امرتنى واعوذ بالله منها قبل 3 اسابيع انى افتح البوست ده
طلعت سنونى و رقصت حواجبينى اعجابا بالفكرة الشريرة
لكن طلعت لى نفس الوامة و قالت لى عيب كده وزجرتنى لمن ختيت وشى على الارض
قام بكرى حفز الامارة انت ترفع راسها مرة اخرى وذلك بإعلان الارشفة
من هسه ممنوع دخول اخصائيى و خبراء التشفير (الوش البدور داااك ) من ودالبشرى ...لسارة و نحمدالله لاول مرة على غياب حنين للبلد... و الله يكفينا ود الصائم كما نمنع دخول اهل المكايدات و تفتيش النوايا(الوش البدور داااك تانى)
03-09-2013, 10:35 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الحمد لله انو اسمي ما مكتوب وما مصنف .. مع اني حاسس اليومين ديل كدا دا .. انو خشمي بقى خفيف .. ونفسي الامارة دي زاتها اتعلمت ليها شيلان كلام .. المهم كدي عليك الله نقطينا بي بوستينك العامله ليهو اعلام دا .. وبعدين بنديك البياض .. يا حشدنا ليك الاخوان في المنظمات المختلفـة من ضحكونجية ومونساتية وناس واجبات .. وناس خرابين بوستات .. ورماديين وناس قاعدين ساكت ما ناقشين الساعة كم زاتووو.. المهم ادينا بوستاك دا .. اديتينا الليل عديل كدي ..
عمكـ أنقابو دا كان وين لمن الرمادية والضحكنجية كان بتفتح فيهم بلاغ كللللو يوم الصباح!! وكان وين لما يعملو لينا طابور عرض إسفيري: فلانة شنو ما عارف .. رأيكـ شنو؟ علان داكـ في المعتقل .. رأيكـ شنو؟؟
_ لقاها هسي باااردة داير يقشر بيها!!
03-09-2013, 10:53 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: عمكـ أنقابو دا كان وين لمن الرمادية والضحكنجية كان بتفتح فيهم بلاغ كللللو يوم الصباح!!
قرقرقر .. بلاهي انت قلبك باليمين للدرجـة دي .. ومن زمان عامل نظام في ضميرك سر كتمتو وكدا ..؟ الغريبة قبيل شفته بوست من البوستات شادنك معانا انت وود البشرى وفاتحين فيكم بلاغ معاي .. والله ضحكته جنس ضحك قلته اصلو نوعيتكم دي اصلن .. اصلن ما يجي منها .. ولا بالميت نكهـة كدا .. يا انقـابوووو .. يازول عليك الله خالك ود الصايم دا ما تزعلو لينـا .. ..
يا سهام .. عايني .. والله البوست دا زي ما شايفه بعد شوية ممكن تتخارجي وتدفعي لينا بدل سكــن .. قبيل قلت ليك لكن ما عايزه تسمعي الكلام دا حالتو باقي الخوان لسـة ما كلمتهم
03-09-2013, 01:14 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: بس مااااا اظن كشوفاتكم بتستحملوا لانو مريخابى اللون
ماف مشكلة .. مريخابي .. بندبل بيهو بي حافظ انقـابوووو وود البشرى .. وذلك لي الاسباب التالية: اولن انقـابو حسب كلام ود الصايم بصرج الكووورة .. وثانيا ود البشرى يا سهام لو لعبو معاهو ضاغط ببيع الكورة بين الشوطين والكلام دا قلناهو مية مرة هنا دا .. غايتو .. بفضل ليك في النهاية .. انا وود الصايم دا حتى كمان ود الصايم والله ما مضمون .. لانو مجرد ما يلقى فيك فرقـة بيرشك يا لقاك مرشوش .. بجيك عدة الشغل ويعمل ليك حفلــة .. في مكانك المرشوش فوقو دا يعني بي صورة اوضح .. ذمـة وضمير .. نههييي كرتتتاهـ ..
