذلك
                  
|Articles |News |مقالات |بيانات

16-01-2013, 06:32 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: درديري كباشي)

    مرحب بيك يا صديقة من زمنا جميل ازيك انصاف .
    ............................................................................
    ضياء الدين منور ياصديق .. اخبارك يافنانا الرائع ...
                  
|Articles |News |مقالات |بيانات

16-01-2013, 06:44 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    سلام انصاف

    نحن المجنونين بكل حروفك

    تنزل تغسل كدر صدورنا من الغم


    كوني بخير وكوني كذلك
    .......................................................
    استاذنا درديرى
    شكرا للمرور الانيق والتوقيع الراقى . سعدت بطلتك ....
                  
|Articles |News |مقالات |بيانات

17-01-2013, 03:21 AM

وليد زمبركس

تاريخ التسجيل: 10-01-2013
مجموع المشاركات: 663

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    رأيتها هكذا ، هائمةً تضع كفّها على خدّها الأيسر ليس محنةً و لا أسيً ولكن هكذا علّمتها الحياة أن تحلم و هى بكامل يقظتها كنجمةٍ تزداد بريقًا كلّما غافَلها الليل مُسدِلًا أستاره على جنبات الوادى ، تغوص فى الماء من غير أن تتغيّر حرارة شوقها ، تدفَع بحزنها كما الفراشات يطارد أطياف الورود ، من هنا مرّت نحلةٌ ترتشف الرحيق بخفّةٍ تسابق النّسيم ، إحترسي فالكلمات تُزَمجر حين لا تجد من يصغى إليها ، خَلّيني أرسم فيك ضل أمنيات و الشمس من قبل المغيب تمسح عيونا من البكا و تغسل مهاد الذّكريات ، أرجع على حزنى القديم ألقاكِ واقفة على سياج ، كلّ العصافير فى مخيلتك غَرّدَت زادَت مياه النيل عُلا و اتراجَعَت فيني الضِفَاف ، سافرى قبل يلمس سماك ليل يفرِد ضفايرِك للرياح ، إبتسامة العود الهِنا و زغرودة الإيقاع هِناك ، ألعَن حروف كلّ القصايد الما تغازِل صوت غنا ، أسرِق من عشم فنّان نبيل تواريخ كلمة صادقة و محزِنَة ، الأمنيات ما عادَت تلامس رعشة الشوق و الحنين ، والذكريات ما بِتَفتَح للفرح طاقات غنا ، عاجِز لسانى عن الوصِف و رغم الألم فِى لون غناى ضِحكت مسيرتى من النّغَم ، كلّ القصايد باكية و الليل ضحكتك أنشودة تسقيها الضّفاف ، الرياح ما عادَت ملامِحا ترسُمِك ، شاهَدت فيك لون الحروف مسقيّة بي تعب المسافرين العَشَم ، والأمنيات لازِم تواعِد بالرحيل ، كلّ الأحِبّة اتفارقو رغم الحنين الفى عيون الأغنيات ، السما ما بينزل للأرض لكن بيرسِل دمعو زفّات المطر ، تفتح شبابيك المداين للنغم وتصَحّى فينا الإنتعاش ، الزهور مالَت على فرح الحقول نديانة تِرشِف من ملامِح مشيَتِك ، يشتهيك كلّ المسام الفى دماى مشدودة أوتار ضحكَتِك ، نغَم الصباح غنّاكِ قبل العصافير ترسم ملامح دهشتك ، شيلِى عنّى هموم رحيل الكلمة قبّال يمِس جِدَارا وتر غُنا ، و ادّيني من حسنك ذخيرة شوق واحجبي عنّى شمس الحروف قبل المسا يهمِس غناك ، قبل الشَفَق يرحل حزين يمسح خطانا و ينسِفا .
                  
|Articles |News |مقالات |بيانات

17-01-2013, 03:01 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: وليد زمبركس)

