أكّـــــــــــــــــــــــــــــــ (عبد الله فقير) ــــــــــــــــــد

Quote: Author: Omar Bob ودكين بقدر ما الله اداهو بسطة في طول اللسان فقد حرمه تلك البسطه في الويست فان كان زميلك فانت لا محاله لاعب ضد تلاته وفي احسن الفروض ضد نفرين ونص

Quote: الزول دا بالمناسبه قريبك قرابه شديده

Quote: ياخ طارق دا من شبا حلتهم زى مملكة سبا تطلع ليها 30 جبل عشان تصلا اللماهو مع الرطانى دا شنو ؟

Quote: كمال سالم لا حولا !!! بالله ( أكد ) ركب معانا فى السفينه دى ؟! وأنا أقول ياربى الميله دى من شنو ؟ تعرف يا عبد الله أنا قلبى أكلنى لما دخلت عليك فى بوست دكين . لكن طبعا أصلو ما إتخيلت إنك أكد ,,, إسم فقير ده جديد على . لكن إنت دقست ,, كان تخلى النيك نيم بتاعك ( عبد الله أكد ) إسم فيهو موسيقى وبعدين قابل للشهره . طبعا ود خالتك عائز يعمل ليك شهره ,, إسنافيك شنو البيدينى ليها واحد جاى من أكد ! ياخ إنتو الكتشينه دى زاتها عندكم بتعتبر رجس من عمل الشيطان ,, ألف مرحب بيك والله يا عبدالله ,, وإتلومنا كان مفروض نفرش ليك البساط الأحمر ,, ونبخر ليك المنبر ,, تحياتى

طبعا انا اتداخلت معاك قبل بوست دكين في البوست الانت فتحتو لي نجمة وبدر الدين الامير وانت رديت علي اول مرة كويس لكن جات دينا خالد فالظاهر تاني بقيت بتعمل اسكرول دوان فرحنا في الرجلين
مرة تانية عميق امتناني لترحيبك بينا اما النكريبة بتاعت السيك فخلي دكين يرد عليك فما زاملته الا لمثل هذا

Quote: محاسن زين العابدين مرحبا ىآل فقير ومتين الرطانة بقوا مريخاب نحتاج رايكم كمسئول لروابط بما ورد في بوست جمعية المراة السودانية

معليش يا محاسن العبارة دي عاجياني وكان لازم ابر نفسي بانو الصقة في مكان ما

Quote: الصادق سيكا الحبيب بوب التحية عبرك للحبيب عبدالله فقير ولكل أهل أكد وسروج وماجاورها بالمناسبة قبل كده غلبناكم كورة عديل مش ويست .. كان عندنا لعبة ودية مع مدرسة اكد وسروج وانا كنت فى مدرسة القولد .. فاخدتو مننا 2 صفر مع الرافة .. لك ولزوارك والمحتفى به قواسيب من الود ..

عموما لولا ان سبق السيف العزل كان شفنا لينا طريقة نسب من اكد حتي ننال هذا الشرف ونمنح كمال سالم شرف مصداقية معرفتو( بامصار) دنقلا المختلفة
عبرك تحياتي لكل اهلنا في القولد

Quote: uthor: khaleel هلا وغلا عبد الله يا بوب اوعي يكون الزول دا جايي يحضر معاك الليلة والله التعادل المضمون دا يطير

فبالله عليك اخطف رجلك انت وقسطنطينك دة علي المريخ وانحنا علي استعداد تام نبدلك ان شاء الله بالسيدح

Quote: محمد عبدالرحمن الف مرحبا به ...بس بعيدا عن الهلال الله يرضى عليك... الهلال كفاهو البرير ومساوى والكركدى ( اب تلج) ... طبعا عبدالله مربوط عندى بالمسكينى ...يكرر فى (اعملو حسابكم من المسيكنى ) لما بطح مساوى و وشوفنا نجوم الضهر ....

فياخي عليك الله اهلك الانصار ديل علمو الناس معني الفداء في معاركم مع المحتل فبالله عليك استمد منهم شوية حاجات كده وخلي الهلال دة ومافي مشكلة تعال راجع بعد نشيل لينا كاس خارجي

Quote: ياهندسة كتر خيرك علي الترحيب بالنسبة للكج ده فاطمنك انا الليلة ما مامشيت لعمر لانو مجرد شبهة وجودك انت وكيكي في مكان فيهو كورة الهلال كافي لان ان ينصب الكج سرادق افراحه في ذات المكان فبالله عليك اخطف رجلك انت وقسطنطينك دة علي المريخ وانحنا علي استعداد تام نبدلك ان شاء الله بالسيدح

Quote: البركة الما مشيت يا عبد الله اهو قسطنطين صدق في التعادل جيب البياض وتعال عشان اوريك نتيجة الهلال وبطل ساحل العاج

Quote: عبدالكريم الامين احمد هلا هلا والله بعبدالله واساسا في بوست معلق في مخيخي الايسر بعنوان يا هلالاب المنبر يا عسل كجاج الهلال وصل لكن قريبك بوب ده ما ادانا مساحة وزمن وغايتو الفضل الكركدي بتاع بوب يجي والقصة تتورجغ والهلال يطير طيرة العريش من الدريش وحبابك وانا كخبير جيو اسفيري سابق تابعت كل مداخلاتك ومن حضورك فهي فرصة ابشر فيها الجماهير بحضور نجم اسفيري يمشي بخطي ثابتة وبالتوفيق والسداد يا عبدالله... وبمناسبة الوست دي شايفك انت وبوب طالعين في الكفر وعاملين فيها حرفاء فانا وزميلي التاريخي خليل بندعوكم الي ماتش تحدي حددو مكانو زمانو وجيبو معاكم شولات والكركدي هههههههه واحنا علينا فردة الكوتشينة عشان تشوفو الوست علي اصولو او كما اوصي به الخواجة وسترن يونيون ------------------- حكاية كركدي بوب دي حقتي انا وتااااني اي زول بستعملها ودون الاشارة الي مصدرها الذي ضخاها في الاسفير حيكون تحت طائلة قانون سرقة المصطلحات الاسفيرية واحتمال نعمل ليهو رفع مساحي عاجل ولا عذر لمن عنذر

