|
|
|
 Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
الكسل السعودي العظيم
هيلدا إسماعيل منذ 12 ساعة 33 دقيقة
«الجمَل مايشوف عوج رقبته»، كان هذا تعليق الأخوة السودانيين حين نشرت الصحف السعودية قبل أشهر دراسة أعدتها مجلة «لانسيت» الطبية البريطانية عن (الكسل)، حيثُ حصل المواطنون السعوديون على المرتبة الثالثة عالمياً، وتمَّ تبرئة الشعب السوداني بأكمله، والذي كان مثاراً للسخرية و التنكيت (الكَسَلي) لفترات طويلة.
ياجماعة، في مدارس السويد يتم تعليم الطلَّاب الأشغال العامة مثل النجارة، النحت، الإلكترونيات، الرسم، الزراعة، التصوير، حيث يريدون أن ينشؤوا جيلا يحترم (المهن) ويمارسها أيضاً، ولو في فترة من فترات حياته، بينما يتخرج لدينا آلاف الطلبة السعوديين كلّ عام لايعرف الكثير منهم كيف يقوم بتركيب (لمبة) غرفتهم اذا احترقت.
ولكن الغريب.. هو من أين أتت فكرة أنّ السودانيين كُسالى مقارنةً بنا؟ وكيف أمكن لهذه الصور النمطية عن الشعوب أن يتم تعميمها وترسيخها من خلال وسائل الاعلام والنكات؟ وكيف أمكن للكثير من الناس في السعودية النجاة من فكرة كونهم كسالى، بينما لاتخلو مثلاً منازلهم من عاملة منزلية أو سائق!!
أليس من النادر أن نجد مسافراً منّا يحمل حقائبه بنفسه؟!، ألا تطلب المرأة من زوجها أو سائقها أن يوقفها تماماً على باب (المول) أو السوبرماركت وليس في المواقف كما يفترض؟!. ألا نسخر غالباً من الذين يستخدمون (الدرج) العادي مقابل استخدام المصاعد و السلالم الكهربائية!!
بصراحة.. أظنّ أن افراطنا في السخرية فيما نعتبره (كسلا) عند الآخرين يحتاج إلى حالة من التحليل النفسي، إذ يبدو أن تلك الاتهامات عبارة عن حالة من (الاسقاط)، بمعنى أن يُسقط الفرد على الآخرين ما يشعر به من نقائص وارتباكات، وكأنه يريد أن ينفي عن نفسه هذه الصفة أو يقوم بتصديرها للغير، ليتساوى معهم، أو يضع نفسه في مكانة أعلى منهم.
في الحقيقة ليس لديّ أي تفسير آخر لهذا الاندفاع الذي نمارسه نحو التقليل من قيمة الناس، خاصة أولئك الذين يقومون على خدمتنا وراحتنا لنستمتع بالمزيد من الكسل، وارتفاع السكر، والوزن، وضغط الدم.
| |
 
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
| Quote: بصراحة.. أظنّ أن افراطنا في السخرية فيما نعتبره (كسلا) عند الآخرين يحتاج إلى حالة من التحليل النفسي، إذ يبدو أن تلك الاتهامات عبارة عن حالة من (الاسقاط)، بمعنى أن يُسقط الفرد على الآخرين ما يشعر به من نقائص وارتباكات، وكأنه يريد أن ينفي عن نفسه هذه الصفة أو يقوم بتصديرها للغير، ليتساوى معهم، أو يضع نفسه في مكانة أعلى منهم. |
بالبلدى
الفيك بدر بهيو والعليك إتناساهو
أو كما يقولون
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
كما يقول أخوتنا المصريين :
فلان تعرفه ؟ آه
عاشرته ؟ لا .. يبقى ما تعرفوش ..
والكاتبة أكيد تعرف عنا معشر السودانيين الكثير لأن هناك سودانيون يعملون في مكتب والدها وهم مثال للجد والاهتمام والمهنية والحرفية ..
وجزاها الله خيراً على ما كتبت ..
