|
Re: إتوا ناس تلفزيون السودان ديل جنوا ولا شنو؟؟؟!! (Re: ASHRAF MUSTAFA)
|
سواق البشير بتفرج في ماتش بجيبوه
لو في طهور في استاد الخرطوم لازم نشوفوا
اليوم داك جابوا اللحو في بورتسودان قنا معلهش
افتتحوا شارع النيل قنا ربنا كريم
البلال... قنا دي قضايا وطنية
واحد ضبح كديسة لمرتوا... اها عرفنا
كورة بين الفتيحاب وامبدة.. يلا مشيها
لكن ما ممكن كورة كل يوم كمان
المسلسلة دي بقت تتذاع كل يوم وتجي مرة في الاسبوع
وهي كمان 66 حلقة
يعني بكده لغاية ما الصيف ينتهي ما حا تنتهي
نسينا الاحداث زاتو اصلا ذاكرتنا خربانة
ما معقول ياخ.. الكورة زاتها ما قاعدين نشوفها ولا بنحبها
بالله عليكم اختشوا
يا تجيبوا المسلسل الكوري يا كمان تفكونا منو
كفايا العملتا الصين في البلد
ما ممكن تذيعوا وتهيأونا وتقعدوا تتزاوغوا
ده كلام ده!!!
| |
|
|
|
|