|
|
 الزوجة باعت مولد الكهرباء فماذا يكون الزوج يوسف طاهر قد فعل ؟
|
عندما اصدر والى الشمالية قرارا باعفاء المهندس يوسف طاهر من منصبه كمعتمد لمحلية دلقو
قامت زوجته ببيع المولد الكهربائى الخاص بمنزل المعتمد
و شوف قوة العين البيع تم لاحد المواطنين من المنطقة
و قيل ان احدى نساء الحى سالت زوجة المعتمد
كيف تبيعى مولد الحكومة
فاجابت
الحكومة دى حقت منو ما حقتنا
|
|
 
|
|
|
|
|
|
|
|
Re: الزوجة باعت مولد الكهرباء فماذا يكون الزوج يوسف طاهر قد فعل ؟ (Re: نايف محمد حامد)
|
الاخوة الكرام
سأسرد نموذج او نموذجين من فساد الزوج
اتصل بى احد الثقاة من محلية دلقو و هى المحلية التى يديرها يوسف طاهر
اتصل بى من البلد و كنت حينها فى دنقلا و قال لى اننى و فلان جايين دنقلا بكرة و ضرورى جدا نقابلك
تعال جنب فندق هيفاء
اؤكد مرة اخرى ان الشخصين المذكورين من الثقاة المحترمين و يشار لصدقهم و امانتهم بالبنان
و لا اريد ان افصل اكثر حولهما حتى لا اكشف هويتهما فينالهما غضبة المعتمد السابق و المستشار الحالى
و عند المقابلة تانى يوم لاحظت حرصهما على ان لا يراهما احد من مواطنى المنطقة حيث ان للمعتمد عيون
و كانا يتلفتان كثيرا و عندما يمر احد بجوارنا يصمتان
بدأ احدهما يحكى القصة
(و اقسم بالله اننى سانقلها كما ذكرها احدهما لى بالضبط و الله على ما اقول شهيد)
فى احدى الليالى شاهد مجموعة من شباب كجبار انوار عربة كانها متوقفة فى شمال القرية
و عندما تكرر المشهد قرر الشباب مراقبة العربة و ظنوا انها تتبع للمنقبين عن الذهب يخالفون القانون الذى يمنع التنقيب عن الذهب قرب النيل
و أقتربوا اكثر فى المراقبة فوجدوا مكان توقف العربة هو جبل اثرى شمال كجبار
و هى عبارة عن عربة لانكروزر و عدد من الاشخاص يدخلون الى داخل الجبل و يحفرون
حضر الشباب بالنهار و وجدوا حفريات ضخمة فى كهف فى نفس الجبل الاثرى
و تيقنوا ان الامر سرقة اثار
وبعد ايام و الحفريات مستمرة ليلا
يذهب 3 من شباب المنطقة للبركة عاصمة المحلية لاداء مهام خاصة بهم
فيشاهدون العربة المعنية فى سوق البركة و برفقتهم المدير التنفيذى للمحلية
و بحكم معرفتهم بالمدير التنفيذى سالوه :لمن تتبع هذة العربة ؟
فاجابهم المدير التنفيذى بانهم ضيوف المعتمد ليهم كم يوم
----------------------------------------------------------
هذة القصة تاكد ان يوسف طاهر ضالع فى سرقة الاثار فى المنطقة النوبية
بدون ادنى شك
نواصل
| |
|
|
|
|
|
|
|
|
|
Re: الزوجة باعت مولد الكهرباء فماذا يكون الزوج يوسف طاهر قد فعل ؟ (Re: نايف محمد حامد)
|
المعتمد السابق لمحلية دلقو يوسف طاهر اشتكى موظفو الايرادات فى المحلية منه
و بحكم طبيعة المنطقة و الناس كلهم اهل فان مثل شكوى الموظفين يتناقلها الناس فى زمن وجيز و يعرفه القاصى و الدانى
حتى الاطفال
اشتكى موظفو الايرادات بالمحلية بانه رغم ضيق الموارد الا ان المعتمد يقوم بتوريد المبالغ المتحصله من التعدين العشوائى عن الذهب فى حسابة الشخصى
و تبلغ تلك الرسوم 30 مليون جنية بالقديم شهريا (محلية فقيرة لا تضحكوا من حجم المبلغ ) فالمبلغ هذا عند الفقراء من اهالى المنطقة يعد كبيرا
(المقارنة مفقودة مع لهف الكبار فى الخرطوم فارجو عدم المقارنة نحن ناس على قدنا )
و يتحدث الموظفون بالمحلية انهم لا علم لهم ببنود صرف هذا المبلغ الشهرى
و بدأ تحصيل المبلغ المذكور من فبراير 2011 و طوال العام 2012
يعنى فى سنة 2011 300 مليون
الى الشهر الذى اعفى فية فى 2012
| |
|
|
|
|
|
|
|
|
|
Re: الزوجة باعت مولد الكهرباء فماذا يكون الزوج يوسف طاهر قد فعل ؟ (Re: نايف محمد حامد)
|
Quote:
الاخ ابراهيم النعمة
انا زاتى قلت كده |
ما عارفة ليه اذكرت نكتة حكاها ياسر طيفور
عن الحمار والصقر الشاغلو المضيفة وطلعوهم من الطيارة الحمار قال انا ما عندي جناحين قام الصقر قاليه طيب بتقابض ليه..
