|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
اها تقوم تتفتح ليك صفحة الرد هنا تقوم تفتش للحتة بتاعة كيف تعمل اقتباس تابع شرح الصورة والخطوات التالية لاحظ فى شباك الاقتباس بيظهر ليك كلام ود الصايم بلغة هو زاتو ما ح يفهمها ولكن وشوشو الضاحكة بتظهر فى شكل لينك او رابط لاكواد زى الموضحة فى النقاط رقم 2 و رقم 3 لكن ما تقيف كتير فى الحتة دى وراسك يضرب وتحاول تترجم بالقوقل الصورة التالية بتوضح الحاصل شنو
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
فااا بعد داك تقوم طوالى تعمل تظليل للرابط الجو الاقتباس لحسب الوش البعجبك وبعديها تعمل قطع , كط او كوبى وتمرق من الشغلانة وبلا رد وبلا وجع راس اهم حاجة تحتفظ برابط الوش القطعتو من المداخلة بتاعة ود الصايم وتمش مكان ما داير تعمل مداخل وتضحك تكتب كلامك الداير تقولو وتمشى تجيب الرابط السرقتو قبيييييييل من ود الصايم وتجى تخته محل مداخلتك زى فى الصورة دى
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
وما تنسى تعمل حفظ لروابط الضح فى كمبيوترك لاستخدامها مباشرة عند اللزوم بدل اللفة الطويلة وودع الراس بتاع الخطوات المشروحة ولا تنسوا ان تدعوا لنا بالدعاء الصالحات والامنيات الجميلات وانشروا الابتسامة المجانية فى زمان بقت الفرق الكوميدية تحاكى بعضها وكلها نكاتها بايخة ومكررة فى بلد انعدمت فيها الابتسامة
بالمناسبة حركة كم وش مع بعض دى بس تكرار للرابط عارف انكم عارفين
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
Quote: Gafar Bashir شكرا يا محمد زكريا علي الجهد الكبير
حقيقة كنت مستحي من انو اسال هل بتتعمل بطريقة (اقل بلادة) من الانا بعملها بيها دي لكن الواضح انو الناس كلها بتعملها بنفس البلادة ... وفي طريقة ابلد منها بدون صور
|
اخخخخخخخخ ده شنو ده كمان انت جيتنا من وين يا الاخو ؟ ما تخلنا نقدل شوية عالم ما تخلى الواحد يتفسح اصلو
لكن برضو فى فايدة من شرحى ممكن تسرق بيها حاجات تانية وصور ورسمات غير حقت بكرى العفا عنها الدهر يعنى البوست لسه ما راح هدر
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
لا البوست ما راح هدر يا حبيبنا بالعكس جدا مفيد
انا مشكلتي لزمن طويل ما كنت فاهم كيف بتتعمل ... وانا زول معرفتي كبيرة جدا بالانترنت والبرمجة والقصص دي ... عشان كدة كنت خجلان اسال لمن لقين نفسي بعملها بطريقة جدا مطولة ... طيب اذا انا اخدت الوقت ده باقي الناس بتعمل شنو ...
ياخي الجهد الانت عملتو .. حقو بكري يدفع ليك فيهو قروش طوالي عشان البورد بتاعو المتخلف ده
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
هههههههههههههههههه
غايتو يامحمد طريقتك دي ابلد طريقة في المنابر والمنتديات لعمل وش او وجه تعبيري .. معقولة كل الاجراءات دي عشان تنزل وش ضاحك ؟ ياخي شرحك ده مسلسل مكسيكي عدييييييييييييييييييل ..
