لاحول ولا قوة إلا بالله .. محل ما تمشي قناة طيور الجنة المخصصة للأطفال شغااااااالة وبأعلى صوت !! وطبعا أطفالنا المساكين ديل يشيلوا ويكوركوا مع البت الحسها راح دي ... وطبعا محاولة مجارأة اللهجة الشامية مع لهجتنا الدراب دي مطلعا حاجة كده !!!
03-11-2013, 10:13 AM
نادر النور آدم
نادر النور آدم
تاريخ التسجيل: 04-29-2010
مجموع المشاركات: 1126
Quote: يا فارات .. اشترو ليهم تلفزيون وريّحو أدمغتكم!! أقسم بالله البيت بقى زي المستشفى .. كل غرفة بتلفزيون
دا تهرب يا ود الصائم لابد ان تحضر معاهم كمان وتسألهم من الحلقة البتفوتك وتصبر عليهم لحدي ما يكبرو ويشغلوا ليك جدو شعبان هههههههههههه يا سلام على برامج الاطفال عوضنا بيها الجبة وقعت في البير صاحبا واحد خزنير وحولب لب كم في الخط . . امي الله اديها العافية دائما تردد تربية العيال قَرِش حصحاص . . سلام يا سعادتك ابودية
03-11-2013, 11:32 AM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
Quote: دا تهرب يا ود الصائم لابد ان تحضر معاهم كمان وتسألهم من الحلقة البتفوتك وتصبر عليهم لحدي ما يكبرو ويشغلوا ليك جدو شعبان هههههههههههه يا سلام على برامج الاطفال عوضنا بيها الجبة وقعت في البير صاحبا واحد خزنير وحولب لب كم في الخط
ود الصايم .. أقرأ كلام عبدالله ده وخلي الفوضى بتاعتك دي !!
03-11-2013, 10:28 AM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
انا حأقول كلام أصعب من فكرة انه تجيبوا تلفزونات زيادة.. حددوا فترة القعدة قدام التلفزيون، ما تخلوها مفتوحة كده... اعملوه بالدور... طيور الجنة او mbc3 او اي قناة، الطفل محتاج تقنن شويه.. انا فاهمة جدا صعوبة الكلام ده في السعودية باعتبار انه التلفزيون وسيلة عشان نخلص من "نقّتهم"... لكن ضرره كبير جداً... الطفل محتاج يلعب بي حاجات تانية.. انا متأكده انه اطفالكم غرفهم مليانه ألعاب لكن ولا بهبشوها عشان مركزين مع التلفزيون... احنا عندنا تلفزيونين.. واحد فيه قنوات والتاني مركبينه في غرفتهم للwii... رغم انه عنده سلك ممدود من الdish لكن ابدا ما عايزه اوصّله ليهم... العائلة تكون قاعده مع بعضها ويتفاهموا حول ده دور منو .. والاطفال يحترموا الكبار والعكس... لما يمشوا يلعبوا wii أغلب الوقت بنكون إما انا او ابوهم بنلعب معاهم (بنطط زيهم ونرقص ونكورك في mario)... كده عارفينهم بتعرضوا لشنو.. وعايشين تفاصيل حياتهم كلها معاهم.. زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
تحياتي الاخ صلاح
03-11-2013, 10:40 AM
Artiga Gilani
Artiga Gilani
تاريخ التسجيل: 02-16-2013
مجموع المشاركات: 1073
ياخي يوم أنا قاعد مع العزابة بتلعب كوشتينة و جريت لي كرت خمس الورق و قفل لي قمت قمت طوالي دندنت: يا اطفال يا حلوين ، عندنا صاحبنا كان جايب اولادو الصغار معاهو قاموا كملوها: اشربوا الحليب ، واحد من العزابة قال: دا شنو كمان؟
03-11-2013, 11:46 AM
امجد محمد الأمين
امجد محمد الأمين
تاريخ التسجيل: 03-21-2007
مجموع المشاركات: 350
Quote: يا اخي اشترينا تلفزيون تاني المعضلة انك تكون قاعد في التلفزيون التاني يجي يصر انو يقعد حمبك ويشغل كراميش ولا براعم ولا طيور الجنة ... انا زمان بدندن بي تفسي في داخلك اعيان ولا الورده لو خانه الفراش هسي بقيت ادندن انا انا جزره يا ما احلي ولوني . بوست مميز ..