03-09-2013, 01:55 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
والله يا انقابو اللاعب الضاغط الانا بتكلم عنه قلب "البمبى" اسوووووووود على محاوره (ذكر كان ام انثى) المهم قدم عرض هلال التمنينات بس... لدرجة انا ما عرفت اهتف يور يور يا دكتور والا اهتف اووو تنقا تنقا تنقا تنقاااا (للناس الصغار الهتاف ده فيه لحن عظيم ما تخرمجوهو بالقراية ساى ممكن تستعينو بالوالد/ة)
03-09-2013, 03:59 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
ياخ فى زول بلعب دسوسية فى الكورة؟؟؟ الاعب بتاعنا ده شاب صغير و قال ليك مهذب شديد قدر ما اتشتم وانطرد حلف ما يرد غير خلينا نركز فى الموضوع الاساسى اها رأيك شنو؟؟ قول كلامك ؟؟ خلينا نتناقش؟؟ وهييييييييع متعة والله متعة يا شاب
لا والا شنو بيشرح للزول/ة شخصيته/شخصيتها واهدافه/ها خططه/خططها لتشتيت الكورة
قلت ليكم متعة والله متعة
______________________________ يا جماعة اللغة بتاعت الجندر دى متعبة بالنسبة لى ممكن اكتب كممثلة للعقلية الذكورية وتفهمونى صاااح
03-09-2013, 04:18 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
الف سلامة يا بت المجمر ما تشوفي شر إن شاء الله ما خفنا ولا شي لكن يا تشفيرك دا عالي التعقيد أو بنطبق على أكتر من حالة شوية هنتات بتساعد دي واحدة و التانية - وهي الأهم - غايتو انا احتفظ بحق الطناش لو طلع لاعبك المعني معاي في التيم
03-11-2013, 06:33 AM
Kabar Kabar
تاريخ التسجيل: 11-26-2002
مجموع المشاركات: 18537
ياخي الفيك اتعرفت..لأنو نفسك طلعت أمارة بــ(ألأحقاد)..!!! انتي يا سهام زمان في المدرسة ماقروكم..و قالوا ليكم انو (حب السلطان يدخل الجنان)..يعني نظام تحبو في الدنيا.. الجنة مضمونة..! اها نحن من النفر ده..و طوالي قايمين سداري لمن نفسنا قرب ينقطع..و نهتف و نحن نظهر حبنا الى السلطان.. ابوكم مين؟.. نميري.. ريسكم مين؟ نميري؟.. قايدكم مين نميري؟..
و في الألفية التالتة..جابت ليها (يا ابونا ما تخلينا في الصقيعة ياااااااااااخ).. مع انو الرجال مات و شبع موت..!!!!
