|
|
 يا ود بَدُر .. الفي صوفو سَدُر .. و الفِي سِبيحتُه رَقَبَــه ..
|
الشيخ ود بدر قال :
فمن أراد الليم مع الاحباب فيلازم الباب
فهيا أبنائى عليكم بالذكر
فمن لازم الذكر صار من أهل الفكر
ومن صار من أهل الفكر جلس على الحكر
ومن شقى لقى ومن إستراح راح
ومن كد وجد ومن زرع حصد
ومن لازم الرقاد عدم المراد
ومن لم يتعب شبابه لم يرح شيبه
|
|
  
|
|
|
|
|
|
|
|
Re: يا ود بَدُر .. الفي صوفو سَدُر .. و الفِي سِبيحتُه رَقَبَــه .. (Re: سيف الدولة كامل)
|
| Quote: عشرة وست ولا كنكان يا هندسة . |
وحياتك يا سيف ...
لي يوم الليلة لما اكون مزنوق لي في ( كَرِتْ ) ...
بقول ( يا ود بدر ..)
واصلو ما قصر معاي ...
________________________________
تعرف يا سيف ...
مش تفكهم بي عشره ...
كان في جداً لينا مره سمع وردي بيغني القمر بوبا
ولما جات الحته البقول فيها ...
ووب علي أمك ووبين علي ...
قال اقفلوا الراديو ده ... بلا كلام مايع ...
________________________________
حسي ناس ( سجمنا ) ... حيحرروا السودان ...
دونكيشوتياً ....
| |
|
|
|
|
|
|
|
|
|
Re: يا ود بَدُر .. الفي صوفو سَدُر .. و الفِي سِبيحتُه رَقَبَــه .. (Re: يحي قباني)
|
سلامات يا دفعة ,,
شيخنا ود الرضي تتلمذ في خلوة ود بدر
شوف تاثير الصوفية في شعر ود الرضي
في نظمه لقصيدة أحرموني ولا تحرموني
سنة الاسلام السلام .
حرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام
يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام
كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام
الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام
ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام
طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام
في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام
قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام
سلامات يا جميلة ,,,, تسلمي ومرحبا بك في ضيافة
حبيبنا يحيي قباني.
| |
|
|
|
|
|
|
|
|
|
Re: يا ود بَدُر .. الفي صوفو سَدُر .. و الفِي سِبيحتُه رَقَبَــه .. (Re: معاذ الهادي)
|
Quote:
انتي تدخلي و تنداحي و تتمددي ...
اي نعم لسه البوست في طور ( الشرنقة ) ...
لكن (خدي راحتك ) ... |
شكرا يا صديقي .. لكن لاعتبارين تركت امر المداخلة ... الاول نتابع الشرنقة حتي تصير فراشة كاملة .. والثاني .. حكم المزاج بنوع كتابة اخري اتمني ان اقدر عليها.
| Quote: سلامات يا جميلة ,,,, تسلمي ومرحبا بك في ضيافة |
شكرا استاذ سيف الدولة
| |
|
|
|
|
|
|
|
|
|
Re: يا ود بَدُر .. الفي صوفو سَدُر .. و الفِي سِبيحتُه رَقَبَــه .. (Re: ABDALLAH ABDALLAH)
|
تعرف يا يحيي شرق النيل جمع درر
الورع والصلاح والعلم عند الشيخ بدر
والشيخ حسن ود حسونه ,, الفطنة والحكمة
وسرعة البديهه عند الشيخ فرخ ود تكتوك
وشيخ العرب ود ابو سن , الشعر شيخ شعراء
البطانة الحردلو و ود الرضي والجاغريو
الدوبيت ود الفكي حمد ,., الغناء مبارك حسن بركات
احمد المصطفي ,, خلف الله حمد ,, سيد خليفة ,,
الهمبته طه الضرير وصاحبه ود ضحوية من كبوشية .
نرجع ليهم واحد واحد يا دفعة ,,, وسهرة ممتعة .
| |
|
|
|
|
|
|
| |
يحي قباني
سيف الدولة كامل
جميلة ابراهيم السيد
أمير محمد ادريس
معاذ الهادي
ABDALLAH ABDALLAH
Abureesh
فيس بوك
تويتر
انستقرام
يوتيوب
بنتيريست