بالله إنت برضو جزرة .. أنا شابكة في راسي الليموني !! حامضة لكن طيبي .. أنا أنا الليموني !!
03-11-2013, 11:56 AM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
Quote: ياخي يوم أنا قاعد مع العزابة بتلعب كوشتينة و جريت لي كرت خمس الورق و قفل لي قمت قمت طوالي دندنت: يا اطفال يا حلوين ، عندنا صاحبنا كان جايب اولادو الصغار معاهو قاموا كملوها: اشربوا الحليب ، واحد من العزابة قال: دا شنو كمان؟
الحاج ! والله صاحبك محمد نور الدائم قادينا بيها قد يوم الجمعة !!
03-12-2013, 11:06 AM
احمد الأمين على إدريس
احمد الأمين على إدريس
تاريخ التسجيل: 04-25-2010
مجموع المشاركات: 678
صلاح وبقية الممكونين انا حالتى متأخرة شوية لانو فاتت التلفزيون وجوة البيت ولحقت العربية حيث انهم عندهم اتنين شريط كاسيت واحد قااااعد جوة مسجل العربية اليوم كلو والتانى تحتو طوالى .. بس هم قدام شوية من زمن بابا تلفون وعصومى ووليد مرة راحو لعند الجيران.. القنوات من 1 الى 10 فى رسيفرنا(هم 2 ) عبارة عن اتنين طيور جنة وواحد ام بى سى 3 وكارتون نت ورك العربية وسبيس توون ...الخ
الله يعين غايتو وسوق سوق يا عمو برهوم اقصد صلاح يمكن البوست دا يجيب لينا حلول اسهل كما هى محاولة مريم الحسين اعلاه
03-12-2013, 03:53 PM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
Quote: بالله إنت برضو جزرة .. أنا شابكة في راسي الليموني !! حامضة لكن طيبي .. أنا أنا الليموني !!
ههههه الليموني دا ما صادفتني . صادفتني انا البنضوره الحلوه تاكل مني لا تشبع وتصير خدودك حمره ..
دا طبعاً خلاف ريحانه ونظيف نظيف و سيد بارع والشان ذي شب وتوم وجيري اسماء في حياتنا .... انا لمن خشيت البوسط توقعت حل للمشكلة لقيت كل الشباب بيعنوا بلا حلول تذكر . تحياتي .
03-12-2013, 02:04 PM
مازن الجمّال
مازن الجمّال
تاريخ التسجيل: 02-08-2008
مجموع المشاركات: 797
Quote: مريم بنت الحسين انا حأقول كلام أصعب من فكرة انه تجيبوا تلفزونات زيادة.. حددوا فترة القعدة قدام التلفزيون، ما تخلوها مفتوحة كده... اعملوه بالدور... طيور الجنة او mbc3 او اي قناة، الطفل محتاج تقنن شويه.. انا فاهمة جدا صعوبة الكلام ده في السعودية باعتبار انه التلفزيون وسيلة عشان نخلص من "نقّتهم"... لكن ضرره كبير جداً... الطفل محتاج يلعب بي حاجات تانية.. انا متأكده انه اطفالكم غرفهم مليانه ألعاب لكن ولا بهبشوها عشان مركزين مع التلفزيون... احنا عندنا تلفزيونين.. واحد فيه قنوات والتاني مركبينه في غرفتهم للwii... رغم انه عنده سلك ممدود من الdish لكن ابدا ما عايزه اوصّله ليهم... العائلة تكون قاعده مع بعضها ويتفاهموا حول ده دور منو .. والاطفال يحترموا الكبار والعكس... لما يمشوا يلعبوا wii أغلب الوقت بنكون إما انا او ابوهم بنلعب معاهم (بنطط زيهم ونرقص ونكورك في mario)... كده عارفينهم بتعرضوا لشنو.. وعايشين تفاصيل حياتهم كلها معاهم.. زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
تحياتي الاخ صلاح
راعي البوست سلامان اختنا مريم الحسين حياك الله والله جنس كلامك الفوق دة ابى يلفق معانا كلو كلو ماعارف ليه يمكن نحنا اكيش منكم شوية صراحة البت الشايفاها في البروفايل دي نقناااااااااقة لامن بس وممكن تستمر في البكاء تلاتة يوم متواصلة عشان تفرض (اجندة ) معينة والمشكلة مع الغربة ودوامات الطويلة والشغل البباريك لحدي البيت والضغوط النفسية المختلفة ماببقي في الواحد حيل ولا اخلاق عشان يتحمل نقة فعملنا الحل القال عليهو ود الصائم برضو مانفع الاطفال مابستمتعو بالحاجة الا تكون انت وامهم معاهم فالبتالي انا ممكن اسمع كافة اغاني طيور الجنة وبراعم وام بي سي
03-11-2013, 11:56 AM
Asim Fageary
Asim Fageary
تاريخ التسجيل: 04-25-2010
مجموع المشاركات: 7810
Quote: زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
والله الجماعة ديل جوا الخرطوم وعملوا حفلة في إستاد الخرطوم ... لكن الأعمى شايل المكسح ما قدرنا نخش !! إمكن لو خشينا كان إتحلينا زيكم !!
