|
|
 الإستخدام الخارجي بوزارة التنمية البشرية يجيز إعلاناً يروج للرق الجنسي
|
مكتب الإستخدام الخارجي بوزارة التنمية البشرية يجيز إعلاناً يروج للرق الجنسي
March 22, 2013
(حريات)
أوردت صحيفة )الإنتباهة( أمس إعلاناً على صفحتها الثانية (للجنس الناعم فقط) صادر عن وزارة التنمية البشرية – إدارة الاستخدام الخارجي يطلب فتيات للعمل في دولة الكويت، في وظائف مبيعات ومسوقين وكول سنتر وسكرتارية وضيافة وفندقة.
وأوضح الاعلان الذي صدر عن مكتب ( أبو جمال) شروط ليس من بينها التأهيل الأكاديمي ، وتمثلت في العمر من 21 سنة إلى 35 سنة، إجادة اللغة الإنجليزية على الأقل بمستوى متوسط، ومعلومات عن الطول والوزن والأمراض والعمليات الجراحية، وثلاث صور فوتغرافية من رأس الشعر وحتى أخمص القدمين لتوضح الطول والحجم ، ومع أن الشروط تبدو طبيعية إلا أن المفاجأة تبرز في شرط آخر يكشف المخبوء ويقول ( جمال الشكل وأن يكون لون البشرة غير داكن) !
وقال خبير نفسي ( إن ما يمارسه النظام من عنصرية يتجلي في سياسات الإقصاء واستبعاد العناصر ذات الأصل الأفريقي الواضح ، من كل مؤسسات الدولة بما في ذلك وظائف التلفزيون والقنوات الفضائية الأخرى، والتركيز على لون البشرة الفاتح وانعكس ذلك في حرص المذيعات خاصة في قناة النيل الأزرق على بياض البشرة، والتشبه بالنجمات العربيات في الشكل، وربما حتى في اللَّفظ ، ومخارج الحروف). وأشار إلى أن ذلك يقود المقهورين والشاعرين بعقدة الدونية إلى استخدام آلية التماهي في شخصية المستبد ، وقيمه وأدواته، وهي آلية نفسية للدفاع عن النفس.
وتبث صحيفة (الانتباهة) النعرات العنصرية بين السودانيين، لاثبات أن السودان دولة عربية وإسلامية ، ووصل بها الانحطاط مرحلة الترويج لتجارة (الرقيق الأبيض ) .
وقال الخبير النفسي ( من التطور الإيجابي تشجيع المرأة على العمل لكن ليس بطريقة الاعتماد على الجسد واللون وتحويلها إلى سلعة ) وأضاف ( لو أحسنا الظن بأن هؤلاء الفتيات سيذهبن للعمل في وظائف تتطلب حسن المظهر والذكاء إلا أن تركيز الإعلان على مسائل الطول والوزن واللون يثير الإشتباه ويغذي الشكوك في نوعية الوظائف المطلوبة ونوع الفتيات المطلوبات للعمل بمهنة قد تكون هي الدعارة ). وشدد ( ليس هناك أسوأ من الدعارة السياسية التي يمارسها النظام باسم الدين كل يوم، ولا العنصرية التي يروج لها عبر إعلامه فاقد التأهيل الأخلاقي والمهني ).
هذا وسبق وإعترفت عفاف أحمد عبد الرحمن وزيرة الرعاية الإجتماعية بولاية الخرطوم حينها ان السودان تحول إلى أهم محطات الإتجار بالبشر .
وقاد الإفقار الشديد للسودانيين في ظل الإنقاذ ، وتحطيم الريف ، وتحطيم دولة الرعاية الإجتماعية ، ونشر القيم الطفيلية وقيم المترفين إلى تفسخ القيم المجتمعية والأخلاقية ، وإلى هجرة بعض الفتيات السودانيات إلى الخارج ، خصوصاً إلى دول الخليج وإمتهانهن تجارة الجسد ، فيما إعتبر (قيامة) للسودان الذي عرفت نساؤه بالعزة والكرامة . والواضح ان إعلان مكتب (أبوجمال) يحاول شرعنة الرق الجنسي وجعله (معلناً) و (معترفاً به) !! والكارثة ان الإعلان أجيز من وزارة التنمية البشرية مكتب الإستخدام الخارجي ! ونشرته صحيفة (الإنتباهة) دون أي قيود أخلاقية أو دينية أو وطنية !
|
|
  
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
هذا الأعلان الفضيحة يثبت ويؤكد لناحجم ونوع تأمر حكومة الأنقاذ وعلاقاتها بصحيفة الأنتباهة العنصرية.