والكسل الذي يصفوننا به هو اسقاط ساهم فيه جبراننا وآلتهم الإعلامية ..
ويا مثبت العقل والدين ..
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
سلام أخي جمال
بصراحة هذه الكاتبة حقانية وبت حلال ....
والله أنا في الدنيا ما في شيء بغيظني إلا
النكات المتداولة في شأن كسل السودانيين .
معانا زملاء خليجيين في العمل بشتغلوا ربع
شغلنا وبعد ده واحد يجي يمسك موبايلو ويقرا
ليك نكات عن كسل السودانيين ...... التحية
لأبناء بلدي أينما وجدوا ....
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: د.يوسف محمد طاهر)
|
حكى واحد أخونا في هذا المنبر أنهم كانوا عزابة وفي ليلة وهم يتاهبون للنوم طلب احدهم من الاخرين اطفاء النور ونتج عن ذلك هرج ومرج
ياخي قوم انت
انا امبارح طفيطو الدور عليك
انا من محلي ده ما قايم
يقوم واحد يشيل فردة سفنجة وطاخ ينيش اللمبة لتسقط مكسرة على الارض
تقول لي ما كسالى
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: عماد الشبلي)
|
الله إجييك الأخ / عماد الشبلى
اتفق معك على أن نظرة كثير من الخلجيين لكسلنا
دائما مايبرروها بأن إمكانياتنا ومواردنا
كقيلة بان تجعلنا مصدر رزق لنا ولغيرنا إن كنا نعمل بجد
وطبعا أنت عارف أنهم عجوليين فى الأحكام ولا يمنحوك زمنا للشرح والتبرير
عشان كدى مسح هذه الصورة صعب جدا لأن واقع حالنا للأسف يؤكد ما يقولون
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: د.يوسف محمد طاهر)
|
الله إحييك د. يوسف فعلا قصة أنو السودانيين كسالى
فيها غبن وظلم كبير وتحاول كثير من الجنسيات تثبيت صحة فرضيتها
لا أدرى بوعى أم بغيره لكنها تضيف عبئا على كل مهمة توكل لنا
واصبحت مزحة ثقيلة لكل من يود التظارف ويتباسم فى مداخل الحديث معنا
غايتوكثيرا مانبلع هذه النكات رغم لزوجتهاعشما فى وعيا قادم كهذه الكاتبة
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
فى مره كنت أتسوق فى منى ماركت وحاول صاحب المحل وهو شاب أن يمازحنى عن كسل السودانيين قائلا يا زول انتو ليه كسلانين كدا على الطريقة السودانية
سألتة عن مدير ومحاسب الفرع فذكر انهم سودانيون متى يبدأ دوامهم قال الساعه 5 صباحا متى ينتهي قال الساعه 12 مساء بينها فتره راحة ساعتين مع اوقات الصلاه طيب انت صاحب المحل متى بتجي قال الساعه 2 ومتى بتروح قال الساعه 5 طيب فى رأيك منو الكسلان انت ولا هم قال لا أنا بس بهظر لكن السودانييين.... وكال المدح
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: لطفى العمده)
|
سلام
Quote: من ناحية كسالي
نحن فعلا كسالي
عندنا ملاين من الارض الخصبة
تركناها بورا وهجرناها
تم هاجرنا الي حيث اتهمونا
بالكسل !!!
كسالي ولا ماكسالي ؟؟؟ |
الاخ عماد ...طبعا ما كسالى ...الحاجات الذكرتها انت دي ... ناتجة من سوءادارة للموارد ما ناتجة من العنصر البشري ...ياخي شارع الستين مع صلاة الصبح ما بتمشي من قلابات الرملة و ...كلهم بجوا من بحري و يمشي جنوب الخرطوم ..ديل بتحركوا قبل الصبح يومياو بعملوا مرات كم دور ...المهم همم السودانيين دائما ما تظهر في العمل الخاص ...وارجع و اقول ان سوء الادارة و توظيف العنصر البشري هو ما يظهر البعض بالكسل ...