03-11-2013, 12:41 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
يا شباب... انتو ما ملاحظين انو الرجال هم البشتكوا من القصة دي... يعني انا لما جيت علقت كنت عايزه اكتب عن مساويء التلفزيون المفتوح على طول للأطفال... لكن ما متضايقة لما يكون وقتهم ويتابعوا معاي... حسي احنا في البيت رغم انه مقنن، لكن برضه الشكله بتقوم بين الاولاد وابوهم... الاطفال ديل بالمناسبة أذكياء... والحركات دي كلها عشان يجذبوا انتباهكم... كدي جربوا ألعبوا معاهم دسدس مثلا.. قوموا من الكنبة وقولوا ليهم يلا غمضوا وامشوا اتدسوا... شوفوهم يشتغلوا بالتلفزيون ولا اللابتوب ولا غيره! الاطفال دي طريقتهم عشان يقولوا ليكم عاينوا لينا... عشان كده حتى لو فتحتوا ليهم طيور الجنة اليوم كله ما حتتحلوا منهم... عليكم الله جربوا الليله قصة الدس دس دي... والله ممتعة بشكل... نادر بكون شايل ليلى لانها ما بتفهم اللعبة.. ومحمود بغمض ونجري نتدسى ... ولما يلقى واحد فينا نضحك ضحك!! انا جاده مافي زول يجي يشاكلني...
طب بلاش دس دس لو اللياقة تعبانة (زي ود الصايم مثلا، وايوه دي إشارة إلى هروبك من biggest looser).. جيبوا ليدو واقعدوا علموهم اللعبة واعلبوها معاهم... كوتشينه مينوبولي... احنا قبل اسبوعين اشترينا طاولة ping pong (النوع البطبّق)، ناس ساكو جابوها ... وقاعدين نعلم محمود .. والله الاطفال عايزين انتباهكم ...
حسي انا بالنهارية ما عندي كبير غرض في التلفزيون... لكن عشان ما يفضل مفتوح ليهم، بقوم احدد وقت.. محمود بجي من المدرسة الساعة 2:30... مسافة ما يغير... بجي يقعد فيه.. هو عارف وقت الدراسة الساعة 4.. الفترة دي تلفزيون.. لما يجي وقت الدراسة والواجبات بنقفله كله كله... بخلص القراية.. وبعداك هو زاتو بنساهو.. ممكن يرجع ليه زي الساعة 6 عشان ياكوي نادر... الساعة 7 بقيف... بمشي يلعب ويخش ويمرق الساعة 8 العشا، الساعة 8:30 النوم... في الويك إند، بنعمل برنامج حافل... بنطلع غالباً ونعمل مشاوير عائلية بالكرعين... ايوه والله نطلع نمشي لينا تلاته أربعة كيلو سوا، ونرجع.. محمود ليه اسبوعين وقت الفليم بتاع mbc3 بقى يطفي نور الاوضة ويطلب popcorn.. بحضر الفليم، ولانه تعبانه بكون عين مغمضة وعين مفتحة.. وغالبا ما بتمّه.. وبنوم... والله الحاجات دي كلها (تلفزيون لابتوب، تلفون، تابلت...) غير انها تسرق منّكم ومنهم أحلى ايامكم سوا، ما فيها اي فايدة...
