|
Re: برشلونة VS ميلان .. من سيتأهل اليوم في دوري أبطال أوروبا (Re: صبري طه)
|
يا صبري طبعاً السؤال ده للعوام ولا يشملك صاح؟؟ لأنو إنت أكدت في فوز برشلونة على الميلان ..على أن يصاب برشلونة بالأعياء في المباراة النهائية أمام ميونخ.. ويا ود الفكي من كللل قلبي أتمنى فوز برشلونة ومواجهة الريال صدق ؟؟؟ بالنسبة للميلان انا لو مكان اليقري فصدقني كنت ح أفوز على برشلونة جوووة الكامب نو وأبداً ما لعبت بي خطة دفاعية ولااا تقفيل ملعب.. برشلونة انكشف والنظرية بقت بسيييطة وساااهلة وبتقول: " إذا كان برشلونة سيسجل تلاتة أهداف في شباكك فبمقدورك أن تسجل في أربعة في شباكه" بس وييين ومنو البيقووي قلبو ويلعب كده؟؟؟ الميلان كل ما سجل هدف في مرمى برشلونة كلما تضاعفت كمية الاهداف المطلوبة من برشلونة يحرزها.. الميلان جاب قون فعلى برشلونة يجيب 4 اقوان عشان يتأهل .. دي الحسبة البسيييطة البعرفا وبفهما وبقولا لي اليقري مدرب الميلان لو اسة خاشي سودانيز وبيقرا في بوست صبري ده ..ولو ما بيقرا فيهو فرجاء من بورداب ايطاليا وأسبانيا يلفتوا إنتباهو لهذا البوست..
| |
|
|
|
|
|
|
Re: برشلونة VS ميلان .. من سيتأهل اليوم في دوري أبطال أوروبا (Re: عمر الفاروق)
|
Quote: لأنو إنت أكدت في فوز برشلونة على الميلان ..على أن يصاب برشلونة بالأعياء في المباراة النهائية أمام ميونخ.. |
يا عُمر ياخي إنت بتاع لولوة جد جد .. برشلونة مع فترة الإعياء الطويلة يستطيع التغلّب على كل الفرق ما عدا البايرن ميونخ هذا العام .. والسبب هو صعود مستوى البايرن بقوة + القوة البدنية التي يتمتع بها البايرن ...
ياخي أفهم دي أوّل وتعال نظّر ...
Quote: الميلان جاب قون فعلى برشلونة يجيب 4 اقوان عشان يتأهل .. دي الحسبة البسيييطة البعرفا وبفهما وبقولا لي اليقري مدرب الميلان لو اسة خاشي سودانيز وبيقرا في بوست صبري ده ..ولو ما بيقرا فيهو فرجاء من بورداب ايطاليا وأسبانيا يلفتوا إنتباهو لهذا البوست.. |
أضم صوتي لعُمر الفاروق .. على أن يلعب أليجري مُباراة هجومية مفتوحة وعندها ستنتهي النتيجة بأربعة أهداف للبارسا مُقابل هدف للميلان .. وسيتأهل البارسا .. (كدا كيف معاك يا اللخو ؟)
| |
|
|
|
|
|
|
Re: برشلونة VS ميلان .. من سيتأهل اليوم في دوري أبطال أوروبا (Re: محمد زكريا)
|
Quote: نتو مش الليلة فى كورة هلال مريخ؟ ولا ريحة الابرى دى شنو[/QUOTE لوووولز محمد زكريا يا لذيذ يا رايق "كمل جميلك تممو" وورينا ياخي نعمل الوش الاخدر كيف ..
يا صبري والله للاسف فرصة برشلونة في التأهل هي بقدر مفاجآت كرة القدم .. يعني 1% .. الفريق ليس بحالة جيدة ، الاختيارات والله اعتقد انو فيها مجاملة (بيدرو + فابريغاس + الفيش ) ..
