|
|
|
 Re: افيدونا : الدراسات العليا في السودان للمقيمين بالخارج (Re: أيمن محمود)
|
| Quote: أمشي السودان وسجل عادي زيك وزي أي زول في السودان ... نسق مع المشرف - امورك بتمشي لو اجتهدت |
ايمن محمود
شاكر ليك المداخلة ..
المشكلة انا لو قلت لمن اسافر السودان وامشي اسجل بنفسي ده موضوع طويل جدا .. اخر زيارة للسودان لقيت التسجيل انتهى .. معناه الانتظار الى موعد التسجيل القادم .
وانت تعرف المشغوليات وظروف العمل في الخارج والالتزامات ..
| |
 
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: مصعب عوض الكريم علي)
|
هذا رد من جامعة السودان المفتوحة على الايميل :
Quote: القبول للدكتوراه:
لابد للدارس من الحصول على:
1. درجة الماجستير في التخصص المراد، إلا في البرامج المدمجة.
2. درجة الماجستير في التخصص ذي صلة بالتخصص المراد ، مع مقررات تكميلية لابد من النجاح فيها.
3. مقابلة الطالب المقدم للدكتوراه بالأطروحة وحدها للجنة متخصصة توصي اللجنة بعدها مدي تأهله لإكمال بقية الإجراءات.
4. إحضار الطالب المقدم للدكتوراه بالأطروحة وحدها شهادة براءةٍ لموضوعه ، من أنه غير مسجل للبحث، أو لم يسبق بحثه، بأي جامعة أخري بالسودان في الأقل.
5. نشر ورقتين علميتين محكمتين قبل مناقشة رسالة الدكتوراه.
مدة الدراسة:
· الدكتوراة ( ثلاثة أعوام ) في الأقل.
رسوم التقديم 50 جنيه سودانى
الرسوم الدراسية 5000 جنيه سودانى
التقديم يتم من المراكز التعليمية المنتشرة فى جميع ولايات السودان او من داخل رئاسة الجامعة باركويت شارع عبيد ختم جوار القسم الشرقى |
مع العلم اخبرتهم باني خارج السودان . وسالت عن امكانية التقديم من الخارج .
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: نجاة محمد بابكر)
|
Quote: ممكن تسجل بالبحث عادى وفى اى وقت لكن لو نظامى بالمواعيد
فى كلية السودان للعلوم دى كلية للدراسات العليا فقط دبلوم عالى - ماجستير - دكتوراة التسجيل فى اى وقت
انت تجيب الدكتور بتاعك وفيها دكاترة من ماليزيا انا بديت معاهم الدكتوراة واقساطهم مريحة |
تقصدي اكاديمية السودان للعلوم ؟
امكانية التسجيل من خارجة السودان ممكنة ؟
نسال الله لك التوفيق.
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: مصعب عوض الكريم علي)
|
سلام مصعب..
طبعا الحاجه دي بتعتمد علي المجال بتاعك اول حاجه. اذا كان مجال ادبي فمعظم الجامعات التسجيل فيها بكون علي مدار العام.
المجال العلمي ممكن يتقسم الي نوعين:
1- دراسه علمية ما بتحتاج فيها لي معامل, بس جهاز حاسوب و انترنت و اشتراك في بعض الدوريات العلمية (رياضيات, فيزياء, حاسوب, احصاء)
النوع ده برضو ممكن تسجل في اوقت وفي اي جامعه بعد تلقي ليك مشرف وموضوع مناسب للدرجه العلمية.
2- دراسه علمية بتحتاج فيها لي معامل (احياء بكل فروعها, كيمياء وغيرو). طبعا النوع ده وجودك في السودان بكون مهم ولازم. لكن اذا بتقدر تشتغل
الجزء العملي بتاعك في المكان الانت هسه فيهو بكون كويس وممكن تسجل في اي جامعه في السودان وفي اي وقت بعد تلقي ليك مشرف وموضوع
مناسب للدرجه العلمية.
اي استفسار او مساعده طوالي انا تحت الخدمه
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: مصعب عوض الكريم علي)
|
الاخ الاستاذ مصعب
اولا وقبل كل شئ
القبول اربعه انواع فى غالبيه الجامعات السودانية للدراسات العليا ماجستير ودكتوراه بما فيها جامعه الخرطوم التى درست فيها انا شخصيا:
1. قبول لطالب سودانى مقيم بالسودان ويعمل بالسودان.