كيف يعقل أن تقوم الدولة بترويج أعلاناتها المختلفة بصحيفة تدعو الى الفتنة والعنصرية بين المواطنين؟
أما صحيفة الأنتباهة وعلاقتها بهذا الأعلان العنصري والذي يروج للرقيق الأبيض علنا. لا أعتقد أنهم قد فات عليهم فحص هذا الأعلان، لأن محتوى الأعلان يتماشى تماما مع كتابات صحيفة الأنتباهة.
هل يعقل أن تقوم وزارة بأعلان لجهة دون زكر أسمها أو عنوانها الكامل وبمثل هذه الطريقة؟
وهل يعقل لصحيفة أن تقوم بنشر الأعلان دون التحقق من حتى أسم الشخص المعلن؟
هذا الأعلان يشبه أعلانات بيع الهوى في الغرب، ولكن طبعا من المستحيل أن يصدر هذا الأعلان من أي جهة حكومية رغم أن بعض الدول الغربية تسمح قانونيا بممارسة مهنة الدعارة.
أها يا كيزان ويا أصحاب المشروع الحضاري وتطبيق الشريعة الأسلامية في السودان رأيكم شنو في الأعلان ده؟
قال "أبوجمال" قال.
يا ود الباوقة وبقية مطبلي الإنقاذ أصحو للون نظامكم بقى نظام ديوث.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
الأخ دينق
تحياتي
الطيب مصطفى العنصري البغيض خال الرئيس .. لا يخفى على أحد أوهام وأحلام هذا العنصري ... وعليه أن يواصل أحلامه وتجلياته في حماية وتوفير وتسفير هؤلاء الفتيات البيضاوات إلي الخارج سفيرات ممثلات للسودان العربي المسلم الذي يريد ؟؟؟
إي كلام عن إعتذار واسف عن هذا الإعلان هو مرفوض لأنه ضد مباديء وطموحات هذا الطيب ...
يالله يا من تتوفر فيهن الشروط وكمان زيادة للعمل والخروج من دولة الكيزان .. ولا عزاء لذوي البشرة الداكنة .. نحن في حضرة جناب أوهام الطيب مصطفى
الشفيع إبراهيم
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: ود الباوقة)
|
Quote: الأخ دينق
تحياتي
الطيب مصطفى العنصري البغيض خال الرئيس .. لا يخفى على أحد أوهام وأحلام هذا العنصري ... وعليه أن يواصل أحلامه وتجلياته في حماية وتوفير وتسفير هؤلاء الفتيات البيضاوات إلي الخارج سفيرات ممثلات للسودان العربي المسلم الذي يريد ؟؟؟
إي كلام عن إعتذار واسف عن هذا الإعلان هو مرفوض لأنه ضد مباديء وطموحات هذا الطيب ...
يالله يا من تتوفر فيهن الشروط وكمان زيادة للعمل والخروج من دولة الكيزان .. ولا عزاء لذوي البشرة الداكنة .. نحن في حضرة جناب أوهام الطيب مصطفى
الشفيع إبراهيم |
الأخ الشفيع
سلامات.
نعم كما زكرت أنت تماما. هذا الأعلان يشبه العنصري الطيب مصطفى تماما ويشبه توجه نظام الإنقاذ الأبارتيدي الفاشي.
أعلان زي ده لو في دولة محترمة لكان أطاح بحكومة كاملة وليس مجرد إعتذار باهت من صحيفة العنصرية.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Alshafea Ibrahim)
|
يادينق اديك النجيضة يجب محاكمة وزيرالعمل ومديرالاستخدام الخارجي
ومدير مكتب الخدمات (ابوجمال) والطيب مصطفي ورئيس تحرير الانتباهة
ورئيس قسم الاعلان في الانتباهة ومصحح الجريدة وفرد الامن (الرقيب)
الذي يراقب الحريات ويسمح بهذا ويحجب هذا وازيدك شوية قطع العلاقات
التجارية مع دولة الكويت لواصلا هي موجودة
ــــــــــــــــ
وانا عارفك يادينق شمتان في الجماعة ديل
عشان كدي انابقولك اختشي
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: احمد محمد احمد عتيق)
|
دينق تحياتي
يا دينق ود الباوقة وصاحبو ديل انا طرحت عليهم اسئلة بعد دقو صدورم وقالو بجاوبو
الجماعة شردو من البوست نهائي . شفت الجبن دا يا دينق
خليهم في حالم ياخ ديل كيسم فاضي
بعدين مسألة زي دي هم ما بفهموها ليك احتمال كبير يقولوا ليك ديل مجاهدات
اصلو الجهاد في زمن الانقاذ تطور واخد اشكال كتييرة منها الجهاد في المال العام
ومنها الجهاد في الكذب والتضليل في المنابر ووسائل الاعلام
ديل المجاهدين يا دينق خليهم عليك الله
ديل في سبيل القرش والله يبيعوا اي شي
اييييي شي
تحياتي يا دينق
