|
|
 سؤال لدعاة الشريعة (لماذا تتعالجون بالبنسلين؟)
|
واحد يناولني "حديث الذبابة" عشان الفخ بيهو الجهاليل ديل في راسم المدوقس دا ...
يعني في زول نصيح يسأل: إلى دعاة العلمانية ... أوربا انتقدت الإسلام ثم طبقته؟
كيف يعني؟
نفكك السؤال دا براحة ..
السؤال موجه إلى أولائك الذين يعارضون الدولة الدينية ويدعون لفصل الدولة من المؤسسات الدينية لتوفير حرية العقيدة وحماية التعدد الديني على أساس المواطنة ... إلى دعاة العلمانية ...
الحديث عن ورثة الامبراطورية الرومانية بوثنيتها ونصرانيتها وورثة الامبراطورية العثمانية المسلمة التي حلت محلها فاستنجدوا بفرسان الدائرة البريطانية وحروبهم الصليبية ضد الوثنيين والعثمانيين ... قارة تحالف فيها اليهود والقوطيين ومسلمي الأندلس ضد الكنيسة الكاثوليكية الرومانية في شبه جزيرة النورماندي (ولا زالت الإيتا تناضل من أجل استقلال اقليم الباسك) هذه العجينة من التعددية الدينية والمذهبية التي انتجت الثورة الليبرالية التي قامت عليها المؤسسية الديموقراطية والتي بدورها اتاحت لهم الثورة الصناعية والتقدم العلمي والهيمنة على اقتصاد وسلاح وقرار العالم نتيجة لحروب عالمية ساخنة وباردة وحلوة وحادقة .... هذا الرهط من القوقاز ذوي المشارب الدينية والثقافية والعرقية المختلفة والذين لم تجمعهم الديموقراطية إلى مؤخرًا بعد هزيمة المعسكر الشرقي ولا زال اتحادهم الأوربي قيد الإنشاء والتأسيس ... هذه الـ... أوربا ... انتقدت الإسلام ثم طبقته ...
يعني كأنو البيتكلم بيفهم منهجية نقدية ... أو عندو عهد من الله انه يعبر عن الفرقة الناجية ... أو أوروبا دي لسة ملك الشيطان ما آلت ملكيتها لله لغاية الليلة .... يعني كلام عجيب ... انتقدت الإسلام ثم طبقته !!!!
طبعًا انا ما كاتب البوست دا لتبيين خطل القول: إلى دعاة العلمانية ... أوربا انتقدت الإسلام ثم طبقته ...
وإنما لتبيين أننا ندفع الأرواح العزيزة من المواطنين البسطاء والمغلوبين على أمرهم في مخططات الإبادة العرقية والدينية وحروب التهميش بسبب هذا الخطاب الديني الملتوي والمعتدي والمستبد ... والآن يريدوننا أن ندخل في مناظرات مغلوطة لفظًا واصطلاحًا ومعاني كلمات ... أوربا علمانية ... دستور اتحادها ينص على ذلك ... وكل مساجدها ومسلميها يشهدون بذلك ... ما الذي يجعل هذه المساجد تنتقد الإسلام أو لا تطبقه .... أم أن هذا الكلام صادر عن الجهل والتلقين الظلامي والهتافية السياسية العقيمة الصادرة عن الهوس الديني العنصري وأحلام الدولة الدينية المستبدة ...
يريدوننا أن ندخل في مناظرة ندافع فيها عن شيطان أوربا العلماني ... بينما يستنجدون بالسلف الصالح والملائكة وجنود لم تروها ...
لا بالله .... يا حلات لكلك .... 
قوموا لفّوا يرحمكم الله .... فشيطان أوربا العلماني منغمس في ارتكاب الموبقات والفواحش في إجازة في جزر البهاما وما فاضي ليكم ... ودم وأرواح الأبرياء والمظلومين ما حا نخليهو ... والعدالة ما فيها تنازلات ... سواء انتقدت أوربا العلمانية الإسلام أم لم تنتقده ...
