|
|
|
 Re: أ/ تراجي مصطفي و البرالمه كلاكيت تأني مرة ... (Re: ود الباوقة)
|
بسم الله الرحمن الرحيم
الاخ / محمد عبدالله
غايتو البرالمة ديل تطير عيشتهم .
ما عارف الواحد لما يستصغر برلوم
الاستصغار هنا بكون للافكار ولا
تاريخ التسجيل .. وهل تعتبرالاقدمية
افضلية ام نوع المساهمة بالمنبر ...
( السقافة ) اذا ما علمت صاحبها احترام
الناس وتقديرها بتكون سخافة ..
الله المستعان
| |
 
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: الجنيد حمد)
|
| Quote: التحية لك وللاخت تراجي وهي قطع شك لم تقصد أن تتعالى او تضطهدكم او تنتهك حقوقكم كبرالمة |
مشكور اخي الجنيد حمد على المشاركة ...
انا نظرتي ليست لتراجي ولا للموقع ( الحوش ) ولاكن لبلدنا والنخبة السياسية الموجودة
اعتقد نظرتهم تجاة الغير او الناس الجات بعدهم في الحزب او الحركة نفسها التي نعانيها هنا
نحن كبرالمه ... واعتقد ان دي حاجة في جيناتنا كسودانيين .........
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: محمد عبد الله الامين)
|
Quote: انا شخصيا اتعامل مع الاعضاء بطرحهم وتهذيبهم
دون تفصيلاتهم هذا برلوم
وهذا قديم |
مع انو يا باوقة صورتك دى قعد تلبشنى لكن مرقت النجيضة .. فبحاول بحفظ ليك
الحته دى حتى الربع الجاى وربما فور قوود
Quote: فبحاول بحفظ ليك
الحته |
حتة الفهم العالى فى الجزئية دى
يا أم حازم يا تجى تعتذرى لينا كبرالمة انك مسحتى بينا الواطة وطلعتينا اى كلام
او نوديكى المحكمة الجنائية بمعاداتك لساميتنا هنا فى المنبر دا وخصوصا انا باعتبار
انو سيدنا موسى عليه السلام هو جدى ..
| |
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: الصادق سيكا)
|
سلام للجميع ..
الأستاذ تراجى دى يا براملة لازم الواحد يقرأ ليها ( بالتأمل )
يعنى تتأمل فى الكلمة و بتفهم معناها و لازم تكون حريف وحافظ
الكيبورد صم عشان تعرف معنى الكلمة و الحرف الزائد وين..
بس لكن و لو قلنا قاصدة ( قصيرين نظر).
البجيب الـ (ق) جمب الـ (كـ) شنو ، حرف فى الشرق و التانى فى الغرب ..
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: محمد عبد الله الامين)
|
المشكلة يا محمد الامين ان ( البعض ) من حبايبنا السناير ..
شكلوا من أنفسهم مرجعية للتقييم ..
ده بعرف وده ما بعرف ..
وده أخطاؤه كثيره .. وده شنو .. وداكـ شنو ..
وده عوير .. وداكـ شليق .. وداكـ ما محترم .. وده لئيم ..
وده سببه إنهم قعدوا هنا في الحوش ده براهم لفترة ما هينة ..
وحتى من ياتي كإضافة .. كان يأتي بالقطاره ..
ولا تكاد تحس له دوراً او تغييراً يذكر ..
وأيضاً من يأتي كانوا هم من يرشحونه ويزكونه ..
وأكيد تجاوز الشغلانية دي حياخذ ليهو زمن ..
لحدي ما كلو زول يعرف وزنه شنو ومكانه وين ؟؟ ...
كنوع من ترتيب يرتكز على أسس ممنهجه ..
وقطعاً حينها سيزول أثر الأقدمية ولن يكون لها دور يذكر ..
وسيظل حينها المميز في القدامى مميزاً ..
ومن هو في الهامش برضو سيظل هامشي ..
وسيحس بضآلة وقصر كعب كتابته ..
هذا من جانب ومن جانب آخر ..
أجد التعاطي مع والقبول بالبرالمه يسير بطريقة سلحفائية ..
بالمقارنه مع منابر أخرى كنا فيها حضوراً ..
قد تجد بعض المماحكات والتعيير للزول الجديد ..