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
| Quote: من هو أبو جمال والى أي دولة وشركة يتبع أصلا؟ |
الاخ / دينق ،، تحياتي
اتفق تماما على عنصرية واساءة الاعلان المنشور في الانتباهة والذي يعتبر سقطة واساءة بالغة لبنات السودان
ما ذنب مكتب ابو جمال في هذا السقوط من صحيفة رسمية مسجلة في قانون الصحافة والمطبوعات وكمان ناطقة باسم حزب
وزارة الموارد البشرية مش اجازت الاعلان وكذلك رقيب النصوص في الصحيفة المعنيه وبالتالي تم نشر الاعلان على من تقع المسؤولية اذن ؟؟
اذن مكتب جمال شغل بتاع بزنس بوفر الكادر المطلوب حسب الجهة الطالبة وبالتالي لا يعنيه موروثات الشعوب واخلاقها ومشاريعها الحضارية ويمكن مكتب
ابو جمال ده متعدد الجنسية في كل البلاد اهه يعني يفصل نفسو مثلا لكل بلد حسب توجهاته ولا هذه المسؤولية الاخلاقية تقع على البلد نفسه من صحافة ووزارة وكل الجهات المعنية بتشغيل العمالة في الخارج
لا نبكي على اللبن المسكوب جوه البلد في وظائف تخضع لنفس معايير دولة الكويت دي
البلد خربانة يا دينق وكل يوم في سقوط اخلاقي ما سمعت بباخرة هشك بشتك المصرية
مودتي
الرحـــال
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Abdlaziz Eisa)
|
كتب صحفي الغفلة الهندي عز الدين مدافعا عاى هذه الوزيرة التاريخية:
Quote: } الوزير "إشراقة سيد محمود"، القيادية بالحزب الاتحادي الديمقراطي، امرأة يصدق عليها وصف البعض (سيدة الحديد والحرير)!!
ينبغي أن يفخر الاتحاديون - كل الاتحاديين - بانتمائهم لحزب الوسط العريق، بأجنحته المختلفة.
} إنها من جيلنا، وأحسنت تمثيلنا في وزارة العمل، وقبلها في وزارة التعاون الدولي، وقد كانت عند حسن ظن الراحل الكبير "الشريف زين العابدين الهندي" الذي كان يراهن عليها كثيراً، كما لم تخيب ظن الدكتور القدير والسياسي الرصين "جلال يوسف الدقير" الأمين العام للحزب الاتحادي الديمقراطي.
} الهجوم على "إشراقة" يقويها ويزيدها بريقاً. |
فعلا الطيور على أشكالها تقع.
http://www.sudaneseonline.com/news-action-show-id-54656.htm
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
Quote:
حقيقة عقدة اللون فى السودان اصبحت هوس و مرض يستحق الدراسة و البحث ... ياخ البنات اصبحن مثل حمار الوحش فى لون بشرتهن.
الله يجازى محن المسلسلات التركية و المصرية و الشامية. |
إسماعيل عبد الله محمد.
لا يمكن لوم الأخرين. بل يجب لوم الثقافة والسياسة التي تروج الى لون بشرة معينة محببة وأخرى غير محببة في أجهزة الأعلام الرسمية المملوكة للدولة.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: النذير حجازي)
|
Quote: يادينق اديك النجيضة يجب محاكمة وزيرالعمل ومديرالاستخدام الخارجي
ومدير مكتب الخدمات (ابوجمال) والطيب مصطفي ورئيس تحرير الانتباهة
ورئيس قسم الاعلان في الانتباهة ومصحح الجريدة وفرد الامن (الرقيب)
الذي يراقب الحريات ويسمح بهذا ويحجب هذا وازيدك شوية قطع العلاقات
التجارية مع دولة الكويت لواصلا هي موجودة
ــــــــــــــــ
وانا عارفك يادينق شمتان في الجماعة ديل
عشان كدي انابقولك اختشي |
الإنقاذي محمد المسلمي.
شايفك عصايه نايمة وعصايه قايمة.
لمذا لم نرى لك بوستات تدين فيها ما حدث يا عشا البايتات؟
ولا تكون خجلان؟
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
كتب الإنتهازي عمر ود الباوقة محاطبا الإنتهازي الأخر محمد المسلمي:
Quote: المجاهد المسلمي
دينق
راجل مسكين
وحاير بيهو الدليل |
من أين لك بلقب "مجاهد" يا هذا؟
محمد المسلمي يعمل متنقلا بتجارة العربات المستعملة بين السودان وكوريا الجنوبية ويتلقى تسهيلات هائلة من نظام الإنقاذ الفاسد المجرم. فهل هذا هو جهاد المسلمي صديقك يا "شيخ" عمر؟
والله مسخرة وما بعدها من مسخرة يا مؤيدي نظام الإنقاذ الفاشي العنصري.
