واحد صاحبي شديد ،، توفى ابوه قبل كم شهر ،،، وترك ليه ورثة كبيرة ( عقارات - اراضي في البحر-سيارات بكل انواعها - حسابات بنكية - اسهم في شركات كبيرة- غيرو كتييييييير) ربنا يزيد ويبارك ،، صديقي قرر يعمل وقف لوالده ،، وبداء يستشير الناس القراب منه ،،
معظم الذين استشارهم دلوه على بناء مسجد في الحلة وحجتهم أن مسجد الحي اصبح صغير ومحتاجين لي واحد تاني ،،،
------------------- الوضع لحدي هنا طبيعي،، لكن اتغير 360 درجة وسبب مشاكل لي ولي صديقي
تابعونا ،،،
03-09-2013, 09:49 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: الوضع لحدي هنا طبيعي،، لكن اتغير 360 درجة وسبب مشاكل لي ولي صديقي
كنا قاعدين قدام بيت صديقي بعد صلاة العشاء وبداء يناقشني في بناء للمسجد وقال لقى ليه قطعة ارض في الحتة المقترحة وحا يشتريها وبعد داك يمشي يشوف المقاول ويبداء ،،،
انا الكلام دا اصلوا ما وقع لي حتة يبني مسجد دي ،،،،،
----------- نشوف بعد داك الحصل شنو ،،
جاييكم
03-09-2013, 10:06 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: انا الكلام دا اصلوا ما وقع لي حتة يبني مسجد دي ،،،،،
ايوة ما وقع لي ،، واقترحت عليه انو يمشي يشوف المستشفى وعنابرها التعبانة المليانات وطاويط ومواسيرها ضاربة ، ولمن تشوف وتجي بوريك اقتراحي ، قال لي خش في الموضوع على طول انا المستشفى دي امس كنت هناك وعارفا كويس ، خلاص لمن انت عارفها ايه رأيك تقوم تبني مجمع جديد (نساء وتوليد-جراحة - باطنية - اطفال) اختار اي قسم وابنيه أو اهل العنابر القديمة وتكون وقف لأبوك ،، وانا شايفها منفعتا اكتر من بناية المسجد ، ----------- شال الاقتراح دا ومشى يشاور بيه اهلو، الله يستر من ردة فعل اهلو انا بعرفهم كويس
-------------- نشوف قالوا شنو ؟؟؟
03-09-2013, 10:14 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
وكانت ردة الفعل من اهلو غريبة جدا ،، وهي انهم فتحوا فيني بلاغ في الشرطة وقالوا انو ولدنا دا كان عاوز يعمل مسجد لروح ابوه المتوفي وقام صاحبو دا غير رأيو لبناء عنبر في المستشفى ،،
والكلام دا بحكيه لي واحد من الشرطة من حلتنا (الضابط قال ليهم كلامكم دا ما مؤسس ولا فيه اي شبهة جنائية عشان نفتح بيه بلاغ في الراجل دا ،لأن ولدكم راشد وكبير ومتزوج وعائل اسرتو ومعروف اجتماعيا وناشط في مجالات كتييييييييرة في المدينة وضواحيها واصلو ما ممكن بهذه السذاجة البتحكوا بيها دي ، انا بقترح عليكم تمشوا تناقشوا ولدكم دا في مشروعو الوقفي العاوز يعملو سوا مسجد او عنبر وما عليكم هو الوقوف معاه في اي من المشروعين الارتضاهم )
بعد ما فشلوا في مسعاهم في البلاغ للشرطة فكروا في حيل اخرى ،،عشان يحبطوا مقترح العنبر ،،
وهم واصلين لي قناعة تامة انو مشروع بناية العنبر بدل المسجد كفر عديل كدةةةةةةةةةةة ، ولابد ان يتصدوا لهذه الحملة التنصيرية لولدهم ،،
نشوف الجايييييييييي
ل
03-09-2013, 10:33 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
كان تقترح مع العنبر مدرسة اطفال ومركز ثقافى للنساء للشباب ونادى رياضى واستاد كورة كله فى مساحة واحدة ويصلو فيها الاوقات الخمسة والاعياد والمولد ويقيموا فيه المناسبات المختلفة من احزان وافراح
03-09-2013, 10:40 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
أثني مقترح عنبر في مستشفى .. الحاجه ليه أكثر .. المسجد الموجود ممكن إعادة تأثيثه وعمل مراوح وفرش جديد .. بس العنبر الناس ما لاقيه أسرة فاضية .. وإن وجدت حاله يغني عن سؤاله ..
اقتراح بناء عنبر او مجمع عمليات احسن و انفع للناس , تعرف في بعض الناس بيفتكروا الاجر الا في بناء المساجد , تخيل اجازتي الفاتت للسودان من كترت المساجد في الحي لمن بقت الناس ما عارفه تصلي وين و الكلام ده في الحي الواحد , يعني زي سته او سبعه مساجد مع انو حال المستشفي يغنى عن السؤال .
03-09-2013, 10:43 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: وهم واصلين لي قناعة تامة انو مشروع بناية العنبر بدل المسجد كفر عديل كدةةةةةةةةةةة ، ولابد ان يتصدوا لهذه الحملة التنصيرية لولدهم ،،
الحملة استهدفتني (والله الكلمة دي لو لقيت ليها مرادف ما ااجيبا لو القيامة قامت اقصد كلمة استهداف) المهم الناس ديل جوني عديل بقيادة خال صديقي انسان متجهم اصولي متطرف كث اللحية فاضي الفاخورة عارف كلمتين (حلال وحرام) فهذا الظلامي لما فيني قدام الناس كنا قاعدين قدام بيت صديقنا ودي عادتنا في بعض الاحيان وهاك يا كلام فارغ وقلة حياة وتكفير وعنف لفظي تابعو بكم شلوط وكمية وافرة من البزاغ (توووووووووف عليك يا كافر) انت قايل بتقدر تهدم بيوت الله (وجاب ليه اية قرانية بعد كل العفن الطرشو دا )، ويواصل والله لو ما بعدت من الولد دا الا اكتلك وادخل بيك الجنة يا زنديق يا جمهوري شيوعي ملحد (وصفني بكل هذه المدارس الفكرية في لحظة واحدة) الجماعة ساقوه بعيد وانا بحكم الجيرة وسن الرجل ابيت ارد عليه (الجماعة قالوا لي افتح فيه بلاغ) ودي برضو رفضتها مش طيبة وسذاجة ونرجسية مني بس لي حاجات تانية انا عارف نفسي حا اهزموا واخليه زي الغنماية في نهاية المطاف ،،
عموماً اي عمل خير يقدمه الابن لولده يصل اليه بل ان الاب يفاجأ يوم الحساب باعمال صالحة لم يعملها فيقال له هذا ما قدمه لك ابنك من عمل صالح المهم ان تكون النية صادقة في بر الآباء وقطعا القصد هو مضاعفة الثواب في الآخرة فاياً كان عمل الخير نسال الله ان يتقبله ويجعله في موازين حسنات والده
03-09-2013, 10:59 AM
زول ساكت زول ساكت
تاريخ التسجيل: 11-26-2004
مجموع المشاركات: 2907
سلام ياعلي طالما انه مقتدر ليه مايبنيهم الاتنين وياريت لو كان استشار قبل ما يبدا كان الموضوع حيكون عادي لكن تحويل مشروع مسجد الى عنبر ربما ماتكون مقبولة عند الاهل بالذات بعد اعلان رغبته ببناء المسجد والمسجد دار عبادة ودعاء رغم عن اهمية العنبر وفائدته العظيمة من المؤكد ان الاهل لم يكن ليمانعوا لو ان الموضوع من البداية كان عن العنبر ولا تنسى ان الموضوع بحثاً عن الاجر والثواب ففلاسف تحويله لهذه الحالة
03-09-2013, 10:59 AM
garjah garjah
تاريخ التسجيل: 05-04-2002
مجموع المشاركات: 4702
الاخ علي لك التحيه من ناحيه مبدئيه و اصوليه طبعا المسجد افضل ، و لكن الزمن ده اشوف ليهو 5 او 6 اسر واقعه لي الله صب ، واشتري ليهم امجاد او دفار للمعايش ، يعني الوقايه خير من العلاج ، الزول الشبعان مرضو قليل ، و اكيد الجوع بجيب المرض و الجنون .
اخوك الزبير بشير
03-09-2013, 11:05 AM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
الاخ علي دفع الله تحياتي المسألة تقديرية مربوطة بواقع الحال في المكان المحدد للوقف .. فقد تكون الحوجة للمسجد اكبر .. وقد تكون الحوجة للمستشفى اكبر .. يعني المسالة ما مطلقة افضل المسجد او افضل العنبر .. وربنا سبحانه وتعالى عدد ( من تعدد ) مصارف الزكاة ومصرف في سبيل الله دا واسع وفسيح وشامل .. ناسكم ديل ما يضيقو الواسع ..