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: مدثر صديق)
|
برغم صحةماذكرت أخى مدثر إلا ان من الصعب أن تجد فرصة كافية
وزمن للتشرح لـ ( شعوب الله )إنو فشلنا العام فى إدارة مواردنا وإمكانياتنا
هو سبب مانحن فيه .. وغالبا مايظل إستنتاج ( الكسل )
هو التفسير الأسهل والأغلب لمن يحكم علينا
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: وضاحة)
|
قبل عدة اعوام وبمجرد الاعلان عن اكتشاف النفط فى السودان ..
جاءنى زميلى السعودى فرحا بالنبأ ولكنه استطرد قائلا بس انتم كسالى ...
فقلت له :جنجيب هنود وبنغالا ...!!!!
فاسقط فى يده , واعتذر لى وبشدة .....1
ويظل شهب السودان هو رمز وعنوان للطيبة والتسامح والمروءة ...
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
معليش احكي قصه صغيروونه
..كنت ماسك شغل لواحد سعودي ذو منصب رفيع بالمنطقة الشرقيه
.. قال لي عاوز اغير كل التكيف في الفيلا لتكيف مركزي ..فشوف لي شركه
قلت ليه اوك عندي شركه ح اتصل عليهم ( باعتبار الشغل كبير وفيه فايده كبيره)
و طلعت تلفوني علشان اتصل بيه .. قام السعودي قال لي جنسيته شنو
قلت ليه سوداني
قال لي افتح الاسبيكر
و فتحت الاسبيكر و كلمت الرجل و فهمته الشغل .. قم رد و قال لي انا هسه عندي شغله فان شاء الله بكره اتصل عليك و اجي اشوف الفيلا ( برغم اننا كنا سامعين صوت ناس بيتم ..يعني مركلس في البيت)
السعودي قال لي عندك ...شركه مندوبها سوري او مصري
قلت ليه : ايوه عندي واحد مصري
السعودس: اتصل عليه وافتح الاسبيكر
اتصلت عليه و فهمته الموضوع .. رد لي حااضر يا بي .. بالله عليك ما تفوتش مني الشغله باشمهندس ..بس لو سمحت يا باشا اصبر علي نص ساعه مسافة الطريق
.. و انتظرناه وجا الهث و شال الشغله
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: نزار المحجوب)
|
يا نزار عندنا كان بناء فى السودان
قام ابوى اصر يجيب سودانين وانا كنت محتجة قلت ليه جيب صينين بشتغلوا سريع وبحترموا الزمن والمواعيد
قال لى لا الصينين غالين
قلت ليه شغل غالى محترم وتكسب زمن افضل من الجرجرة بتاعت السودانين
رفض الفكرة تماما وسافر السودان قعد شهرين وما قدر يعمل حاجة معاهم
جاء راجع زهجان
عندى صاحبتى صينية اهلها عندهم شركة صينية بتاعت بناء في السودان
عارف اتصلت بيهم وانا ركبت الطيارة ومشيت فى شهر ونصف سلمونى شقتين جاهازات تشطيب عجيب
وكان معاى مشرف تركى لما اتاكد كل شى تمام استلمت المبنى وشطبنا واجرنا طوالى
السودانين كسلاااااااااااانين وما بحترموا الزمن
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: وضاحة)
|
| Quote: عندى صاحبتى صينية اهلها عندهم شركة صينية بتاعت بناء في السودان |
| Quote: وانا ركبت الطيارة ومشيت فى شهر ونصف سلمونى شقتين جاهازات تشطيب عجيب |
| Quote: وكان معاى مشرف تركى |
| Quote: سلمونى شقتين جاهازات تشطيب |
..الليله بجوك 12 عريس ... رااحات
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: وضاحة)
|
الأخوان / نزار
وضاحة
أظن ان فكرنكم واحدة أننا كسلانيين بما أوردتم
فعلا لدينا مظاهر كسل كثيرة ولكن أن تصبح متلازمة لكلمة سودانى فتلك مأساة
وفيها ظلم وقساوة كبيرة علينا..أو مسئولية أكبر لنثبت لغيرنا أننا غير ذلك
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Jamal Mustafa)
|
Quote: الأخوان / نزار
وضاحة
