|
*** لا هلال لا مريخ ,,, لا بطيخ ولا فسيخ ***
|
كلو وجع قلب وورم فشفاش , إنتهت الرياضة كما إنتهى البلد كلو الصحة في الروح الحلوة ما لقوها ! وييين تتلقي في البدن والرياضة بالله ما تملونا فقر ساااي !!! خلاص وداعا ,, من الليلة هدا طرفي ما لازماني اي مكاواة من علوج المريخ المعتتين زعيمهم المصوفن ود القاضي ,, كرهني الموبايل والواتس آب والرسائل زاتها ,, شاحدة الله ورسول مكة يسرقوا تلفونك وتقعد تتلفت زي طير الرهو وقريبي العريبي ود البشاري ,, الله لا بارك في يوما سواك مريخابي والسمبرية المزعمطة حبيب نورا وكل من لف طواقيهم يمنع منعا باتا دخول كل من هارون دياب والفاتح الجنيد محارباكم كلكم ما تتكلموا معاي
ومحاربة ومقاطعة مقاطعة كااااملة كابتن المريخ عمر العلمين خوة فرتق يا عمر ..
انا برشلووووووووووووووووووووووونة وبس الحاضر يكلم الغائب
|
|
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: طارق جبريل)
|
Quote: قلنا يا بت الجنيد بس كلام القصير ما بيتسمع. |
ود الطائف حبابك يابا والله إنت الفيهم ,, صدقت يا خوي انا غايتو رفعت الشعار ده معاك تب من الليلة ,, والله صحي
تسلم يا خوي وود جبرين ده خلو انا البقدر عليه اصبر لي بخلي يحاحي هسه بالفريق
حبابك من تاني ود الطائف
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: طارق حرسي)
|
سلام يابت الجنيد\
العزاء دا يومين ولا ثلاثة ولا أربعـــــــــــــــــــــة قالوا اي حاجة في السودان ماشه زائدة
كويس في تطور من خمسات بقـــت أربعات
ابقوا عشرة على غارزيتو دا مع التطور
وياحليلك ياسادومبا في الخرطوم البجيب ليكم اقوان منـــو؟؟؟؟؟؟؟
مع تحياتي والجاتكم في هلالكم سامحتــكم
أبومصطفى
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: keiga2000)
|
Quote:
كاااااااااااااااااااااااااااااااااااااااااااك حي وووووووب حي وووووووووب |
تكاكي زي ديك السرة البكشنو في بصلتو
وتحاحي بيك امونة بتها ما تكسر ليها عدتها قوم انكشح الليلة بتكاكي بكرة بتجي تعوعي
ود الطائف انساه ود جبرين ده بكرة بلبد فد لبدة والله تكوس ليه شهر ما يجي حايم في حوش بكري ده بتمسكو جضمارة وبتخليه بالحيط يتدبأ ويتضارا
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: اسماء الجنيد)
|
ود البشاري شيل هكرتك دي ووفرها لي بكرة انا خايفة بكرة نجيب ليكم 7خ ومحل تودوا وشيكم ما تعرفوا
دحين إت والحكم طارق حرسي ده اخيرلكم تتخارجوا بالتي هي احسن
عارف يا طارق يدك الرفعها بالاربعة دي بكرة بنحننها ليك بي اصابعها الخمسة إن شاء الله والعديلة مني . اها شنو ليك .. قرقر ساااي
اما إنت يا ابو مصطفي غييييييييييب وتعال تلقانا نحن يانا نحن لكن لومك علي بكرة بإذن الله ما حانكون ليك نحن اليانا نحن بننتظركم بالطشاطة جمب الباب وارجو الراجيكم
السلام ليك يا ابو مصطفي وعبرك لكل العقاب
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: اسماء الجنيد)
|
كاااااااااااااااااااااااااااااااااااااااااااااااااااااااااااك هعهعهعهعهعهعهعهع والله تعرفي انا كنت مشغول شغلانية ولا فتحت نيت ولا تلفزيون ولا رادي عشان كور الهلال دي أصلاً مفروض يجيبوها في الروادي بس لكن ماك طالباني حليفة قبل شوية جيت طاير وفاكّي الزراير وقلت الأستاذ أبو الهل ده يا ربي بكون أخد الحبتين زي ما حلمت ؟ أتاريني كتذرت المحلبية في الحلم وصاحبنا ربّعولوا القيد
ياخ ده أجمل خبر سمعتو في الألفية الجديدة دي الله يمرضكم حمام ميت هسه الواحد يودّي وشو وين في المحافل الدولية ، والله عمليتكم ده هلال طابت الشيخ عبد المحمود ما يعملها
كااااااااااااااااااااااااااااااااااااااك
مع تحيات السمبرية المزعمطة
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: حمزاوي)
|
هلا يا سوما
الهلال والمريــــــخ
في الذكرى والتاريخ
=====================
مرضان معديان مستعصيان وحالتهما ميئوسة منه .
الواضح الما فاضح نحن ما عندنا كورة وصراحة اللاعب السوداني مستواه بعيد جداً من اللعب الحديث ، لكننا نضيع وقتنا في النفخ على قربة مقدودة .
ويا حمزاوي
مسكاقنا
القبل الأربعة أخير من عجائب الدنيا السبعة .
| |
|
|
|
|
|
|
Re: *** لا هلال لا مريخ ,,, لا بطيخ ولا فسيخ *** (Re: haroon diyab)
|
Quote: كاااااااااااااااااااااااااااااااااااااااااااااااااااااااااااك هعهعهعهعهعهعهعهع والله تعرفي انا كنت مشغول شغلانية ولا فتحت نيت ولا تلفزيون ولا رادي عشان كور الهلال دي أصلاً مفروض يجيبوها في الروادي بس لكن ماك طالباني حليفة قبل شوية جيت طاير وفاكّي الزراير وقلت الأستاذ أبو الهل ده يا ربي بكون أخد الحبتين زي ما حلمت ؟ أتاريني كتذرت المحلبية في الحلم وصاحبنا ربّعولوا القيد
ياخ ده أجمل خبر سمعتو في الألفية الجديدة دي الله يمرضكم حمام ميت هسه الواحد يودّي وشو وين في المحافل الدولية ، والله عمليتكم ده هلال طابت الشيخ عبد المحمود ما يعملها
كااااااااااااااااااااااااااااااااااااااك
مع تحيات السمبرية المزعمطة
|
كويس إنك عارف نفسك سمبرية ومزعمطة
بعد شوية ببقى ليك مر ومصفر , يعني بي صريح العبارة علقم و هضمو قاسي دحين الإستعجال ما كويس والله
بعدين بضيقها عليك بي هنا وبي هناك في الفيس ,,
قوم لف
| |
|
|
|
|
|
|
|