|
|
|
 Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: شمس الدين التوم)
|
سلام الاخ شمس الدين
اذكر في منتصف التسعينات ...انو جزء من اولاد الشهادة العربية كان بحكي قصص اصبحت مجال للتندر والضحك بين الطلاب
مثلا حكاوي مثل ( ابوي دقه السعودي ....و اشياء من هذا القبيل ) و برضوا تجد انوا بعض المغربيين كثير الوعود لاهله في السودان بدون اي تنفيذ لما يقول فيتهم بالكذب
لكن اعتقد ان هذه النظرة السلبية للمغربين و اولادهم قلت شديد.....
| |
 
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: شمس الدين التوم)
|
Quote: الت احد النسوان حين ما سألوها ما رايح السعودية
انا السعوديه اعمل بيها اية أنا بيضاء وسمينه وأولادي قليل ادب وراجلي كضاب
السوأل هل هذه صوره المغتريبن في المجتمع السوداني وا صافهم ؟ |
الصياغة ركيكه كدا ماله ...
اولادي قليلين ادب .
عشان نفهم كويس ..
والله قلة الادب قد تكون في بعض الاسر والسبب الاساسي يرجع لقفلت الاطفال في الشقق ..
لكن راجلي كضاب دي نهائي ما انبلعت لي ..
انحنا لو كضابين كان شلنا لينا سبحة و شنطة تمكنا وكترنا من الله اكبر وما في داعي كان نفوت بلدنا ..
cut out
والله العظيم ما عندك موضوع هسي دا موضوع ترهق بي الباندودث حق بكري يا اخي ..
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: شمس الدين التوم)
|
شمس الدين
اولا ليس كل ما يقال في الحياة العادية او ما يقابلنا من تراهات تكتب في المنابر العامة
ثانيا هذة قد تكون ( ان صحت ) نظرة احادية نتيجة تجربة محددة
ثالثا انت بتقول انك مغترب ومعاك عيالك هل قابلتك هذة النظرة او هذا الراي قبل هذا ؟
النقطة ثالثا دي تحديدا اجابة لتساؤلك حول هل هذة هي النظرة للمغترب السوداني بالسعودية داخل المجتمع السوداني
في مواضيع كتيرة ممكن تكتب فيها فخليك من قالو وقلنا
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: شمس الدين التوم)
|
شمس الدين سلامات ..
Quote: قالت احد النسوان حين ما سألوها ما رايح السعودية
انا السعوديه اعمل بيها اية أنا بيضاء وسمينه وأولادي قليل ادب وراجلي كضاب
السوأل هل هذه صوره المغتريبن في المجتمع السوداني وا صافهم ؟ |
عندي احساس الكلام ده كان مكتوب بغير العربية وتم ترجمته بقوقل للعربية ..
ثانيا ياشمس الدين لاباس من الحوار في قلة ادب اولاد المغتربين ورجالهم الكضابين .
لكن قصة مره سمينة وبيضاء دي يقولوا فيها شنو ويناقشوها كيف ؟
السمن متين بقى سلوك سيئ عشان يناقش ؟!!
انت جادي ؟!!
تحياتي ،،
| |
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: شمس الدين التوم)
|
شمس الدين سلام
سمن نسوان المغتربين وقلة ادب شفعهم وما قيل عن الكذب خليهو جانب.
نصيحه ليك انت جديد في المنبر ليك 434 مشاركة والناس هنا انطباعيين عشان ما تكون موصوف زي بعض الاخوة ما تشوت ضفاري .
أسأل قدر امكانياتك.
ما طرحته هنا ليس بسؤال بل اساءة في اطار خبيث لشريحه كبيرة من السودانيين الذين استجارو بالغربة من بطش عصابة المؤتمر الوطني
وفي اكثر احصائية قبل عام2000 غالبية المغتربين هم من طالتهم مقصات الصالح العام وفائض العمالة ثم بعد ذلك أتت ظروف عدم التكيف مع الواقع بالسودان وعدم توفر الوظائف بالدولة الي للمنتسبين للنظام.
ثم ماذا ؟؟؟؟؟
انهيار للخدمة المدنية هروب الكفاءات ....
هل تعتقد بان هؤلاء المغتربين الذين باغترابهم حصل شرخ في الخدمات بالمصالح الحكومية والمستشفيات وغيرها نتيجة هجرة الكفاءات بوصفهم كذابين.
حرام عليك يا ود الناس !!!!!!
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: امجد محمد الأمين)
|
أم تنام حتى منتصف الظهر وتضع حلة الغدا في النار الساعة اثنين بعد الظهر .. لا تشوف الشمس ولا تسمع بيها .. ماذا تتوقع النتيجة ..