... المهم ...
|
|
  
|
|
|
|
|
|
|
 Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
| Quote: السؤال موجه إلى أولائك الذين يعارضون الدولة الدينية ويدعون لفصل الدولة من المؤسسات الدينية لتوفير حرية العقيدة وحماية التعدد الديني على أساس المواطنة ... إلى دعاة العلمانية |
غلط
السؤال عام اريد به خاص
لانني مع توفير حرية العقيدة و حماية التعدد الديني على اساس المواطنة
السؤال موجه لدعاة فصل التشريع الاسلامي عن القوانين الحاكمة للدولة بمعنى
الرافضين للقوانين الحدية ( دي من عندي)
لانو لو باريناهم بننتهي من باقي الفضيلة الفضلت في مجتمعنا هي اصلا حبة فضلت بدل ننميها ونزيدها ننتهي منها مرة واحدة؟
شوف الغربيين العاجبنكم ديل بعد انتهوا من الفضيلة في مجتمعاتهم هسه بفتشوا في الطريقة الترجعها ليهم
اخير كده عاد؟!
| Quote: سؤال لدعاة الشريعة (لماذا تتعالجون بالبنسلين؟) |
الجواب
لاننا نؤمن بقول النبي صلى الله عليه وسلم الحكمة ضالة المؤمن انى وجدها فهو احق الناس بها.
اها نقفل؟!
| |
|
|
|
|
|
|
|
|
 Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
1- | Quote: لانني مع توفير حرية العقيدة و حماية التعدد الديني على اساس المواطنة |
2- | Quote: فصل التشريع الاسلامي عن القوانين الحاكمة للدولة |
مفروض تقول انك "مع توفير التشريع الإسلامي لحرية العقيدة وحماية التعدد الديني داخل الدولة الإسلامية"
وتفهم أن فهمك للإسلام ليس مرجعية لحقوق الناس ولن يستجدوها منك ومن تشريعك الإسلامي ... فالحقوق تنتزع يا هذا ...
(وسيب البنسلين في حالو الله يرضى عليك ... فالبنسلين - بعكس "الشريعة" - ينفع ولا يضر! ... اتداوى من سكات )
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
Quote: مفروض تقول انك "مع توفير التشريع الإسلامي لحرية العقيدة وحماية التعدد الديني داخل الدولة الإسلامية"
وتفهم أن فهمك للإسلام ليس مرجعية لحقوق الناس ولن يستجدوها منك ومن تشريعك الإسلامي ... فالحقوق تنتزع يا هذا ...
(وسيب البنسلين في حالو الله يرضى عليك ... فالبنسلين - بعكس "الشريعة" - ينفع ولا يضر! ... اتداوى من سكات )
|
بتذكر في نقاشي معاك في واحد من المواضيع عبت علي اني اخرجت الكلام عن سياقه
اها انت هنا اقتطعت جزء من كلامي لتعضد به وجهة نظرك واعني قولي فصل التشريع الاسلامي عن القوانين الحاكمة الدولة وانا اوردت هذه الجملة لاقول انني قصدت بموضوعي
من يقول بهذا الكلام اي فصل التشريع الاسلامي عن القوانين (يعني قوانين وضعية لا دور للاسلام فيها ) وممكن تسيبنا من حتة الحاكمة للدولة عشان ما يحصل خلط .
اها انت بقى برضو ما تخرج الحديث من سياقه
وانا بدوري اعتذر عن عدم صياغتي للجملة بالشكل المطلوب
| |
|
|
|
|
|
|
|
|
 Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
| Quote: طيب ده علاقتو شنو بالتشريع الاسلامي اللي كتبت انا عنو؟ |
ياخي الناس متساوية في الإنسانية ... وكل زول عندو دين وتفسير لسر الوجود .. قبل كدا جوا اليهود وادعوا ملكية أرض الميعاد اعتمادًا على معتقدهم ... هل تعتقد أن هذا انصاف لأصحاب الحق؟
مواطن سوداني لا يقبل بالشريعة والمذاهب الشرعية ... تجي اعتمادًا على معتقدك تسلبو حق التشريع لبلدو بنفسو؟
والله الذي لا إله إلاّ هو ... ادخلك انت ومعتقدك الشرعي الجايي تعتدي بيهو على حقوقي في كيس نايلو لامن تتمحن ...
اخدع نفسك وتخيل انك مبعوث بتشريع الله ومسيطر على الناس ... عشان تعرف سيد الحق في بلدو منو ...
انت قايلنا ضيوف عندك انت وتشريعك الإسلامي؟
والأرواح السودانية العزيزة الاندفعت تمن للجهل الشرعي دا ... ما بتضيع هدر ... لأنو الإنسان السوداني سيد حق والتشريع الإسلامي عدو خارجي ...
