|
|
 اجييييييي يانجم الدين... الكوكي قال ليك كدي ....
|
والله امس شفنا قلب الطعميه زاااااتو
بالله الاعب لسه ماوصل نجم الدين يديهو ضهرو يعني عديل اقلبني وفتشني
يعني الواحد مايرموهو في اي خانه ويلعبها بس من اجل اللعب لازم يكون عندك وجهة نظر وانت اعلم بامكانياتك
والله امس شفقت جدا على نجم الدين التقول المدرب قاااااااااصدها
انتو موسى الزومه وين ياجماعه الزول دا لسه في كشف المريخ
الشي المحيرني ومحيرني جدا ناس سودانيز هنا بكشفوا الامتحان لكل مدرب
وحسب تعليقات الاخوان هنا في مشكله كبيره في وسط دفاع المريخ والطرف الايسر ودي مشكله ليها كم سنه
اها هسه دا ما امتحان مشكوف غايتو انا لو في محل المدربين لازم اكون متابع جيد لسودانيز اون لاين
( ما إلك الا سودانيز اون لاين )
زي ماحصل في توليف كثير من اللاعبين كان في الهلال ولا المريخ
ممكن تولف وتجرب في مباريات وديه وعندك فتره زمنية طافية تعمل خياراتك وتتحسب لكل الظروف
لكن تجي في مباراه مصيرته تولف دا يعتبر شغل عشوائي جدا ليس له علاقة بالمهنية والاحترافية
....
ولا باسكال دا في الحلقة الاخير طلع ابسط لاعب يمكن تراوغه
ولا علاء الدين كان قوي وعنيف وممتاز لكن تسبب في الهدف الاول
اتعلم حركات جديده الاعتذار والمثاليه مع الخصم قال شنو منتظرهم يطلعوا ليهو الكره خارج الملعب
ختفوها وقلبو بيها الزول المفروض هو مفروض يكون عامل ليهو دعم دائما وهو حبيبي نجم الدين
.
.
كابتن راجي ايضا تسبب في الهدف الثاني عمل حركه اصلا مافي ليها داعي
ماممكن تشيل الكره وتجري بيها طرف الملعب وتسلمها للخصم بكل بساطه
دي كورة شنو دي ياخ البلعبوها الاولاد ديل
.
.
حارسان لايطمنوني ابدا وهم المعز و اكرم حتى ولو شنو بالله المباراه كلها تتفرج وانت خاتي يدك في قلبك
.
.
مبروك يامريخاب على هذه النتيجه لان هدف امدرمان سوف يحرزه الجمهور
|
|
 
|
|
|
|
وليد عبد اللطيف
فيس بوك
تويتر
انستقرام
يوتيوب
بنتيريست