03-09-2013, 11:08 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
الاشكالية الكبيرة العايشين فيها اقصد نحن في العالم الاسلامي والسودان خصوصا هي الايمان بالمسلمات وكل من فكر التمرد او العزف خارج المنظومة الاجتماعية او الدينية يوصف بالكفر والخروج عن الملة ويهدر دمه ويطرد من حيزه ويحاصر اجتماعيا ويكون منبوذا ،،، ما قصدت بما ذكرته اعلاه يعني انك لا توجد براحات اخذ وعطاء (مسجد -عنبر) النتاج تكفير وازدراء وتوبيخ من الكبير تتحدث او تنقد معاوية بن ابي سفيان انت شيعي تتحدث في بان تيمية وتنتقده انت صوفي تتحدث في عدم عصمة الائمة المعصومين وتنتقدهم انت سلفي ------- تقارن بين افضلية العنبر من المسجد في جزئية ليس للدين فيها اي دخل بل للفائدة للبشرية في حيزك الانت موجود فيه (شيوعي ملحد ) مما لاشك عندي قدسية المسجد واحترامها ولا مزايدة في ذلك ولكن ان اساهم برأيي في بناء مسجد ورأيت بأم عيني السرير الواحد في عنابر الباطنية برقدوا فيه اتنين وكذلك في عنبر الاطفال ،، اكون خالفت فطرتي وانسانيتي، لاني في حواري مع ذلكم الشخص المتجهم الذي ارغى وازبد عندما وضع اقتراحي مفاضلة ما بين المسجد والعنبر كما فعلوا من قبل عندما وضعوا المصاحف على اسنة الرماح ، ----- صراحة نحن في حوجة لمعجزة حتى نفك حالة الربكة واللوثة الدينية التي غشت مجتمعنا واصبح الشخص لا يتورع ان يتاجر بهذه السلعة الرائجة في عهد تجار الدين ، الذين يبنون المساجد من عرق الغلابة ،
------ راجع ليكم عشان اختم ليكم كيف انتصرنا على هؤلاء الافاكين واقنعناهم بمقترحنا ، وجاري تنفيذ المشروع انشاء الله وسيرى النور قريبا ،،
جاييكم
03-20-2013, 00:14 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: الاشكالية الكبيرة العايشين فيها اقصد نحن في العالم الاسلامي والسودان خصوصا هي الايمان بالمسلمات وكل من فكر التمرد او العزف خارج المنظومة الاجتماعية او الدينية يوصف بالكفر والخروج عن الملة ويهدر دمه ويطرد من حيزه ويحاصر اجتماعيا ويكون منبوذا ،،، ما قصدت بما ذكرته اعلاه يعني انك لا توجد براحات اخذ وعطاء (مسجد -عنبر) النتاج تكفير وازدراء وتوبيخ من الكبير تتحدث او تنقد معاوية بن ابي سفيان انت شيعي تتحدث في بان تيمية وتنتقده انت صوفي and#204;and#199;and#237;and#237;and#223;and#227;
تحياتي من على البعد على دفع الله وتعرف يا زول يا راكز انتقادات ناس الحلة بتكون جات بطيب خاطر بعتبار المسجد لله وبتالي يجب ان تكون له اولية وقداسة بس في شوفي صاحبك السلفي الراح هايج وفاير دا كان بفكر يشتغل في لجنة تشييد المسجد وبالتالي تبقى صدقة والد صاحبك الجارية اتقسمت بين لجنة وراء لجنة زي جامع حلتنا المشبح من سنة الفين واربعة ولحدي الليلة ما جات لجنة دقون ترحم جباه ناس حلتنا من وهج شمس الظهيرة وترفع للمسجد ميضنة المهم يا زول الجاتك من وراء العنبر سامحتك الا كان تقترح على الزول دا بناء حسينية عشان خال صاحبك يقييم عليك الحد لتصبح (( شهيد حبيب الحسين على دفع الله ) وليدرك اهل حلتكم على دمك المسفوح غدراً بانو الهدف ما كان دين ولا مسجد فكرته خطرت مجرد خاطرة على بال فاعل خير وتحيييييييييييييية
03-09-2013, 11:28 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
الزملاء الجميلين :- فايز ود الفاضي الشامي الحبر محمد زكريا وليد محمد مبارك عبد الوهاب المليك ماهر الحويرص زول ساكت Garjah الزبير بشير علي محمد الفكي هاني عربي
ومن الفيس بوك الفائز عبدالله كمال عكاشة ايمن عبد الله تحياتي ليكم جميعا ، وسعدت بمروركم
03-09-2013, 12:18 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
شنو يا زميل تكمل فكرة شنو هو طلع فلم بالجد ولا شنو
غايتو لو القصة خيال تكون مبدع فى تخيل القصص من وحى الواقع
كان عندى احساس انه فى ابداع عشان كده حجزت كرسى لوج
بالضبط يا محمد دا صراع يومي بنعيشو في كل مناحي حياتنا ،، بعد ما وقعت وثيقة الفجر الجديد اصطف الناس في الوطن الى صفين : من يؤيد هذه الوثيقة كافر ومن يعارضها مسلم ومؤمن بالله (حتى ولو كان يمينيا بائن كما الكودة) انا كلي ثقة مثل هذا المنطق هو الغالب متى ما خيرت بين ان تبني مسجد وعنبر في مستشفى الغالبية ستؤيد المسجد حتى ولو كان المرض ساكن ومعشعش في اجسامهم ، كيف لنا ان نفك هذا الارتباط النفسي بين الدين كشيء مقدس خاص بين العبد وربه ، وبين ان نجعله عصا على ظهورنا لا يمكننا ان نعيش او نرزق او تنزل علينا بركات من السماء ما السماء ما لم نسلم تسليم قاطع بأن نحتكم اليه في كل مناحي حياتنا الاقتصاد اسلامي الطب اسلامي التجارة اسلامية السياسة اسلامية الجغرافيا اسلامية في الشريحة التي تداخلت في هذا الموضوع معظمهم اقترحوا بناء عنبر في المستشفى ولكن اذا طرحت هذا السؤال على عيبنة من ناس الشارع البسيطين ستكون النتيجة 99% بناء مسجد ،والدليل علي كلامي دا لازال البشير ونافع والزبير احمد الحسن ومهدي ابراهيم حتى حسين خوجلي لا زالوا مصرين انه البعملوا فيه دا 24 سنة هو شريعة اسلامية ولا زال المواطن ينظر ويستمع الى خطبهم الجماهيرية او التلفزيونية على انهم حماة الشريعة برغم كل ما عرف عنهم من فساد وعهر سياسي لا يمت للدين ولا الانسانية بصلة ،، --- خلاصة القول لا يمكن لهذا الوطن ان بنهض من حالة التوهان والتغييب والقدرية ما لم تكون هناك دعوة جهرية مؤسسة لخلق رضاء تام عن تقبل الطريقة المثلى لقيادة الوطن وهي فصل الدين عن الدولة ،، ما لم ننجح في ذلك سيكون الوطن في عداد المفقودين ، وسنفقده كله كما فقدنا ربعه قبل حين ، ------- تحياتي
الزول ممكن يصلي في اي مكان مكشوف ونضيف لكن ما بتعالج في اي مكان
شكرا وليد ، يحكي اهلنا ان الدكتور خليل عثمان ، الذي له مزرعة في منطقتنا ، جلس مع اهلنا المزارعين الكبار ، وسالهم عن احوال المدارس في المنطقة ، وقال في ونسته معهم فيما معناهو : ان المدارس مهمة ، وهو لايبني الا مدارس ، هذا حال الراسمالية الوطنية عندما لم تكن مرتبطة بالاستعمار الوطني ،
انا مع العنبر ....
03-09-2013, 12:58 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: يعني يا سيد البوست موضوعك طلع موضوع سياسي وطلعت انت زول كذاب بتسوق الناس حسب هواك هسع انا غيرت رائي بعد عرفت دوافعك ومع المسجد كيتا فيك
ههههههه ,, تعرف يا وليد عشان كدا اي موضوع هنا ينطرح داخل فيهو الدين حتى ولو بي طريقة صلاخيـة .. اطلاقـا ما قاعد اساهم فيهو بكتفي بي القراية فقط .. واتابع آراء بتاعين الدين في منبر بكري ابو بكري .. والناس الما عندهم دين برضو في منبر بكري ابو بكري .. وانا بقرا في البوستي دا .. قلت مستحيل الناس دي تكون شانه حملة على دفع الله دا ويجو يبزغو فوقو ما لم يكون في حنك تاااني .. لما دخل في عز الشتيمة ما يفيد بي جمهوريته .. وإلخ عرفت الفهم شنو بالضبط .. واعتقد انو نفس ناس الحلة ديل .. لو كان انطرح ليهم الموضوع من زول كافر راسووو عديل .. كان احتمال يجازفو معاهو .. لكن يبدو انو دفع الله قاعد يمارس نشاطو السياسي في نص الحاجات .. ولذلك .. ناس الحلة رقدوا الخيرة بي فكرتو ..
معليش يا شفــت .. تكبر تنسي .. انت بقيت اي كلام يا قدع .. تبني مدرسة يقفلوها ليك تبني كشك يقفلوهو ليك .. تشارك في موضوع زي دا تطلع الكاميرا الخفية
03-09-2013, 01:36 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: ما كنت قايلو زول منافق لا يختلف عن نافع وبقيت الرهط العامل فيها انو هو احسن منهم
شوف يا وليد انت بي هناك قلت لي كضاب ، وبي هنا منافق ،، تتصور الوصفين القلتهم ديل ما بهموني بشي لاني اصلا لمن بديت الموضوع داير اوصل فهم معين هو المقارنة بين الدين والدنيا والفكرة وصلتها في قالب انا شايفو بخدم غرض الفكرة ، كونك انت تكون سبهلل وما تقراء بين السطور و تجي تاني تستدرك الفكرة وتنفي تأييدك للعنبر تكون انت زول عبيط ساي ، دي تجارب بنعايشها وخدعونا بيها 24 سنة (هي لله هي لله ) وقع ليك يا افلاطون عصرك --------- ومنو البحجر علي التحليل يا دنجوان التحليل انت ، قال الفرق بينك وبين نافع شنو (فرق كبييييييييييييير)
03-09-2013, 01:56 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
المهم احتمال انا اكون بطل قصتي .. لكن انت بتكون الانتاية الركبت جمب
السحروك هههههه متابع قصصك يا الطيب صالح هههههههههه لمن شفتك عامل فيها ابو البورد قلت النشوف الزول اضافاتو شنو لقيتك متسحرك بقصة سخيفة وليها ريحة نتانة ترمي الصقر من فوق الشجرة ،، اما فرضية الانتاية القاعدة جنبك دي اوسكار عديل يا سحروك قال انتاية ههههههههههه
قنيط وفاكيها في نفسك والكلام دا كلو جابو تمبس لأنو مبطن كدى وجه ليك الغباء المستبطن قال الكشك وطردوك وشنو كدى وعملو ليك ، ما تتذاكى ساي وتوصف الناس بصفات حصرية عليك وقع ليك يا سحروك
03-09-2013, 02:22 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: خلاص يا دلاهة انا ماشي اكمل باقي القصة اللقيت نفسك فيه عشان تتمتع
خلاص يا سحركة هههههههه لمن تنتهي منها كلمني عشان اطبعا ليك في مطبعة وزارة الصرف الصحي هههههههههههههههه ----------- وكتر من دلاهة دي وقع ليك يا سيد سحركة
Quote: كونك انت تكون سبهلل وما تقراء بين السطور و تجي تاني تستدرك الفكرة وتنفي تأييدك للعنبر تكون انت زول عبيط ساي ، دي تجارب بنعايشها وخدعونا بيها 24 سنة (هي لله هي لله ) وقع ليك يا افلاطون عصرك
يعني طلعتنا كلنا سبهللين ( و الله ما عارف جمعها شنو ) قايتوا نحن خشين بنيه صافيه و قلنا رأينا , و قرضك بتاع البوست كان ممكن تقولوا عديل بدون لف و كنا برضو قلنا رأينا شنو .
03-09-2013, 01:49 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
ولا زالت العينة في هذا الاستبيان ترشح العنبر على حساب المسجد
فايز ود الفاضي(عنبر) الشامي الحبر(مع الاغلبية ) محمد زكريا(عنبر وحاجات تانية) وليد محمد مبارك(عنبر) عبد الوهاب المليك(عنبر) ماهر الحويرص(عنبر) زول ساكت(مسجد) (عنبر مع توسيع المسجد)Garjah الزبير بشير(مسجد من ناحية دينية ودا زاتو المجنن بوبي) علي محمد الفكي(الاتنين) هاني عربي(عنبر لكن في جيبوتي اسوة بسنة السيد الرئيس) باسط مكي (عنبر) عبد اللطيف بكري(مسجد كيتا في الحكومة عكس الزبير بشير) عبد المنعم الطيب (عنبر) ومن الفيس بوك الفائز عبدالله(الاتنين فيهم خير) كمال عكاشة(مسجد) ايمن عبد الله(عنبر)