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
Quote: ياخي الناس متساوية في الإنسانية ... وكل زول عندو دين وتفسير لسر الوجود .. قبل كدا جوا اليهود وادعوا ملكية أرض الميعاد اعتمادًا على معتقدهم ... هل تعتقد أن هذا انصاف لأصحاب الحق؟
|
تمام الناس متساوية وكل زول عندو تفسيره دي حرية شخصية نؤمن بيها ونتبناها ما حجرنا على زول حريته ولا نازعناه فيها
Quote:
مواطن سوداني لا يقبل بالشريعة والمذاهب الشرعية ... تجي اعتمادًا على معتقدك تسلبو حق التشريع لبلدو بنفسو؟
|
من حق اي انسان ان يدافع عن معتقده ويساهم في التشريع لبلده ما قلنا حاجه
بس اذا كان في مليون ضد التشريع و30 مليون مع التشريع نهمل رأي ال 30 مليون وناخد برأي المليون؟!
Quote:
والله الذي لا إله إلاّ هو ... ادخلك انت ومعتقدك الشرعي الجايي تعتدي بيهو على حقوقي في كيس نايلو لامن تتمحن ...
|
بما انك بتخاطبني بصفة شخصية وين الاعتداء على حقوق المواطن في حديثي ؟!
Quote:
اخدع نفسك وتخيل انك مبعوث بتشريع الله ومسيطر على الناس ... عشان تعرف سيد الحق في بلدو منو ...
|
برضو وين كلامي القلت فيو كده انا؟
اما سيد الحق فكل المواطنين متساويين في الحقوق و الواجبات ما حقت زول البلد ولا انا قلت كده ولا بقول
Quote:
انت قايلنا ضيوف عندك انت وتشريعك الإسلامي؟
|
يخيل لي انك بتخاطب شخص تاني لانك بتقول في كلام انا اصلا ما قلته ولا اعتقد به ولا اتبناه
Quote: والأرواح السودانية العزيزة الاندفعت تمن للجهل الشرعي دا ... ما بتضيع هدر ... لأنو الإنسان السوداني سيد حق والتشريع الإسلامي عدو خارجي
|
مين بحدد انو التشريع الاسلامي عدو خارجي؟!
انا؟! انت؟! ولا الشعب؟!
طيب خلي الشعب هو يقرر انو التشريع الاسلامي هو عدو خارجي و يرفضه لانو ما ممكن تتكلم انت بإسم الشعب وتعيب علينا نحن نتكلم بإسمه
فطالما اننا متساويين في المواطنة فما ينطبق عليك ينطبق علي.
انت تدعو للعلمانية ان ادعو للاسلام غيرنا يدعو لليبرالية وغيره يدعو للشيوعية
كلنا يطرح معتقده والشعب هو من يختار دون ان يفرض احدنا نفسه وصياً على الشعب او متحدثاً بإسمه
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Emad Eldeen Ali)
|
Quote: من حق اي انسان ان يدافع عن معتقده ويساهم في التشريع لبلده ما قلنا حاجه
بس اذا كان في مليون ضد التشريع و30 مليون مع التشريع نهمل رأي ال 30 مليون وناخد برأي المليون؟! |
بعد اتفقنا على دستور علماني ... جيبوا تشريعاتكم دي واحد واحد نشوف حكايتها شنو ...
بس العدالة والقصاص أول ... بعد داك اقعدوا شرّعوا لينا
(نحن - العلمانيين - ما ضد انك تمارس سياسة من منطلقات دينية ... بس بدون ما تكون عندك سلطة مقدسة تعتدي على سلطات الدولة وحقوق المواطنين)
انت قايل البيشرع في اوروبا هيئة علماء وفقهاء؟
ولاّ تشريعاتهم العاجباك دي منزلة؟
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
Quote: مين بحدد انو التشريع الاسلامي عدو خارجي؟!
انا؟! انت؟! ولا الشعب؟! |
انا ... عملاً بحقي في وطني ... واقبل كل من يشاركني الرأي ... اصلاً انا مواطنتي ما شاحدها منك ولاّ من شعب ولاّ من تشريع اسلامي ...
