|
|
 ناس كندا ومنصور المفتاح طمنونا علي النصري أمين
|
النصري أمين إبن بيت المال والهلالابي المطبوع
صديق جميل من زمن أجمل. نقي السريرة دائم الضحك والإبتسام يشيع الفرح والبهجة اينما حل
رغم تفرقنا في دروب الحياة منذ أكتر من 20 سنة وبعد حادث حركة مؤلم تعرض له النصري ومجموعة من الأصدقاء ونجيت أنا منه بأعجوبة كان آخر عهدنا ببعض
يمم كل منا شطر منفاه الإختياري وبقيت بينا ذكري جميلة وبعض إتصالات تلفونية متقطعة
ولكن يأبي الزمن إلا وأن يجمعنا في هذا الحوش الجميل وكان النصري فاكهة نضرة من فواكه المنبر ينفع ولا يضر
أفتقد حضوره في المنبر منذ فترة خاصة حصلت عكات وكتاحات كتيرة بدءا من عاصفة إنتقال هيثم مصطفي للمريخ وبعدها معارك البندر والبطل التي أقامت المنبر ولم تقعده والنصري لم يظهر
هل أدخله برد كندا وجليدها في بيات شتوي!
أتمني أن يكون بخير والمانع مشغوليات دنيا فقط
|
|
 
|
|
|
|
|
|
|
|
Re: ناس كندا ومنصور المفتاح طمنونا علي النصري أمين (Re: الزبير صالح الزبير)
|
وكت الزول دا بخير وصحة جيدة عدم الرؤيا هين (:
كان قطب هلالابي متعصب. عارف يالزبير أتذكر في سنة 1991 كنا لاعبين كورة في الباقير أنا والنصري لاعبين دفاع والفريق التاني من منطقة قري الباقير والجزيرة وكان عندهم ولد حريف جدا جهجهنا ليك وطبعا إتغلبنا. المهم بكرة ألاقيليك النصري سايق الولد ومعاهم زفة سألتو الحاصل شنو قال ماشين نسجلو في الهلال
| |
|
|
|
|
|
|
|
|
|
Re: ناس كندا ومنصور المفتاح طمنونا علي النصري أمين (Re: أسامة البلال)
|
النصري لاعب كورة ؟
يا زول قول كلام غير!!!!!!!
دة زمن الدراسة في الكلية كان لمن يطلع الفصل في الطابق الاول كان بالاول بيشرب كباية ليمون ويتابط جك موية في اليمين وهو طالع ومعاهو البشكير في ايدو الشمال لزوم قش العرق
عموما النصري هذة الايام يشتكي من لعبة اطفال كدة قال بيدرب ولدو عليها ومجنناهو
| |
|
|
|
|
|
|
|
|
|
Re: ناس كندا ومنصور المفتاح طمنونا علي النصري أمين (Re: أسامة البلال)
|
Quote: هل أدخله برد كندا وجليدها في بيات شتوي!
أتمني أن يكون بخير والمانع مشغوليات دنيا فقط |
العزيز اسامة لك تحياتي
كنت مع العزيز النصري امس في منزله
هو بخير و اسرته و سألته عن سبب غيابه من المنبر
قال عاوز ياخد راحة كم سنة كدة رددت في نفسي راحة يوم يومين
شهر شهرين معقولة لكن كم سنة كدة دي كتيره شوية
حقيقة ما كنت عارف انه هلالابي متعصب
اتمني ان يعيده هذا البوست لنا قلماً كما عرفناه ذو حكمة لا تخلو من
فكاهة و سخريه ............
لك الشكر علي السؤال و ناس كندا حاضرين يا اسامة
بس انت أطلب لك و لمن معك الود
حاشية
منصور ده المحتاج لي اجازة ... ربنا يديه الصحة
| |
|
|
|
|
|
|
|
|
Re: ناس كندا ومنصور المفتاح طمنونا علي النصري أمين (Re: Hamid Elsawi)
|
السلام ورحمة الله يا بلال لك ولمن معك والأخ النصرى مازال كما كان سابقا طيب
القلب يمتلئ عاطفة كما الأطفال وأخ أخوان عند اللزوم نعم يقيم بمدينة كالقرى
وأسرته وهو فى أحسن حالاته وسيأتيك بذات نفسه وسيتواصل معك وهو متوفر أكثر
فى الفيس بوك فقل يا قوقل يأتيك به كما قصر بلقيس وسأخبره بسؤالك عنه ولكن
النصيحه لله عنوانك د رأيته الثالثه صباحا وفزعت قبل أقرأ محتواه ياخ فرحتك
بالحصول على أسباب الوصول إليه أخرجت ذلك العنوان المخيف حقيقة لأهله ومعارفه
ولكن الله غالب وتحياتى لك والسلام
منصور
| |
|
|
|
|
|
|
|
|
|
Re: ناس كندا ومنصور المفتاح طمنونا علي النصري أمين (Re: غباشي)
|
أسامه فيك الخير يا اخي
وحياتك انا ذاتي ساله عنه
ولما لمحت عنوانك كنت ناويه ادخل اقول لك زرزر (اسمارتي) و (العوض)
يكونوا مسؤلين من طفشته(جروهوا لك في التريد ميل لما قطعوا نفسه)(هههههههههه)!
مشتاقين يا النصري يا اخوي
وبركه الانت طيب....النبي فيك اتحول للاسكايب لانه بيمكنك تستخدم الترد ميل وتناضم اهلك
ما الفيس بوك لانه طباعه بيغطش حجرك وبيشحمك!
وما تنسي (ال كوكير) بتاع اسمارتي.....بينفع صدقني.....الا عازماك فسيخ يودي في داهيه
وبشربوت ابن ستين ك ل ب ههههههههههه عشان اوريك الريجم الجد! هههههههه!
اسامه ما تتشهي معانا ولا انت يا غباشي ده محن كنديه بس ههههههههه!
| |
|
|
|
|
|
|
| |
أسامة البلال
الزبير صالح الزبير
smart_ana2001
Nagat Sid Ahmed Elshiekh
Hamid Elsawi
munswor almophtah
غباشي
Tragie Mustafa
فيس بوك
تويتر
انستقرام
يوتيوب
بنتيريست