يا بطل الطريقة العشوائية بتاعة جوني ناس بتلفتو ولا ضرب لي زول تلفون
قال فلان الفلاني فاسد بدون ادلة ووثائق بتكون اشانة سمعة يحاكم عليها القانون
الناس البتجي تكذب هنا وتشين سمعة الناس عايزة تظبط لجوء وهم خارج الوطن يصعب القبض عليهم
او محاكمتهم وعشان كدا بكتروا المحلبية لكن انت قاعد في دنقلة مع الناس دي وبتتكلم عنهم وعن زوجاتهم بدون
ادلة ولا الناس الجوك وبتلفتوا ديل ادوك ورق وانت ذاكر المعتمد دا بالاسم
المتمد يمشي يفتح فيك بلاغ المحكمة حتطالبك بالادلة التي تقبل في المحاكم
هل حتجيب الناس البتلفتوا خفا ديل وله كيف؟؟؟
اسمع كلاك مبكيك ما تسمع كلام مضحكك وخليك عاقل
وامشي افتح بلاغ فساد في المعتمد وجيب ادلتك ما عندك حضر ليك محامي كبير
بوستك دا اشانة سمعة لاغير
وانا لا اعرف المعتمد ولا غيرو
| |
|
|
|
|
|
|
|
|
|
Re: الزوجة باعت مولد الكهرباء فماذا يكون الزوج يوسف طاهر قد فعل ؟ (Re: د.نجاة محمود)
|
Quote: ما عارفة ليه اذكرت نكتة حكاها ياسر طيفور
عن الحمار والصقر الشاغلو المضيفة وطلعوهم من الطيارة الحمار قال انا ما عندي جناحين قام الصقر قاليه طيب بتقابض ليه..
يا بطل الطريقة العشوائية بتاعة جوني ناس بتلفتو ولا ضرب لي زول تلفون
قال فلان الفلاني فاسد بدون ادلة ووثائق بتكون اشانة سمعة يحاكم عليها القانون
الناس البتجي تكذب هنا وتشين سمعة الناس عايزة تظبط لجوء وهم خارج الوطن يصعب القبض عليهم
او محاكمتهم وعشان كدا بكتروا المحلبية لكن انت قاعد في دنقلة مع الناس دي وبتتكلم عنهم وعن زوجاتهم بدون
ادلة ولا الناس الجوك وبتلفتوا ديل ادوك ورق وانت ذاكر المعتمد دا بالاسم
المتمد يمشي يفتح فيك بلاغ المحكمة حتطالبك بالادلة التي تقبل في المحاكم
هل حتجيب الناس البتلفتوا خفا ديل وله كيف؟؟؟
اسمع كلاك مبكيك ما تسمع كلام مضحكك وخليك عاقل
وامشي افتح بلاغ فساد في المعتمد وجيب ادلتك ما عندك حضر ليك محامي كبير
بوستك دا اشانة سمعة لاغير
وانا لا اعرف المعتمد ولا غيرو |
يا دكتورة
مين الصقر و مين الحمار ؟
الجونى من خيرة رجال البلد لكن طبيعة عملهم خلاهم يتلفتو لان الحكومة دى تنقلك دارفور تمشى تموت هناك بقصف الطيران و الجنجويد
لكن وقت الشهادة غيرهم شباب ياكل الحجر موجودين بكثرة
| Quote: الناس البتجي تكذب هنا وتشين سمعة الناس عايزة تظبط لجوء وهم خارج الوطن يصعب القبض عليهم |
يمكن انا زاتى عايز اظبط لجوء العلم عند الله
(هو البوست بيظبط لجوء كتر خيرك على المعلومة ) زيادة الخير خيرين
اخيرا امشى افتح اية قلتى ؟
ما سمعتك كويس
تقريبا قلتى بلاغ
انا اضانى تقيل فى السمع لو قاتى بلاغ
بالله عليك عايزانى اكسب فيهو خير
عشان يبقى وزير اتحادى
-------------------------------------------------------------------------------------------------
واحد زعلان من واحد شديد خالس
حلف قال تانى ما ارد سلامو لو سلم على
يوم قاعد قدام بيتو جا ماشى صاحبنا الهو زعلان منو
داك قال ليهو السلام عليكم
قام رد و عليكم السلام و رحمة الله
واحد سمعوا من بعيد و هو بيرد السلام
قال ليهو انت ما حلفت ما ترد على الزول ده السلام
قال والله ما اخلى الملائكة ترد عليهو
ياهو زى بلاغك ده
خالص ودى و احترامى
شايف اسلوبك رغم الثقرات الفيهو (الحمار و الصقر )
اتحسن
ما لقيتى مثال لكائنات حية احسن من الجوز ديل ؟
| |
|
|
|
|
|
|
|
|
|
Re: الزوجة باعت مولد الكهرباء فماذا يكون الزوج يوسف طاهر قد فعل ؟ (Re: نايف محمد حامد)
|
القرم تفاحة ابل
يا نايف انا معاك والله ناس الحكومة دي كان لقوا طريقة يبيعونا نحن ذاتنا لكن كمان انت جايب ليك اسماء وزوجات وناس بتلفتو فنصيحة لوجه الله امسك في كلام د.نجاة قوي لانو الكلام ده خطير وانت حتكون المتضرر الوحيد اذا انفتح فيك بلاغ
رد · أعجبني · متابعة المنشور · أمس في الساعة 04:45 صباحاً
المكوّن الإضافي الاجتماعي لفيس بوك
| |
|
|
|
|
|
|
| |
نايف محمد حامد
فتحي الصديق
ibrahim alnimma
خالد العبيد
منير عثمان
احمد حمودى
فيس بوك
تويتر
انستقرام
يوتيوب
بنتيريست