كبر
03-11-2013, 10:32 AM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
هوالاعب/ه فى تيكم ساااى ده جوه تيمك بس اعلم انت شخصيا هذا لا يمنعك من قول الحق وقد فعلتها نوعا ما بهناك
فقد رأيتك بأم عينى يا رجل تحمل على ظهرك بعض من هنتات كععععععع
الاخ كبر يا يمة انا برييييييه من الاحقاد كل ما هناك انى بحب العب الضاغط المؤسس الذى لا يمنع محاولات صنع كر على الحقونى شتمونى ولكنه يمنع ناس ابو مروة من الاستجابة للنداء باعتبار انو الكورة نضيفة ياخ كعععععع
يعدين نميرى ده بالذات ما دايرة فيهو كلام ياخ الزول ده كان بحتفل معاى بعيد ميلادى ويعمل لى فيهو حفلات عسكرية و جماهيرية ما حصلت والله زماااان يا نميرى
كما اخاف الكضب ياك كبر ات ما فكيت الشفرة صاح لانى بتاع عليك الله ما تخلينا ده مشيت جريت عنقريب مش بنبر والحق يقال الضيافة عالية المستوى و محترمة اما فى بتاع الاعب الحريف ده خفت اخش عديل كده ولاوزت لمن ما احترمت ليك نفسى ولما خجلت لى كتبت مداخلةشحمانه بس هيييييييييييه دنيا مع الارسال كان بكرى تييييييييييييييييت صفر بينى و بينك فيما يخصنى حمدت الله لا نى كنت ح اجدد متاهتى بى يدى وبينى وبين الديمقراطية زعلت والله كتير وقلت هيك مو حلوو من بكرى _______________________________ ود البشرى بعد ده كلو ترا بزعل منك لو وقعت ليك بلاهى انا زوله خوااافة لو فكيتها ادينى هنت بس
03-11-2013, 10:35 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يعنى مثلا انا اكون مارقة ادفق البلاعة وشايلة جردلى وفووووو كشحت الموية فى الشارع اهااااا لسوء الحظ فى نفس الثانية جا ماشى اخونا منو؟؟ منو؟؟ منو؟؟ نقول اخوناهيثم ساى بتاع الجدجمنت اها اترشا قام وقف قال لى ياخ مش عيب عليك شايلة جردلك و ترشى سااااى من طرف قمت انا بدل اعتذر قلت كدى غزيت كوعى و دقيت الواطة بى سفنجتى الخدرا وفيها علامات اتنييييين جمب بعض اصلى علمتها بالنار عشان مافى زول يلفحها وبعدين سفنجتى دى بالذات عزيزة على شديد واحمد الله اليوم داك كنت لابساها لانها بتساعدنى شديد لما اجى اغرف البلاعة يعنى مناسبة للمهمة دى المهم قولت كدى وردحت ليك لى هيثم و قلت ليهو هوووووى يا ساى خت شخيت واقيف بعيد والله انا بنت ناس لمن بهناك لكن لما اكون بغرف فى البلاعة دى لسانى ببقى زيها انت قايل انت بتخوفنى وبعدين انت منو عشان تجى تورينى انا اكشح بلاعتى كيف... والله هسه انا اقول يا ود حلتاها او يا بتها يمرقوا عليك شباب وشابات يخلوا ريحتك طير طير يقوم هيثم يقول لى والله انتى امرك عجيب هسه ده فهمك لكلامى اقول ليهو يا ولد هوى بطل قلت الادب والله انا ما معلمة سفنجتى دى ساى ما هى لاشكالك ديل المهم كلمه من كلمه منو يجوا الناس مارقين ونبقى فى حالة استقطابية حادة وانا اعجبكم بتجلى فى الحالة دى لماالناس تفتر و تمشى لحالها اقوم انا امشى فريق ورا اقول ليهم شفتو هيثم ساى عمل و عمل وعمل وفريق ورا ديل ماعندهم اساسا فكرة عن هيثم ساى ده منو امرق منهم امشى لفريق قدام واشبكهم هيثم ساى وما ادراك ما فهم وشخصية هيثم ساى وهم برضو ما بعرفوا هيثم ساى ده منو لكن انا ما بقصر بوريهم هيثم ساى بطريقتى انا و بفهمى انا وبتحليلى انا
بعدين قادر الله الخلقنى انا اجى راجعة لفريقنا وكل ما تسنح الفرصة اهديهم الى الطريق القويم واقول ليهم يا جماعة خلوا عندكم احترام للاخرين وتحلوا بالاخلاق الطيبة والامانة والصدق والمصداقية وهكذا!!!!!!
زوايا الشوف عجيبة يا هيثم اخوى تقول الشنو ثينكينج داك :)
المهم
الظلم ظلمات
03-21-2013, 02:16 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Siham Elmugammar
محمد عبد الماجد الصايم
حافظ انقابو
tmbis
محمد البشرى الخضر
Kabar
فيس بوك
تويتر
انستقرام
يوتيوب
بنتيريست