*كان زول كسر ليه كراع ولا حاجه وهو جاري في الدس دس ما يجي يقول دي مريم
03-11-2013, 12:56 PM
Artiga Gilani
Artiga Gilani
تاريخ التسجيل: 02-16-2013
مجموع المشاركات: 1073
Quote: Osman Omar Al Mahmuodالواحد قنع من التلفزيون وخلاهو ليهم بصورة شبه نهائية الغريبة بعد دا واحد يادابو بتكلم يلحقك في صرة لابتوبك ويردد جمبك فتحي ياوردة غمضي ياوردة تشبكو يا ود هوي الوردة هناك امشي لي اخوانك بعد شويتين تكتشف وانو دايرة في ال youtube وبعد توافق دير يسمعا مرتين بس المهم الواحد ممكن يتماشا معاهم لكن المصيبة الي انا ما قادر اعرفا واكون واثق منها تماما هل الكلام دا صاح بمعنى نخليهم يشاهدو القنوات دي زي ما هم عايزين ما ح يكون عندها اي سلبيات لقدام في سلوكهم ؟؟؟ والسلام ...
اخونا من الفيسOsman Omar Al والله كلامك دة كوبي بيست بس
03-12-2013, 09:03 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
هههههههههههههههههه@ بت الحسين! وين الكلام دا مع الدومات السَلبة دي!! لكن آخر الأسبوع قاعد أجهجه باكاتم كويس فيما يسمى (اليوم الأسـري)! ودا طبعا ببدا من بعد صلاة الجمعة طوالي وحدي صلاة العشا .. في الغالب بكون (مول) عشان تضرب عصفورين بحجر غدا + ملاهي ثم تختما بالحديقة والتمشية بجو ناشفين
_ لكن قصة دسوسية دي ما معانا ولااا بنقدر ليها!
03-12-2013, 09:20 AM
Artiga Gilani
Artiga Gilani
تاريخ التسجيل: 02-16-2013
مجموع المشاركات: 1073
التلفزيون بالنسبة لى يارا, بنتى, حاجه مختلفه جدا .. يعنى لو عاوزه تحضر "دورا" الساعة 4 .. تفتح القناة الفلانية .. اما لو عاوزه تحضر "دورا" الساعة 6 .. فهى عارفه وين تلقى "دورا" الساعة 6 .. وكذلك الساعة 7 الخ .. وهكذا هو الحال مع تليتيبيز وبارنى ودييغو .. والاخير كما يبدو لى تربطه علاقة قرابة ما مع "دورا" ..
هههههههههههههه.. والله اديتوني احساس اني بقول زي عادل إمام (خللوه)....
يا ود الصايم... جرّب الليدو... ارقد رقاد عدييييييييل كان فتران من الشغل (ده لو بتجي في وقت مناسب قبل وقت نومهم).. والله بتتحلو منّهم... اصلا انا التلفزيون لو عايزه شي احضره بمزاج، بحضره بعد ينوموا ... ليلى بتي عمرها سنة ونص... ما بتحب التلفزيون خاااااااالص ليوم الليلة... ولا بجذبها... حسي في اللحظة دي انا بكتب كلمة، وبوقف اسمع المحاضرة البتقول فيها ليها ساعة... وما بيحلى ليها تتكلم إلا لما تحس بي اني مشغولة... محمود اول ما يصل بكون عايز الوقت بتاعه حق التلفزيون... رغم اني مرات بكون بتفرّج.. لكن ما دخله... بخليه ينتظرني اتم العندي بعداك يشوف التلفزيون... مما يجيب المحطة بتاعته، بمشي يخليها... او ممكن يكون قاعد جنب التلفزيون وبلعب بي لعبة تانية... يعني ده lose lose situation...