من هذه العينة يتضح ان هؤلاء المستبينين حكموا عقولهم وناقشوا الموضوع عن فكر وليس خبط عشواء ، هذا ما نتمناه ان خيرنا بين امرين مهما كانت قدسية واحد منهما ان نقراء الحالة من كل الجوانب ، بمعنى لو الان دخلت انتخابات لاي موقع في الدولة ، الشخص الذي يحمل صفة اسلامي بتبجح بالدين (الاسلام هو الحل) يعني شعار مكرر ليس له اي اساس من الصحة ولا التطبيق منذ عهد النبؤة (اذا استثنيا فترة انبي (ص) فقط) وما عدا ذلك اصبحت شعارات ووسيلة لكسب الولاء فقط، ولمن يقف ضده يقف ضد شرع الله ،لأنه في هذه الحالة حتى ولو ثرنا وغيرنا النظام ستكون هذه العقلية هي اللمسيطرة ودونكم ما يحصل في مصر وتونس وليبيا وقريبا في سوريا عشان كدى يا جماعة لابد لوقوقونا وقوية ضد قفة حشر الدين في اي ركن من اركان حياتنا، لذا وجب التنويه والعمل الجاد لفك هذا الارتباط القهري(جنة نار- كافر مسلم – حق باطل) ديار اسلام وديار كفر الولاء البراء ، هذه الثنائيات هي اساس تاخرنا وعقبة في وجه اي انطلاقة ارحب ، لذلك نتمنى قبل الثورة على نظام المؤتمر اللاوطني الذي هلك الوطن والمواطن ان نثور على مجتمعاتنا الصغيرة والكبيرة ونزرع فيهم ان الحياة لا ترتبط بقدريات وانتظار السماء ان تقتل الجراد وتقاتل الاعداء و تنزل البركات ،بل بصلاح حالنا و شفافيتنا وتناغمنا قبولنا لبعضنا بغض النظر عن ديننا او معتقدنا او جهتنا سوف نروم المجد والدين لله والوطن للجميع
تحياتي
03-09-2013, 01:39 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: كتب الزميل محمد زكريا ------------------------ Quote:
شنو يا زميل تكمل فكرة شنو هو طلع فلم بالجد ولا شنو
غايتو لو القصة خيال تكون مبدع فى تخيل القصص من وحى الواقع
كان عندى احساس انه فى ابداع عشان كده حجزت كرسى لوج
بالضبط يا محمد دا صراع يومي بنعيشو في كل مناحي حياتنا ،، بعد ما وقعت وثيقة الفجر الجديد اصطف الناس في الوطن الى صفين : من يؤيد هذه الوثيقة كافر ومن يعارضها مسلم ومؤمن بالله (حتى ولو كان يمينيا بائن كما الكودة)
اخوك بتاع افلام قديم وبيعرف اللقطة الجاية قبل ما تجى وبهتم بزاوية الكاميرا والموسيقى التصويرية قبل السيناريو وقصة الفلم حتى ولو كان هندى وعن دجانقو >
زى ما شايف الشفت واخرين مكاوة ح يقاطعوك عشان دخلت فى الفلم لقطات سياسة الوضع الراهن والله لو على انا كان تواصل فى القصة وتسرحنا مع الاكشن زى ما قلت ليك فى ابداع ومن دربك ده نصيحتى امسك فى درب القصة وفارق درب تحليل الراهن السياسى ولو ممكن تخته فى قالب القصة وهكذا بتلقى قبول لنقدك للوضع الراهن عبر السرد القصصى وبتكون وصلت مفاهيم التغيير الواجبة بشكل سهل غايتو تنظير منّى ساى لكن عليك الله لو واصلت شوية ما كان احسن بدل ما تكشف الاسبوتلايت كله :) ===== تحياتى لك يا مبدع
03-09-2013, 01:54 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
Quote: يعني يا سيد البوست موضوعك طلع موضوع سياسي وطلعت انت زول كذاب بتسوق الناس حسب هواك
هسع انا غيرت رائي بعد عرفت دوافعك ومع المسجد كيتا فيك
هههههههههههههههههههههه والله أنا شخصياً من بداية البوست يتملكني إحساس قوي إنو الموضوع حبكة وعصبية وتنميط ساي أنا شغلة العصبيات دي أصلها ما بتغلبني ألاحظها ، لأني شغال برصد فيها لغاية ما بقت لي هواية
ودايماً المتعصبون ما أذكياء وبيخلوا ثغرات في الحبكة لأنهم بيبالغوا في تهبيل الجهة المراد هزيمتها يعني ما ممكن الناس الغبش ديل يكونوا كلهم دراويش بل مجانين عديل كدا وما عارفين مصلحتهم وين لو العينة الفي البورد دا إختار العنبر بي 97% فأي مجتمع في السودان إذا إختلف إختياروا ، حيكون إختلاف نسبة وليس إختلاف إتجاه فالمجتمع برضو حيختار العنبر ، ممكن بنسبة 77% أو شي زي كدا لكن ما ممكن إختيار المجتمع يكون عكسي لإختيار العينة بتاعة البورد دا
علشان كدا كلام الشامي كان حكيم جداً من البداية لما تحدث عن رأي الأغلبية يا ناس ريحوا بالكم وخلوا كل شيئ لرأي الأغلبية ، ولا تسخروا من الديمقراطية بدون أن تشعروا
وكلام علي الفكي برضو عين المنطق ، عندما قال
Quote: المسألة تقديرية مربوطة بواقع الحال في المكان المحدد للوقف .. فقد تكون الحوجة للمسجد اكبر .. وقد تكون الحوجة للمستشفى اكبر .. يعني المسالة ما مطلقة افضل المسجد او افضل العنبر .. وربنا سبحانه وتعالى عدد ( من تعدد ) مصارف الزكاة ومصرف في سبيل الله دا واسع وفسيح وشامل .. ناسكم ديل ما يضيقو الواسع
ومحمد زكريا برضو لاحظ اللولوة بتاعة صاحب البوست
الكلام دا ذكرني الشاعر الهميم حميد ( الله يرحمو) في لحظة عصبية منهو راح يبالغ في قصيدة الجابرية لما قال شيخ البلة جا وبنى سابع مسجد في الجابرية وبالجبرية سابع مسجد ؟؟؟ معقولة في قرية في السودان فيها مسجدين ساكت خلي سبع مساجد ؟! لكن حميد في الوقت داك كان مركز في السخرية وتهبيل شيخ البلة واشكالوا من الناس ونسى إنو النوع دا برضو ذكي ، وما ممكن يكب قروشوا في حاجة ما بتبسط الناس مش الشغلة كسب أصوات ؟ طيب كيف يبني ليهم حاجة هم ما حيفرحوا بيها ؟ فوقع هو - اي حميد - في فخ عدم الذكاء في الحتة دي ، أي خذله ذكاؤه كما يقولون. والسبب التعصب
الإستهانة بالمقدرات الذهنية للخصم بيخليك تخسر المعركة ومرة أخرى لا تسخروا من الديمقراطية وأنتم لا تشعرون بسبب إحباط من تأخر النصر على الخصم تسخرون من المجتمع الذي تأملون فيه
بكره تاني اي زول بلقى بوست مفتوح فيه سوال .. حا يتجاوزو عشان التجربة السخيفة دي .. وحا يقول تلقاه زول سخيف زي بتاع الجامع والمستشفى داك عاوز يلقط معلومات
يا وليد كدا قول لي إنت قاصد تقول شنو؟ ما فهمت وجه الإعتراض بتاعك على تحليلي والله قال إنفقع قال هههههه البخليني أنفقع شنو؟ رحم الله إمرءاً أهدي إلى عيوبي بس وريني عليك الله خطل تحليلي دا وين؟
03-09-2013, 02:10 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
ياعلي في رايي ان الصحيح كان تفتح الموضوع للنقاش بدون حبك القصة الخيالية واتمنى ان يكون غرضك في النهاية نفع الناس وان تكون علاقتك بالمسجد ومرضى المستشفيات على مايرام
03-09-2013, 02:24 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: وان تكون علاقتك بالمسجد ومرضى المستشفيات على ماير
زول ساكت تحياتي العلاقة بين الخالق والعبد دي علاقة ما محتاجة ليها سؤال واجابة لأنها شيء خاص ،، لأنو شايف كل رموز الكيزان من الصافي جعفر والبشير ويوسف عبد الفتاح والمتعافي وعلي عثمان لمن فالقاهم الصلاة واذا التقوى والقبول والعبادة لو بالمظهر اقول ليك الجماعة ديل الجنة عدل لكن لمن تشوف العمايل على الارض تحتار
Quote: كدي عليك الله اتخيل انت يا زول ساكت ممكن تكون كيف ؟
اما انت يا وليد سحركة (والله الاسم دا جايي فيك بشكل) انت علاقتك بالمتسحركين والمتسحركات شنو ؟؟؟ههههههههههه
03-09-2013, 02:49 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: أحمد أبكر يسلم قلمك يا محمد زكريا الظاهر كنا أنا وإنت بنكتب في المداخلات في وقت واحد
الله يسلمك يا ابو حميد الفلم اتضح من حتة انه المرحوم خلى عقارات فى البحر واسهم فى البورصة وولدوا لسه قاعد فى السودان :)
المهم يا عاملات تبارك وكمان انا زاتى اتجهجهت زيك فى مداخلة التحلل وكتبت مداخلة يازول حدد انت قاصد منو لكن قلت يا ابو الزيك كدى اتريث الشفقة تطير....والحمدلله طلعنا ما انحنا المقصودين بتحليلاتنا لافلام القرن الواحد وعشرين والورن برو
لكن مكاوة كدى ح استمر فى تاييد العنبر والحاجات التانية القلتها فى مداخلتى الاولى خصوصاً مركز الاطفال والشباب والنساء والرياضة لانه الناس لو اتوفرت ليها مكان يقضوا وكت الفراغ فيه بنشاطات الثقافة والفنون والرياضة والموسيقى والحياكة والدومينو والكوتشينة الخ, بى كدة لا ح يمرضو ولا ح يكفرو ويسبو لابواليوم الاتولدوا فيه ولا اى حاجة ويكون كسب اجر كبير للميت هسى الواحد يوم الحمعة بيصلى وراسو مشغول اها بعد الصلاة امشى وين ولايكون مهموم بالغداء شنو وهل ممكن ينوم فى السخانة دى وجوطة الشفع عشان كدة بفتكر انه فى ابداع البوست برغم زعلة الشباب الدخلوا الفلم ومطالبين انه يرجعوا ليهم قروشهم لانه ما طلع دهرى مندرا البطل ودجانقو طلع سكران ديمة
المهم الله يحل صاحب البوست شايف تمبس كمان ظهر, الناس ديل بتاعين مكاواة شديدة بالحيل
غايتوا كن ما اب صلعة باقى ليهم قريب كان كسروا لينا كراسى المنبر بلكونة على لوج على شعبى وقطعوا الشاشه زاتها
تسمع بتاع التذاكر يكورك يا بولييييييييييييييييس :)
فاااا للضمان وكساتر لك منا كامل التضامن يا صاحب البوست
====== تحباتى للجميع
03-09-2013, 03:24 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: فاااا للضمان وكساتر لك منا كامل التضامن يا صاحب البوست
تحياتي محمد زكريا ،، تتصور انا ما عندي مشكلة مع اي واحد هنا سنير برلوم ، الشخص المحترم بنحترمو والبحاول يستفز ويعمل ليك فيها ابو عرام بنعرف نتعامل معاه ،
احترامي
03-09-2013, 02:50 PM
زول ساكت زول ساكت
تاريخ التسجيل: 11-26-2004
مجموع المشاركات: 2907
Quote: زول ساكت تحياتي العلاقة بين الخالق والعبد دي علاقة ما محتاجة ليها سؤال واجابة لأنها شيء خاص ،، لأنو شايف كل رموز الكيزان من الصافي جعفر والبشير ويوسف عبد الفتاح والمتعافي وعلي عثمان لمن فالقاهم الصلاة واذا التقوى والقبول والعبادة لو بالمظهر اقول ليك الجماعة ديل الجنة عدل لكن لمن تشوف العمايل على الارض تحتار
الكلام دا بعدين مابحلك انا تمنيت ان تكون علاقة بالمسجد على مايرام لاكيزان ولاغيرهم لان المساجد بيوت الله وكل يدخلها حسب نيته والحساب عند الله يوم ناتيه فرادى وقد قال صلى الله عليه وسلم اذا رايتم الرجل يرتاد المساجد فاشهدو له بالايمان ولم اطلب منك اجابة فقط تمنيت والله من وراء القصد
03-09-2013, 03:08 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: الكلام دا بعدين مابحلك انا تمنيت ان تكون علاقة بالمسجد على مايرام لاكيزان ولاغيرهم لان المساجد بيوت الله وكل يدخلها حسب نيته والحساب عند الله يوم ناتيه فرادى وقد قال صلى الله عليه وسلم اذا رايتم الرجل يرتاد المساجد فاشهدو له بالايمان ولم اطلب منك اجابة فقط تمنيت والله من وراء القصد
كلام هاديء يدخل من غير استئذان ،،، ونتمنى ان نكون كما تمنيت يا زول يا سمح مودتي واحترامي
03-09-2013, 04:00 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
يا علي دفع الله شنو وقفت من الكتابة ياخي ؟ إنت محمد زكريا دا ما من الجمهور ولا شنو؟ ما ياهو داك قاعد منتظر المزيد من الإبداع لا وإنت ذاتك وعدت الجمهور بي كدا
Quote: الوضع لحدي هنا طبيعي،، لكن اتغير 360 درجة وسبب مشاكل لي ولي صديقي تابعونا