انا المواطن وانا البحدد عدوي ... التشريع الإسلامي ما سوداني ... بالتالي فهو عدو خارجي ... بسبب الخراب والدمار الذي سببه التشريع الإسلامي ...
لامن جانا البنسلين ما صنفناهو عدو ... لاكين الأيدز عدو خارجي ... زيو زي التشريع الاسلامي ... بسبب الخراب والدمار السببو الإيدز ...
انت قايل اي حاجة تجينا من برة تتفرض علينا؟ ... الله دا ما ادانا عقل نميز بيهو الخير من الشر؟
تلبّسوا البنات الطرح بى البوليس؟
ما بتخجلوا؟
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
Quote: انا ... عملاً بحقي في وطني ... واقبل كل من يشاركني الرأي ... اصلاً انا مواطنتي ما شاحدها منك ولاّ من شعب ولاّ من تشريع اسلامي ...
|
تمام ده رأيك الشخصي احترمه و اقدره جدا
بس كمان من حقي يكون عندي رأيي الشخصي المخالف لرأيك ولا كيف؟
اما اذا الشعب حدد وقال التشريع الاسلامي عدو خارجي ورفض ان يحكم السودان به حينها اقبل ما قاله الشعب لاني فرد منه ولا يمكن لرأي الفرد ان يفرض على الجميع
اما اذا قال الشعب غير ذلك فلك ان تحتفظ برأيك لكن عليك ان تحترم ارادة عامة الشعب ورغبتهم في ان يحكموا بالتشريع الذي يريدون
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
Quote: بعد اتفقنا على دستور علماني ... جيبوا تشريعاتكم دي واحد واحد نشوف حكايتها شنو ...
بس العدالة والقصاص أول ... بعد داك اقعدوا شرّعوا لينا
(نحن - العلمانيين - ما ضد انك تمارس سياسة من منطلقات دينية ... بس بدون ما تكون عندك سلطة مقدسة تعتدي على سلطات الدولة وحقوق المواطنين)
انت قايل البيشرع في اوروبا هيئة علماء وفقهاء؟
ولاّ تشريعاتهم العاجباك دي منزلة؟ |
العدالة و القصاص حق للشعب و انا شخصيا مع العدالة و القصاص من كل من ثبت انه اجرم بحق الوطن او المواطنين .
بالنسبة للتشريعات فلنتعامل معها معاملة القوانين
فمن المعروف ان من حق اي دولة ان تضع القوانين التي تناسبها وتتماشى مع اعرافها وتقاليدها و معتقداتها
والتشريعات الاسلامية تشريعات تحافظ على المجتمع واخلاقه وفضائله وليست تشريعات قانونية خالية من الاخلاق
حتى الحدود التي يثور الكثيرون لمجرد سماع اسمها وضعت لتكون رادع وليست للتنكيل بالناس لذا كان قول الرسول صلى الله عليه وسلم ادراؤوا الحدود بالشبهات
وكان اذا جاءه رجل قد زنى او امرأة يرده ولا يقيم الحد عليه من اول مرة رغم انه جاء معترفا مقرا بذنبه طالبا ان يقام عليه الحد وعمر رضي الله عنه عطل حد السرقة لاسباب موضوعية
وعندما سرق غلامان قال لسيدهما لو سرقا مرة اخرى لاقمت عليك الحد لانه جوعهما و اضطرهما للسرقة هذه هي روح التشريع الاسلامي قوانين بروح وليست مجرد قوانين وضعية
الاسلام الذي حرم الخمر و الزنى ليحافظ على المجتمع وعلى الفرد حرم التجسس وتشدد في قضية اثبات الزنى لدرجة اصبح اثباتها اشبه بالمستحيل
فلو زنى احد في بيته لا يحق لاحد ان يتجسس عليه ليقيم عليه الحد ولو شرب احد الخمر في بيته دون ان يخرج للناس لا يستطيع احد ان يتجسس عليه ليقيم عليه الحد مالم يخرج للناس ويضرهم بسكره ويضبطوه مخمورا
الاسلام الذي فرض الزكاة فرض الجزية ليكون افراد المجتمع متساويين في دعم اقتصاد دولتهم ورفع الفقر عن بقية اهل البلد .