أين هي ألقابكم هذا(شيخ ومجاهد) من هذا الإعلان الفضيحة؟
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: ود الباوقة)
|
إعلان وظيفي يهين المرأة السودانية!!!
أسماء الجنيد..
[email protected]
منتهى الإستهتار وعدم المسؤلية من أصحاب وموظفي صحيفة الإنتباهة القبيحة !!
ومن المسؤولين في وزارة الموارد البشرية الملهيين في توافه الإمور ونايمين !!
إسلوب مبتذل وعنصرية مرفوعة الرأس بين هؤلاء البشر عديمي الضمير والإنسانية!
نشر الإعلان في صحيفة (الإنتباهة) وبإسلوب يهين المرأة السودانية امام رؤس الأشهاد!!
وفي عقر دارها من شركة كويتية!! ويسمح هذا المعتوه بنشر هذا القبح عيانا بيانا في سبيل المال!
ولا تهمه إخواته وبناته المحترمات داخل بلده! كأن الموضوع عادي وكأن بناتنا لا سامح الله مارقات للربا والتلاف!!
الا تستحون من الجهة المقدمة الإعلان؟ بدل الدفاع عن بناتكم وإخواتكم ، تسمحوا بهذا العبث والإبتذال؟؟؟
إعلان تسويقي مبتذل ومشين في حق كرامتنا كسودانيين!
هذا الإسلوب يعاقب عليه القانون في الدول التي تحترم كرامة مواطنيها
مثل هذا القبح لا يوجد حتى في الدول الغربية !ولا في اي دولة اخرى تحترم مواطنيها وتقدرهم.
لا الدين ولا الشرع ولا الإنسانية تقبل هذا الإسلوب الرخيص والدنييء لتسويق بنات الناس!!
هل اصبح الشعب يقبل ان تهان كرامته وتمرمط امام مرأي ومسمع الجميع ؟ ومن أجنبي وداخل بلدنا وعن طريقنا إعلامنا !!
أي قبح هذا؟هل وصلنا لهذا الدرك السحيق؟؟هل رخصت المرأة في بلدي واضحت كأنها سلعة تباع وتشترى بابخس ثمن؟
من المسؤول عن هذا الإسفاف الأخلاقي الواضح؟ أين الرقابة ؟ أين رجالنا ؟ أين نحن من هذا الوجع الخرافي؟؟؟
هل ماتت النخوة ودفنت الكرامة والعزة واصبحنا ندوس على شرفنا أمام الجميع؟ وفي صحفنا المحلية ؟؟؟
لا نقبل إطلاقا هذا التطاول الآ أخلاقي على إخواتنا وبناتنا وعلى إسم البلد السودان!
كفاية سكات وخنوع !يجب ان يعاقب كل من له شأن بهذا الموضوع، من رئيس التحرير مرورا بالمطبعة!
كم رجل سوداني مرا عليه هذا الإعلان قبل طباعته ؟ كيف سمحت لكم نفوسكم الدنيئة بالتطاول على بناتنا الحرائر؟
أين الغيرة على بناتكم والمحافظة عليهن؟ لماذا الإحساس بالهوان اصبح عنوان في كل مكان من بلدي الجريح؟
هذا المدعو الطيب مصطفى اثبت للجميع أن لا اخلاق ولا دين ولا كرامة له !!
بنشره لإعلان يهين دون مبالاة الحرائر من بنات جلدته!! فقط من أجل المادة !!
حسبي الله ونعم الوكيل .. حسبي الله ونعم الوكيل .. حسبي الله ونعم الوكيل
متاوقة
تحتفل كل دول العالم في شهر مارس هذه الأيام بأعياد ألمرأة والأم
وفي بلادي ينصبون لنا المشانق ويحرقون جوفنا بإهانة كرامتنا !!!
ابكيك يا وطني حد النواح
يمهل ولا يهمل
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
Quote: دينق
الشيء الذي يصيبني بالصداع النصفي والدوار
هو اهتمام اخونا دينق بامور دولة لا تخصه
بينما يترك دولته تسبح في بحيرات من الهرج والمرج |
الإنقاذي ود الباوقة.
هذا الشعور ب" بالصداع النصفي والدوار" لم يصيبك لهذا الأعلان العنصري القبيح ولكن يصيبك عندما يهتم به دينق ويفتح له بوست يدينه ويدين حكومتك المجرمة العنصرية؟
مالك كيف تحكم يا "شيخ" عمر.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
بسم الله الرحمن الرحيم
دينق
خليك فى حالك
وشوف بلاويك البقى غادى
وحاول تنتقدا
وخلى لينا بلاوينا انحنا بنقدر
عليها .. ووكت تغلبنا بنكلمك
تجى تحلها لينا ...