أب يحضر من الدوام بعد صلاة العشاء ليجمع الغداء والعشاء جمع تأخير فتجد الصينيه فيها ملاح البامية والفول بزيت السمسم جمبا الى جمب .ز
واطفال لا يرون والدهم الا الصباح عند التوصيل للمدارس .. وامهم بالليل تساهر في المسلسلات .. وتجلس معهم العصر فقط فترة التسميع وجداول الضرب والضرب ,و
فامذا تتوقع النتيجة .ز
قطعة ارض في السودان بدأ فيها البناء بطمع الزوجه عايزاها عمارة اربعة طوابق زي حقت ناس فلانه .. خلصت كل المدخرات فقد لتجعلها اشبه بالطربيزة المقلوبة لا هي قطعة ارض يمكن اعادة بيعها وشراء بينت جاهز بثمنها في ام ضرويه .. ولا هي بيت يتسكن او يتأجر ..
تقول لي شنو وتقول لي منو
علي باليمين نحن كضابين وحريمنا سمان وبيض واولادنا قليلين ادب والتنقد محل رهيفة ... انتو حلوها لينا من هناك المشكلة ما من هنا
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: درديري كباشي)
|
Quote: أم تنام حتى منتصف الظهر وتضع حلة الغدا في النار الساعة اثنين بعد الظهر .. لا تشوف الشمس ولا تسمع بيها .. ماذا تتوقع النتيجة ..
أب يحضر من الدوام بعد صلاة العشاء ليجمع الغداء والعشاء جمع تأخير فتجد الصينيه فيها ملاح البامية والفول بزيت السمسم جمبا الى جمب .ز
واطفال لا يرون والدهم الا الصباح عند التوصيل للمدارس .. وامهم بالليل تساهر في المسلسلات .. وتجلس معهم العصر فقط فترة التسميع وجداول الضرب والضرب ,و
فامذا تتوقع النتيجة .ز
قطعة ارض في السودان بدأ فيها البناء بطمع الزوجه عايزاها عمارة اربعة طوابق زي حقت ناس فلانه .. خلصت كل المدخرات فقد لتجعلها اشبه بالطربيزة المقلوبة لا هي قطعة ارض يمكن اعادة بيعها وشراء بينت جاهز بثمنها في ام ضرويه .. ولا هي بيت يتسكن او يتأجر ..
تقول لي شنو وتقول لي منو
علي باليمين نحن كضابين وحريمنا سمان وبيض واولادنا قليلين ادب والتنقد محل رهيفة ... انتو حلوها لينا من هناك المشكلة ما من هنا |
الكباشي مشتاقين كيفنك ياللخو مشتاقين عليمو الله المابعرف يقول فول بالزيت والباميه بالجنبه
القاها منهوم ول من ابو الكاف ووزير العمل الاغتراب عندو ضريبه مؤكد فوقا حاجات سالبه وعشان
كدي اتمنيت من الله ولادتي كلها تجي بنات
من ناحيه تانيه كبا لينا قصة المكوجي عشان يآمنو وغربتنا دي ابديه يااخوي بي سكنت مقابرا
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: درديري كباشي)
|
تحياتي شمس الدين
التعميم في مثل هذه الصفات هو تعميم مُخِل بلا شك
فالكذب عند الرجال وقلة أدب الأولاد وزيادة حجم الزوجات كلها صفات ممكن تكون في الوطن أو في أي بقعة من العالم حيث ننتشر إنتشار النار في الهشيم.
ولكن :
هناك صفة يمكن أن نعممها على المغتربين في الخليج ، ألا وهي عدم متابعة الأولاد وخاصة عند الذهاب للحفلات ، أو خلال عطلات المدارس وعطلات نهاية الأسبوع.
والأمثلة كثيرة ، والبعض يعزوها لإنشغال الآباء بالعمل وهموم الغربة وهواجس العودة ، والأمهات يقع عليهن دور كبير ولكن للأسف الأمور منفلتة إلا من رحم الله.
تخريمة : البياض والسمنة بالطبع ليس من أسباب الهجرة خارج السودان، لأن الصفتين أسبابهما الآن موجودة بعدة طرق
دمتم
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: ابو جهينة)
|
Quote: قالت احد النسوان حين ما سألوها ما رايح السعودية
انا السعوديه اعمل بيها اية أنا بيضاء وسمينه وأولادي قليل ادب وراجلي كضاب
السوأل هل هذه صوره المغتريبن في المجتمع السوداني وا صافهم ؟ |
| Quote: عندي احساس الكلام ده كان مكتوب بغير العربية وتم ترجمته بقوقل للعربية .. |
ياخي قطعتا مصاريني ياود القاضي لي زمن ماضحكتا كده
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: فايزودالقاضي)
|
بهذه المناسبه السعيده ممكن اهدى نكته :
.....................................
واحدة جات اجازة من الاغتراب .. جو الجيران يسلمو عليها ..
واحده ظريفة كده .. وعفوية .. واثناء ما ماشه تسلم عليها كانت بتكلم فى روحها (ما شاء الله جات سمينه وبيضاء)
اها لما وصلتها ومدت يدها تسلم عليها
قالت ليها (بركه الجيتو .. بيضييين )
وقصدها بركه الجيتو طيبين
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: حامد بدري)
|
Quote: عباس الدسيس كيفنك لعلك عافيه طبعا اتا ابونا في الاغتراب
نحنا الجينا وراكوم ديل بدقونا لوووووووووووووووول
كويس الواحد لقاك اتا والبشاري والكباشي كان حصل دكشمان
الاونلاين تنجدونا |
أووووووووو حبينا حامد اخبارك يا وجيه
نشد من ازرك ونقف خلفك ونضرب العابثين بيد من حديد.
مفترع مستفز بصورة غريبه تعرف زي حكاية الزول الضرب لي ود عمو المغترب اسلم عليهو وود عمو زوجتو معاهم في السودان .
بعد حق الله بق الله والسلام والتحايا وكيف معاكم الشغل والاغتراب ...
المغترب جاء الورد عليهو لرد التحية والسلام والسؤال عن الاحوال قال لي ودعمو:
انشاءالله تكونو كويسين اخباركم شنو في السودان ؟؟؟؟؟؟
ود عمو رد ليهو والله تمام شغالين تجكس نسوان مغتربين نقوم من دي ونقع في دي
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: عباس الدسيس)
|
والله نلمها من هنا تنقده من هنا يعني نحن ناقصين كلام زي دا
جارنا واحد في العمارة المقابلانا شغال محاسب في رمضان وحتى قريب الحج انا حساب ليهو 7 ضيوف من نسوان لرجال جاين
من القريه قاعدين معاهو راجين الحج ، دخلهم مكة من جدة تهريب دفع لاي واحد منهم 200 ريال وقال ليهم انا بلحقكم بحججكم
قبل الحج بكم يوم لقيت ليك حافلة كوستر واقفة قدام العمارة وقلت ليهو الحافلة دي بتاعت منو قال لي عاوز عاوز اتدرب عليها اكتر عشان
احجج بيها الحجاج لانهم مابقدرو يتنقلوا لكبر سنهم ، وهكذا دواليك كل سنه حاجي بواحد او اتين لغاية ما قصر من تربية اولاده تربوا كدا جارين
وسط الضيوف لاعندهم خصوصية ولا غرف خاصة و لا بطانية خاصة . الزي دا كتير كلما يتصل عليهو صديق او جار مابقدر يكسر خاطروا يقول ليهو
حاضر طوالي ماعندك مشكلة وهو يأمل ان الظروف تتغير ويبسط كل واحد و لكنها لم تتغير حتى قصر في حق اولاده و آخر جزاته يكتب هناك كذاباً ، بعد هذه
السنين الطويلة يتفاجأ بان العمر مشى ويرجع لبلده فاضي الوفاض فياتي من سبق وان احسن اليه ويقول لغيروا شوف دا قاعد سنينو دي كلها في السعودية ما استفاد حاجة .
كريم احمر
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: عباس الدسيس)
|
الأخ عباس الدسيس...ال بيسمعك في المحاضرة الأولى لصاحب البوست..ما يسمع كلامك ده| Quote: ود عمو رد ليهو والله تمام شغالين تجكس نسوان مغتربين نقوم من دي ونقع في دي |
______
هو قال كلامو في شكل ونسة واستفهام ...وانت جبت كلام اسوأ منو ...كلام خادش و يطعن في شرف المغتربين و زوجاتهم ...لكن في شكل نكتة ...اها االفرق بينك و بينو شنو؟... أراك اتيت بأسوأ من كلامو ..وما في زول من الجماعة ال ندّموا الراجل على كلامو جا قال ليك عيب...حسبي الله و نعم الوكيل
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: صديق_ضرار)
|
Quote: انا ضد التعميم طبعا لانو ما كل المغتربين كده لكن ده ما بنفي انو في ظواهر ذي دي كتيرة و منتشرة وانا شخصيا بعرف اكتر من حالة
مغتربين سابوا زوجاتهم و راهم في السودان و زوجاتهم بوراهم عملوا شققهم شقق مفروشة وافعال يعف لساني عن ذكرها
غير كده في منهن من بتقسم القروش البحولها ليها زوجها بتقسمها لحبيبها وتصرف عليه.