المجتمع الذي نريده مجتمع يكفل للفرد حريته شريطة ان لا تضطر حريته هذه بالمجتمع او حتى بنفسه وترك له حرية الاعتقاد مفتوحة يعتقد ما يشاء وحسابه عند ربه فقط
مجتمع يحمي الفضيلة و يحارب المنكرات
اما الحرية المطلقة فهي مضرة و ضررها اكثر من نفعها لانها تؤسس لمجتمع من غير ضوابط او اخلاق
انت تعيش في مجتمع اوروبي وتعلم ما اعنيه تماما
الشريعة التي ادعو لها هي لاقامة مجتمع فاضل للاخلاق فيه مكانة سامية مجتمع يمنع الفرد من الاضرار بنفسه و المجتمع ويكفل له حريته فيما عدا ذلك
لا شريعة تستغل لقهر الناس وحكمهم بإسم الدين وقتلهم و التنكيل بهم
ما ادعو له هو اقامة الديمقراطية و الحرية اولا وكفالة حرية الاعتقاد للجميع والاسلام قد كفل هذه الحريات (من شاء فليؤمن ومن شاء فليكفر)
ثم وضع ضوابط وحدود لتحفظ المجتمع وتصونه من الانحلال دون ان تستغل هذه الضوابط ضد فئه معينة بل ضوابط يكون الجميع امامها سواء
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
Thanks ya Tabarak for confronting those who claim the right to deprive me of life just because they are MAJORITY!
Is this what they think about Democracy?
If every single person in a community agreed on flogging a person because he drinks alcohol, without stepping on their toes, they still have no single right to flog me if I decided to drink.
This is my basic right in any Democracy.
I know they will take against me because I used the Alcohol example!
and before I forget, here is
http://www.vb.islam4m.com/t1332/
Quote:
روى الإمام البخاري بسنده عن رسول الله صلى الله عليه وسلم هذا الحديث الصحيح:
190129 - إذا وقع الذباب في إناء أحدكم فليغمسه كله ، ثم ليطرحه ، فإن في أحد جناحيه شفاء وفي الآخر داء
الراوي: أبو هريرة - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 5782 |
Thanks again
mohamed elgadi
Amherst, MA
USA
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
| Quote: الشريعة التي ادعو لها هي لاقامة مجتمع فاضل للاخلاق فيه مكانة سامية مجتمع يمنع الفرد من الاضرار بنفسه |
اعفي لي ... لاكين الكلام دا مريض ... ربنا يشفيك منو ...
دعني اخاطبك من منطلق عقائدي وليس من منطلق سياسي ... فمن المنطلق السياسي سأقول لك بأن تحمل احلامك بالمجتمع الفاضل إلى دارك وتلزمها حتى تموت ... فالمجتمع ليس حقلاً لتجارب احلامك الأفلاطونية ... والفرد يتمتع بحرية تمنع المجتمع من منعه من الإضرار بنفسه ... وهذه الحرية الفردية ليست منحة من المجتمع ينتزعها حين يشاء ... ولكن من منطلق عقائدي اقول لك ... أن المجتمع الفاضل ضرب من ضروب المستحيل ... وان الإنسان خلق في كبد ... وخلق هلوعا إن مسه الشر جزوعا وإن مسه الخير منوعا .... وأن الفضيلة نسبية فاقنع منها بما قسم لك المولى ... فلا تطمع في المستحيل فتصير كالمنبتّ لا أرضًا قطع ولا ظهرًا أبقى ... فلست عليهم بمسيطر لا باسم منع الضرر ولا باسم إيقاع المنفعة ... وهذا الفرد الذي تريد أن يمنعه المجتمع من الإضرار بنفسه يبعث يوم القيامة فردا ... ويحاسبه ربه على إضراره بنفسه ومنفعته لها أيضًا بمسؤولية فردية ... لا تزر وازرة وزر أخرى في هذه المسؤولية الفردية ... فلا دخل للمجتمع في أخلاق الفرد ... ومن لا دين له لا أخلاق له ... ومن يريد تغيير سنة الله في الفرد والمجتمع فهو يكفر بالله ... ودينه الطاغوت ... وأخلاقه الفساد في الأرض ... وإذا قيل لهم لا تفسدوا في الأرض قالوا إنما نحن مصلحون ... يخادعون الله والذين آمنوا وما يخدعون إلاّ أنفسهم وما يشعرون ...
.... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
انا طبعًا بحذرك ما بتحداك ... يعني لا يهمني هوايتك للصعاب ولا أقوم بتهديدك ... هو تحذير بمعنى أن ما بعده على مسؤوليتك ..
بالنسبة للنصح نقولو تاني وكت بتقبلوا ... برضو ما شغلتنا تلتزم بيهو ولا لأ:
وان الإنسان خلق في كبد ... وخلق هلوعا إن مسه الشر جزوعا وإن مسه الخير منوعا .... فاقنع منها بما قسم لك المولى ... فتصير كالمنبتّ لا أرضًا قطع ولا ظهرًا أبقى ... فلست عليهم بمسيطر يبعث يوم القيامة فردا ... ويحاسبه ربه ... لا تزر وازرة وزر أخرى ... ومن لا دين له لا أخلاق له ... ومن يريد تغيير سنة الله فهو يكفر بالله ... ودينه الطاغوت ... وإذا قيل لهم لا تفسدوا في الأرض قالوا إنما نحن مصلحون ... يخادعون الله والذين آمنوا وما يخدعون إلاّ أنفسهم وما يشعرون ...
شلت منها كلامي ... خليتك مع كلام الله ورسولو عنّك ما التزمت ...
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
مثلا قطع يد السارق
لو سرق تاني نعمل شنو؟
طيب نقطع الثانية
آها لو سرق تالت نعمل إيه؟
قطع يد السارق كعقوبة اثبتها الأسلام كانت مستخدمة سابقا الرجاء مراجعة كتاب الدكتور (خليل عبد الكريم المعنون ب ؛ الجذور التاريخية للشريعة الإسلامية)
وهذا باب كبير في التفكير الاسلامي قدم السودان فيه شهيدا من انبل مفكريه و هو الاستاذ محمود ( تطوير التشريعات)
لمعالجة موضوع السرقة توصل البشر لحل آخر منطقي و هو استرداد المسروق وحبس السارق في السجن و اذا تكررت السرقة يسترد المسروق ويتم جبس السارق لمدة اطول وربما يحتاج الأمر لمعالجة
نفسية و اجتماعية بمنطق الإصلاح وربما التفكير في توفير مهنة للسارق و مساعدته لكسب عيشه و اذا تكرر الأمر لن يعدم القضاء وسيلة اكثر نجاعة لحسم الأمر.
الاقتراح الثاني اقرب للعقل و المنطق في عصرنا الحالي.
لانه اذا تم قطع اليد يكون قد تم تسبيب اعاقة للفرد المحدد وتم تحديد قهري لمقدرته علي العمل و الانتاج و ممارسة النقد الذاتي و التطور.
الامر المهم التاني اذا كنت مواطن سوداني أدين بدين آخر غير الاسلام او ليس عندي دين من أساسو بالتالي سأكون رافضا لتطبيق قوانين عليّ مجلوبة من نسق ايماني لا اعتقد فيه
و هذا يهدم مبدأ المساواة بيني و بين بقية المواطنين و يشكل وضعية حرجة لفكرة المواطنة كأساس للانتماء للوطن
ومعروف أن الأصرار علي تطبيق الشريعة الاسلامية من النظام الاسلامي الحاكم كان واحد من الاسباب التي دفعت بالإخوة الجنوبين للإنفصال و الاستقلال بوطن تحترم فيه إنسانيتهم و تراعي فيه حقوقهم
و فكرة عامة : هل يعني تطبيق القوانين الإسلامية أن المجتمع سيتحول مباشرة الي مجتمع فاضل بالطبع لا
الغامدية التي تم تنفيذ حد الرجم عليها بحياة النبي (ص) طبعا لم تكن من سكان القضارف بل كانت من الصحابيات الجليلات و لقد تكلم عنها النبي(ص) أحسن الكلام و قال ما معناه أن توبتها لو وزعت علي أهل الارض
لكفتهم.فهل تعد حادثة زناها دليلا علي تفسخ المجتمع في ذلك الزمن ام للأمر دلالات أخري؟
ما يرتدع الناس عن الرذائل هو الاخلاق علي حسب فهمهم للرذائل و ليس القوانين القوانين و العقوبات هي لردع الحالات الشاذة و لتنظيم العلاقات بين الناس. كان السودان في 1956 الي سبتمبر 1983 بلدا عاديا تحكمه قوانين علمانية و كانت الحياة فيه افضل بكثير مما هي عليه الآن بالرغم من القوانين الاسلامية المطبقة فماذا حدث للفضائل هل ذهبت مع التاريخ لانها اصبحت غير ضرورية ام ماذا حدث بالضبط؟