2. قبول لطالب سوداني مقيم بالسودان ولا يعمل.
3. قبول لطالب سودانى مقيم بالخارج .
4. قبول لطالب اجنبى.
الدكتوراه فى (95%) من الجامعات السودانية تكون بنظام (البحث) فى مدة (لاتقل) عن سنتين او ثلاثة سنوات فى بعض الجامعات ، ونظام البحث ده بيكون الطالب فى تواصل مع (الاستاذ المشرف) مباشره باى وسيله اتصال يتفق عليها بين الطالب والاستاذ ومطلوب من (الاستاذ المشرف) كتابه تقارير دورية للجامعه عن الطالب ، والطالب فى هذه الحاله علاقته بالجامعه بتكون محدودة جدا
الرسوم الجامعية تحديدا فى جامعه الخرطوم سنه (2005-2008) خلال فتره دراستى كان كالاتى :
1. طالب مقيم بالداخل ولايعمل (3.5) مليون جنيه سودانى ويمكن السداد على دفعات.
2. طالب سوداني بالداخل يعمل (5) مليون جنية سودانى على دفعات.
3. طالب سودانى بالخارج (9) مليون جنيه سوداني على دفعات.
4. طالب اجنبي (16) الف دولار ( ولازم بالعمله الاجنبيه) وعلى دفعات كذلك.
الاسعار دى يامصعب حتى سنه 2008م وفى قسم الادارة - دكتوراه - جامعه الخرطوم وعلى ذلك يمكنك القياس.
الماجستير فى (95%) من جامعات السودان بنظام الكورسات ومن ثم يكون هنالك بحث (تكميلي) فى نهايه العامين والتى هى مده الماجستير.
الرسوم طبعا اقل من الدكتوراه بطبيعه الحال.
الدكتوراه بيكون عاده مطلوب منك بعد الشهادات والوثائق وغيره مطلوب منك (خطة) او (مقترح) ( Proposal) تقدم للجامعه ويتم تداولها ضمن اجتماع مجلس الكليه المعنية وفيها يتم قبولها او لا ومن ثم يتم تحديد مشرف للطالب من داخل الاجتماع ما لم يكن للطالب استاذ مشرف متفق معه (صديق او قريب او غيره)
تحياتى وامنياتى بالتوفيق
د. محمد الهادي
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: محمد الهادى عبد الرحيم)
|
د. محمد الهادي تحياتي لك .
معلوماتك قيمة جدا ومفيدة .. مواقع الجامعات على الانترنت اقل ما توصف به انها (متواضعة) ولا تفيد بالمعلومة الكافية .
انا حصلت على الماجستير في القانون من جامعة الزعيم الازهري في 2009 وسافرت بعدها للسعودية .
الان اريد التسجيل للدكتوراة دون الذهاب الى السودان . ماهو الحل ؟
اذا عندك اي معلومات بشان التسجيل من الخارج ارجو تزويدنا بها ربنا يجعلها في ميزان حسناتك .
تحياتي لك مجددا
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: الهادي محمد ابراهيم)
|
Quote: مصعب ...سلامات
مصعب ...سلامات ياخي مادام انت في الاصل مقيما في الخارج! الدراسة في السودان داير بيها شنو. انا متأكدممكن تلقي خيار ممتاز خارج السودان يكون انفع علما و اقل تكلفة واسع اعترافا وقبولا من كثير مما هو متاح في السودان... واه يا بلد |
اهلا بيك يا راقي
الدراسة في الجامعات في الخارج مكلفة جدا .. وممكن تكون ما متاحة زى ما انت بتتصور .