اتكلم عن مليارات البترول الراحت لجيوب
قائمة ال 75 ..
اتكلم عن صفقة الذرة
اتكلم عن الحرب العرقية ( الحمدلله الما بقينا عنصريين برانا )
اتكلم عن فساد الحركة الشعبية
اتكلم عن سيطرة الدينكا ( زى ما بتتكلم عن سيطرة الشماليين )
اتكلم عن الجوع والمجاعة
اتكلم عن الايدز
و
و
و
اها قصرت معاك
اديتك قائمة من المواضيع تهمك اكثر
من مواضيع دولة السودان لتكتب عنها
والبيت من زجاج .. يمسك حجارتو عليهو
شوف حالك وخلينا فى حالنا
العكلته شنو
عالم ما تختشى
عندك قائمة من البلاوى اعلاه
وعامل لينا مصلح اجتماعى لى
مشاكل بلدنا ..
عالج مشاكل بلدك اول
وبعد تقضى منها ويبقى ما عندك شغلة
تعال لى مشاكلنا
وصحى الاختشو ماتو
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Artiga Gilani)
|
المؤسف أن شركـة التوظيف (مكتب أبو جمال) هى شـركة ســـودانية.. وظهـر الان انها تعمل فى مجال القـوادة والشـرمطـة.. ومكتب أبو جمال مسجل فى وزارة العمل ومرخص له بتصدير العمالة
السـودانية للخليج (وربما غير الخليج).. ولذلك لا نستطيع ان نمسك أى شئ ضـد الكويت.. حيقول ليك دى شركتكم الوطنيـة ما لنا دعوة بيها..
مكتب ابو جمال يجب ان يحذف من قائمـة الوزارة ويسحب ترخيصـه.. ويحاسب على الإعلان، ويجب التحقيق فى كل نشاطاته السابقـة ومتابعـة حالات من ارسلهـم بالفعل.
الموظف فى الوزارة الذى وقع على الإعلان وصادق على نشـره يجب ان يحاكم أيضـا بالتواظؤ مع مكتب أبو جمال.
جريدة الإنتباهـة يجب ان يحقق معها ايضـا لتبيان ملابسات النشر وكيف مـر على المحررين ورئيس التحرير ومندوب الأمن الذى يؤول ويفسر الحروف وليس الكلمات فقط.
لقـد طفـح الكيل. كل شئ فى السـودان صار قابلا للبيـع حتى المواطن.
| |
|
|
|
|
|
|
|
|
 Re: الإستخدام الخارجي بوزارة التنمية البشرية يجيز إعلاناً يروج للرق ال (Re: فرح الطاهر ابو روضة)
|
الأخ ابو الريش .. دبايوا ..
كتبت:
Quote: مكتب ابو جمال يجب ان يحذف من قائمـة الوزارة ويسحب ترخيصـه.. ويحاسب على الإعلان، ويجب التحقيق فى كل نشاطاته السابقـة ومتابعـة حالات من ارسلهـم بالفعل.
الموظف فى الوزارة الذى وقع على الإعلان وصادق على نشـره يجب ان يحاكم أيضـا بالتواظؤ مع مكتب أبو جمال.
جريدة الإنتباهـة يجب ان يحقق معها ايضـا لتبيان ملابسات النشر وكيف مـر على المحررين ورئيس التحرير ومندوب الأمن الذى يؤول ويفسر الحروف وليس الكلمات فقط. |
كلامك جميل بالتأكيد .. وده المفروض يحصل بالظبط .. لكن وين ... ممكن في أيِّ دولة تانية غير السودان (للأسف) ..
إنت بتتكلم عن دولة فاضلة .. المسؤولين فيها قلوبهم على الوطن والمواطن .. وده عكس الحاصل في السودان تماماً ..
المساءلة والمحاسبة .. والعقاب .. دي مبادئ عفى عليها الزمان في السودان .. ما عادت موجودة في السودان الحالي ..
بل على العكس .. المخطئ من المسؤولين .. بيترقى وتتم مكافأته .. ويتنقل لحتة تانية يبدأ فيها من جديد ممارسة فساده ..
الإعلان ده .. دليل واضح على مستوى التردي والإنحطاط الوصلت ليه البلد بسبب المسؤولين الإنت بتطالب بمحاسبتهم ..
دي دعارة مقننة يا أبو الريش .. وتحت رعاية وسمع وبصر المسؤولين .. وإمكن بمشاركة منهم كمان بغرض التكسب الحرام ..
والإنتباهة صحيفة تابعة للحكومة .. وبتمثلها .. وتتكلم بإسمها .. والإعلان صادر من وزارة حكومية .. فضل شنو تاني ..؟؟
وكلو على حساب سمعة وشرف وكرامة المرأة السودانية .. سليلة مهيرة والكنداكة ... وا أسفااااااي على السودان ..