    رأيتها هكذا ، هائمةً تضع كفّها على خدّها الأيسر ليس محنةً و لا أسيً ولكن هكذا علّمتها الحياة أن تحلم و هى بكامل يقظتها كنجمةٍ تزداد بريقًا كلّما غافَلها الليل مُسدِلًا أستاره على جنبات الوادى ، تغوص فى الماء من غير أن تتغيّر حرارة شوقها ، تدفَع بحزنها كما الفراشات يطارد أطياف الورود ، من هنا مرّت نحلةٌ ترتشف الرحيق بخفّةٍ تسابق النّسيم ، إحترسي فالكلمات تُزَمجر حين لا تجد من يصغى إليها ، خَلّيني أرسم فيك ضل أمنيات و الشمس من قبل المغيب تمسح عيونا من البكا و تغسل مهاد الذّكريات ، أرجع على حزنى القديم ألقاكِ واقفة على سياج ، كلّ العصافير فى مخيلتك غَرّدَت زادَت مياه النيل عُلا و اتراجَعَت فيني الضِفَاف ، سافرى قبل يلمس سماك ليل يفرِد ضفايرِك للرياح ، إبتسامة العود الهِنا و زغرودة الإيقاع هِناك ، ألعَن حروف كلّ القصايد الما تغازِل صوت غنا ، أسرِق من عشم فنّان نبيل تواريخ كلمة صادقة و محزِنَة ، الأمنيات ما عادَت تلامس رعشة الشوق و الحنين ، والذكريات ما بِتَفتَح للفرح طاقات غنا ، عاجِز لسانى عن الوصِف و رغم الألم فِى لون غناى ضِحكت مسيرتى من النّغَم ، كلّ القصايد باكية و الليل ضحكتك أنشودة تسقيها الضّفاف ، الرياح ما عادَت ملامِحا ترسُمِك ، شاهَدت فيك لون الحروف مسقيّة بي تعب المسافرين العَشَم ، والأمنيات لازِم تواعِد بالرحيل ، كلّ الأحِبّة اتفارقو رغم الحنين الفى عيون الأغنيات ، السما ما بينزل للأرض لكن بيرسِل دمعو زفّات المطر ، تفتح شبابيك المداين للنغم وتصَحّى فينا الإنتعاش ، الزهور مالَت على فرح الحقول نديانة تِرشِف من ملامِح مشيَتِك ، يشتهيك كلّ المسام الفى دماى مشدودة أوتار ضحكَتِك ، نغَم الصباح غنّاكِ قبل العصافير ترسم ملامح دهشتك ، شيلِى عنّى هموم رحيل الكلمة قبّال يمِس جِدَارا وتر غُنا ، و ادّيني من حسنك ذخيرة شوق واحجبي عنّى شمس الحروف قبل المسا يهمِس غناك ، قبل الشَفَق يرحل حزين يمسح خطانا و ينسِفا ..............................................
    ..........................................................................................................................................................................................................................................................................................شكرا الصديق وليد قلمك يرسمُ تضاريس تُحرضُ شهية حرفى ...

    (عدل بواسطة انصاف ابراهيم عبدالعزيز on 17-01-2013, 03:18 PM)

                  
|Articles |News |مقالات |بيانات

17-01-2013, 03:34 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    برغم مرارة الاشياء ورتابة الاحداث ...............
    اتوسد قافية حرفى ......................
    انتظر حُلم قادم من غياهب الزمن بكل كبريائى وغرورى فانا امرأة لاتقبل انصاف الاشياء فقط اكون او لا اكون ..
    7443_1344156406.jpg Hosting at Sudaneseonline.com
                  
|Articles |News |مقالات |بيانات

17-01-2013, 03:44 PM

وليد زمبركس

تاريخ التسجيل: 10-01-2013
مجموع المشاركات: 663

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    تلك امرأة تعلّق الحزن برموش عينيها و بكى
    أميل إليها بانحدارٍ شديد
    أدخَلت قلبي فى بستان حبّها فتوضّأ بالحياة
    علّمَتنى كيف أرسم بالقلم حواجب الكلمات .