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: محمد التاج)
|
اخ محمد التاج سلامات في الدراسات العليا اما ان يكون متفرغا كليا او جزئيا.. وهذا متاح في كل الجامعات في جنوب افريقيا...ويتوقف علي نوعية التخصص وموضوع البحث..وانا اظن ان الرسوم الدراسية معقولة مقارنة بالسودان والمعينات الدراسية التي توفرها الجامعات...تخيل مثلا طالب الدكتوراة بيدفع حوالي الفين دولار كرسوم دراسية في حين ان الجامعة تدفع لذات الطالب اكثر من ثلاثة الف دولار ليحضر مؤتمرا عالميا...فالجامعات بتنظر لطلاب الدراسات العليا بانهم مصدر مالي ضخم ليس مقابل رسومهم الدراسية بل لان الجامعات تتلقي دعما ماليا يصل الي حوالي 40 الف دولار من التعليم العالي مقابل اي طالب دكتوراة متخرج اضافة الاوراق العلمية التي ينشرها هؤلاء وما تجلبه من دعم مالي ايضا. لذلك تسهل الجامعات هنا فرص القبول للدراسات العليا. طبعا هذا لايعني انها تخرج اي كلام من الطلاب... فالجامعات هنا تحتل المركز الاول في افريقيا..
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: محمد التاج)
|
اخ محمد التاج سلامات في الدراسات العليا اما ان يكون متفرغا كليا او جزئيا.. وهذا متاح في كل الجامعات في جنوب افريقيا...ويتوقف علي نوعية التخصص وموضوع البحث..وانا اظن ان الرسوم الدراسية معقولة مقارنة بالسودان والمعينات الدراسية التي توفرها الجامعات...تخيل مثلا طالب الدكتوراة بيدفع حوالي الفين دولار كرسوم دراسية في حين ان الجامعة تدفع لذات الطالب اكثر من ثلاثة الف دولار ليحضر مؤتمرا عالميا...فالجامعات بتنظر لطلاب الدراسات العليا بانهم مصدر مالي ضخم ليس مقابل رسومهم الدراسية بل لان الجامعات تتلقي دعما ماليا يصل الي حوالي 40 الف دولار من التعليم العالي مقابل اي طالب دكتوراة متخرج اضافة الاوراق العلمية التي ينشرها هؤلاء وما تجلبه من دعم مالي ايضا. لذلك تسهل الجامعات هنا فرص القبول للدراسات العليا. طبعا هذا لايعني انها تخرج اي كلام من الطلاب... فالجامعات هنا تحتل المركز الاول في افريقيا..
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: الهادي محمد ابراهيم)
|
سلام الهادي
| Quote: في الدراسات العليا اما ان يكون متفرغا كليا او جزئيا.. وهذا متاح في كل الجامعات في جنوب افريقيا |
انا بتكلم عن "الدراسه عن بعد". بعدين "كل" الجامعات الجنوب افريقية عندها خيارين بس متفرغ تماما للدراسه
(شرط اساسي لبعض المجالات) او تفرغ جزئي مهما كان نوع التخصص.
Quote: فالجامعات بتنظر لطلاب الدراسات العليا بانهم مصدر مالي ضخم ليس مقابل رسومهم الدراسية بل لان الجامعات تتلقي دعما ماليا يصل الي
حوالي 40 الف دولار من التعليم العالي مقابل اي طالب دكتوراة متخرج |
الكلام ده بالنسبة للجامعات المدعومه من الحكومة الجنوب افريقية. وهي ليست بكثيره..
وحتي الدعم البتتحصل عليهو الجامعة من الحكومة بكون بشروط. اقلاها النشر في مجلات علمية محكمة وعندها Impact factor عالي.
| Quote: لذلك تسهل الجامعات هنا فرص القبول للدراسات العليا |
القبول ما ساهل في كل في الجامعات الجنوب افريقية .
وفي بعض التخصصات يمكن يكون مستحيل :(
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: Kostawi)
|
الاستاذ كوستاوى (هجام)
تحياتى
علاقتك بالمغفور له الاخ (ياسر هجام) شنو
هو برضو من ابناء كوستي ودفعه فى الدراسة
يعني لمن تقولوا 9 مليون جنيه سوداني بتقصدوا شنو
ناس الإنترنيت بقولوا واحد مليون جنيه سوداني بيعادل 441,123.49$
المبالغ التى ذكرتها اكيد (بالقديم)
والله ناس الحكومة ديل حيرونا يوم قديم والليله جديد وبكره قديم
المهم الـ (9) مليون دى اكيد بالقديم
بعدين ايه حكايه واحد مليون جنيه سوداني بيعادل 441,123.49$
عندى واحد مليون جنيه سوداني داير لى دولارات ارسلها لك ورسل لى 441.123.49 دولار !!!!