بمناسبة سنابل يا ناذر... محمود حلف منّها عديل كده.. رغم اني بغني معاهم وبشرح ليه الحاجات ... اعتقد المشكلة انه مافي ربط بالواقع مع الحاجات البشوفها في التلفزيون... يعني ما بعرف الزير ولا العنقريب... ولا شاف حِلّة سودانية بعد كِبِر كده... اليوم داك جاني شعور قوي اني اسوقهم امشي رفاعة... اخليهم يقعدوا ليهم تلاته شهور هناك.. ولا نفتح تلفزيون ولا نعاين لحاجه... يقعدوا في التراب يلعبوا بيهو، يعجنوا الطين... والعصريات يمشوا البحر... والله حياة طبيعية وجميلة بشكل... انا طبعا اتربيت اول سنين حياتي مع حبوباتي في رفاعة...
يلا... زيّتوا الركب وقوموا العبوا مع اولادكم يرحمكم الله
03-12-2013, 11:13 AM
نادر النور آدم
نادر النور آدم
تاريخ التسجيل: 04-29-2010
مجموع المشاركات: 1126
من المشاكل الغير البتواجهني مع توتة حبها المفرط للبت لين الصعيدي وكل شويتين تصر اغني معاها طق طق مييييين مين بس عشان تقول لي انا لين لمن قربت اقتنع انها لين
والمشكلة التانية لمن تتقمص شخصية ديمة بشار ونكشك نكشك والشعر يوقفو ليك نيش ههههههه
ويامريم على عكسك تمام توتة ماعلقت في طيور الجنة بالشكل دا الا لمن جو هنا ومشينا وطرحت نفسها صديقتهم الحميمة -لصاحباتها واولاد خالتها- لانها شافتهم
تعرف تكتل قلبي تماما لمن تعدل في الأغنية : الأم الشطورة في البوم احلى الأمات راح نعملها صورة
وتكتل ليك قلب ابوها كل دقيقة ب تسلم يانور عيوني ههههههههه
المهم كانت مابتحب طيور بيبي شديد ومابقت تحضرها الا لمن كشت شوية من قناة طيور الاساسية بعد كليب الحرامي
عليه عليكم بهذا الكليب لو شفعكم خوافين هههههههه
اها المشكلة بقت في امها الماقادرة تتخلى عن القناة والله مرات بلقى نفسي قاعدة براعي ومشغلاها وبالذات برنامج صوتك كنز وراح نكتشفو هههههههههه
نسيت اقول القناة الممضلة لتوتة اي رقم واحد هي براعم بببا براااعم
وياناذر الخليفة اقول ليك حاجة سنابل دي نهااااااائي ابت تلفق معانا
مرات بكون شايلة الريموت وبغير ليها براحة بنلقى حاجات تشدها لكن من اجيب سنابل عينك ماتشوف الا صرة الوش وعوجة الخشم ويتخنو ليك الصوت اوب عليييييييا سنابل ؟ امي يعني مانحضر معاك هههههههههه
03-12-2013, 12:39 PM
Artiga Gilani
Artiga Gilani
تاريخ التسجيل: 02-16-2013
مجموع المشاركات: 1073
Quote: وياناذر الخليفة اقول ليك حاجة سنابل دي نهااااااائي ابت تلفق معانا
مرات بكون شايلة الريموت وبغير ليها براحة بنلقى حاجات تشدها لكن من اجيب سنابل عينك ماتشوف الا صرة الوش وعوجة الخشم ويتخنو ليك الصوت اوب عليييييييا سنابل ؟ امي يعني مانحضر معاك هههههههههه
ههههههههه عارفة ليه ؟!
الرسوم بتاعت سنابل والمسلسلات القديمة جدا ومعمولة بي تقنيات الزمن اتجاوزا .. وبقت ما جاذبة للطفل .. أنا هسي بناتي ديل بيحضروا الأغاني في سنابل وحافظنها صم . لكن مجرد ما يجي مسلسل قديم بيدقوا جرس ويقولو عايزين براعم أو طيور الجنة ..!