بالنسبة للسودان كانت البارات مفتوحة و الانادي مرخص لها للعمل بعلم السلطات البلدية
هل كان جميع السودانيين من الشاربين للخمر بالطبع لا
بعد تطبيق الشريعة الاسلامية هل تناقص عدد الشاربين و لا كيف؟ ما يا هو في أي حي سوداني توجد طرمبة و العرقي كمان لو ماشيت بدري ما بتلم فيهو زاتو
و هل اختفت ظاهر الزنا
ام كمان جاتنا حاجات جديدة كجريمة الاعتداء علي الطفولة بجريمة الاغتصاب و الاعتداء الجنسي
يا تبارك الموضوع تخين و قرفنا منو خلاص
و نتيجة لهذا القرف حمل بعض اصدقائنا السلاح و قبلوا بي وشهم من فكرة الكلام زاتو
اذا المساهمة دي مشت كويس بنواصل و نفتح موضوع الحريات الجنسية و الإسلام اما اذا جاطت
فخيرها في غيرها
و تصبحون علي وطن
طه جعفر
| |
|
|
|
|
|
|
|
|
 Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
تمام ... اسقط الداير تسقطو ... ودستر الداير تدسترو ...
بس ما تكون القصة "تكتيك" للتماشي مع المبدأ العلماني ... بغرض فرض "الشريعة" عبر الأغلبية الميكانيكية الديموقراطية ... لأن الدستور العلماني يمنع ذلك تمامًا ... فإن كانت هذه هي الخطة ... فيجب أن نشرح لك شيئًا مهمًا ...
المسألة الباقية للأبد ... نشرحها ليك - بسلم - وانحنا لسة في البر .. عشان بعد أغلبيتك تفوز على أغلبيتك الفايزة أصلاً ... ما نضطر نحاربك على حقوق ممكن نشرحها ليك سلميًا قبل فوز أغلبيتك الشرعية الإسلامية على أغلبية المؤتمر الوطني الشرعية الإسلامية ...
1- حكم الأغلبية لا ينجح إلاّ في الديموقراطية ...
2- الديموقراطية لا تنجح إلاّ بالعلمانية والحياد الديني ...
3- صاحب الحق الذي لا يحارب "الأغلبية" من أجل حقه اليوم ... يحارب "الأغلبية" من أجل حقه غدًا ... لأن الحق لا يسقط بالتقادم ...
فهمت الكلام دا بى أخوي واخوك كان بها ... داير تفهمو بالحروب والدماء والتمزق ما مشكلة ... خلينا ننتهي من الحروب والدماء والتمزق بتاع الكيزان ديل .... حتى بعد داك تعال انت اسقط النظام وابدا لينا دولتك الدينية بى دورة جديدة من الحروب والدماء والتمزق وكأن تاريخ العالم دا ما مر عليك قبل كدا ... الزول بعد يكلموهو بى العقل ويسوقوا ليهو الحجج تاني يسووا ليهو شنو؟
موضوع علاقة الدين بالدولة ليس له علاقة بالأغلبية أو الأقلية ... ما لم تكن في الفاتيكان فلن تبني فاتيكان جديدة إلاّ على جثث الأبرياء ... الدولة الدينية تقوم بموافقة الجميع وليس 99.99% منهم ... فلو كنت تناضل من أجل إقامة خلافة إسلامية جديدة بعد الخلافة العثمانية ... فافهم أن لك خيارين لا ثالث لهما ... إمّا أن تفهم أن ثمن هذه الخلافة هو هدر غير المعترفين بهذه الخلافة (بقتلهم فورًا أو انتزاع حقوق مواطنتهم وحكمهم تحت القهر حتى يثوروا عليك ثم تقوم بقتلهم وهكذا إلى أن ينتهي بك المصير المحتوم الذي لاقته الخلافة العثمانية التي حاربناها في السودان!) ... أو ترك موضوع الخلافة الإسلامية هذا وعدم وجع رأسنا بالمغالطات التي لا طائل وراءها ... والعمل معنا على دستور علماني منفصل عن المؤسسات الدينية وتقوم فيه الحقوق والحريات على اساس المواطنة وليس على أساس أي دين ... بما في ذلك حق انتخاب الرئيس وحق التمثيل النيابي في السلطة التشريعية وحقوق الأغلبية الأخرى ... طالما أن ممارسة هذه الحقوق لا تعني تحويل الدولة العلمانية إلى دولة دينية ...
