|
|
|
 Re: الخرطوم بجنوب السودان وسلفاكير رئيسا لجنوب أفريقيا (صحف مصرية).. (Re: Haju Muktar)
|
ديسمبر 91 زرتا القاهرة مع خالي رحمه الله
دار الحوار التالي داخل تكس
- الإخوة مي السودان
- أيوة
- أهلاً بيكو في بلدكو، دا أحنا و السودانيين أكتر من أخوات و الله
بس اليومين دول الظاهر الدنيا مكركبا عندكو، ولّ أنا غلطان؟
البشير دا راقل طيب أوي بس الترابي دا حكاية ..
بعد شوية دخل في كم موضوع و ما كان عندنا أي مزاج للكلام ..
خالي إتضايق من نقتو لما برانا بي مصر و السياحة و الأمة العربية و كم موضوع كدا ..
فقال ليهو: تعرف نحنا ممكن نقطع منكم الموية.
سواق التكس: طب و إيه يعني؟ محنا عندنا النيل!!
**********
على سلامات
| |
 
|
|
|
|
|
|
|
|
Re: الخرطوم بجنوب السودان وسلفاكير رئيسا لجنوب أفريقيا (صحف مصرية).. (Re: ناذر محمد الخليفة)
|
| Quote: واخدة بالك من ناسكو يا أسماء الحسيني !! |
سلام ـ
ذكرتني حكاية واحد عنده حمارين ـ واحد ابيض والتاني اسود.
الأسود انطلق من مربطه ووقع في حقل البرسيم دهس.
صاحب الحمارين جاء وقع ليك في الحمار المربوط(الأبيض )خبت شديد.
مر به جاره ـ
الجار: يازول مالك علي الحمار تضرب المربوط ولا الإنطلق؟
صاحب الحمار: إنت ماك عارفو ده كان انطلق أظرط من رفيقو.
ــــــــــــــــــ
هسع اسما الجنيد سوت شنو؟
| |
|
|
|
|
|
|
|
|
|
Re: الخرطوم بجنوب السودان وسلفاكير رئيسا لجنوب أفريقيا (صحف مصرية).. (Re: ناذر محمد الخليفة)
|
سلام يا علي زين العابدين
و تحياتي للجميع هنا ..
ياجماعة ما تعصروا علي الناس ديل اهو قدر قدرتهم بعدين يا ناس الجماعة ديل من الاستقلال عندهم 3 دكتاتوريات حاكمة
زايد النظام العالمي المضخمهم و مديهم ال(برنجي) لخدمة مصالحو من خلال موازناته في الشرق الأوسط و افريقيا .
ف بالله كووووول مع الناس ديت
اسمعوا الحوار دا كان بيني و بين مسؤول كبيييير داخل مركز الأهرام للدرسات الإستراتيجية و مختص في القضايا الأفريقية
كمان :-
هو :- تعرف يأ استاذ سُوفيان الإنقاذ ديا شاطرة آوي
أنا:- كيف يعني؟
هو :- ديت عملت إتفائية نيفاشا و حلت مشكلة القنوب و اهو كدا بآلها مشكلة دار فوور و إقليم الصومال .
طبعاً اخوكم رفض يندهش نهائي و بسرعه فكرته (انا صغيراً جداً في العمر مقابل عمر أبو الهول القدامي دا
ولو قلته ليهو كلامك دا ما صاح و قعدته اغالطو انو الصومال دي ما عندها علاقة بالسودان حيطلعني فارة
وهمي سااااي و مابعرف حاجة) ورديت :-
بس يا أستاذ........ عندنا مشكلة صغيرة تانية و اضح انك نسيتها!
هو :- أيه هي؟
أنا:- مشكلة جزيرة حنيش.
هو بسرعه:- أأه جزيرة حنيش انا فعلاً نسيتها .
ازيدكم ؟
اها رايكم شنو كل المثقفين المصريين بيزعلو لما اقول ليهم مصر احتلت السودان مع الاتراك ؟
| |
|
|
|
|
|
|
|
|
Re: الخرطوم بجنوب السودان وسلفاكير رئيسا لجنوب أفريقيا (صحف مصرية).. (Re: Zakaria Joseph)
|
عندنا في الشركة مصريين كتار شغالين .. واحدين كبار في السن متفلهمين جدا واحد منهم جا السودان جديد وهو مُصر انو ما طلع من مصر لأنو السودان جزء من مصر والاستعمار هو الفصل بين الدولتين وانو السودان حا يرجع لي مصر رجالة حسنة !!
قلت ليهو هل تعلم انو قبل كدة السودان احتل مصر من غير اي مساعدة خارجية زي العملتوها انتو ؟!
أندهش جدا قال لي متين الكلام دا ؟ قلت ليهو زماااااااااان قبل ألاف السنين عندنا ملك اسمو بعنخي سمع انو ملك مصر ما بيعامل الحصين معاملة كويسة وبيجوعا وما بيحترما طوالي زعل وقاد جيش عرمرم احتل مصر كلها بسبب الحصين بس !!
الراجل بيعاين لي مندهش وما داير يغالط في شي ما بيعرفو وداير يتخارج قام فجأة اتلفت يمين وشمال وقال :
وانا أاول مما قيت السودان مش شايف عندكو حصين كتيرة لييه ! اتاريهو الملك بتاعنا كاوش عليها كلها من زمان !!
| |
|
|
|
|
|
|
| |
على زين العابدين
rani
Haju Muktar
طاهر قرشي
كمال عكود
ناذر محمد الخليفة
عبدالعزيز الفاضلابى
سفيان بشير نابرى
Zakaria Joseph
فيس بوك
تويتر
انستقرام
يوتيوب
بنتيريست