ما داير أقول ليك حتفقد مصداقيتك أمام الجمهور ، دا إذا ما فقدتها من عمايلك الأولى ذاتا
بعدين يا ابو الزيك صدقني إنت زول حبوب خلاص وما بتحب تزعل أي زول هسه وين الإبداع هنا؟ بالعكس زي ما انا قلت قبل كدا ، هو عمل نسخ ولصق من قصيدة الجابرية للمبدع حميد لكن نسخها بي ضبانتها ، لم يستطع أن يتفادى الأخطاء التي وقع فيها حميد ومفروض المقلد دائماً يتفادى أخطاء المنتج الأول ، شوفوا هنا الخطأ التاني الوقع فيها لما حميد سرح كتير وراح يوصف في شكل شيخ البلة و(دخل في خصوصياتو ) وليس فقط السخرية من موقفه السياسي وراح يتكلم عن إنو دقنو مرخرخ وسجودو متختخ ... ووو رغم إنو المرخرخين دبل موجودين في كل التنظيمات والشرائح الإجتماعية والسياسية ولا يجب أن يقحموا في الصراع السياسي وممكن يكون زعل ناس في شريحتو هو ذاتو أها صاحبنا صاحب البوست دا جا وقال شنو عن الأصولي الجا وإعترضو
Quote: المهم الناس ديل جوني عديل بقيادة خال صديقي انسان متجهم اصولي متطرف كث اللحية فاضي الفاخورة عارف كلمتين (حلال وحرام) فهذا الظلامي لما فيني قدام الناس كنا قاعدين قدام بيت صديقنا ودي عادتنا في بعض الاحيان وهاك يا كلام فارغ وقلة حياة وتكفير وعنف لفظي تابعو بكم شلوط وكمية وافرة من البزاغ (توووووووووف عليك يا كافر) انت قايل بتقدر تهدم بيوت الله (وجاب ليه اية قرانية بعد كل العفن الطرشو دا )، ويواصل والله لو ما بعدت من الولد دا الا اكتلك وادخل بيك الجنة يا زنديق يا جمهوري شيوعي ملحد (وصفني بكل هذه المدارس الفكرية في لحظة واحدة)
مش قلت ليك ما عندو خيال وشغال نسخ ساكت؟
بعدين حتى حكاية الإستدارة 360 درجة دي ذاتها ما بتوريك عدم الإبداع ؟
Quote: الوضع لحدي هنا طبيعي،، لكن اتغير 360 درجة وسبب مشاكل لي ولي صديقي
بيكون سمعا من واحد وما عندو إستعداد يفكر في معناها فجا نقلها بخطئها لأنو الزول لما يكون إستدار 360 درجة بيكون ما عمل حاجة ، فقط أخد ليهو لفة ورجع لنفس مكانو لو كان متجه شرق ، بيكون أخد ليه لفة ورجع لنفس وجهتو السابقة (الشرق) والعكس صحيح ولو من الشمال للجنوب أو العكس برضو نفس الشيئ هو قاصد يقول 180 درجة لكن الإبداع خذلو تقول لي مبدع ؟ عدم الإبداع هين ،، المشكلة في الشوت الدفاري
نلقاها من صاحب الدفاع بالنظر ولا من صاحب البوست الله غالب
03-09-2013, 04:11 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: يا علي دفع الله شنو وقفت من الكتابة ياخي ؟ إنت محمد زكريا دا ما من الجمهور ولا شنو؟ ما ياهو داك قاعد منتظر المزيد من الإبداع لا وإنت ذاتك وعدت الجمهور بي كدا
Quote: الوضع لحدي هنا طبيعي،، لكن اتغير 360 درجة وسبب مشاكل لي ولي صديقي تابعونا
ما داير أقول ليك حتفقد مصداقيتك أمام الجمهور ، دا إذا ما فقدتها من عمايلك الأولى ذاتا
بعدين يا ابو الزيك صدقني إنت زول حبوب خلاص وما بتحب تزعل أي زول هسه وين الإبداع هنا؟ بالعكس زي ما انا قلت قبل كدا ، هو عمل نسخ ولصق من قصيدة الجابرية للمبدع حميد لكن نسخها بي ضبانتها ، لم يستطع أن يتفادى الأخطاء التي وقع فيها حميد ومفروض المقلد دائماً يتفادى أخطاء المنتج الأول ، شوفوا هنا الخطأ التاني الوقع فيها لما حميد سرح كتير وراح يوصف في شكل شيخ البلة و(دخل في خصوصياتو ) وليس فقط السخرية من موقفه السياسي وراح يتكلم عن إنو دقنو مرخرخ وسجودو متختخ ... ووو رغم إنو المرخرخين دبل موجودين في كل التنظيمات والشرائح الإجتماعية والسياسية ولا يجب أن يقحموا في الصراع السياسي وممكن يكون زعل ناس في شريحتو هو ذاتو أها صاحبنا صاحب البوست دا جا وقال شنو عن الأصولي الجا وإعترضو
Quote: المهم الناس ديل جوني عديل بقيادة خال صديقي انسان متجهم اصولي متطرف كث اللحية فاضي الفاخورة عارف كلمتين (حلال وحرام) فهذا الظلامي لما فيني قدام الناس كنا قاعدين قدام بيت صديقنا ودي عادتنا في بعض الاحيان وهاك يا كلام فارغ وقلة حياة وتكفير وعنف لفظي تابعو بكم شلوط وكمية وافرة من البزاغ (توووووووووف عليك يا كافر) انت قايل بتقدر تهدم بيوت الله (وجاب ليه اية قرانية بعد كل العفن الطرشو دا )، ويواصل والله لو ما بعدت من الولد دا الا اكتلك وادخل بيك الجنة يا زنديق يا جمهوري شيوعي ملحد (وصفني بكل هذه المدارس الفكرية في لحظة واحدة)
مش قلت ليك ما عندو خيال وشغال نسخ ساكت؟
بعدين حتى حكاية الإستدارة 360 درجة دي ذاتها ما بتوريك عدم الإبداع ؟
Quote: الوضع لحدي هنا طبيعي،، لكن اتغير 360 درجة وسبب مشاكل لي ولي صديقي
بيكون سمعا من واحد وما عندو إستعداد يفكر في معناها فجا نقلها بخطئها لأنو الزول لما يكون إستدار 360 درجة بيكون ما عمل حاجة ، فقط أخد ليهو لفة ورجع لنفس مكانو لو كان متجه شرق ، بيكون أخد ليه لفة ورجع لنفس وجهتو السابقة (الشرق) والعكس صحيح ولو من الشمال للجنوب أو العكس برضو نفس الشيئ هو قاصد يقول 180 درجة لكن الإبداع خذلو تقول لي مبدع ؟ عدم الإبداع هين ،، المشكلة في الشوت الدفاري
نلقاها من صاحب الدفاع بالنظر ولا من صاحب البوست الله غالب
جنس ورجغة تدوش الرأس ههههههههههههه شنو لصق ونسخ من قصيدة الجابرية (انت قبيل قلت سابع جامع في الجابرية) اقول ليك حاجة انت زول ورجاغ سااااااااااي
Quote: المشكلة في الشوت الدفاري
دي من الدفار ولا شنو ؟؟؟
احمد ابكر بطل ورجغة قول لي انت داير تقول شنو بالضبط واهم حاجة الاختصار وقع ليك
03-09-2013, 04:43 PM
أمير محمد ادريس أمير محمد ادريس
تاريخ التسجيل: 01-17-2013
مجموع المشاركات: 1248
يا علي دفع الله غلبك تفهم أنا عايز أقول شنو؟ أول حاجة دفاري دافوري ، كلو واحد ،،، إختار البيعجبك
الشيئ التاني
إنت قلت الشعب السوداني 99% منه بيختار غلط لأنك قلت 99% منه سيختار المسجد رغم حوجتو لعنبر المشتشفى وعلشان كدا أنا قلت ليك إنك حاولت تقلد حميد لمن شبه الزول الجا داير اصوات الناس لكنه كان غبي وقام بنى ليهم سابع مسجد في الجابرية رغم إنو الشعب ما كان داير المسجد ولا محتاج ليهو حميد عايز يبالغ في غباء وهبالة الرجل ، فعمل كم غلطة في وقت واحد ، وإستخدم أمثلة خارج نطاق المعقول إنو يكون في سبعة مساجد في قرية (مش معقول ، إلا نكون ما عايشين في السودان ) وإنو الزول السياسي الأرعن داك جاء وصرف قروشو في مشروع لن يحوز رضا الجمهور ( مش ممكن يكون بالغباء دا) وكمان راح شاعرنا يتكلم عن شكل الرجل وجسمه
كل دا وارد من حميد وأي زول خيالو ممكن يشطح
لكن إنت المقلداتي جيت تقول الشعب السوداني جاهل بدرجة بنسبة 99% ومشيت تشتم في خصمك شتائم شخصية زي شتائمك البتعمل فيها هنا دا
إنت زعلان من كلامي دا؟ دا نقد إستفيد منو ياخي ، إنت مش روائي؟ طيب الروائي مفروض يفرح لما الناس ينتقدوا روايتو أنا هسه غلطت؟ قلت ليك ما تقلد ، ولما تقلد إنتبه لعيوب المنتج الأول ، ثم قلت ليك ، إنت ما مبدع دا كلام بيزعل؟ طيب ياخي ،، إنت مجتهد ، كدا مبسوط؟ ما حتقدر تجرجرني للشتائم ملاحظاتي وقلتهم ، مادام نشرت روايتك على الملأ باي
03-09-2013, 04:46 PM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
سلامي للاخ علي دفع الله وضيوفه الكرام : المعروف أن التدين الشكلي والمظهري يفضل دائماً التمظهر الخارجي ولا يلج الي عالم الابداع .وخدمة الناس ....فالمسجد يمثل ساحة لكل الناس بينما العنبر تقتصر خدماته علي المرضي فقط .....والمسجد يتحلي دائماً بمنظر واضح في القرية او الحي " ودي طبعاً نظرة فقهية تفضل ان يكون اعلي مبني " مما يوفر راحة داخلية لمعتنقي الاسلام الشكلي والقشري ........ولذلك فان راس المال الطفيلي يميل الي النمط من التظاهر لانه اضمن ......ويوفر قدر من الراحة التي تبعد عنه عبء المتابعة ، الشي الذي لا يضمنه له العنبر ، لان العنبر في حاجة الي متابعة وادارة وملاحقة مالية ربما تقعد به ان لم يهتم صاحبه بمتابعته مالياً وادارياً .......فهو يميل _راس المال الطفيلي_ دائماً الي الراحة وقفل هذه بطينة وتلك بعجينة ، كنت ابان فترة الحج السابقة في حوار مع قريبي كرس كل امواله للمجئ للحج هو وزوجته سنوياً ......فقلت له هذا ليس حديث دين ....ولكن لماذا تاتي للحج سنوياً في حين ان المطلوب منك ان تحج مرة واحدة في العمر؟ لاسيما وان كلفة الحج مع هذه الحكومة اصبحت لا تطاق ؟ فقال لي هل الحج لاكثر من مرة ممنوع؟ فقلت له لا ليس ممنوع ولكن حسب الشرع انه مطلوب لمرة واحدة وعلي حد علمي ان الرسول الكريم تبرع هو بنفسه وحج حجة واحدة وبعد داك انا لا امانع ان تعطي ال 60 مليون كلفة الحج لفقراء ومحتاجين علي الاقل تكون انقذت 60 اسرة من الكثير وخففت عنهم الم المعاناة ........المهم انتهي حوارنا الي ضحكات وقهقهات ومضي قريبي الي سبيله ........وكان شيئاً لم يكن وربما ياتي العام القادم بصحبة زوجته هههههههه.......علي كل حال هذه امواله وهو مخير فيها .......ولكن لو كنت مكانه لما ترددت في دعم العنبر والمدرسة ...... ضحكت جداً عندما ذكرت بانهم شرعو في فتح بلاغ حيما قلت :
Quote: وهي انهم فتحوا فيني بلاغ في الشرطة وقالوا انو ولدنا دا كان عاوز يعمل مسجد لروح ابوه المتوفي وقام صاحبو دا غير رأيو لبناء عنبر في المستشفى ،،
ضحكت لما تخليت نفسي مكان القاضي الذي يمكن ان يحاكمك ......ترى ماذا سيفعل بك وانت تقنع لاحظ الجريمة بتاعتك ان اقتنعت الرجل ......ايام كنا برالمة بمصر ......كان هناك صديق لي بعثي ........وكان قريبه برلوماً فالطبيعي ان يقوم هو باستضافته ......ولكن بعد يومين جاء الي الشقة فلم يجد قريبه .......وبعد ان بحث عنه وجده بعد ثلاث ايام فقال له : وينك ياخي انا قلبت ليك الدنيا دي كلها مالك ياخي ؟ وجاء رد قريبه بانني ذهبت مع ناس وقالو لي ما اسكن معاك لانك بعثي وانا خايف منك تبقيني بعثي ......فهنا كان رد صديقنا من نوع الرد الرباطابي داك .....هو يازول انت قايل ببقوك بعثي دي بلقوك نايم ويكبوها ليك في اضانك؟؟؟؟؟؟؟ اخونا احمد بابكر تحياتي وتقديري .......انا شخصياً مبسوط جداً لنقدك الجميل لقصيدة حميد وحتي لهذه الطريقة في سرد الاخ علي دفع الله ......ولكن ما اتمناه الا تفرض تصورك عن الابداع وتسحبه علي كل من يقراء هذه الرؤية .....فليس هناك طريقة معينة وثابتة ووحيدة لتذوق الابداع ......فانا شخصياً مازلت استمتع جداً بقصيدة الجابرية لما فيه من نقد لاذع لسلوك جماعة الاسلام السياسي والمربوط براس المال الطفيلي ....وكلام عامة الناس برضو التي لا ترضي العنبر بديلاً لبيوت الله ، هي نفسها التي حكت قصة كتابة الله ما بناباه ولكن الفيك انعرفت .....واتمني ان تكون بداية القصة معروفة لديك.....