اللهم لا نسألك رد القضاء .. ولكن نسألك اللطف فيه ... ولا حول ولا قوة إلاَّ بالله ...
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Artiga Gilani)
|
Quote:
هو نفس خط الانتباهه سيئة السمعة ...لكن ما وريتنا قاصدين شنو ب ( للجنس اللطيف فقط) وفعلا يقصدون الكلمة ..
ثانيا الصور ال من الراس للكرعين دي اول مرة نسمع بيها ...دة شنو دة ..بالله يا ناس الطيب ..وزياله ...
ثالثا ..قصدهم وش ابيض وكرعين سود ما دايرين ...
ياهو الفضل علينا ...وباقي المعني واضح ... |
الأخ أحمد محمد أحمد عتيق.
الأنتباهة أنفضحت وتعرت للناس تماما، أعتذارهم لن يفيدهم في شئ.
هذا هو خطهم وهذا هي سياستهم العنصرية التي يتبعونها.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
دينق سلامات.
جد انا اعتقد دى جزء من الصراع الداخلى لمنظومة الكيزان و الحقيقة هى ان كثيرين اتضرروا من خطاب هذه الجريدة. مرض البشير و اعلان عن عدم ترشحه فى الانتخابات القادمة جزء من المعادلة و فى ظنى دى pay back , لا سيما و ان دور الطيب مصطفى قد انتهى بانفصال الجنوب. ما تنسى ان قوش و جماعة الانقلاب عندهم اتباع داخل مؤسسات الكيزان. دى عمل ناس محترفة و الرسالة موجهه لطيب مصطفى و جماعتو to watch out.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: النذير حجازي)
|
Quote: دينق تحياتي
يا دينق ود الباوقة وصاحبو ديل انا طرحت عليهم اسئلة بعد دقو صدورم وقالو بجاوبو
الجماعة شردو من البوست نهائي . شفت الجبن دا يا دينق
خليهم في حالم ياخ ديل كيسم فاضي
بعدين مسألة زي دي هم ما بفهموها ليك احتمال كبير يقولوا ليك ديل مجاهدات
اصلو الجهاد في زمن الانقاذ تطور واخد اشكال كتييرة منها الجهاد في المال العام
ومنها الجهاد في الكذب والتضليل في المنابر ووسائل الاعلام
ديل المجاهدين يا دينق خليهم عليك الله
ديل في سبيل القرش والله يبيعوا اي شي
اييييي شي
تحياتي يا دينق |
هيثم غالي.
سلامات.
ود الباوقة وصاحبو محمد المسلمي أتعودو عل النفاق وعلى التطبيل لنظام الإنقاذ الفاشي المجرم.
ومثل هذه البوستات بتصيب عقولهم الخربة بلوثة. أنظر الى رد فعلهم في هذا البوست والى مداخلاتهم جيدا وسوف تعرفهم على حقيقتهم. والمضحك هو كل واحد فيهم معطي الأخر لقب(شيخ ومجاهد) وده قمة النفاق والتدليس الفارغ لبعضهم البعض.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Zakaria Joseph)
|
Quote: المؤسف أن شركـة التوظيف (مكتب أبو جمال) هى شـركة ســـودانية.. وظهـر الان انها تعمل فى مجال القـوادة والشـرمطـة.. ومكتب أبو جمال مسجل فى وزارة العمل ومرخص له بتصدير العمالة
السـودانية للخليج (وربما غير الخليج).. ولذلك لا نستطيع ان نمسك أى شئ ضـد الكويت.. حيقول ليك دى شركتكم الوطنيـة ما لنا دعوة بيها..
مكتب ابو جمال يجب ان يحذف من قائمـة الوزارة ويسحب ترخيصـه.. ويحاسب على الإعلان، ويجب التحقيق فى كل نشاطاته السابقـة ومتابعـة حالات من ارسلهـم بالفعل.
الموظف فى الوزارة الذى وقع على الإعلان وصادق على نشـره يجب ان يحاكم أيضـا بالتواظؤ مع مكتب أبو جمال.
جريدة الإنتباهـة يجب ان يحقق معها ايضـا لتبيان ملابسات النشر وكيف مـر على المحررين ورئيس التحرير ومندوب الأمن الذى يؤول ويفسر الحروف وليس الكلمات فقط.
لقـد طفـح الكيل. كل شئ فى السـودان صار قابلا للبيـع حتى المواطن. |
شكرا الباشمهندس أبو الريش, بالضبط كما قلت
السيد Artiga Gilani
يا بلدياتنا مشكلتك شنو مع حبيبنا دينق؟
عيب منك والله البتعمل فيهو ده, عيب كبير؟؟؟
دينق جنوب سوداني وسوداني غصبا عن أنف ناس الباوقة والطيب مصطفي
راجل أكثر وطنية وقومية أكبر منكم كلكم,...الإنفصال ده حاجة سياسية بس
لكن ما بيخلي السودان للمقرفين من أمثال الطيب مصطفي.....