لكن هنا تأخذ شكل تسونامي ..
وتتجمع فيها المساهمات من (بعض) الاعضاء القدامى بطريقة تدافعية نفسية .. رغماً عن اختلافهم ..
كما نؤازر نحن بعضنا بعضاَ برضو رغماً عن اختلافنا .. كرد فعل لا ارادي وغريزي ...
عموماً كل هذه المماحكات أراها تشكل مرحلة قبول لهذه الأجسام الغريبة ..
التي تم حشرها في المنبر حشراً ..
لكن صدقني هذه الدفعة مميزه ..
وستشكل فارقاً ملموساً ومحسوساً ..
كون الاغلبية منهم مغربلين غربلة جيده ..
رغماً عن شهادتي المجروحة في هذه الدفعة التي أتت على شكل دفقه ..
لكن لا يفوت ذلكـ على قارئ حصيف ..
سينيراً كان أم برلوماً ..
فهون عليكـ ياصاحب ..
عني شخصياً ساظل محتفظ بأرشفه معتبره لكل فترتي الأولى في سودانيز .. ..
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: جمال ود القوز)
|
بعدين هناكـ نقطة مهمة جداً ..
وأعتقد انها تشكل نوعاً من الغبش وقد تشكل كثيراً على حبايبنا البرالمه .. وانا منهم ..
فأغلبية المشاركات التي تحظى بالاهتمام والمتابعة ..
أراها تنحو الى اجترار خلافات قديمة ..
أو حتى جديدة ترتكز على التقييم المسبق للمواقف المخزنة في الأضابير ..
يتم فيها الاستعانة بروابط الارشفة والكابشرات المحفوظه لليوم الأسود ..
ودي قد لا يكون البرالمه متابعين لها ..
كونهم كانوا خارج الميدان .. وحتى ان اردت الالمام بما صار ..
ستهدر وقت طويل في متابعة الأرشفه واللي جرى ولمواضيع خلاف قد لا تكون ذات أهمية ..
وربما كذلكـ قد لاتسعفكـ دوامة الحياة لتوفيرذاكـ الوقت ..
فكثيراً ما تحتار وتختار أن تربع يدينكـ وتكتفي بالفرجه من بعيد ..
عموماً هذا لا أعتبره تقييماً للمنبر كوني لا أملكـ احصاء دقيق ..
لما فيه من اسهامات تكتسب نفس اللونية التي أشرت اليها ..
لكن الفترة التي مكثتها هنا أعطتني انطباعاً بأن أكثرية المشاركات ..
هي من باب المكايدات التي ترتكز على التصنيف السياسي ..
فتجد بعض الناس كده من يجوا خاشين يكابسوهم ناس تانيين ويرجموهم ..
فتقعد تضحكـ ...
بعدين برضو فرز ( الكتاكيت ) بياخد وقت يا ود اللمين ..
وكون هذا منبر سياسي ..
فكل زول لازمن يعرف انت شايت وين ..
عشان ما يتخم فيكـ ساكت ويكوتكـ تبع كوتته ..
وبعدين يمرق منكـ ملوص ساي ...
وكمان من يحسكـ شايت في القون التاني بيكبر منكـ اللفه طوالي ..
فمسألة قبولكـ وانت عكس الاتجاه ..
دي دايره ليها وقت ..
والتلاقي في أبعاد تحت مظلة اتجاهات لا سياسية ..
محتاج لمساحات اجتماعية قد لا تتوفر للطرفين ( قدامى وجدد ) ..
لكن من يعمل في خط الاجتماعيات من الأعضاء القدامى ..
وينأى عن المواضيع السياسه فالتلاقي والتواصل معه سهل وميسور وسلس جداً ..
ولا نحتاج لبراهين فالأمر متروكـ لفطنة ومتابعة الشباب .......
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: طاهر قرشي)
|
محمد الامين من الفيس ..
| Quote: احنا قريبين منكم ...شبكتنا ضعيفة ياعبد السلام .. اسي سنير واحد ما قرب مننا شفتة كيف ههه |
أتـا أقعد نطط لي في الفيس كده وسايب قلوبيتكـ دي بدون ما تحاحي ليها .. 
يأخ منحنى التعلم ده شئ عجيب ..