03-09-2013, 05:06 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: لأنو الزول لما يكون إستدار 360 درجة بيكون ما عمل حاجة ، فقط أخد ليهو لفة ورجع لنفس مكانو لو كان متجه شرق ، بيكون أخد ليه لفة ورجع لنفس وجهتو السابقة (الشرق) والعكس صحيح ولو من الشمال للجنوب أو العكس برضو نفس الشيئ
انا ما قلت ليك الزول ده دلاهة
__________________
يا امير سيبو يكتب
انت قايل الكلام من جنس ( كلام شين جنس الكاتبه الدلاهة حذف نزولا لرغبات الزملاء ) صعب ما صعب والله ممكن اردم العبيط ده لمن يأمن ويكوس في البخارجو ... لكن المنبر ده فيه ناس محترمين يجب احترامهم فما تخت في بالك .. نحن متعودين على جنس العوقة ده ياخ ده قايل الدائرة 720 درجة .. تاني شنو ؟
اها يا عبيط وصلت لشنو في امر الشعب السوداني الغلط بنسبة 99% بقوا على الجامع ولا المستشفى
إبراهيم النعمة مشكور يا حبيب على وجهة النظر لكن بالمناسبة: أنا لم أتحدث عن الجانب الإبداعي في شعر المرحوم حميد فهو ساحر عديل كدا في هذا الحقل إنما تحدثت عن ما رأيته إشتطاطاً سياسياً في بعض مشاهد قصيدة الجابرية ولذلك ليس صحيحاً أنني جنحت إلى فرض ذوق معين حيال الإبداع فالحال هنا هو كالموقف من قصيدة المتنبئ في هجاء الإخشيدي كافور عندما ذهب الأول يسخر من لون الأخير ومن (شلاليفو) ومن وضعه الإجتماعي قبل أن يصبح ملكاً رغم كل تلك البذاءة المستنكرة في قصيدة المتنبئ تلك إلا أنه لا أحد يستطيع أن يقاوم نشوة إلإبداع الذي ينساب من تلك القصيدة
أخ علي -- ما حبكت القصه كويس طالما صحبك يمتلك أموال وعقارات وغيرها ممكن يعمل الإتنين في وقت واحد ، والمهم دي فرصه تعرف أهمية بناء المسجد . أبي ذر عن النبي صلى الله عليه وسلم قال : من بنى لله مسجدا ولو مفحص قطاة بنى الله له بيتا في الجنة .
------------
مالك داير تضيع من المرحوم بيت في الجنة ؟؟؟
عدم العلم بالشئ مصيبه
03-09-2013, 06:01 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: حميد عايز يبالغ في غباء وهبالة الرجل ، فعمل كم غلطة في وقت واحد ، وإستخدم أمثلة خارج نطاق المعقول إنو يكون في سبعة مساجد في قرية (مش معقول ، إلا نكون ما عايشين في السودان )
تكملة لى كلام اخونا ابراهيم النعمة ... النكب ليك شوية "نقد النقد" في اضانك وانت نايم ... لأنو تناولك لى حميد كان بى طريقة ارسين لوبينية خالس ... إذا كانت المعايير النقدية تتعامل مع القرية ام سبعة جوامع كصورة شعرية ... تحكمها علاقات جمالية محددة (ولو انو قرية زي دي لن ندخلها ابدًا ما داموا فيها) مبنية على كثافة الدراما ... فالمعايير الأخلاقية (في الدين الإسلامي مثلاً) تقول: اعذب الشعر أكذبه ... وإن في الشعر لحكمة ... والشعراء يتبعهم الغاوون ... هذه معايير اخلاقية في تناول الشعر ... لا تجرّم الخيال وتصوير الواقع بصورة مجافية للحقيقة كغلطة أخلاقية ... فمن أين أتيت بمعايير (كم غلطة) هذه؟ ... فالمؤكد انها ليست معايير نقدية!!! .... ما رأيك في سلفادور دالي؟ ... لا بد أنه "مدلّس" كلو كلو بى معايير (كم غلطة) هذه ... فلا اعتقد أن "سيحان" هذه المرأة وكمنجتها من الغلطات التي تغتفر:
(ربما اغضبت اكذوبة الصورة وليد الشفت على دالي ... غضبة شبيهة لغضبته على اكذوبة على دفع الله ... فدالي لم يخلو من الغرض والمرض!)
........
ولمن يذم ويقبّح التديّن الشكلاني نقول ... كل منهاج شكلاني ما حلو ... كما تقول الألمعية "سلافة ابوضفيرة" في النضال الشكلاني ...
Quote: فالقيام بأي عمل في السودان أصبح خاضعاً للمفهوم الجمالي والإستعراضي (شوفوني .. شوفوني) ، أي أن الغاية من العمل لم تعد من أجل العمل والبذل والتغيير .. بل ثمة غايات مظهرية تجعل صاحب العمل يقوم بعمله ..
بمناسبة العمل ودوافع العمل ... نعتذر للقارئ الكريم ... إن كان يرجو مسجدًا أو عنبرا ... من هذا البوست ....
... المهم ....
03-10-2013, 07:00 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: سلامي للاخ علي دفع الله وضيوفه الكرام : المعروف أن التدين الشكلي والمظهري يفضل دائماً التمظهر الخارجي ولا يلج الي عالم الابداع .وخدمة الناس ....فالمسجد يمثل ساحة لكل الناس بينما العنبر تقتصر خدماته علي المرضي فقط .....والمسجد يتحلي دائماً بمنظر واضح في القرية او الحي " ودي طبعاً نظرة فقهية تفضل ان يكون اعلي مبني " مما يوفر راحة داخلية لمعتنقي الاسلام الشكلي والقشري ........ولذلك فان راس المال الطفيلي يميل الي النمط من التظاهر لانه اضمن ......ويوفر قدر من الراحة التي تبعد عنه عبء المتابعة ، الشي الذي لا يضمنه له العنبر ، لان العنبر في حاجة الي متابعة وادارة وملاحقة مالية ربما تقعد به ان لم يهتم صاحبه بمتابعته مالياً وادارياً .......فهو يميل _راس المال الطفيلي_ دائماً الي الراحة وقفل هذه بطينة وتلك بعجينة ، كنت ابان فترة الحج السابقة في حوار مع قريبي كرس كل امواله للمجئ للحج هو وزوجته سنوياً ......فقلت له هذا ليس حديث دين ....ولكن لماذا تاتي للحج سنوياً في حين ان المطلوب منك ان تحج مرة واحدة في العمر؟ لاسيما وان كلفة الحج مع هذه الحكومة اصبحت لا تطاق ؟ فقال لي هل الحج لاكثر من مرة ممنوع؟ فقلت له لا ليس ممنوع ولكن حسب الشرع انه مطلوب لمرة واحدة وعلي حد علمي ان الرسول الكريم تبرع هو بنفسه وحج حجة واحدة وبعد داك انا لا امانع ان تعطي ال 60 مليون كلفة الحج لفقراء ومحتاجين علي الاقل تكون انقذت 60 اسرة من الكثير وخففت عنهم الم المعاناة ........المهم انتهي حوارنا الي ضحكات وقهقهات ومضي قريبي الي سبيله ........وكان شيئاً لم يكن وربما ياتي العام القادم بصحبة زوجته هههههههه.......علي كل حال هذه امواله وهو مخير فيها .......ولكن لو كنت مكانه لما ترددت في دعم العنبر والمدرسة ...... ضحكت جداً عندما ذكرت بانهم شرعو في فتح بلاغ حيما قلت :
Quote: وهي انهم فتحوا فيني بلاغ في الشرطة وقالوا انو ولدنا دا كان عاوز يعمل مسجد لروح ابوه المتوفي وقام صاحبو دا غير رأيو لبناء عنبر في المستشفى ،،
ضحكت لما تخليت نفسي مكان القاضي الذي يمكن ان يحاكمك ......ترى ماذا سيفعل بك وانت تقنع لاحظ الجريمة بتاعتك ان اقتنعت الرجل ......ايام كنا برالمة بمصر ......كان هناك صديق لي بعثي ........وكان قريبه برلوماً فالطبيعي ان يقوم هو باستضافته ......ولكن بعد يومين جاء الي الشقة فلم يجد قريبه .......وبعد ان بحث عنه وجده بعد ثلاث ايام فقال له : وينك ياخي انا قلبت ليك الدنيا دي كلها مالك ياخي ؟ وجاء رد قريبه بانني ذهبت مع ناس وقالو لي ما اسكن معاك لانك بعثي وانا خايف منك تبقيني بعثي ......فهنا كان رد صديقنا من نوع الرد الرباطابي داك .....هو يازول انت قايل ببقوك بعثي دي بلقوك نايم ويكبوها ليك في اضانك؟؟؟؟؟؟؟
يا تبارك يا أخوي حاول تمرن نفسك على الهدوء وإمتصاص حالة النفور عندما تخاطب من لايروق لك لاحظتك بإستمرار توجه لي كلاماً ولا تطيق نفسك أن تذكر إسم من توجه له كلامك أنا علقت على كلام الأخ إبراهيم النعمة في مداخلة سبقت مداخلتك مباشرةً ، بسبب أننا (أنا وانت ) كنا نكتب في وقت واحد بس مداخلتك نزلت قبل مداخلتي رغم أنني بدأت الكتابة فيها قبلك أحياناً أكتب ويأتيني ما يشغلني فأتأخر في إضافة المادة ، سوف أنتبه لهذا الشيئ
كدا إرجع لمداخلتي الأخيرة وقول لي رأيك فيها
تحياتي
03-09-2013, 06:57 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: لاحظتك بإستمرار توجه لي كلاماً ولا تطيق نفسك أن تذكر إسم من توجه له كلامك
ما تزعل يا احمد ابكر (انت الدافعت عن التكفير والدولة الدينية في نقاش نهلة محمود ولاّ تشابه في الاسماء) ما اظن اكون مستقصدك لشخصك ... غالبًا ما تكون آراءك وراء هذا الاستقصاد ... فلن اخفيك سرًا أنني استقصد الظلامية والرجعية والأفكار المتخلفة ... لكنني لا استهدف الاشخاص (باستثناء وليد الشفت وابوالزهراء وبعض الاصدقاء الشخصيين بالنسبة لي) ...
بعدين انا لو محلك كنت حا اكتب "ما لا يروق لك" بدلاً عن "من لا يروق لك" ... بما اني ما بعرفك يعني وكدا ...
نحن لسة فيها ... على دفع الله جاب ليهو وهمة عشان يوصل فكرة ... حميد جاب ليهو وهمة عشان يوصل فكرة ... دالي جاب ليهو وهمة عشان يوصل فكرة ... النقد الادبي ما فيهو مشكلة مع الاوهام التجارية ... الرسول قال (ما معناو) كلما تكون الوهمة كبيرة بيكون الشغل نضيف .... الله قال (ما معناو) الوهمة بتحرر السوق او بتلم الضهب ... انت - ووليد الشفت - قلتو الوهمة ما تمام وكذب و "كم غلطة" (على حد تعبيرك) ... السؤال: ما هو المعيار؟
نحن كاتبين تمنين صفحة عن قصة فيها كدايس بتكركب في العرش ... وانو صاحبة القصة من حقها تكتب بالطريقة دي ولاّ لأ ... لو تاني دايرين تجرّمو كتابة علي دفع الله بالأحكام الاخلاقية البتتكتب جزافًا ... تاني بنسأل: ما هو المعيار؟
ولاّ (كم غلطة) دي في حد ذاتها "غلطة" لا يجب السكوت عليها؟
وانت ما تاخد الموضوع شخصي ... نحن بنتكلم عن موضوع عام ... والمسألة فيها مساحة اختلاف في الراي ... اقرا بى هدوء ... عشان ما تفسر هدوء الآخرين انو هياج ... انا يوم اهيج بقفّل لى بكري ابوبكر موقعو العاجبو دا واحيركم كلكم
(الفار لقى جنازة الاسد مجدوعة ... جا لكز الضنب بى كراعو وقال للاسد: هووووي ... انا كان قمت كعب!)
... المهم ....
03-09-2013, 07:54 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: لكنني لا استهدف الاشخاص (باستثناء وليد الشفت وابوالزهراء وبعض الاصدقاء الشخصيين بالنسبة لي) ...