يا أخي إنتو وناس الباوقة مفروض تختشوا, الراجل يفضح ليكم أقذار المفسدين
بدل ما تدينوهم, تدينوا دينق, عيببب كده!
لا فض فوك يا دينق ولا عاش شانئوك ولا حاسدوك!
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Adrob abubakr)
|
بسم الله الرحمن الرحيم
الاخ / ادروب ابوبكر
Quote: السيد Artiga Gilani
يا بلدياتنا مشكلتك شنو مع حبيبنا دينق؟
عيب منك والله البتعمل فيهو ده, عيب كبير؟؟؟
دينق جنوب سوداني وسوداني غصبا عن أنف ناس الباوقة والطيب مصطفي
راجل أكثر وطنية وقومية أكبر منكم كلكم,...الإنفصال ده حاجة سياسية بس
لكن ما بيخلي السودان للمقرفين من أمثال الطيب مصطفي.....
يا أخي إنتو وناس الباوقة مفروض تختشوا, الراجل يفضح ليكم أقذار المفسدين
بدل ما تدينوهم, تدينوا دينق, عيببب كده!
|
انت جيت متأخر عشان كده ما عرفت انو
هى مشكلتو معاى شنو ولا مشكلتى معاهو شنو
ولو كنت متابع كنت عرفت انو انا ما تعديت عليهو
وهو بداها معاى بدون ادنى اسباب وحتى صنفنى
ونشر بيانات شخصية عنى بدون ما اذكرو وده كان
من اول مشاركة لى ...
يبقى الموضوع مشكلتو معاى شنو .. مش مشكلتى معاهو شنو
وهو بهاجم الناس ويصنفهم زى ما عايز بدون ما يكون للامر
علاقة بالبوست المفتوح ويهرب فى الاخر .. وطالما هو لاقى
اناس مثلكم بدافعو عنو بدون معرفة فحا يواصل فى نفس النهج
لذلك قبل ما تدلو بدلوك فى الامر وتحدد انو عيب علينا ولا لا
حقو تكون منصف وتبدأ من الاول وتعرف السبب ومين البادى
وبعد داك تعال قول لينا عيب ولا ما عيب .. بس ما تجى فى
الشوط التانى وبدون ما تعرف اللاعب منو والنتيجة شنو تشجع
ساى .
سودانى واكثر وطنية مننا دى حاجة جديدة وما مفهومة يعنى بكده
الزول دا بقى متعدد جنسيات ( سودانى وجنوب سودانى وامريكى )
بعدين وين المعيار الخلاك تقول انو اكثر منى وطنية وهو من بلد وانا
من بلد اخر .. ومقياس الوطنية العندك دا اداك كم درجة لى انا وكم درجة
ليهو هو ..
اما(اقذار) المفسدين ديل فى ستين بوست مفتوح بخصوصهم من سودانيين
ومافى زول بقبل القذارة مهما كان مصدرها .. وبدل يفضح لينا ( اقذارنا )
الاصلاً فضحوها ناس غيرو بنتمو للسودان .. خلى يكون عندو مصداقية
ويتكلم عن ( اقذار دولتو ) ويختار من القائمة الاديتا ليهو زى ما يحب ...
والله عيب عليك انت الجاى تطبل وما عارف الحاصل شنو وبكده بتكون انطباعى
وتابع .. لانك حكمت بدون اطلاع ومعرفة ...
الله هونينى
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: مصعب عوض الكريم علي)
|
Quote: الذكاء وسرعة الفهم
يعني يفهمن الزبون من النظرة بس
............
ود الباوقة ..هيع .. انا اخوك يالسرة ..لو محلك بجيب
الزبالة الاسمها مجازا الصحيفة وبولع فيها وبنزلا لي دينق
هنا دة مصورة عشان يعرف حاجة .
دينق سلامات |
الأخ منتصر صلاح.
سلامات.
أنا كنت مفتكر أخونا ود الباوقة ده زول قبلو حار وما ح يرضى بالحصل ده ح يفتح ليهو كم بوست كده يدين فيه هذا الأعلان، ولكن يبدو أن المعايش جبارة. وود الباوقة لسه ما كمل بناءعماراته في السودان.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
ألحق يا دينق، السفارة السودانية في الكويت متورطة في موضوع التعـرصة دا:Quote: تقدم له عدد خمس عشرة فتاة، مؤهلات وفق المعايير المطلوبة ..
أبو جمال : المواصفات صادقت عليها السُلطات الكويتية والسفارة السودانية.