هسه عليكـ الله الماش يجيكـ من السناير للكجم منو بعد الدفاس الزمان داكـ ......
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: Gafar Bashir)
|
سلام يا محمد و لعلك بخير ياخي ..
فكرة انك تكون مصنف رقبتك كبرلوم و تتأثر بكلام زول تاني عن البرالمة لا تقل سوء عن تعميم تراجي نفسو، لانو بالتأكيد تراجي ما بتعرف كل الاعضاء الجداد و لا كانت موجهه ليهم الكلام كمجموع.
الحاجة الوحيدة البتجمعكم لكاعضاء جدد انكم إتسجلتو في فترة واحدة that's it !!! فيكم العميق و السطحي و الوهمي تماما زي ما الأعضاء القدامي فيهم نفس الصفات و بنفس النسبة تماما باعتبار إنو المنبع واحد !!
فياخي أمرقو من قصة برالمة دي و التعامل بفهم انكم كلكلم مجموعة واحدة، حتي لو في أعضاء بتكلمو عنكم بالفهم ده .
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: أمين محمد سليمان)
|
يامرحبا بالبروف أمين محمد سليمان ........
انا ما مصنف نفسي برلوم ولاشي ولاكن وجت هذا التصنيف من الناس الاقدم
اذا ما عجبم شي طوالي يصرفوا ليك هذا اللقب ... ومتناسين انو اغلب الاعضاء الجدد
كانوا متابعين الموقع من سنوات ولم يسجلوا بسبب سياسة صاحب الموقع التي نحترمها
اسعدني حضورك .......... كن بود
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: Gafar Bashir)
|
| Quote: في تاريخ طويل جدا من الصراعات والمماحكات بين الاعضاء وقد لا يكون الكلام المكتوب قصود في حد ذاته وما اكثرها ... يعني اذا قريت ما وراء كلا تراجي تبقي ما برلوم لكن لو قريت كلاها زي ما هو .... يادوبك بقيت برلوم ..خلي بالك طويل |
فعلا باين انو أغلب مداخلات السناير لها خلفياتها من صراعات ومماحكات عن صراعات سابقة
ونحن دخلنا شمال .... بس ما شمال اوي عشان نترش كده
الفكرة وصلت اخي جعفر بشير شاكر ومقدر ...
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: جمال ود القوز)
|
Quote: لكن صدقني هذه الدفعة مميزه ..
وستشكل فارقاً ملموساً ومحسوساً ..
كون الاغلبية منهم مغربلين غربلة جيده ..
رغماً عن شهادتي المجروحة في هذه الدفعة التي أتت على شكل دفقه ..
لكن لا يفوت ذلكـ على قارئ حصيف ..
سينيراً كان أم برلوماً ..
فهون عليكـ ياصاحب .. |
وهذا توقعي بأن تكون هذة المجموعه متميزة في طرحها
وسوف يظهر هذا في القريب العاجل باذن الله
مداخلة وتحليل جيد منك اخي جمال ود القوز ...
| |
|
|
|
|
|
|
|
|
|
Re: أ/ تراجي مصطفي و البرالمه كلاكيت تأني مرة ... (Re: محمد عبد الله الامين)
|
الأخ محمد عبدالله وقبيلة البرالمة
هونوا على أنفسكم وأخدوا الموضوع بروح رياضية وعليكم بإتباع نصائح الأخوان (الواردة فى مداخلاتهم)
1- جمال القوز (برلوم ناشط)
2- جعفر بشير (سنير طاعن)
3- أمين محمد سليمان (سنير وسط)
وهى فترة وبتعدى وبننتقل لمرحلة (السنبرية) ومن يأتى بعدنا سيكون برلوما
ولكن المصيبة أن يلتصق بك لقب برلوم إلى يوم يبعثون (مثلما يطلق على بعض السناير فى هذا المنتدى)
عماد قريش
برلوم جدا
| |
|
|
|
|
|
|
| |
Artiga Gilani
الجنيد حمد
عبد الحكم ابراهيم الحاج
الصادق سيكا
عبد الحفيظ فخر الدين
جمال ود القوز
usama Babiker
طاهر قرشي
أمين محمد سليمان
فرح الطاهر ابو روضة
عماد قريش
فيس بوك
تويتر
انستقرام
يوتيوب
بنتيريست