03-12-2013, 01:16 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: اعتقد المشكلة انه مافي ربط بالواقع مع الحاجات البشوفها في التلفزيون... يعني ما بعرف الزير ولا العنقريب... ولا شاف حِلّة سودانية بعد كِبِر كده... اليوم داك جاني شعور قوي اني اسوقهم امشي رفاعة... اخليهم يقعدوا ليهم تلاته شهور هناك.. ولا نفتح تلفزيون ولا نعاين لحاجه... يقعدوا في التراب يلعبوا بيهو، يعجنوا الطين... والعصريات يمشوا البحر... والله حياة طبيعية وجميلة بشكل... انا طبعا اتربيت اول سنين حياتي مع حبوباتي في رفاعة...
فعلا دي هي المشكلة .. أنا شخصيا بعاني منها لأني ساكن في شقة .. وأكترية الحاجات الفي سنابل القلتيها دي غير موجودة طبعا في الشقق .. هسي اكتر حاجة بيرتاحوا ليها البنات وأسعد اوكاتم لمن يمشوا بيت حبوبتم في الكلاكلة يقعدو كم يوم .. عندهم هناك ما شاء الله حوش كبير فيهو زراعة ومظلة برة وطين وحلل وعناقريب ..!! والله لمن يرجعوا أنا بحن عليهم بيشعروا بالاكتئاب في الشقة عدييل كدة .. فعلا مسالة الربط مع الواقع حاجة مهمة .. قبل فترة وديتم جنينة الحيوانات لأول مرة كانوا مفتكرين حا يشوفوا الحيوانات هناك بي شكلها الظريف الملون البيشوفوهو في قنوات الأطفال العربية وافلام الكرتون .. اقول ليهم عاينو القرد داك !! يصروا وشهم ويقولوا دا ما القرد ..! طيب عاينو الغزالة دي !! يقولوا دي ما غزالة الغزالة لونا بمبي !! أي حيوان وريتو ليهم نكروهو حطب وكمان في النهاية دقوا جرس قالوا ما بيمشوا الا يشوفوا الدب نظيف نظيف بتاع قناة براعم !! دا يجيبوهو ليهم من وين في الحر دا !!
غايتو مسألة الزول يكون اب جيد لي بنتين عمرهم قريب لي بعض وتفكيرم متسق مع بعض مسألة صعبة خلاص !!
03-12-2013, 01:50 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
ديل بالرغم من ضعفهم التقني من ناحية الرسوم والاخراج لعدم توافر التقنية المتقدمة الا انهم بالنسبة لي يساوو باقات طيور الجنة وكراميش وبراعم كلهم !! وشايفم أفيد لي طفلاتي وقريب من واقعم باكتر من ديلاك وحتى الرسائل البتبث للاطفال من خلال الأغاني دي واضحة والطفل ممكن يستوعبا بسهولة خاصة انها بي لغتنا المحكية العادية !!
03-13-2013, 01:22 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
عذراً لكل الإخوة المتداخلين .. أنا بحاول أرد لكل زول تحت المداخلة بتاعتو ! مرات بتصدق ومرات بتجى فى آخر البوست ! ليه ما عارف والله !! كدى يا ناذر راجع مداخلتك فى الصفحة 2 !!! ــــ فى ناس بقروا البوست من مداخلتم ولى تحت .. وفى ناس بمشوا الصفحة الأخيرة طوالى !! وأنا بحاول أوفق بين هذا وذاك ! والحكاية دى شكلها عامة فى المنبر ... دايرين لينا طريقة حديثة شويه للردود والكوت ول ّ شنو ؟؟
03-13-2013, 04:38 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: أنا بحاول أرد لكل زول تحت المداخلة بتاعتو ! مرات بتصدق ومرات بتجى فى آخر البوست ! ليه ما عارف والله !!
لأنو أنت بتفتح كم صفحة للرد ولمن ترد في صفحة وتمشي للبعديها ما بتمشي بي انتظام الصفحات الفاتحا ودا بيخلي الردود تتناثر وما تجي مرتبة ..!!
بعدين ما تنس انو الصفحة بقت تقلب سريع جدا وما في زول بيرجع ورا ..
أسلم حل تمشي أخر صفحة وتنزل تفتح ليك كم صفحة للرد وتفتح صفحة تانية ترجع بيها من محل وقفت ترد .. وترد من هناك وترسل وبي كدة الردود كلها بتجي في الأخر واي زول بيشوفا ..