... المهم .....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
| Quote: سؤال لدعاة الشريعة (لماذا تتعالجون بالبنسلين؟) |
لانه علاج .. والغلط شنو؟
سأل شخص شيخ .. قال له يا شيخ ان الكتاب يقول .. وما فرطنا فى الكتاب من شيئ .. ورينى سعر الرغيفة اليوم بكم؟
فنادى الشيخ لصحاب الفرن .. يا فلان الرغيفة بكم ؟ .. فقال له كذا .. رد الشيخ على السائل ان الرغيفة بكذا .. ثم قال الشيخ
ألم تقرأ فى الكتاب .. وأسألوا أهل الذكر إن كنتم لا تعلمون ..
دحين يا الحبيب تبارك ... الزول الصنع البنسلين أليس من أهل الذكر؟
بريمة
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
Quote: انا عايز اعمل دولة مدنية ديمقراطية بخلفية اسلامية تحترم التعددية.
اساس الحقوق و الواجبات فيها هي المواطنة |
ولكننا نريدها دولة مدنية ديموقراطية بخلفية علمانية تفصل الخلفيات الدينية عن الدولة ...
هل سينتظر المواطنين غير المنضوين تحت مذهبك الإسلامي السلطوي ... أن يتفضل عليهم دينك ببعض الحقوق والحريات؟
الجابرهم شنو؟
عشان ما نقفز للأسئلة ... نسألك السؤال الأول:
ماذا تقصد بتعبير "بخلفية إسلامية" هذا؟
(يا بريمة ما معقول تكون جايي تجاوب على عنوان البوست! لو عملت العنوان "بقالة النصر" كان حا تكتب شنو؟)
... المهم ....
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: تبارك شيخ الدين جبريل)
|
| Quote: ولكننا نريدها دولة مدنية ديموقراطية بخلفية علمانية تفصل الخلفيات الدينية عن الدولة . |
مين قال انو عامة الشعب عايزين دولة علمانية؟!
معروف انو المطالبين بالعلمانية قلة قليلة بالنسبة للبقية
دي نقطة
النقطة التانية
حقوق غير المسلمين ليست هبة من المسلمين عليهم بل هي حق اصيل لهم
والاسلام يكفل لهم هذا و لم ينازعهم هذه الحقوق.
Quote: ماذا تقصد بتعبير "بخلفية إسلامية" هذا؟
|
خلفية اسلامية دي ذي قوانين بخلفية اخلاقية
يعني يراعى فيها جانب الاخلاق التي يمثلها الدين هنا
بمعنى دولة مدنية ديمقراطية قوانينها مستنبطة من الشريعة لكونها
تحافظ على نسيج المجتمع من الانحلال و الذوبان و التفكك
مع التأكيد على اجازة هذه القوانين ديمقراطيا وليس فرضها عنوةً
| |
|
|
|
|
|
|
|
|
|
Re: سؤال لدعاة الشريعة (لماذا تتعالجون بالبنسلين؟) (Re: Mohammed Sedeq)
|
| Quote: مين قال انو عامة الشعب عايزين دولة علمانية؟! |
هي نان البيموتوا في الجهاد والحروب الدينية ديل جنيات الطير؟
ما ياهن جنيات ود الكـلـب الما عايز دولة علمانية دا ...
كأنك داير تفهمني انو مريض الزايدة ممكن يقول ما داير عملية ...
عنّو ما دارها ولا رضى بيها ... اليخم ويصر من دماء الشريعة ...
الأخلاق شأن شخصي ... وعلى المتضرر اللجوء للقضاء ... كمان الدولة دايرة تربي البالغين الراشدين المسؤولين عن اخلاقياتهم أمام الله؟
... المهم ....
| |
|
|
|
|
|
|
| |
تبارك شيخ الدين جبريل
Mohammed Sedeq
Emad Eldeen Ali
طه جعفر
بريمة محمد
Zakaria Joseph
فيس بوك
تويتر
انستقرام
يوتيوب
بنتيريست