اما حكاية كج دي فما حاناقشك فيها لانك انت احترمت اتفاق الجنتل مان الكان بيني وبينك في البوست بتاع طلعات كيزانية وماجبت سيرة مما يجعنا ننظر في امر رفعكم من قائمة الكجوجية (بس بالله اوع تجي تقول خليل معاي )
ياخي في موضوع الوست دة احسن تخطى خليك وانا وماتبقي عليك البقت علي كمال سالم وبهاء بكري
كركدي بوب انا زاتي شاهد في انك الضخيتة في الاسافير
بعد ان ضخاها عمر بوب (وانا بحكم السلبطة وصلة القرابة ) في جوف خليل ومحمد عبد الرحمن ومن لف لفهم فعادت بالوبال والساحق والماحق علي الهلال
شكرا لعمر بوب ان اعطانا هكذا مساحة مع المساح الاعظم (مالة طلعت زي الحبر الاعظم كدة )

Quote: يا هلالاب المنبر يا عسل كجاج الهلال وصل لكن قريبك بوب ده ما ادانا مساحة وزمن

طبعا يا بوب انا في مكان ما امس .. كسرته تلج لي فقيـر دا ساااكت كدا يعني زي ما تقول بلاش .. وحسع دي لما عرفناهو انو من انديكم تاني بنكسر ليهو والمرة دي بي فهم ..
زمااان كان عندنا بص بجي بقيف عند جيرانـا في الحلــة .. كان مكتوب فيهو (الغـابة دنقلا اكّد) وكنت معجب بالبص دا شديد خلاص عشان شنو ما عارف ..


غايتو على كل حال .. اهواعتبروهو تكسير تلج .. ولو كان يا كيكي بوب او قريبو فقيـر .. من النوع الشرابين عليك الله ادينا خبر .. عشان الواحد يعيد النظر في بوستاتم ايام مباريات الهلال .. زي ما قاعدين نعمل مع محمد البشرى الخضــر .. اكبر كج ممكن يواجهك في تاريخ حياتك في كل ما يتعلق بي الهـلال العظيم ..
مرحب بي فقيـــر مرة أخرى .. وانا بعتبر انو زول فنان فعلا وبيعرف الحتات الكويسة بي وووين ..

Quote: محمد عبد الماجد الصايم هيااا فقير .. طلعت من أكد عديل كـدا؟ طيب ما نحن جيران بالبحر ياخ .. سلنارتي وكـدا!! يا زول حبابكـ ألف وما دام سيّكت الوهم ديل حبابكـ مليون عديل!! وحباب عمر بوب زاتو .. وأميرة الشيخ فوق البيعة!!

حيث انك قايلني ماعندي ظهر وهرشتني في بوستيك بتاع ناجي الملك وعليه الليلة الا اكلم ليك اخوي الكبير يجي يسففك التراب
ولا اقول ليك عفيتك عشان انت كما (شحذت) همتي في موضوع الوست شحذت دي عجبتني من البوست دة http://www.sudaneseonline.com/cgi-bin/sdb/2bb.cgi?
فقلت شنو استخدمه في جملة مفيدة بدل ماهي هاملة كدة

Quote: .. يا كيكي كدي دقيقه عليك الله .. انت قاصد منو بالضبط عشان الواحد ما يتورط ساااي .. القاعد يشربنـا منو ..؟ بوبز واللا قريبو فقيــر .. لانو بالجد كدا انا حاسي انو مشكلتنا الاساسية كهلالاب نابعة من الدوحــة .. عليك الله شفته نابعـة دي زلقتها كيفن ..؟ فنيااات يااخ طبعا يا بوب انا في مكان ما امس .. كسرته تلج لي فقيـر دا ساااكت كدا يعني زي ما تقول بلاش .. وحسع دي لما عرفناهو انو من انديكم تاني بنكسر ليهو والمرة دي بي فهم .. زمااان كان عندنا بص بجي بقيف عند جيرانـا في الحلــة .. كان مكتوب فيهو (الغـابة دنقلا اكّد) وكنت معجب بالبص دا شديد خلاص عشان شنو ما عارف .. غايتو على كل حال .. اهواعتبروهو تكسير تلج .. ولو كان يا كيكي بوب او قريبو فقيـر .. من النوع الشرابين عليك الله ادينا خبر .. عشان الواحد يعيد النظر في بوستاتم ايام مباريات الهلال .. زي ما قاعدين نعمل مع محمد البشرى الخضــر .. اكبر كج ممكن يواجهك في تاريخ حياتك في كل ما يتعلق بي الهـلال العظيم .. مرحب بي فقيـــر مرة أخرى .. وانا بعتبر انو زول فنان فعلا وبيعرف الحتات الكويسة بي وووين ..

ومعاهو خليل ومحمد عبد الرحمن ممايوكد انو انت زول لاحاااظ في مسالة انو مشكلة الهلال نابعة من الدوحة
مرة تانية كتر خيرك كتير علي الترحيب

Quote: جمال ود القوز مرحب بـ عبد الله فقير