حكاية ترد علي أي زول تحت مداخلتو في حالة يكون البوست ايقاعو بطي أو عدد المداخلات يكون كتير في الصفحة الواحدة قبال تقلب ..!
تسلم
03-13-2013, 07:28 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
و الله كان لقيت طريقه كنت كسرت الستلايت زاتووواااااااا اي واحد بيعاني من الاولاد معنا دخل في طور الحمار. قولو كيف؟
ايوااااااااا
قال جدي ...
الانسان له اخمس مراحل المرحلة الانسانيه وهي المرحلة من واحد يوم الي اربعين سنه وهي المرحلة التي تسبق الزواج حيث يعيش حياتو الطبيعية قبل الزواج بحريه..
المرحلة الحماريه . بعد العرس بيكون عمرو في الاربعين تقريبا و عندو اولاد ( وهي سن الحمار التى نحن فيها الان) ما يميز هذه الفتره تلقاها (الاب ) داخل على البيت وشايل حاجات كل يوم (زي الحمار بالضبط)
(المرحلة ال######يه) عند بلوغه الستين (المرحلة ال######يه) يكون قد اتي على سن المعاش و الاولاد كبرو ودخلو الجامع و الاتوظف اتوظف و هو ( الاب) قاعد في البيت و الوق كلو في يا ولد جيب و يا بت سوي يهوهو زي ال###### تماما....
المشكلة بعد عشرة سنة من هسه حيخشوا في وادي الذئاب وباقي مسلسلات الترك وأم بي سي 2 ويستمروا طاشر سنة كدا ويقعدوا يخشوا المنابر ويفتشوا عن حلول لمشكلة طيور الجنة
دي فاتت الاستلاب الثقافي لي مرحلة سرقة الإرث والثقافات عديل مفردات عنقريب وكنش وتبروكة حتخش قريب المتحف بس البكيف إنو المصريين برة الشغلانة دي سنابل يا ناذر عاملة زي قناة النيلين ، قناة النيلين بتنزل زيادة زيها زي دقة الفحم
تحياتي
03-14-2013, 08:38 PM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
Quote: غايتو مسألة الزول يكون اب جيد لي بنتين عمرهم قريب لي بعض وتفكيرم متسق مع بعض مسألة صعبة خلاص !!
هههههه ! يا ناذر برانا بنصعبها على رقبتنا !! الجماعة ديك كلو ثلاثة أربعة سنة بجيبوا واحد/ة بس !! ده كان ما وقفوا على الأول/ة !! أما نحن والله العظيم فى واحدين فينا بكونوا ما عارفين الكبير منو والصغير منو ؟ ويجوك أنت أبوهم عشان تحكم !! ومرات بتقعد تحك فى راسك زى القرد !!
محمد مهدى تحياتى وإحترامى ومرحب بيك فى حوش بكرى والله ما شفت بوست الترحيب بتاعك ! برالمة الزمن ده بس فجأة كده بتلقى فى البوست بتاعك وبعد شوية يطلع قريبك وغايتو !ّ
Quote: باقي المراحل ستأتيكم لاحقا
والله العظيم يهدلنا بهدلة .. تانى فى مرحلة أسوأ من الشخبطها بكرى دى ؟؟
03-18-2013, 12:03 PM
هيثم التوم
هيثم التوم
تاريخ التسجيل: 04-30-2010
مجموع المشاركات: 1977
البطاطا البطاطا حيو البطاطا البطاطا . . يجيئون الى مهرولون أثناء نومي في الغرفة المجاورة يصرخون: بابا بابا .. واصحو مفزعا ! في شنو ؟ مالكم ؟ البطاطا يا بابا البطاطا ! البطاطا شغالة ! كنت قد عودتهم ان اجاملهم بعض الرقصات والدندنات اثناء حضورهم لاناشيد طيور الجنة وعندما تأتي البطاطا هذه كنت اقوم بمحاكاة البطاطا الدبة الحمراء تلك على طريقة تضحكهم فكانوا يأتون لاخباري لكي اعيد المشهد الذي يحبونه كلما ظهرت البطاطا على التلفاز براءة اطفالي لكن النافوخ طق طق جدا ...
03-19-2013, 01:07 PM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة