|
|
 يا جماعة في أبيخ من الجرسون البجيك طابق الرغيف في أباطو
|
بحكي صديق عن رحلتو التجارية لباكستان .
وبحكي عن وجع مصارينو .
..
قال : الجرسون جاهم طابق الرغيف في أباطو
هو قايل أباطو ده أباط كيم كارداشيان ؟؟؟؟؟؟؟؟؟؟؟؟
الجرسون ده مجنون ؟
قال : صاحبو المعاو في المطعم قال ليه : ده الرغيف القالوا عليه
الطابق البوخة قام ندا يهتف نام من الدوخة وأصلو هالكني لا لا لا تم تتم تم تتم .
|
|
  
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: Osman Musa)
|
Quote: قال : الجرسون جاهم طابق الرغيف في أباطو
هو قايل أباطو ده أباط كيم كارداشيان ؟؟؟؟؟؟؟؟؟؟؟؟
الجرسون ده مجنون ؟
قال : صاحبو المعاو في المطعم قال ليه : ده الرغيف القالوا عليه
الطابق البوخة قام ندا يهتف نام من الدوخة وأصلو هالكني لا لا لا تم تتم تم تتم . |
هههههههههههه
عِتمان ود موسى سلااام مشتاقين
قلتي كيف ؟
الرغيف طابق البوخّا
ونزل من أباطو
مكرمش من الدوخة
وتاني ههههههههههههه
لكن صدقني بكون حلو لو ما شفتو
وين بلد يا جميل
تحياتي ومودتي
| |
|
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: نادر الفضلى)
|
بمناسبة الأباط (الإبط)
زمان وقت الناس كانوا يدافروا ويتعافروا في مكتب العمل وينوموا لصباح اليوم التاني عشان يقدروا ينجزوا معمالاتهم.
أخونا ( إسكونس) يا زول راجل فتوة وجسمو ما شاء الله بات ليك في مكتب العمل والفصل كان صيفا وحر يشوي، أخونا لامن جاهو الدور ووصل الشباك كان طابق أوراقه ومستنداته الرسمية في أباطو زي أخونا الجرسون. أها لامن الموظف طلب منه الأوراق ، قام صاحبنا مداها ليهو مبلولة التقول داقاها مطرة، أها لامن فتحها لقاها زي البخرة العطاننها في موية حرف واحد ما فيها، اتمسحت جت. الموظف قعد يضحك ضحك شديد وقال ليهو ياخي أوراقك اتمسحت. قال ليهو واعمل شنو؟ قال ليهو تحضر أوراق جديدة. قعد إسكونس يصفق في إيديهو ويردد والله دي مشكلة، قام خرج من الصف عكران وزهجان واتلفت على الموظف وقال ليهو إنعل أ ... وأبو الإغتراب ومن ديك وعيك لا إغتراب ولا يحزنون
| |
|
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: Osman Musa)
|
Quote:
جرسون مطعم مدينة لاهور |
ياعثمان لاهور البعيدة ديك؟
أنا ومعاي تلاتة أنفار في العربية.. مسافرين في واحد من الطرق المتَّجهة
من الخرطوم للأقاليم(منعاً للزعل ما حنذكر الأسم).. الساعة بِقت
اطناشر طقَّتنا جوعة كاربة، وصلنا (حِتَّه) المطاعم مع الظلط..يا زول
أقول ليك نزلنا دايخين من الجوع..قعدنا جانا جرسون لابس مريله يكون
ليها شهرين ما اتغسلت.....قال : عندنا كباب ، كمونيه، شية ضان، كوارع ،
بلدي بام رقيقة، بلدي باميه مفروكه..... قلنالو بسسسسسسسس ، ستة بلدي
بالمفروكة، وتلاتة شيَّه..بس اسرع لينا يا اللخو..... يا زوووووول سفَّتو
دُقار لوري!........ ارمي سته بلدي باميه مفروكه، تلاته شيَّة ضان يا..
ونحن ننتظلر على أحر من الجمر ..الجرسون جاب البلدي في صحن التقول صحن
تشطيف.... تجَّ الصحن قِدَّامنا السفة وقعت جوّه الصحن!
شِنْ نَسَو يا عثمان ود موسى ...ؤ نحن ناس مريوقين؟؟؟؟؟
| |
|
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: محمد فضل الله المكى)
|
عزيزنا ود المكي
سلامات
سفة عديل ؟؟
كان يا ود المكي تقع السندوتشات .
عليك الله شوف شتارة الجرسون ده كيف .
...
عندنا جماعة برضو نزلوا من اللوري السفري ودخلوا القهوة للفطور .
القهوة كانت من سعف الدوم والسقف من الجريد والتبس . علي شارع الزلط .
أها يا ود المكي وأحد فيهم قعدتو كدي وملصتو للمركوب تقوم تطقو ليك عقرب .
ياخ الزول شخر لامن كان داير يموت ..
عقرب خلا ..
...
بس الجماعة ديك قالوا جرسون مطعم لاهور أحسن منو عقرب الخلا . ههههههههها
| |
|
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: محمد فضل الله المكى)
|
Quote: Quote:
شِنْ نَسَو يا عثمان ود موسى ...ؤ نحن ناس مريوقين؟؟؟؟؟ |
واللهِ يا عثمان ماااااا قُتْ بلقاك ؤ بكلّمك!
بابكر ود اللمين قام لا فوق ؤ غرز إيدو في الكِسرة (لفّتين) ؤ قَلَع السفّه!.. ؤ رماها
للك ل ب الراقِد تِحت المغسلة!!
ؤ تاني غرز إيدو في الصحن دردملو لُقمه ، جَدَعَه في حلقو وقال : الداير ياكُل ياكُل
الما داير على كيفو! .. شُفتو ليكم جنازة شايلِنّها قالوا كَتَلَته سفّه؟؟
عثمان اخوي الباقي خَلّو...... مااااااااا كُنّا مريوقين!!
| |
|
|
|
|
|
|
|
|
|
Re: يا جماعة في أبيخ من الجرسون البجيك طابق الرغيف في أباطو (Re: Osman Musa)
|
ألأخ/عثمان..السلام عليكم.
طبعاً مافى شك طريقة مقرفة وغير مقبولة ..ولكن هل نستفيد نحن من هذا السلوك السلبى فى حياتنا..نحن ألأن سخرنا من هذا الشخص وهناك منا من يفعل أسوء من ذلك..
تقديرى وإحترامى للحميع.
______________________________________________________________
كثير من الناس لا يلاحظ أن فينا من يضع سفت الصعود أو يمسح أنفه بيده ويصافح ألأخر. أو يخرج من الحمام ولا يغسل يده بالصابون.
| |
|
|
|
|
|
|
|
| |
Osman Musa
ولياب
معتصم احمد صالح
عبداللطيف شريف على
بله محمد الفاضل
Abd Alla Elhabib
وضاح عبدالرحمن جابر
خالد علي محجوب المنسي
علي محمد الفكي
رحمه فضل المولى عجك
جمال ود القوز
إسحاق بله الأمين
محمد فضل الله المكى
saidahmed shami
مجدي كنة
محمد محمود محمد
محمد يوسف طه
Mohamed E. Seliaman
Osman Dongos
munswor almophtah
ismeil abbas
فيس بوك
تويتر
انستقرام
يوتيوب
بنتيريست