وانا بعتز بصداقتك دي ايما اعتزاز لو تدري
المهم جدا لو تابعت البوست لوجدتي اخترت العنبر على المسجد .. باعتبار انو النوايا صافية .. لكن اتضح لاحقا انو كاتب بوست صاحب غرض .. وانه ما قاصد المسجد بل قاصد الدين ذات نفسه
وما اظن دي نقطة فاتت عليك يا تبارك
وبكل بساطة صاحب البوست عا وز يستخدم اجوبتنا المضمونا اجتماعي بحت .. كاساس لاستفتاء اغراضه دينية وسياسية .. ده ما ياتهو الاستهبال حق الحكومة ذاتو ؟
03-09-2013, 07:59 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
تبارك أرجوك رجاء خاص من اليوم فصاعداً لا تعلق على اي كلام اكتبه أنا ولن افعل انا تجاهك لا استطيع ان اتعامل مع شخص بهذه الصفات من ال ج ب ن والكذب والتلفيق
أنت تعرفني جيداً زي جوع بطنك ، وتتعقب مداخلاتي في بوستات عديدة وتهمز وتغمز وتعلق على كلامي دون أن تشير إلي إسمي وكل ذلك بسبب أول مداخلة لي معك حصل فيه شيئ من ( التعارك) في بوست الاستاذ فضيلي جماع ومن يومها وإنت شايلها في قلبك وتتعقب مداخلاتي ولا تواجهني وتجيد الإنصرافيات وتشتيت الكورة وإطلاق البالونات في الهواء مثل هذه الكذبة التي اطلقتها هنا عن انني دافعت عن التكفير في بوست نهلة اولاً هذا ليس مكانها ، لكنك تريد التشويش على من لم يمر بذلك البوست فتنشر إشاعة قد تستقر في أذهان من يمر على هذا البوست بسبب عدم تمكنهم أو إنشغالهم عن الذهاب والبحث في ذلك البوست ثانياً: لماذا لم تتداخل معي مباشرةً في ذلك البوست والتى كنت أنت مرابطاً فيه مادمت تراني قد فعلت ما تصرخ منه الآن ثالثاً: ليعلم من يمر على هذا البوست أنني من الذين كتبوا صراحة في بوست نهلة ليس فقط دفاعاً عن حقها في تغيير عقيدتها بل إختلفت مع البندر حول إتهامه بأن هناك جهات تقف وراء ردة نهلة وقلت إنه من حق الذين يحاربون الأديان أن يكونوا جمعيات ويستقطبوا التمويل لإنشطنهم أسوة بالدعاة والمبشرين أتحدى تبارك أن يكون قد اعلن مثل هكذا موقف وبهكذا شجاعة إنما إنتقادي كان منصباً حول قيام اي كان بنشر الكراهية بين المواطنين البريطانيين بالحديث عن أن المسلمين يصفون اليهود بالقردة والخنازير كما جاء في حديث نهلة وكل ذلك تحت شعار محاربتهم المشروعة للشريعة أو اثناء ممارستهم لحقهم في نقد الأديان أو حتى محاربتها لكنني في ذات الوقت رفضت تسمية البعض للبندر بانه تكفيري وقلت هذا إرهاب ايضاً البندر يمارس تصفية حسابات مع حزبه السابق أو بعض قياداته ، لكنه ليس تكفيرياً ، ويجب أن نصون حقه في التعبير كما نصون حق الآخرين ولكنني شجبت تلفيقاته ضد حزبه السابق دون دليل ، وتضامنا مع الحزب إن كان هذا دفاعاً عن التكفير فليكن كما أنني لم أتحدث في كل مداخلاتي عن دولة دينية ، لا ادري من اين جاء بهذه الفرية الأخرى إذا كان لديك يا تبارك إثبات لما تقول فلتذهب إلى ذلك البوست ، وترفعه وتوجه لي مثل هذا الهراء حتى ألجمك في محله لكنني لن أتداخلل معك في اي موضوع آخر أو مكان آخر غير في ذلك البوست لو كنتُ قد قلت كما تقول ، فإن لدي من الشجاعة ما يكفي أن أدافع عن قناعاتي ، لكنني لا اقبل أن يُلصق بي كلام ليس من قناعاتي
كنت عشمان في إعادة المياه إلى مجاريها بمداخلتي السابقة التي عاتبتك فيها على أسلوبك العجيب هذا ولكنني الآن لا أملك إلا أن اقفل باب التواصل معك نهائياً أرجو أن يكون هذا آخر كلام بيني وبينك ، إلا في ذلك البوست إن أردت
أعوذ بالله منك
(عدل بواسطة أحمد أبكر on 03-09-2013, 08:05 PM) (عدل بواسطة أحمد أبكر on 03-09-2013, 09:47 PM) (عدل بواسطة أحمد أبكر on 03-09-2013, 10:02 PM)
03-09-2013, 10:30 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: يعني طلعتنا كلنا سبهللين ( و الله ما عارف جمعها شنو ) قايتوا نحن خشين بنيه صافيه و قلنا رأينا , و قرضك بتاع البوست كان ممكن تقولوا عديل بدون لف و كنا برضو قلنا رأينا شنو .
ولا يهمك يا ماهر الحويرص تعال اقيف في الصف معاي .. نستمع الى النظرية الجديدة بتاعة 720 درجة للدائرة
03-09-2013, 11:44 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
زميلنا علي دفع الله بعد التحية ياخي تعليقك دا ما شفتو والله إلا هسه إنا قلت:
Quote: قاتل الله العصبية
وإنت رديت:
Quote: والله حيرتني معاك في الكلمة دي ، وينا العصبية الانت بتتكلم عنها دي
العصبية التي قصدتها هي أن يغالي الشخص في التعصب لموقفه حتى يضطر إما إلى قهر الآخر بإستخدام العنف أو إلى تلفيق البيانات والأرقام والنسب لتدعيم موقفه أو حتى إنتهاك خصوصبات الغير من أجل ذلك. وبالتالي، فإن إستخدام بيانات مثل إتهام الشعب بأنه جاهل بنسبة 99% هو نوع من العصبية فكل الهجوم الذي مارسته بحقك كان لهذا السبب ، إذ لم أر سبباً لكي تكون حانقاً على الشعب بسبب هزيمة مؤقتة ليس للشعب يدٌ فيها فإنني لدي خصومة حادة مع العصبية ، وحيثما شممت ريحتها ، يممت وجهي نحوها وأشهرت سيفي أحاربها قد أكون مخطئاً وقد أتجاوز وأظلم أحداً ، لكن هذي دوافعي
____
أري بعض الناس قد طعنوا في كلامي و تحدثوا عن عدم وجود قيود أخلاقية للأدب والإبداع وهؤلاء لا يميزون بين الإبداع التجريدي وبين ما يتعلق بشؤون الناس فإن أي شيئ يتعلق بحياة الناس وحقوق الغير، هناك خطوط حمراء تقيدها ويبقي الإبداع إبداعاً حتى ولو إستخدم في شر ، لكن وجب توجيه النقد للغرض الذي جاء الإبداع في إطاره وليس للإبداع نفسه ، ولكن البيقنع بعض المتنطعة شنو؟ وإلا فليجرب هذا المدعي أن يقول شعراً وأدباً يمجد الهلوكوست أو ينكره أو يؤيد القاعدة والإرهاب ، أو يدعوا لتحقير صنف معين من الناس على أساس جندري أو عرقي أو توجه جنسي مشكلة هؤلاء المدعين هي أن لديهم بعبع إسمه الدين ، كلما يسمعونك تتحدث عن الغلط في حق الناس أو القيم يظنونك تتحدث عن الدين إنه مرض الدينوفوبيا
03-10-2013, 02:28 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: زميلنا علي دفع الله بعد التحية ياخي تعليقك دا ما شفتو والله إلا هسه إنا قلت:
Quote: قاتل الله العصبية
وإنت رديت:
Quote: والله حيرتني معاك في الكلمة دي ، وينا العصبية الانت بتتكلم عنها دي
العصبية التي قصدتها هي أن يغالي الشخص في التعصب لموقفه حتى يضطر إما إلى قهر الآخر بإستخدام العنف أو إلى تلفيق البيانات والأرقام والنسب لتدعيم موقفه أو حتى إنتهاك خصوصبات الغير من أجل ذلك. وبالتالي، فإن إستخدام بيانات مثل إتهام الشعب بأنه جاهل بنسبة 99% هو نوع من العصبية فكل الهجوم الذي مارسته بحقك كان لهذا السبب ، إذ لم أر سبباً لكي تكون حانقاً على الشعب بسبب هزيمة مؤقتة ليس للشعب يدٌ فيها فإنني لدي خصومة حادة مع العصبية ، وحيثما شممت ريحتها ، يممت وجهي نحوها وأشهرت سيفي أحاربها قد أكون مخطئاً وقد أتجاوز وأظلم أحداً ، لكن هذي دوافعي
____
أري بعض الناس قد طعنوا في كلامي و تحدثوا عن عدم وجود قيود أخلاقية للأدب والإبداع وهؤلاء لا يميزون بين الإبداع التجريدي وبين ما يتعلق بشؤون الناس فإن أي شيئ يتعلق بحياة الناس وحقوق الغير، هناك خطوط حمراء تقيدها ويبقي الإبداع إبداعاً حتى ولو إستخدم في شر ، لكن وجب توجيه النقد للغرض الذي جاء الإبداع في إطاره وليس للإبداع نفسه ، ولكن البيقنع بعض المتنطعة شنو؟ وإلا فليجرب هذا المدعي أن يقول شعراً وأدباً يمجد الهلوكوست أو ينكره أو يؤيد القاعدة والإرهاب ، أو يدعوا لتحقير صنف معين من الناس على أساس جندري أو عرقي أو توجه جنسي مشكلة هؤلاء المدعين هي أن لديهم بعبع إسمه الدين ، كلما يسمعونك تتحدث عن الغلط في حق الناس أو القيم يظنونك تتحدث عن الدين إنه مرض الدينوفوبي
الاخ المحترم احمد ابكر يا اخي عليك الله والله يطول عمرك ويديك العافية تفكني من الكلام الكتير والنقد يا اخي انا الكتبتوا دا ما عندو اي احتمالية يكون او يصنف ابداع دا حاجة كدى بتاعة توصيل فكرة الدين والدنيا ،، تاني حاجة شايفك مركز على حتة 99% ولا تزعل خليناها 98% اخر حاجة انت ناقد ليك شنة ورنة وجهبز لا يشق له غبار في حتة النقد دي ووصلت لمرحلة وصف الشاعر حميد بالموهوم والغبي (يعني انا شنو بالنسبة لحميد ولا اي حاجة ) علي فكرة حميد دا انا عندي في مكانة الانبياء والرسل والقديسن وفوق شوية ،وما انتجه حميد يكفي لعمل ملايين الدراسات العليا ومئات كتب النقد والتحليل ------ وفوق لي دا كلو كامل الاحترام والمودة
03-10-2013, 00:36 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
احمد ابكر ... سأعود للرد عليك بتأني ... وفي المستقبل أيضًا (ما لم تترك المنبر!)
..........
Quote: المهم جدا لو تابعت البوست لوجدتي اخترت العنبر على المسجد .. باعتبار انو النوايا صافية .. لكن اتضح لاحقا انو كاتب بوست صاحب غرض .. وانه ما قاصد المسجد بل قاصد الدين ذات نفسه
وما اظن دي نقطة فاتت عليك يا تبارك
وبكل بساطة صاحب البوست عا وز يستخدم اجوبتنا المضمونا اجتماعي بحت .. كاساس لاستفتاء اغراضه دينية وسياسية .. ده ما ياتهو الاستهبال حق الحكومة ذاتو ؟
انا عشان كدا جبت الرابط بتاع "النضال الشكلاني" ... الشكلانية في العمل كهدف في حد ذاتها تعلّ العمل ... غياب لأصالة الهدف النبيل من العمل ... لا اعتقد ان هنالك كسب سياسي لمناضل في ادعاء شكلانية العداء مع الدين ... لاكين الخيار بين عنبر وجامع اصبح فعلاً خيار سياسي صعب مع الخطاب الإسلاموي للحكومة ... بدون استعداء الدين أو تفسير لفت الإنتباه لهذه الظاهرة الإجتماعية الخطيرة على أنه استعداء للدين ... وإلاّ لتساءلنا: كيف نحمي أنفسنا ومجتمعنا من هذا الخطاب الظلامي المستبد؟
ياهو بى بوستات زي دي ... ياخي انا مشيت مع هشام هباني في البوست القال فيهو انو اخوهو بقى كوز وانا مصدّق ... بعد اكتشفت انها حركة في شكل وردة واصلت مناقشة الموضوع عادي ... واتهمتو بالصحافة الصفراء وكتابات الإثارة والإدهاش (ولا أزال اتهمه بذلك) ... دون إجحاف حقه في الكتابة بطريقة تجعلني لم اقرأ اغلب ما كتبه هشام هباني في هذا المنبر ... اعتقد أن لديه اضخم مكتبة في هذا البورد ...