    (عدل بواسطة وليد زمبركس on 17-01-2013, 07:31 PM)
    (عدل بواسطة وليد زمبركس on 17-01-2013, 07:38 PM)

                  
|Articles |News |مقالات |بيانات

17-01-2013, 03:58 PM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: وليد زمبركس)

    اسدل ثوب صبرك ............
    على وجه البنية الحاملة ذكراك ...
    فى المنافئ ..........
    تصلى على قبلة حضورك .............
    وتتشهد ................. ياوطن عوافى ........
                  
|Articles |News |مقالات |بيانات

26-01-2013, 06:26 AM

وليد زمبركس

تاريخ التسجيل: 10-01-2013
مجموع المشاركات: 663

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    خرج لتوّه يتوكّأ حزنًا عثر عليه مصادفةً حين ألقت له زوجته بحزمة طلبات كان قد وضعها على أسفل قائمة أولويّاته ، إستمع إليها جيّدًا و هتف قائلًا هكذا علّمتنا الحياة أنّه من الصعب أن يحتفظ الإنسان بمزاج جيّد و زوجة فى آنٍ معًا دون أن يعتدى أحدهما على الآخر ، هاتف صديقه ودون أن يسلّم عليه فاجأه بسؤاله يا أخى ماذا نفعل مع نساء الملايات هؤلاء ، بالله إن كنت تعرف واحِدة لا تشجّع هذا الفريق فأرجو أن تدلّنى عليها و ستجدنى أمام النّادى الجديد عند أقرب موسم لفكّ التسجيلات . ضحك صديقه و قال له لقد كنت على وشك أن أتّصِل بك لنفس الأمر ، لقد تركت لى الأطفال و ذهبت إلى النّدوة هى الآن يصفّق لها الجمهور إعجابًا و أنا أصفّق لبنتي الصغيرة كى تكُفّ عن البكاء ، رجاءً لا تسمّيهنّ نساء الملايات فالتى معى لا علاقة لها بالملايات التى أختارها أنا و أغسلها أنا و أفرشها أيضًا . إذن ما العمل يا صديقى ؟ أرجو أن تأتى إلىّ لنتحدّث قليلًا فأنا لا أستطيع أن آتى إليك أجرجر معى حزنى وهذه القبيلة من الأطفال و لا تنسي أن تجلب معك شرابًا يعيننا على تشريح جذور المعاناة ، يا صديقى مرحبًا بك و بشرابٍ يأتينا بحل حتى لو على حساب زينة العيد و الملايات و لكن ماذا ستفعل أنت مع الأطفال لأننا بصراحة نحتاج إلى هدوء لنستطيع مناقشة قضايانا الشائكة هذا إن لم تكن شوكيّة ، لا تحمل همّ الأطفال فقد وضعت لهم منومًا مع الحليب فقط إجلب معك الشراب ولا تنسي السندوتشات لأنّ البيت هنا بعيد عنّك زى بيت العزّابة لو ما ريحة البخور ، و الله العزّابة أخير منّنا على الأقل بضمنو للواحِد الصعوط وحلّة طبيخ حتى لو القطر قام لكن احنا هنا لا قطر قام ولا صفّر و السجاير دا إلّا فى الحمّام تفاديًا لافتراع جدل ينتهى بمحاضرة عن الصحّة و حسن القدوة للأطفال .

    هلّا هلّا أخوى الصافى صافى الحوبة حبّاب السّهَر
    جيّاب البادوبَة منّ البحَر
    شرّاب العَرَقِى و الدّنيا حر