أظن ان فكرنكم واحدة أننا كسلانيين بما أوردتم
فعلا لدينا مظاهر كسل كثيرة ولكن أن تصبح متلازمة لكلمة سودانى فتلك مأساة
وفيها ظلم وقساوة كبيرة علينا..أو مسئولية أكبر لنثبت لغيرنا أننا غير ذلك
مع التقدير ،، |
الاخ : جمال
... اكيد ان فكرة الكسل لا تشمل كل السودانين و ليست فكره شامله
و لكن الغالبيه العظمي منا يقعون تحت طائلة الاتهام
امكن لاسباب مقنعه و اولها اسباب اجتماعيه منحدرة من اصول تربيتنا
... عموما هو ما هجوم علي ذاتنا ..بس مجرد محاولة اعتراف .. حتي نتدارك الخلل
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: وضاحة)
|
Quote: عندنا ملاين من الارض الخصبة
تركناها بورا وهجرناها |
تحياتي أخي جمال ولزواك الكرام.
أخ / عماد سلام خاص لأنك صاحب العبارة أعلاه .
مسألة هجران الأرض ليست كسلاً وإنما سببها غياب التقنية والتقنية أخي الكريم هي أداء الأعمال بأيسر الطرق وأظنك توافقني الرأي في أن
هذه مهمة المتعلمين فإن كان هناك فشل فالمسئول عنه التعليم في كل المجالات السياسة والاقتصاد والادارة وحتى إبتداع أساليب تعليمية
فعالة بمناهج تخرج مبدعين ومبتكرين وليست أفندية كما هو حادث عندنا منذ فجر الاستقلال .
أطلب من كل المتداخلين الكرام أن يستصحبوا معهم هذه المعلومة لأنها علميّة ( الأخلاق تشكلها الظروف ).
أبو حمـــــــــــــــد
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: عثمان عبدالقادر)
|
الله إحييك أخى عثمان
أتفق معك يا ابو حمد أن الفشل فى إستثمار مواردنا وإمكانياتنا ليس كسلا ..
بل أساب كثيرة تداخلت منها عدم الإستقرار السياسى وفشل الأنظمة
وسياساتها فى أدارة الموارد البشرية والإقتصادية للبلاد
بما يتناسب بما قسمه لنا الخالق من نعم وهبات
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: وضاحة)
|
انا قلت ليك كده علشان اوريك كسل السودانين
و راجل بفكر فى بت علشان قرش دا زاتوا ما راجل وانا ما بعيروا نظرة
يا حليل الرجال قالوا ماتوا فى كررى على قولة ايمنوف Quote: | Quote: and#199;and#225;and#225;and#237;and#225;and#229; and#200;and#204;and#230;and#223; 12 and#218;and#209;and#237;and#211; |
... وضاحه .. بضحك معاك
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: نزار المحجوب)
|
سلام صاحب البوست وضيوفه الكرام ......في جانب مهم في الموضوع اغفل تماماً إلا وهو المناخ السوداني الحرارة الشديدة انا عشت في السودان والسويد 6 سنه بنزل إجازات في الشتاء اول مره صادفت الاجازه الصيف بعد8 سنه والله تعبنا تعب كنت بدوخ من اقل تعرض للشمس الحااااااااره وما بقدر امشي اقل مشوار ياجماعه الحرارة الشديدة والإمكانيات التعبانه يعني مكيفات وغيرها مابتدي المواطن السوداني البسيط عذر انه مايشتغل وقت سطوع الشمس الحاااااااااااااره
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: seham Abdeljleil)
|
مرحب seham Abdeljleil
( في جانب مهم في الموضوع اغفل تماماً إلا وهو المناخ السوداني الحرارة الشديدة )
بس كمان كل شعوب الدنيا دى ماعندها مشكلة مناخ وبالمقابل أنخفاض درجة الحرارة الشديد هل كان سببا فى كسل هذه الدول
واطن ان العمل الجاد أيضا كفيل بإدارة الوقت وتكييف المناخ بالصورة المناسبة التى تتيح الإنتاج والتنمية ،،
وعندنا ساعات صحو طويلة ومعتدلة فى جزء كبير من اليوم والسنة ايضا لو تم الإستفادة منها بجد.