في واحد متزوج اتنين ومسكن كل واحدة في شقة اها الاتنين كل واحدة عملت ليها حبيب لما قبضن
قال ليهم ل...ي انا البحول ليكن القروش عشان توزعنهن علي حبايبكن.
بس ذي ما قلت انا ضد التعميم لانو ذي مافي نسوان كده في نسوان كمان في قمة العفاف
عموما انا ضد ان يتزوج رجل امرأة ويسافر و يتركها لوحدها |
هداك الله يا أخى ...
الإنحراف والإنحلال ليس له علاقة بالمال ولا غياب الزوج أو الأب ...
فالبعض ينحرف حتى فى وجود الزوج والأب والسياج العالية ...
الكتابة فى منبر عام مسئولية ورمى الكلام على عواهنه حمق ما بعده حمق ...
ننط من شمس الدين نقع فى عباس ...
نزوغ من عباس ...
نقع في فى محمد صديق ...
دى مصيبة شنو دى ...
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: أمير عثمان)
|
Quote: هداك الله يا أخى ...
الإنحراف والإنحلال ليس له علاقة بالمال ولا غياب الزوج أو الأب ...
فالبعض ينحرف حتى فى وجود الزوج والأب والسياج العالية ...
الكتابة فى منبر عام مسئولية ورمى الكلام على عواهنه حمق ما بعده حمق ...
ننط من شمس الدين نقع فى عباس ...
نزوغ من عباس ...
نقع في فى محمد صديق ...
دى مصيبة شنو دى ... |
امييين يارب
يهدينا جميعا
شكلك ما قريت كلامي كويس او ما فهمتو انا اول كلمة قلت انا ضد التعميم
وقلت ذي ما في كده في العكس كمان
انا بتكلم عن صورة بدت تتشكل في المجتمع ولو عندك احتكاك قوي بمجتمع الشباب في السودان
حاتلقى انو دي الصورة السائدة في اذهانهم رغم اختلافي الشخصي معاها
وعارف انو دي ما قاعدة ثابتة و مربوطة بالاغتراب بس
بس دي الصورة اللي بدت تنتشر و تتشكل للاسف
ما جبتها انا من عندي
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: Mohammed Sedeq)
|
المغترب السوداني مفروض يعملوا ليهو نصب تذكاري في مدخل مطار الخرطوم زي بتاع الجندي المجهول
من كترة التضحية لمن بقي ضحية وزي الشمعة يحترق لينعم الآخرين
من الثمانينات من القرن الماضي ودخول السودان في الضائقة الاقتصادية الما مرق منها لي يوم الليلة. كان المغترب هو طوق النجاة لمعظم الاسر
للأسف نحن شعب جاحد وشيال حال وما عندنا في ثقافة الشكر وتقدير الظروف إلا من رحم ربي. غايتو المغترب لو طلع من غير لوم يكون أما قصر تب.
| |
|
|
|
|
|
|
|
|
|
Re: قالت امرأة (أنا بيضاء وسمينه وأولادي قليل ادب وراجلي كضاب ) (Re: وضاحة)
|
Quote: الزي دا كتير كلما يتصل عليهو صديق او جار مابقدر يكسر خاطروا يقول ليهو
حاضر طوالي ماعندك مشكلة وهو يأمل ان الظروف تتغير ويبسط كل واحد و لكنها لم تتغير حتى قصر في حق اولاده و آخر جزاته يكتب هناك كذاباً ، بعد هذه
السنين الطويلة يتفاجأ بان العمر مشى ويرجع لبلده فاضي الوفاض فياتي من سبق وان احسن اليه ويقول لغيروا شوف دا قاعد سنينو دي كلها في السعودية ما استفاد حاجة . |
لا حولاا أحزنتي الجزئية دى الاخ احمد ودي حقيقة وربنا يكون في عونكم وعون الجميع ..
| |
|
|
|
|
|
|
| |
شمس الدين التوم
حسين ديقول
مدثر صديق
الزبير صالح الزبير
عماد قريش
بدرالدين الطائف
فايزودالقاضي
حامد بدري
عباس الدسيس
ابو جهينة
عبد الله عبد العزيز
الشفيع وراق عبد الرحمن
وضاح عبدالرحمن جابر
HAIDER ALZAIN
عبدالكريم الاحمر
عبد الله فقير
محمد البشرى الخضر
محمد محمود محمد
Mohammed Sedeq
أمير عثمان
أسامة البلال
وضاحة
Nagat Sid Ahmed Elshiekh
سيف النصر محي الدين
فيس بوك
تويتر
انستقرام
يوتيوب
بنتيريست