الأخبار - أخبار السودان
في اتصال هاتفي بصاحب مكتب أبو جمال للاستخدام ويدعى علي عبدالحميد، والذي نشر إعلاناً باحدي الصحف واعتبره الرأي العام السوداني خارقاً للقيم، حيث أكد بأن الشركة التي طلبت
الفتيات بالمواصفات المذكورة في الإعلان تُسمى «شركة فيزا للسفر والسياحة»، وهي كويتية.. وأن نفس هذه المواصفات صادقت عليها السُلطات الكويتية والسفارة السودانية بالكويت.. وباعتباري وكيلاً سلمت بدوري نسخة من هذه الشروط إلى وزارة تنمية الموارد البشرية والعمل، وعندما تمت الموافقة له ومنح إذن بالنشر في الصحيفة وجد فيها الشروط ناقصة واتصل بإحدى الموظفات بالوزارة والتي ذكرت له بأن لديك إذن بالنشر يمكنك وضع مواصفات كما تريد، وأكد أنه حتى الآن تقدم له عدد خمس عشرة فتاة، مؤهلات وفق المعايير المطلوبة، لكنه بعد هذه الضجة سيعتذر عن ذلك وعنده كل المستندات المؤيدة للإجراءات التي قام بها.
|
http://sudanmotion.com/news/3-sudan-news/8171...-03-25-04-41-22.html
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
Quote: حبيبنا دينق الكيزان باعوا الارض والان داخلين على بيع العرض واكيد ديل حاجتين دونهم الروح
والدم لاى انسان شريف بقض النظر عن دينه واكيد دين الكيزان معروف وعبادتهم للمال اى كان مصدره
لذا فمن غير المستغرب مثل هذه الاعلانات وشكلنا حا نشوف منهم الكثير المثير ... اذلهم الله كيزان النحس |
حببنا نور الدين عثمان.
سلامات.
الكيزان لا أخلاق لهم أبدا وهم من أجل البقاء على كراسي السلطة مستعدين أن يبيعون كل شئ، ولا حدود لهم في ذلك أبدا.
ديل ناس ما عندهم أي وزاع في حياتهم أبدا.
| |
|
|
|
|
|
|
|
|
|
Re: الإستخدام الخارجي بوزارة التنمية البشرية يجيز إعلاناً يروج للرق ال (Re: Deng)
|
بسم الله الرحمن الرحيم
دينق
Quote: الأخ Adrob abubakr
سلام وتحية.
المدعوArtiga Gilani كوز وهو يعمل بشركة جياد الكيزانية، وخطه في هذا المنبر واضح جدا.
أنه يدافع على هذا النظام رغم محاولاته الفاشلة في أخفاء ذلك. |
اذا ما عندك مصداقية وماعايز تتكلم فى القائمة الذكرتها ليك وعملت نايم منها
( وكنت عارف انك ما تتطرق ليها بسبب عدم المصداقية )
فارجو ان لا تزج باسمى فى اى مداخلة تخصك .. واذا كنت صاحب مصداقية
ورينا رايك فيها وممكن بعد داك يكون فى حوار ..
Quote: بسم الله الرحمن الرحيم
دينق
خليك فى حالك
وشوف بلاويك البقى غادى
وحاول تنتقدا
وخلى لينا بلاوينا انحنا بنقدر
عليها .. ووكت تغلبنا بنكلمك
تجى تحلها لينا ...
اتكلم عن مليارات البترول الراحت لجيوب
قائمة ال 75 ..
اتكلم عن صفقة الذرة
اتكلم عن الحرب العرقية ( الحمدلله الما بقينا عنصريين برانا )
اتكلم عن فساد الحركة الشعبية
اتكلم عن سيطرة الدينكا ( زى ما بتتكلم عن سيطرة الشماليين )
اتكلم عن الجوع والمجاعة
اتكلم عن الايدز
و
و
و
اها قصرت معاك
اديتك قائمة من المواضيع تهمك اكثر
من مواضيع دولة السودان لتكتب عنها
والبيت من زجاج .. يمسك حجارتو عليهو
شوف حالك وخلينا فى حالنا
العكلته شنو
عالم ما تختشى
|
ده الحد الفاصل بينى وبينك
اذا عندك حديث عن اللائحة اعلاه فحبابك
غير كده لا تزكرنى ولن ازكرك بخير او شر
والاختشو ماتو
| |
|
|
|
|
|
|
| |
Deng
اسماعيل عبد الله محمد
محمد المسلمي
سرالختم عباس
منتصر صلاح
محمد بابكر محمد
نور الدين عثمان
النذير حجازي
أشرف الرحال
Abdlaziz Eisa
Artiga Gilani
Abureesh
فرح الطاهر ابو روضة
عبد الله كسلا
Zakaria Joseph
فيس بوك
تويتر
انستقرام
يوتيوب
بنتيريست