تقديرى واحتراي
د. محمد الهادي
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: محمد التاج)
|
Quote: سلام مصعب
اول حاجه مفروض تفكر فيها مقترح الدراسه (Proposal),تاني حاجه وصي ليك واحد من السودان يسحب ليك استمارة التسجيل,
وبرضو يرسل ليك اي وسلية اتصال بالمشرفين الممكن يشرفو عليك (دي بتكون حاجه سهله جدا اذا انت عندك خطه او مقترح للدراسه).
الكلام ده بالنسبه لجامعة النيلين وجامعات تانيه برضو |
محمد التاج كلامك تمام وخطوة كويسة .. انشاء الله نبدأ بداية صحيحة . شكرا ليك
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: مصعب عوض الكريم علي)
|
| Quote: د. محمد الهادي تحياتي لك . معلوماتك قيمة جدا ومفيدة .. مواقع الجامعات على الانترنت اقل ما توصف به انها (متواضعة) ولا تفيد بالمعلومة الكافية . انا حصلت على الماجستير في القانون من جامعة الزعيم الازهري في 2009 وسافرت بعدها للسعودية . الان اريد التسجيل للدكتوراة دون الذهاب الى السودان . ماهو الحل ؟ اذا عندك اي معلومات بشان التسجيل من الخارج ارجو تزويدنا بها ربنا يجعلها في ميزان حسناتك . تحياتي لك مجددا |
الأخ مصعب --- لو أنت في الرياض ---- راجع الملحقية الإقتصادية التابعة للسفارة السودانية موقعها في العليا في الإتجاه الشرقي من تقاطع شارع خريص مع شارع العليا العام ، بالغمكان إمتحان البورد السوداني للأطباء PART1 --- PART 2--- والإنتساب للجامعات السودانية ... والدراسات العليا ....
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: ahmedona)
|
| Quote: الأخ مصعب --- لو أنت في الرياض ---- راجع الملحقية الإقتصادية التابعة للسفارة السودانية موقعها في العليا في الإتجاه الشرقي من تقاطع شارع خريص مع شارع العليا العام ، بالغمكان إمتحان البورد السوداني للأطباء PART1 --- PART 2--- والإنتساب للجامعات السودانية ... والدراسات العليا .... |
ممكن توصيف دقيق للمكان اكون شاكر ليك . انا قريب من المكان ده بالمناسبة .
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: نجاة محمد بابكر)
|
الاستاذه نجاة
انتى ذكرتى فى مداخلتك (كليه السودان للعلوم)
والاخ مصعب سألك فى مداخلته عن (اكاديمية السودان للعلوم)
هل هى كليه السودان للعلوم ام اكاديمية السودان للعلوم ارجو التحديد
وهل لها علاقه بــ (اكاديمية السودان للعلوم الادارية) والتى اعرف انهااى اكاديمية السودان للعلوم الادارية لاتمنح درجات دراسات عليا بل من اهدافها التطوير الادارى بالتدريب والبحوث والاستشارات وما شابه والله اعلم.
تقديرى وتشكراتي
د.محمد الهادى
| |
|
|
|
|
|
|
|
|
|
Re: افيدونا : الدراسات العليا في السودان للمقيمين بالخارج (Re: محمد الهادى عبد الرحيم)
|
محمد تاج سلامات معظم الجامعات الجنوب افريقية تتلقي دعما حكوميا راجع التقرير السنوي للعام 2012 للتعليم العالي. The high impact factor is not an issue as long as the journal is ISI recognized. اتفق معك في ان بعض التخصصات للقبول بها صعبا مثل التخصصات الطبية لكن معظم التخصصات سهلة بمجردة حصول الفرد علي معادلة وتقييم الشهادات. قد يكون الامر معقدا في كيب تاون ولكن في معظم الجامعات الاخري هو اسهل مما تتصور. ولعل تزايد اعداد الدارسيين من السودان في العشرة سنوات الاخيرة خير شاهد. نشكرك وتقبل تحياتي واحترامي
| |
|
|
|
|
|
|
| |
أيمن محمود
نجاة محمد بابكر
محمد الهادى عبد الرحيم
الهادي محمد ابراهيم
أحمد قلوب
Kostawi
ahmedona
فيس بوك
تويتر
انستقرام
يوتيوب
بنتيريست