    يعنى الواحِد ما يشوفك إلّا فى المآتِم ، مآتِم شنو يا راجل و الله احنا ذاتنا بٍقينا أموات ، بالله حياتنا دى حياة ، بعد الحريّة و البراحات الكنّا متمتّعين بيها أيّام الجامعة ديك الواحِد يجى يرهًن عمرو كلّو لى واحدة ما عندها هم غير كيف يكون طلاء جدران البيت و لون الملايات يا أخى والله دى نكسة أسوأ من نكسة يوليو و سرقة إنتفاضة أبريل .
    إنت عارِف يا صافِويه زمان كنّا مفتكرين إنّو الواحِد لو ارتبط بي زولَة مثقّفة بكون حقّق أجمل أحلامو ، وحَاتك الكلام دا أكبر و َهَم و أنا القِدّامَك دا بقول ليك لو لقيت واحدَة بتاعَة ملايات أحسَن لى من ناس النّدوات ديل ، ياخى سيبَك من بتاعة الملايات و الله أنا ألقى واحدة حنّانَة اليوم كلّو من حنّة لى محلبيّة أحسن لى من ناس النّدوَات البِخلّونى إشتغِل دادة آخِر عمرى ديل ، ياخ أقول ليك حاجَة خلّيك من الحنّانَة والملايات والكلام الفارغ والله أنا دايِر لى واحدَة تكون دايَة شايلا موسا و تطهّر فى البنات طهّرِن بلا ياخُدِن و الكلام دا ما كلام سكَر لكن كلام زعل عشان أنا إتهَريت وجَع من ناس النّدوَات ديل ، ياخى خلّينا نمشي السنما و نعيد أيّام زمان النّسوان ديل لو ما جابَن أجَلنا ما برتاحِن .
    يا معوّد أنا لو ما بعرِفَك كنت قلت الزول دا بقا كوز ، ياخ حرام عليك معقول تكون بقيت تسانِد خفاض البنات ، وين المثاقفة و المفاكَرة و التنظير أيّام كنت ملقّب بي نصير المرأة يعنى إنت كنت بتمارِس علينا التغييب من أوسَع ابوابو ، يا مان إنت إتغيّرت بالجد أنا مندهش إنت مفروض تتطوّر مش تنتكِس النّكسَة المدهِشة دى و إنت زوجتك آخر فهم و معرِفة و حاملة دكتوراة و انا زوجتى يا دوب غير الملايات و زينة العيد ما بتفهم شي . يا أخوى تبدّل والله أنا بتكلّم جَد و برضو دا ما كلام سَكَر، ياخِى أنا زوجتى ما طبيبة لكن النسوان العندهم دكتوراة ديل بفتكرو إنّهم طبيبات و إنت المريض بتاعهم إنت فاهِمنى ، أيوا فاهمك لكن لمّا تكون مريض لى واحدة حاملة دكتوراة أحسن من تكون مريض لى واحدة ما بتفهم غير فى الملايات و قعدات الجَبَنَة و المجاملات . إنت زعلان ليه من قعدات الجَبَنَة ياخ مش أحسن من قعدتنا الما ليها طعَم دى و بعدين إنت لاقِي واحدة تهتم بالملايات و زعلان والله أقلّ ما فى الأمر إنّك ما مسئول عن غسيل الملايات إنت ليه ما قادِر تقيّم النّعمَة الإنت فيها دى ، ياخ بالجَد تبدّل و أنا بقول ليك كدا و لسّة ما سِكِرت و إنت براك عارِفنى حوض رَملة إلّا تكون زوجتى طيّنَت عيشتي و بِقيت أروا قبل الرجال.

    (عدل بواسطة وليد زمبركس on 26-01-2013, 06:40 AM)
    (عدل بواسطة وليد زمبركس on 26-01-2013, 03:24 PM)

                  
|Articles |News |مقالات |بيانات

26-01-2013, 06:32 AM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: وليد زمبركس)

    يافتاح ياعليم يارزاق ياكريم
    تعال نرتاح من فكرة انك حاضر وانا غائبة .........
    من فكرة كونك معتقل فى سجن عواطفك السالبة .........
    وكونى سبب كل مآسي الكون ............
    الحكاية ومافيها حكاية شهريار ........
    شهريار والحلم الجميل ..........
    شهريار بطارد هواجس العيش الكريم ...........
    وحق المدارس والفطور .................
    وانا بطارد كل ليلة همسة مهند لنور ......
    غمزة طارق لديانا ...............
    وللحقيقة فى يوم ماحلمت بطارق بن زياد ....
    ولا اتخيلتك صلاح الدين الايوبى .............
    يقطع ابو الرومانسية
    فى الزمن الكالح ....
    دا كان مدخل حوار بينى وبين وردة .........
    حوار اختصر احوالها وهى بتقول لى ببساطة
    تصدقى اتكيفت من روحى وانا بسترجع ايام الجامعة ........ وماكذبت خبر قلت لى ابوطارق كل العاوزه اقوله .......... فى خطبة عصماء
    ابوطارق مغبش وكالح وحاله يغنى عن سؤاله مدفون فى وظيفة مراقب مالى ....... مراقب خريج جامعى فى احسن الاحوال بيفطر بوش جماعى .......
    وبيتعشى بوش اسرى ........... ووردة بتصارع ...... للحظات رومانسية وهى تمط شفتيها المحدده معالمها مسبقا بقلم الكحل الاسود بالحديث عن محنة الرومانسية فى الزمن الاغبر وبراسى ملامح لشابة جامعية لم استطع ان اتعرف اليها اليوم .
    ام البنيات صفية بت جاد .... قوية ... عالية القامة تخفى مسحة جمالها تحت البنطال الابيض الذى هو اقرب للرجالى من النسائى
    ... تتلفح الثوب الابيض ....... فى الفجر تخرج هى وحاج رجب فى سكة الرزق الصعب .......
    لقمة الغبش الممسوحة بالتعب بعد ان تطلق بخور الصباح مع القهوة ..... وترش البيت ملح ,,,,,, وقدام الباب
    من العين والحسد ............. يقهقه حاج رجب :
    على ايه ياحسرة الا كان يحسدوك فى الفتوا الماليئة بيهم البيت ....
    ترمقه بنظرة حادة وهى تضع سكين الضراع فى قفة اغراضها
    يناوشها مرة اخرى بالله انتى مرة ....
    تغلق الباب وهى توصى محاسن ابنتها الكبيرة على البيت واخواتها
    ومن ثم تلتفت الى رجب ..............
    عليك الله بدل نقتك دى قوم على رزقك ............
    يافتاح ياعليم يارزاق ياكريم ........
    يافتاح ياعليم يارزاق ياكريم حاج الربيع كيف اصبحت ابوى .......
    نحمدوا الكريم يابت جاد .......... خبارك والبنيات ؟؟؟؟؟
    الحمد للسيد يابا وهى تقبل يدها من الخارج والباطن علامة الرضا بالمقسوم ....
    خاطرك ابوى انلحق السوق وتسرع الخطئ بتجاه السوق ...... وهى تحمل براسها قفة مليئة بالنبق والقونقليز والتسالى وباليد الاخرى حزمة العنكوليب وهى تترنح تحت ثقل ماتحمله لكنها تتحامل على نفسها كلما تذكرت محاسن واخواتها الخمسة .... الهم الثقيل كما يسميه حاج رجب قليل الحيل والحيلة الا من الدخل البسيط الذى تدره ماكينة الخياطة التى ينكفئ عليها من الصباح للمساء بالبرندة التى يستأجرها من صاحبها الهندى .....
    حاج رجب يكبرها باعوام كثيرة لم تعد تحصيها حتى او تذكرها الا عندما تعلق محاسن ضاحكة :
    هوووووووى ياامى احمدى ربك وشوفى ابوى خلاص فتر وكبر والله قلبى بتقطع عليهو لمن اشوفه كدا
    فترد عليها بت جاد : هى يابتى شن جابنى لى ابوك كمان وحات الله وكت اخدت ابوك ماعارفة خشمى وين ؟؟؟؟؟ فيضحكنا عليها محاسن واخواتها ويتغامزن فيما بينهن .. ابتسمت ولحظات السعادة الحميمة تدفعها بنشاط اكثر تجاه السوق وهى تسرع الخطئ وسط نبيح الكلاب الضالة فى ذلك الصباح ......
                  
