|
سيتأهل الهلال..ويتبدل الحديث.. قون تراوري يفرق!!
|
بمشيئة الله و عزيمة الجمهور لا اللاعبين سيعود الهلال في المباراة القادمة ..ويتأهل لدور ال16.. كورتنا السودانية كورة نفسية في المقام الأول والأخير ..لا تحكمها قواعد ولا ثوابت ..لا يحكمها مدرب ولا لاعب ولا إداري.. متأكد بنسبة 200% إن شاء الله بتأهل الهلال ..وبصراحة سبب تأكدي وبناء على النفسية هو قون تراوري الواحد ده ..القون ده ح يفرق كتييير مع الهلال وحيعيدو للجو التنافسي.. الكورة عايزة 3 أقوان ..ما حا أقول هلال ناساروا ليست ببعيدة لكن بقول الهلال والأهلي المصري ..الشوط الأول صفر - صفر الشوط التاني 3 -صفر.. القصة قصة نفسية وكورتنا كده وعقليتنا كده .. بعيداً من المستويات والخصم والمباراة الفاتت وبعييداً من حنك مباراة القمة هي السبب والإتحاد هو السبب وكلنا يعلم الهلال رفض التأجيل وكلنا يعلم إننا من هللنا وكبرنا لأنها مباراة إعدادية حقييقية للتنافس الافريقي..
الهلال ح يعود إن شاء الله و حتتغير الكتابات ونعود لي مربع الصفر في الحوارات والجدليات في محاولة لتشريح وفهم كورتنا .. انا مصر إلحاحاً كورتنا ليست للفهم والنقد وليست للدراسة ومعرفة اسباب تدهورها من تطورها.. كورتنا قضاء وقدر وعلينا نتعامل معاها كده ..
|
|
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: عمر الفاروق)
|
Quote: بمشيئة الله و عزيمة الجمهور لا اللاعبين سيعود الهلال في المباراة القادمة ..ويتأهل لدور ال16.. كورتنا السودانية كورة نفسية في المقام الأول والأخير ..لا تحكمها قواعد ولا ثوابت ..لا يحكمها مدرب ولا لاعب ولا إداري.. متأكد بنسبة 200% إن شاء الله بتأهل الهلال ..وبصراحة سبب تأكدي وبناء على النفسية هو قون تراوري الواحد ده ..القون ده ح يفرق كتييير مع الهلال وحيعيدو للجو التنافسي.. الكورة عايزة 3 أقوان ..ما حا أقول هلال ناساروا ليست ببعيدة لكن بقول الهلال والأهلي المصري ..الشوط الأول صفر - صفر الشوط التاني 3 -صفر.. القصة قصة نفسية وكورتنا كده وعقليتنا كده .. بعيداً من المستويات والخصم والمباراة الفاتت وبعييداً من حنك مباراة القمة هي السبب والإتحاد هو السبب وكلنا يعلم الهلال رفض التأجيل وكلنا يعلم إننا من هللنا وكبرنا لأنها مباراة إعدادية حقييقية للتنافس الافريقي..
الهلال ح يعود إن شاء الله و حتتغير الكتابات ونعود لي مربع الصفر في الحوارات والجدليات في محاولة لتشريح وفهم كورتنا .. انا مصر إلحاحاً كورتنا ليست للفهم والنقد وليست للدراسة ومعرفة اسباب تدهورها من تطورها.. كورتنا قضاء وقدر وعلينا نتعامل معاها كده .. |
كدي آآآعمر النكبشر كلامك دا للتوثيق وكدي..
السنة الجاية زاتا قربت..فما تستعجلوا على رزقكم..
..
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: فايزودالقاضي)
|
ممكن جداً الهلال يتأهل يا عمر..
لكن المشكلة إنو حتى لو إتأهل ما حيمشي بعيد. والفضيحة في الأدوار القادمة ربما تكون بجلاجل..
بداية سيئة جداً وهزيمة عريضة من فريق ليس له أي تاريخ يذكر في المنافسات الأفريقية!! والمنافس القادم من شمال أفريقيا، والفرق الكبيرة ستكون في الإنتظار بدوري المجموعات. أحسن نلملم عفشنا ونتخارج من بدري علي الأقل الإحباط في الأدوار الأولى أفضل من إحباط النهايئات
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: صبري طه)
|
بالمناسبة وقبل التعقيب.. شاهدت الفريق الخصم في مباراة مع أسيك بثتها قوون قبل المباراة ..وعرفت من خلالها إنو الهلال ما ح يعود بي أيي نتيجة إيجابية بل كنت متأكد من نتيجة كارثية والكلام ده قلتو لي شباب في جلسة قبل المباراة بي يوم وإنو نحن شعب إحتفالي لا اكثر وبتشيلنا الهاشمية والمشكلة عادينا بيها الخواجات وانصاف المحترفين .. رصة الجمهور في ساحل العاج ..لبس الفريق..طريقة اللعب..كلام رئيس النادي كانت كفيلة بي إنها تأكد لي إنو الفريق ده زييينا كده بيتشحن وبيفوز بي قوة الدفع الأمامي ..