بعدين خلينا نقول قاعد يستهدف الدين شخصيًا أو الإله في عرشه ... المشكلة وين؟
ما ياهو دا نحن قاعدين نتناقش مع "هشام آدم" في وجود الله وجدوي الدين عادي ... بل ونحترم "هشام آدم" ونتشرف بمحاورته ...
انت بس قول حرقتك مسألة انو الجوامع ما مرغوب فيها ولا عندها منطق يسند وجودها الغزير ومكرفوناتها المزعجة ...
Quote: اساسا تحيليل الدلاهة الفطير ده وحسب رايو بقول عكس كلامك ده بنسة 99%
ولا زلت تتغوط بفمك النتن هذه الكلمات النابئة من قاموسك المتسحرك ،، افهم يا أخي الموضوع انتهى سيبك من الانفة الكضااااااابة واعترف انك سحروك نابيء الالفاظ ---------- الفكرة وصلت وفهموها اقعد اتسحرك كدى لحدت الطيارة ما تفوتك --------
03-10-2013, 07:27 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
Quote: نحن كاتبين تمنين صفحة عن قصة فيها كدايس بتكركب في العرش ... وانو صاحبة القصة من حقها تكتب بالطريقة دي ولاّ لأ ... لو تاني دايرين تجرّمو كتابة علي دفع الله بالأحكام الاخلاقية البتتكتب جزافًا ... تاني بنسأل: ما هو المعيار؟
المعيار يا تبارك ان تكون لك معرفة واسعة في علم السحركة والبيان المتسحرك ، وتكون شفت ، وتقول كلام يوافق فهم المتسحركين ، ------------ وان واحد شفت جاء اداك كف وشلوط تقول ليه انا اسف عشان انت شفت وبتخوف اولاد الحلة وتاكل كفك وتجر بعيد(ما دا الشفت ) الكلام دا ذكرني رواية الحرافيش (وبعد ما الشفت يديك كف وشلوط) يجوا الجماعة يشيلوهو ويهتفوا(اسم الله عليه اسم الله عليه) ------ جنس شفتنة
مستر سحركة يا شفت
------ تبارك شيخ الدين تحياتي المتسحركة
03-10-2013, 08:07 AM
عمر نملة عمر نملة
تاريخ التسجيل: 11-08-2009
مجموع المشاركات: 2550
تبارك تحليلك من وجهة نظري ممتاز وفهمك جميل. بس الملافظ سعد يعني كيف نعمل المساجد نايت كلوب بممعنى الكلمه مش محجوب قال مكان السجن مستشفى. واظن الجامع يكون جامع لكله مكان صلاه ومدرسه ومركز ثقافي يدرس فيه مختلف العلوم بما فيها الموسيقى والمسرح. الاختيار من وجهة نظري زي ماوضح علي دفع الله باسلوب ذكي في الافكار وليس الامكنه.
03-10-2013, 11:38 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: ولا زلت تتغوط بفمك النتن هذه الكلمات النابئة من قاموسك المتسحرك ،، افهم يا أخي الموضوع انتهى سيبك من الانفة الكضااااااابة واعترف انك سحروك نابيء الالفاظ ---------- الفكرة وصلت وفهموها اقعد اتسحرك كدى لحدت الطيارة ما تفوتك
انت زعلت يا ككو
امبارح ما كل مداخلة والتانية شابكنا هي هي هي .. وهي هي هي مالك بقيت مسكين كده ؟
ياتو فكرة الوصلت يا دلاهة .. فكرة انو الطيارة فيها بوري ولا فكرة انو الدائرة 720 درجة
فكرة يا ابو فكرة .. انت عندك مخ عشان تكون عندك فكرة .. ما كلام شافيه
03-10-2013, 12:52 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
الاخوين علي و وليد رجاءاً أرضاً سلاح وجنباً شلاليت فقد أخذن حقهن ودعونا ننطلق إلى الأمام
علي إستخدم حقه في التعبير ونحن إستخدمنا حقنا في التعبير عن رأينا في خطل أسلوبه رأينا أنه أخطأ مرتين: أنه مارس الغش مع من إستطلع آراءهم ( وإن كان هذا لا يهمني أنا شخصياً) وأنه مارس الكذب والتحقير في حق الشعب السوداني حين إدعي أن 99% منه جاهل ومهووس بالدين فرددنا عليه عليه كل بما يراه مناسباً ، ومارسنا حق السخرية من أسلوبه ، فالسخرية من الأسلوب أو حتى من المنتج (بفتح التاء) وليس من المنتج (بكسر التاء) هي إحدى أدوات الشرح والتوضيح فرد هو أيضاً ، ومارس من السخرية ما شاء الله له أن يسخر وقد وصلت سخرية (بعضنا) من هنا ومن هناك مراحل الشتيمة أرى أن نترك الآن الحكم للقارئ والقارئة في نهاية المطاف كلنا سودانيين وننشد الخير لشعبنا ، لكن كلٌ بأسلوبه لكن هناك من الأساليب ما يغرق الجميع ، ويشعل النيران ، وهذا هو سبب غضبتنا في نهاية المعركة هو يرى أن فكرته قد وصلت للجمهور ونحن نرى أن بياننا لخطل أسلوبه قد وصل للجمهور إذا كان هدف كل واحد منا هو هزيمة منطق الآخر ، وليس إبادة الآخر أوتحقيره والإستمرار في تحقيره فإذاً خلاص كفاية ،، إنتهت المعركة .
ويلا تعالوا نعمل شربات من فسيخ علي دفع الله (كما نراه أنا وأنت) بمعني هناك أسئلة وآراء تجسدت من هذا الخلاف هل هناك أخلاق وحدود يجب أن يراعيها الناس في إنتاجهم ووسائل إنتاجهم السياسية والإجتماعية والأدبية والفنية أم لا؟ ما هي الأخلاق؟ هل مراعاة حقوق الغير تدخل ضمن الأخلاق؟ هل الكذب والتحقير والإعتداء على القيم المعنوية للغير تدخل ضمن حقوق الغير أم هي مباحة؟ البحث في هذه النواحي هو أنفع لنا وللجميع ولن نندم على مجهود نصرفه وهو فن الممكن وأحسن توظيف للبوستات
تحياتي
03-10-2013, 01:03 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
Quote: احمد ابكر ... سأعود للرد عليك بتأني ... وفي المستقبل أيضًا (ما لم تترك المنبر!)
وأنا أرد و أقول: مافي مشكلة إذا تركت أسلوب الوسواس الخناس الذي يرمي شروره وخبائثه ودسائسه وأكاذيبه من بعيد ولا يواجه مافي مشكلة إذا تواجه أي شيئ في محله وليس في ميدان او بوست آخر وأنا عندما طلبت منك الكف عن التواصل معي ، فإن ذلك ليس خوفاً منك إنما لأنني لا أتشرف بالتواصل مع كذاب
وحتى يتأكد لي براءتك من الكذب والتلفيق ، او مفارقتك لهما سوف أمتنع عن التواصل ، ولسوف أظل أستعيذ بالرحمن الرحيم منك كلما أرى أثرك
أعوذ بالله منك
03-10-2013, 01:25 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: بعدين يا ابو الزيك صدقني إنت زول حبوب خلاص وما بتحب تزعل أي زول هسه وين الإبداع هنا؟
ياخ ده كلام خطير تقولوا لزول طارح نفسه كناقد فنّى فى مجال الموسيقى والاغنية والشعر الغنائى والدراما والرواية القصة القصيرة و وو المافى شنو مع انه اشكرك على صفة حبوب لكن ما بحب ازعل زول دى اكون امين معاك ومتجرد واعترف والله فى ناس قاعد ازعلهم لامن بس نرجع للموضوع الاساسى ومسألة ابداع صاحب البوست فى الموضوع الذى تناوله مع انه فى واحد مزعلك سحب منّى البساط وعكس النظرية الابداعية عبر منظاره ولو كنت ساختلف فى كيفية عكس رؤيتى عن اشكاليات الابداع فى توصيل الغرض وببساطة شديدة نرجع نترجم ونحدد معانى الابداع فى اصوله ونكتفى بذلك ومن ثم نتوسع فى الابعاد المربوطة به الابداع يتشكل فى كيفية الوصول لهدف بخلق عمل ابتكارى من شأنه تشكيل احاسيسنا ومشاعرنا بكل مايمكن فهمه من معانى الجمال ومعايره المتفق عليها مع بعض الدهشة الغير متوقعة وصاحب البوست يكمن ابداعه فى انه لم يضع لنا هدفه مباشرة منذ البداية بل خلق وابتكر قصة ليصل الى هدفه, ودليل الدهشه تكمن فى (انخداع) القارىء بتصديق القصة من الوهلة الاولى باقى الكلام وبتحفظ الى حد ما يستخلص من كلام الدرويش ود الشيخ :) فااا حتة الابداع موجودة ولو كره الكائدون والمزعلاهم الانخداعة , (بينى وبينك شينه وبتزعل لامن تجى جارى وتقول يلا نساهم فى الخير وتلقى نفسك فى السهلة ساى لا خير ولا شر(ههههه) ) والزعل مرفوع
======================= بعدين يا شباب كدى باركوها (دى بطرح زول عنقالى ساى) ومعاكم تبارك غايتو انا من شفت ود بانت ده جاء شايل قلوبيتو وشاقى خور ابو عنجة وبدا يشرك للطير قلت (امّمممك ) تمبس جاكم وبكون خاتى نبلتو معشقة فى صلبو جنب جيب البنطلون الخلفى فعملت ساتر باقى انا القواميس الامدرمانية عارفها كن اتفتحت اخير ينيشوك بى نبلة فاااا الساتر واجب ولو خلف شجرة اب قضيم ولاّ سيسبان, شجر العشر عاااااادى الحجر بيقدها بهناك :)
Quote: امبارح ما كل مداخلة والتانية شابكنا هي هي هي .. وهي هي هي مالك بقيت مسكين كده ؟
ما ببقى مسكين كيفن ،، ما انت الشفت بتاع الحارة دي كلها ،، واسلوبك متسحرك ،، عليك الله في زول بقدر يواجه سحاريك زيك ،،
متسحرك دا (على وزن ولد دا) هههههههههههههه
سحكروك ولا ادوك عين هههههههههه قال شفت ههههههههه (حامي حمانا اسم الله عليه اسم الله عليه)
Quote: ياتو فكرة الوصلت يا دلاهة .. فكرة انو الطيارة فيها بوري ولا فكرة انو الدائرة 720 درجة
فكرة يا ابو فكرة .. انت عندك مخ عشان تكون عندك فكرة .. ما كلام شافيه
لا انا عندي مخ اي والله ،لكن ما مشكلتي يجي واحد عامل فيها ملك السحاريك ويقراء الموضوع وبعد شوية يجي يستدرك انو الموضوع غير الفهمو(وبرضو عندو مخ المتسحرك دا) وبعدين تعال انت عارف شنو معنى فكرة (الفكرة دي يا كاتب المجموعة الرائعة السحروكية انك عندك غرض عاوز توصلو للناس ممكن يكون بالكتابة او بالصورة او بالاشارة اوحتى بالرقيص) يعني الكلام الكتبتو انا فوق داك الما فهمتو في الاول وجيت زعلان وتنبز هو فيه فكرة سواء رضيت ام ابيت
وقع ليك يا مستر سحركة
03-10-2013, 02:35 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: لا انا عندي مخ اي والله ،لكن ما مشكلتي يجي واحد عامل فيها ملك السحاريك ويقراء الموضوع وبعد شوية يجي يستدرك انو الموضوع غير الفهمو(وبرضو عندو مخ المتسحرك دا) وبعدين تعال انت عارف شنو معنى فكرة (الفكرة دي يا كاتب المجموعة الرائعة السحروكية انك عندك غرض عاوز توصلو للناس ممكن يكون بالكتابة او بالصورة او بالاشارة اوحتى بالرقيص) يعني الكلام الكتبتو انا فوق داك الما فهمتو في الاول وجيت زعلان وتنبز هو فيه فكرة سواء رضيت ام ابيت
وقع ليك يا مستر سحركة
ايواااااااااااااااااا
زي الترابي يعني .. وكت ما يغش الناس
فعلا الموضوع طلع غير الفهمتو انا .. انا قايل زول .. ما قايلك ابليس وشيطان جاي تهاجم بيوت الله بكل صفاقة .. وكمان عاوز تستخدم استطلاعك البنيتو على الغش والتدليس في تاكيد ظنك ال###### .. جاي شايل غباينك من الدين وومن الشعب السوداني ابو 99% بليد .. الانت احسن منهم
طبعا انت من 1% الناس الفاهمين الما زي بقيت الشعب السوداني وانا من عامة الشعب السوداني ابو 99% واتشرف .. انو ما اتلمى مع دلاهة زيك كده
يااا سحركة عذبتنااااااااااااااااااااااااااااااااااااااااا وينو الغش انت مش (شفت) البلد دي ،وانا على حسب فهمي البسيط الشفت دايما بكون لماح وقيادي ونادرا ما يغلط (اظهر انك شفت سحروكي)
Quote:
يا معلم انت يا ابو 99% ودائرة محيطها 720 درجة
اقعد زي الببغاء ردد المقطع اعلاه كم مرة يمكن اريحك شوية تتصور انا متصالح خاااااااااااااااالص مع نفسي لو وصمتني بالغباء والدلاهة والعوير والماعندو مخ وابو 99% ومحيط الدائرة 720 درجة اقول ليك قولة محيط الدائرة 6800 درجة يلا عير بيها ههههههههههههه
تاني عندك حاجة غير الفرمالتين الفوق ديل يا الشفت ههههههههههه او نسيت مستر سحركة ههههههههههه
03-10-2013, 03:00 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
لالا .. انا في الحاجات دي ما شفت.. في الحاجات انا سوداني سااااااااااااااااااااااااي .. لمن زول ينفزع زيك كده ويقول يا ناس حصلوني وادوني الراي بدخل بنخوة السودانيين وبديك راي .. راي ساااي خالي من خباثة سياسة ودين
انا اعرفك من وين انو ما عندك دين .. وكمان عاوز تهاجم دين الناس الـ 99% البلدا الانت منقطها وافهم منهم
Quote: اقعد زي الببغاء ردد المقطع اعلاه كم مرة يمكن اريحك شوية تتصور انا متصالح خاااااااااااااااالص مع نفسي لو وصمتني بالغباء والدلاهة والعوير والماعندو مخ وابو 99% ومحيط الدائرة 720 درجة اقول ليك قولة محيط الدائرة 6800 درجة يلا عير بيها ههههههههههههه
قمت تاني لـ هي هي هي العصُر جاء خلاس ؟
الترابي ذاتو متصالح مع نفسو وشايف روحو صاح .. يعني شنو متصالح مع نفسك ؟؟! خلاس نديك الكاس يعني ؟!