انا عايز المدرب يلعب 3-5-2 كالآتي : بيكي - البا - بويول وسط بوسكيتس + تشافي + ماسكيرانو+ انيستا + ادريانو في الهجوم ميس + تيلو : انيستا يساند الهجوم على الطرف اليسار وادريانو على الطرف اليمين ، ادريانو افضل من بدرو في المراوغة والسرعة والتسديد من خرج المنطقة بكلتا القدمين وهو ما يحتاجه برشلونة في مباراة مثل هذه ، بالاضافة الى انه مدافع ممتاز وسريع في المساندة في الهجمات المرتدة .. يظل ماسكيرانو ثابتا امام الدفاع وخلف تشافي وبوسكيتس اللذان يجيدان التنظيم والتمرير .. في حال وجود الكرة في ملعب برشلونة تنسحب تيلو الى اليسار لفتح الملعب مع ادريانو ويبقى ميسي في الوسط .. تبادل ميسي منطقة الجناح الايمن مع ادريانو يمكن ان يربك وسط دفاع ميلان .. يعني لازم يكون في تغيير شبه جذري ، خلاف كده ، حانشوف 10 مدافعين من ميلان واقفين ورا ولاعبين برشلونة بباصو في الكورة helplessly برة ال18 ... تحياتي
| |
|
|
|
|
|
|
Re: برشلونة VS ميلان .. من سيتأهل اليوم في دوري أبطال أوروبا (Re: Abdullah Idrees)
|
Quote: لوووولز محمد زكريا يا لذيذ يا رايق "كمل جميلك تممو" وورينا ياخي نعمل الوش الاخدر كيف . |
مع انه ردك طلعناه بالفتاشة ولكن استجابتنا سريعة وما بنخب نقصر الاخوان وليستفيد الجميع فااا ح اشرح المسالة كالاتى اول بالتبادى تقوم تشوف ليك زول جنّو ضحك زى ود الصايم مثلاً او انا زاتى لكن هو لانه بلا منازع احسن تشوفو وين مداخل وتقوم تشوف انه خاتى ليهو وش بيضحك ولا مدور تابع شرح الصورة والخطوات التالية اها من لقيت غرضك من مداخلته تمشى الى النقطة رقم 3 وتعمل فيها داير ترد عليه وتضغط على ايقونة الرد ولكن ما ترد ولا اى حاجة
اها تقوم تتفتح ليك صفحة الرد هنا تقوم تفتش للحتة بتاعة كيف تعمل اقتباس تابع شرح الصورة والخطوات التالية لاحظ فى شباك الاقتباس بيظهر ليك كلام ود الصايم بلغة هو زاتو ما ح يفهمها ولكن وشوشو الضاحكة بتظهر فى شكل لينك او رابط لاكواد زى الموضحة فى النقاط رقم 2 و رقم 3 لكن ما تقيف كتير فى الحتة دى وراسك يضرب وتحاول تترجم بالقوقل الصورة التالية بتوضح الحاصل شنو
فااا بعد داك تقوم طوالى تعمل تظليل للرابط الجو الاقتباس لحسب الوش البعجبك وبعديها تعمل قطع , كط او كوبى وتمرق من الشغلانة وبلا رد وبلا وجع راس اهم حاجة تحتفظ برابط الوش القطعتو من المداخلة بتاعة ود الصايم وتمش مكان ما داير تعمل مداخل وتضحك تكتب كلامك الداير تقولو وتمشى تجيب الرابط السرقتو قبيييييييل من ود الصايم وتجى تخته محل مداخلتك زى فى الصورة دى بعديها لو داير تتاكد من الحركة بتاعتك نجحت ممكن تعمل عرض مشاهدة بالاول ك test قبل النشر شوف الصورة دى وبعديها بتظهر يك الصورة كده بعد ما تتاكد انها ظبطت معاك طوالى تمشى للخطوة الاخيرة وهى رقم 2 فى الصورة القبل الفاتت بالمناسبة الصور برضو ممكن تستلفها (تسرقها ) بالطريقة دى ودايماً النجيضة كان داير تعمل وش ولا مداخلة اعمل الخطوة واحد قبل الخطوة اتنين فى الصورة المكررة التحت دى الحركة بتاعة المشاهدى بس عشان تتاكد انه العملية تمت بنجاح بالمناسبة اليوتوب ما بظهر لامن تعمل مشاهدة
وده البوست الفتحته بسببك تلبية للنداء, كيف تعمل وش ضاحك فى مداخلتك, شرح بالصور
=========== وفى الختام
| |
|
|
|
|
|
|
Re: برشلونة VS ميلان .. من سيتأهل اليوم في دوري أبطال أوروبا (Re: احمد محمد بشير)
|
خدوها مني
مســــــــــــتحــــــيل برشلونا يعدي الليلة
وعلى مشجعي برشلونا ان يترجلوا و(يقولوا وداعا دوري الابطال)
بعدين انتو قايلنوا لاعب مع اهلي مدني عشان يغلب وكمان 3 صفر ويعدي!
انتو لاعبين مع الميلان يا عالم
وبعدين اي هدف من الميلان محسوب بهدفين اليوم
نعم نحن نشجع الميلان و البرصا , لكن الميلان هو الاقوى لانه اثبت ذلك في مباراة الذهاب في السانسيروا.
| |
|
|
|
|
|
|
| |