مع التقدير ،،
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: Saifelyazal Elmaki)
|
تحية لصاحب البوست و المتداخلين
و التحية لكاتبة المقال و جميع التعوسيين (تقال التعوسية نسبة لـ التعاسة و التعساء مزحاً ، لا اقتناعاً بـ المقولة)
اعتقد (والله اعلم) انو شريحة كبيرة من السعوديين البيطلقوا النكات دي ، بطلقوها من باب المزاح و التندر فقط... دا ما بيمنع انو اكيد في جزء منهم مقتنع تماما بكسل السودانيين .. زي مافي شريحة سودانية مقتنعة تماماً بكسلنا ..
احنا نفسنا بنكت و بنسخر من بعض .. لو مسكنا من ناحية قبيلة مثلاً بنلقى الجعليين و غيرهم بينكتوا على بخل الشوايقة و الشوايقة و غيرهم بينكتوا على حماقة الجعليين و قطامة الرباطاب و الحلفاويين ما مريحنهم في دينهم و في الكورة يقولوا ليك اللعيبة بيتوقعوا كدا من خمالتهم و هلمجرا ...
الفكرة انو الناس خلقة كدا ما بيستطعموا السخرية لو جات من مجموعة غير مجموعتهم او فئة غير فئتهم ...السوداني مكن يقبل اسقاط الكسل عليهو من سوداني لكن ما بقبلها من مصري او سعودي .... و على ذكر اولاد بمبه :-) ما ننسى كيف احنا بنتندر عليهم و منجضنهم..
لما نسمع عن عيوبنا و مساوئنا على الاقل بنكون على بينة من حجمنا الحقيقي و قيمتنا في نظر التانيين و ربما ... ربما نحاول نعدل فيها و نتغير للأفضل ودا افضل من مدح محاسنا و مزايانا...
| |
|
|
|
|
|
|
|
|
|
Re: كاتبة سعودية ( الجمل ما بشوف عوجة رقبته ) (Re: رشا احمد)
|
مرحب / رشا احمد
((اعتقد (والله اعلم) انو شريحة كبيرة من السعوديين البيطلقوا النكات دي ، بطلقوها من باب المزاح و التندر فقط... دا ما بيمنع انو اكيد في جزء منهم مقتنع تماما بكسل السودانيين .. زي مافي شريحة سودانية مقتنعة تماماً بكسلنا .))
برغم صحة ماذكرتى إحيانا .. إلا أنها أخذت شبه شكل المتلازمة حين تقيم أداء المهام
وهذا أحيانا كثيرا يضيف عبء كبير وهو طالما أنت سودانى عليك إثبات
أنك غير كسول !!! ولو لا هذه الصورة المشوشة لما كان الأمر كذلك
ومافى شك فيما ذكرتى ا أن النقد الموضوعى وأهداء العيوب أيضا مفيد ولكن يكون افيد لو خلا من الأحكام المسبقة والإنطباعية
مع التقدير ،،،
| |
|
|
|
|
|
|
|
| |
Jamal Mustafa
عماد قريش
عبد الوهاب المليك
د.يوسف محمد طاهر
garjah
عماد الشبلي
لطفى العمده
مدثر صديق
Munir KHAIRY
وضاحة
عبداللطيف شريف على
نزار المحجوب
كمال ادريس
عثمان عبدالقادر
Hatim Alhwary
رشا احمد
فيس بوك
تويتر
انستقرام
يوتيوب
بنتيريست