.. مالزول المجنون الواقف في الصينية ميطي .. بكون مستغرب الناس ديل لابسين في الحر ليه ( نوريك شغل السحركة الجد ) .. وبكون متصالح مع نفسو جدا وشايفها صاح
Quote: تلك هي القصص المختلقة والاستشارات المزعومة التي يؤلفها حثالة العلمانيين والشيوعيين والجمهوريين وذاك هو السم الزعاف المدسوس في الدسم من على دفع الله واشباهه للنيل من الاسلام ورجاله ومؤسساته .. أرى أن المسجد في المكان الاحوج أولى من بناء المصحات للميت . .. ونقول لعلى دفع الله (قوم لف
السم الزعاف يا راجل ،، دا كلام شنو دا ،، عليك الله هو الاسلام دا المرمطو وخلاه مرتبط بالقتل والتفخيخ والتفجير واضطهاد المراءة غير المتطرفين الزيك والهالك المزواج بن لادن وبقية تجار الافيون والغلمان في افغانستان واخوان الشياطين في مصر والسودان والصومال وباكستان ---------- وقلت لي لف حاضر يا ابو زاهر السوداني بلف ليك لفة قطر دائرتاها 9850 درجة(الدائرة دي مهداة الى مستر سحركة البي هناك دا ههههههههههه)
03-10-2013, 03:30 PM
أحمد أبكر أحمد أبكر
تاريخ التسجيل: 08-21-2012
مجموع المشاركات: 1339
Quote: وصاحب البوست يكمن ابداعه فى انه لم يضع لنا هدفه مباشرة منذ البداية بل خلق وابتكر قصة ليصل الى هدفه, ودليل الدهشه تكمن فى (انخداع) القارىء بتصديق القصة من الوهلة الاولى
تعرف يا أبو زكريا كلامك ممكن يكون صاح لكن أنا أصلاً ما وصلت لمرحلة تقييم حالة الإبداع في المادة المطروحة أنا من البداية طعنت في صحة المادة نفسها وقلت عنها أنها مغشوشة ومسروقة من صاحب حق الملكية الفكرية للمنتج الأصلي (حميد) علشان كدا حكمت بأنها ما إبداع ، ثم ناقشت أيضاً بعض المعلومات التي وردت في المادة وقلت إن قيها إستخفاف وتحقير بالشعب السوداني وبالتالي طعنت في الغرض نفسه
عموماً الملف دا من هذه الزاوية أنا قفلتو ، وصاحب البوست نفسو يبدو عليهو قفلو وأوقف تكملة الفكرة لأنو هو شايف إنها وصلت ، وأنا برضو شايف إنو إعتراضي وصل وتطلعت إلى مناقشة الدروس التي لاحت من بين غبار المعركة وقدمت مبادرة في هذا الخصوص وكنت سوف أسعد بالمحاورة فيها مع الجميع ( ما عدا الوسواس الخناس طبعاً)
Quote: مالزول المجنون الواقف في الصينية ميطي .. بكون مستغرب الناس ديل لابسين في الحر ليه ( نوريك شغل السحركة الجد ) .. وبكون متصالح مع نفسو جدا وشايفها صاح
يا سااااااااااااااااااتر يا الاديب السحروكي مفهوم التصالح مع النفس اعمق من فهمك الكشحتو دا،، المجنون القاعد ملط في الصينية دا ما متصالح مع نفسو دا حاجة تانية خااص وياريت ناس علم النفس يجو يوضحوا الفرق لكن انا بقول ليك المجنون دا ما واعي بي نفسو مش متصالح معاها لأن الطبيعة البشرية بتاعة البني ادم عكس الوضع بتاعه دا ، ولمن يبقى صحيح من علته حا يستنكر حال واحد غيرو بنفس الطريقة الميطية دي ،
وقع ليك يا مستر محركة وتاني بقول يا سحروك عذبتناااااااااااااااااااااا وكملت لينا الكوتة ،
طريقة طرحك للموضوع وان كانت مقبولة ولكن ما كانت بتقصد الاستفتاء للموضع المطروح حسب عنوان البوست. وفي ظني انك اخترتها عشان تجر الناس لرأي انت بتدعمه يعني ما كان في داعي تجيب خال صاحبك ابو لحية ( اشارة للاسلامين ) وتخليهو يشلتك ويتوف في وشك عشان تحنن قوبنا وبعد داك تخليهو بخيالك انت صاحب القصة انعتك بالكافر والشيوعي و الجمهوري ودي برضو كانت عشان تكسب تعاطف الشيوعين والجمهورين
تحياتي
03-10-2013, 05:13 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: يا سااااااااااااااااااتر يا الاديب السحروكي مفهوم التصالح مع النفس اعمق من فهمك الكشحتو دا،، المجنون القاعد ملط في الصينية دا ما متصالح مع نفسو دا حاجة تانية خااص وياريت ناس علم النفس يجو يوضحوا الفرق لكن انا بقول ليك المجنون دا ما واعي بي نفسو مش متصالح معاها لأن الطبيعة البشرية بتاعة البني ادم عكس الوضع بتاعه دا ، ولمن يبقى صحيح من علته حا يستنكر حال واحد غيرو بنفس الطريقة الميطية دي ،
وقع ليك يا مستر محركة وتاني بقول يا سحروك عذبتناااااااااااااااااااااا وكملت لينا الكوتة ،
والله انت دلاهة جدجد ما انت بتشبه المجنون الميطي ده ومفتكر حالتك الفيها انها تصالح مع النفس
بس شوفت الوصف الوصفتو على المجنون ده بنطبق عليك .. اها لمن توعى وتبقى زول .. حا تخجل من روحك الكنت متصالح معاها .. اها طبيعة النفس البشرية برضو عكس الطرح اللاستهبالي بتاعك ده .. والانا المتضخمة بتاعة 99% من السودانيين جهلة الا انت والمجانين الميطي في الافكار زيك كده .. يعني انت والترابي وكم نفر كده
اها يا عوقة المجنون ميطي في هدومو وانت ميطي في مخك
فهمت يا دلاهة
كدي لف لي دائرة 720 درجة .. وحاول تجي في نقطة البداية 99%
03-10-2013, 07:00 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: تعرف يا أبو زكريا كلامك ممكن يكون صاح لكن أنا أصلاً ما وصلت لمرحلة تقييم حالة الإبداع في المادة المطروحة أنا من البداية طعنت في صحة المادة نفسها وقلت عنها أنها مغشوشة ومسروقة من صاحب حق الملكية الفكرية للمنتج الأصلي (حميد) علشان كدا حكمت بأنها ما إبداع ، ثم ناقشت أيضاً بعض المعلومات التي وردت في المادة وقلت إن قيها إستخفاف وتحقير بالشعب السوداني وبالتالي طعنت في الغرض نفسه
يا ابوحميد نحمدلله على امكانية وجود الصاح فى كلامى وان لم يوجد عدم الوقوف فى تقييمم حالة الابداع فى المادة او المواد المطروحة هى حالة عامة كلنا نتساوى فيها احيانا ولكن حين نكون باحثين عنها سنجدها فى كل مكان وزمان البحث عن الابداع دة ما سر الحياة والكون والدليل على وجود الله ذاته سبحانه وتعالى الخالق المبدع والمصور البارع الوقوف والملاحظة هى الهبة التى اعطانا لها الخالق لنقييم ابداعه في خلق مخلوفاته دى من نفس زاوية المنظار الايمانى الدينى الذى تتشوش الرؤية فيه بفعل لمس ايادينا الكثير عدم وقوفنا لنلاحظ احيانا قد يكون ذلك نسبة للاحكام الثابتة فى الذهن احياناً بمعنى الحكم السريع لانه اساساً موجود مسبقاً حسب مفاهيمنا ومواقفنا من اشياء قد تم تناولها وايجادها فى المادة المطروحة او ثناياها مهما كانت تقارب المقارنات الابداعية بين عمل وعمل اصلاً موجود لا ينفى ويلغى تماماً وجود الابداع فى العمل الجديد (التقليد) والا لما كان هنالك تواصل للتمرحل الابداعى اما المعلومات ومسالة الاستخفاف بالشعب السودانى الصابر فهل حلاااااااص بقت على اخونا المسكين !!!ده ما براك شايف اصحاب نظريات الدفاع بالنظر ورهطه
انا طبعاً ما جئت لمناقشة او حوار للماد او ما خلفها وانما للتفرج والتمتع فقط عشان كدة ما اديت الفلم اكتر من انه فلم ومتفهم لوجود واستخدام المؤثرات يعنى لامن مرقت من دور العرض ما نطيت فوق واديت الكديس الفى الحيطة شلوت باكورد زى ما عمل بروسلى مع واحد كان لابد وراء الحيطة
Quote: عموماً الملف دا من هذه الزاوية أنا قفلتو ، وصاحب البوست نفسو يبدو عليهو قفلو وأوقف تكملة الفكرة
فى دى معاك حق لانه صاجب البوست خذلنا فى الحتة دى وانا قبيييييل قلت ليهو اليتك كن كت واصلت فى القصة وخليته يرجى الراجيه من ناس الدور الشعبى مع تضامنى التام معه ومع حق الشعب فى التعبير عن غضبته وعاش عاش حوش بكرى (الجامع) وعاش عاش (العنبر الحر) هههه
المهم تعرف دور وجود الوسواس الخناس مهم جداً فى مسألة الايمان لانه كلما وسوس لنا فى اضانا دى بنجرى نلعن ونستعيز ونستغفر ودى بيتزيد من ايمانياتنا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي دفع الله
فايزودالقاضي
الشامي الحبر عبدالوهاب
محمد زكريا
وليد محمد المبارك
عبد الوهاب المليك
زول ساكت
garjah
الزبير بشير
علي محمد الفكي
فرح الطاهر ابو روضة
Hani Arabi Mohamed
باسط المكي
عبدالمنعم الطيب حسن
tmbis
أحمد أبكر
أمير محمد ادريس
ibrahim alnimma
عمر نملة
ahmedona
تبارك شيخ الدين جبريل
محمد جبره
فيس بوك
تويتر
انستقرام
يوتيوب
بنتيريست