|Articles |News |مقالات |بيانات

26-01-2013, 06:48 AM

وليد زمبركس

تاريخ التسجيل: 10-01-2013
مجموع المشاركات: 663

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    قالت له حبيبي الليلة أنا لغيت المشي للإجتماع وعندى ليك مفاجأة ، إن شا الله تكونى طابخة عشان دى أجمل مفاجأة أسمعا بعد إلغاء الإجتماع . حبيبي إنت عارِفنى شغّالة زيّك و إنت ذاتَك ما بتشبه رجال الزّمَن دا ساو عمّتَك زى كمال ترباس ، النّبي عليك و ربّنا يسألك آخر مرّة لِبِست فيها بنطلون كانت وين ، يا يابا ما شفت راجل إبتسام صحبتي مع إنّو أكبر منّك لكن الله يعلَم فى اللِّبِس و الهندام فايِت بطان المدرسَة .
    خلّينا من النّقّة بتاعتك دى والله إنتى لو كنتى زى ابتسام زوجتو أنا كنت غسّلت ليك العدّة و كنست ليك المطبخ و كسّرت ليك تلج كمان لكن أسوّى شنو كل واحِد بياخُد نصيبو إلّا راجِل إبتسام الله لا كسّبو أخَد نصيبو و نصيب الأسد.
    الليلة الغَدا شنو ما يكون مكرونة زى بتاعة اليوم داك الشَحَدنا ليها الطّبيخ و أكلناها زى العصيدة ، والله إنت قلبك أسود عشان موية المكرونة زادت شويّة و المكرونة مَسَكَت فى بعض خلاص مَسَكتها لى زِلّة . يا دكتورة حرام عليك زِلّة شنو هِى الحكاية مرّة و لّا مرّتين هسّى أمِس القريبة دى ما شِرِبنا الشعيريّة بالكبّايات زى مديدة الدّخُن ، إنتى لو ما قادرة تضبطى مقادير الموية بالله تانى أطبخى لينا بالبخار .

    يا جماعة هل من مساعدة بخصوص تنسيق الكتابة ، شايف مداخلاتى الأخيرة كلّها أعرض من حجم الورقة .
                  
|Articles |News |مقالات |بيانات

26-01-2013, 06:56 AM

نورالدين الفحل
<aنورالدين الفحل
تاريخ التسجيل: 12-02-2008
مجموع المشاركات: 727

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: انصاف ابراهيم عبدالعزيز)

    فرحانة بيك كل النجوم لانام بريقا ولا انطفأ
    مرحبا بالأخت أنصاف نكهة بن كسلاوى معتق
    تعجبنى كتاباتك التى امتهنت عمق الخاطر وجميل المشاعر
    ليت كل الحروف تطاوع لنترجم تنهيدات الدواخل والافئدة.
                  
|Articles |News |مقالات |بيانات

26-01-2013, 07:24 AM

انصاف ابراهيم عبدالعزيز
<aانصاف ابراهيم عبدالعزيز
تاريخ التسجيل: 31-08-2012
مجموع المشاركات: 466

للتواصل معنا

FaceBook
تويتر Twitter
YouTube


Re: مجنونة بيك كل الحروف (Re: نورالدين الفحل)

    فرحانة بيك كل النجوم لانام بريقا ولا انطفأ
    مرحبا بالأخت أنصاف نكهة بن كسلاوى معتق
    تعجبنى كتاباتك التى امتهنت عمق الخاطر وجميل المشاعر
    ليت كل الحروف تطاوع لنترجم تنهيدات الدواخل والافئدة.
    .......................................................................................
    شكرا اخى نورالدين ... سعيدة بوجودك ومرورك ... وتوقيعك الانيق ....

    (عدل بواسطة انصاف ابراهيم عبدالعزيز on 26-01-2013, 07:25 AM)

                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de