الموضوع ابسط مما تتصور اذا تعاملت مع الوجه الضاحك كأنه صورة يعني وكأنك تنزل صورة يامحمد وبالخطوات دي :
1-لمن تضغط على (اضف رد) يجيك مربع الكتابة طبعا . 2- تحت مربع الكتابة بتلقى معظم الوجوه التعبيرية الضاحكة والباكية والغاضبة وغيرها .. 3- امشي لاى شكل عايزه واعمل كلك يمين علىه بالماوس ، تجيك خيارات اختار آخر خيار (Properties)- خصائص - . 4- بجيك مربع اختار منه رابط الصورة قصادURL)Address) واعمل كوبي منه . 5-تجي لمربع الكتابة فوق وتضغط على (اضف صورة ) ويجيك مستطيل خت فيهو الرابط العملتو ليه كوبي في الخطوة (4) . حاينزل اتوماتيك الرابط على مربع الكتابة ولم عملت (شاهد قبل نشره ) بيظهر ليك الوجه ..
طبعا طريقة بكرى زاتها بليدة (بس بكري قلبه طيب وانا بحبه ) بس ماابلد من طريقتك
تحياتي محمد ..
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
كتب الفهلوى فايز ود القاضى المقطعها وناقش حنانا
Quote: هههههههههههههههههه
غايتو يامحمد طريقتك دي ابلد طريقة في المنابر والمنتديات لعمل وش او وجه تعبيري .. معقولة كل الاجراءات دي عشان تنزل وش ضاحك ؟ ياخي شرحك ده مسلسل مكسيكي عدييييييييييييييييييل ..
|
بالله حدى يناولنى عكاز فى اخره صامولة عجل تركتر عشان اديلو بالحته الفيها الهديدة قال ابلد طريقة فى المنابر انت قايل المنبر ده سيدو منو؟ وطيب , ما تكلمو براك بعدين انا بسمح ليك تنبذ لكن ما تسىء, قال بليد قال
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
Quote: لا البوست ما راح هدر يا حبيبنا بالعكس جدا مفيد
انا مشكلتي لزمن طويل ما كنت فاهم كيف بتتعمل ... وانا زول معرفتي كبيرة جدا بالانترنت والبرمجة والقصص دي ... عشان كدة كنت خجلان اسال لمن لقين نفسي بعملها بطريقة جدا مطولة ... طيب اذا انا اخدت الوقت ده باقي الناس بتعمل شنو ...
ياخي الجهد الانت عملتو .. حقو بكري يدفع ليك فيهو قروش طوالي عشان البورد بتاعو المتخلف ده |
شكر جعفر بشير وريهم بالله العالم العامله فيها ابوالعريف دى اها انا قريت الكمبيوتر فى مؤسسة علوم الكمبيوتر فى السودان سنة 91 وكنا بنفرتك الجهاز هاروير هاردوير مش زى قراية اليومين دى بتاعة الجربندة وعلم نفسك بنفسك بعدين ما كل الناس عارفه بيعملوها كيف, وانا زاتى اتعلمتها بطرق كتيرة ودى طريقة سهلة وممكن تطبق على حاجات تانية كمان من البنزلوها الزملاء
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
الزبير صالح الزبير
Quote: محمد زكريا انت عامل زي الزول العاوز يمشي مدني من الحصاحيصا يصل الخرطوم بالشرق وبعدين يقلب شارع مدني الخرطوم البرد لسة ما مشي ولاشنو؟ |
البرد ما مشى وين؟ ما تقول لى الحصاحيصا عن طريق الخرطوم شرق ويقلب شارع مدنى
لو سالتنى اضانك الشمال وينها؟ بشيل يدى اليمين من فوق راسى وبمسكها واقوليك يهاندى
| |
|
|
|
|
|
|
Re: تلبية للنداء, كيف تعمل وش ضاحك فى مداخلتك, شرح بالصور (Re: محمد زكريا)
|
مشكور للتفاصيل يا ابو الزيك
لكين بالجد صعبتها
بمنتصفح قوقل كورم ____________ رايت كلك على الصورة واختار السطر التاني دوس و تعال في مكان الرد اعمل لصق لعنوان الصورة و Ok واضافة رد و ابقى مارق. _________
شرحك ده بينفع لاصحابنا الكيَشَا خـالص ... لكين احسن تشرح ليهم بالمتختصر عشان يبقوا مفتحين للدين
| |
|
|
|
|
|
|
|