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: omer osman)
|
Quote: اكبر مشكلة حا تواجه لاعبي الهلال من مباراة اليوم
انو حا يحصل فاقد بير جدا في اللياقة البدنية
الهلال بذل لاعبيه مجهود خرافي .. ولسوء تخطيط الاتحاد العام
سيسافر الهلال مساء اليوم والساعة الواحد صباحا حا يكونوا في المطار
معناتا ماف نوم
من الميدان يستفوا الشنط وعلى المطار ساعتين في المطار وساعتين ونص في الطيارة والكنكشن ما معروف كم
يعني لاعبي الهلال ما حا يرتاحو الا بعد الساعة 12 بكره وفيها مباراة قوية جدا وسفر مرهق وسهر
نفس الكلام حا ينطبق على المريخ لكن بدرجة اقل لانو لاعبي الهلال .. ما قصروا في مباراة اليوم عكس لاعبي المريخ |
المصدر : وصدق ما قلناه وتوقعناه
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: عمر الفاروق)
|
Quote: المريخ افضل من الهلال في البدائل .... ومستوى البديل في المريخ مقارب لمستوى الاساسي
لذلك اعتقد ان المريخ سينجح في المنافسات الطويلة
اما الهلال فمستوى البديل فيه ضعيف جدا والفرقة كبيرة بين الاساسي والبديل
لذلك غالبا ما ينجح الهلال في مباريات المنافسة المباشرة ( هلال / مريخ ) لكنه لن ينجح في المنافسة الطويلة |
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: عمر الفاروق)
|
يا حاتم : انا ما من انصار خلونا نطير بدري الفرق الكبيرة راجية و و و.. كمان ما مقتنع بي قصة فريق مغمور و و و الاهلي شندي كان فريق مغمور للناس بس نحن هنا كنا شايفنو ومتابعنو فريق متطور.. كوننا ما متابعين البيحصل في فرق ساحل العاج لا يعفينا..
يا فايز يا قاضي.. أخوك أسة قاعد ليهو في حتة كلها جكس ماركة السعودية ..لو في شي بيحتاج لي دخلة الضل فياها الخلعة الانا فيها أسة دي :)
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: وليد محمد المبارك)
|
فريق الهلال هذا الموسم اعتمد علي الاعلام الكاذب والضال وعلي غير العادة في المواسم الماضية التي كان يباري الهلال فرقا لها وزنها ضمن برنامجه الاعدادي ..اعتمدت ادارة الهلال في هذا الموسم علي تغيييب وتخدير الجماهير عبر صحف البرير الثلاث (الهلال وعالم النجوم والموج الازرق) ولم يؤدي الفرييق اي مباراة اعداديه لها وزنها حتي اتت الطامة والتي ستكلف خزائن البرير الكثير
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: الصادق عز الدين)
|
شايف واحد من مجلس ادارة الهلال الليله داير يرمي الشماعة في المدرب من بدري بدري وبي كلو غباء صرح انو لو الهلال ما اتاهل حا نطرد المدرب ! ياها دي عقليتنا المخليانا راجعين كل موسم 10 مواسم ورا .. انا في محل المدرب دا العب بي الصف التالت واخلي الهلال يتغلب 4 صفر في امدرمان واشيل المليون دولار حقتي واكسح ..مشكلة كوتنا ادارية بحتة وعقليتنا الاداريه لو اتغيرت كوتنا حا تبقي طيش افريقيا في كل المنافسات
| |
|
|
|
|
|
|
Re: سيتأهل الهلال..ويتبدل الحديث.. قون تراوري يفرق!! (Re: Maawya Hussein)
|
ما بعيد يا أبو عمير عادي جدا ممكن الهلال يغلب الفريق العاجي تلاتة صفر في أم درمان ويتأهل الكورة السودانية رجالة ونفسيات .. لكن الاعتماد على الرجالة و النفسيات بس ما بجيب حاجة مع العالم المتطور دا الكورة السودانية عايزة مجهودات كبيرة وتضحيات أكبر عشان تصل ودا عايز ليهو وقت أظنو ح يطول شديد .
| |
|
|
|
|
|
|
|