|
Re: لو مشينا بالطريقة دى..... (Re: Balla Musa)
|
وعلى صعيد آخر فقد أوكلنا أمر العملاء بساحة الوغى ( المنبر) لسيف الله المسلول هشام هبانى وجعلنا كل عميل يقول للآخر النسيم هبانى.
فقد تخلصنا بفضله من العميل المزدوج بشاشا حتى كسح لايلوى على شئ.. ثم كشفنا الصادق ورقصه الذى هو حيلة ماكرة لتمييع النضال وترقيصه الكاروشة.. ودلفنا على بعض مدسوسى الجبهة الثورية وقد جندل منهم حتى الآن نفرا ليس بالقليل..
وهانحن الآن نلتهم عملاء ح د ل حتى لايبقى منهم عميلا فى هذه الساحة الشريفة الطاهرة..
| |
|
|
|
|
|
|
Re: لو مشينا بالطريقة دى..... (Re: Balla Musa)
|
ثم مهدنا للحبشى محمد ليسرح ببقية الطابور الخامس من عنوان الى آخر ليجرجرهم خارج دوائر التخطيط الاستراتيجى واضعا العميل خضر حسين فى قفص أبوكرامى والبقية تركهم سارحين فى علكات بوستية بقصد اللواكة المستمرة حتى تفتر عضلات الفك منهم فيفكوا البيرق الذى يلوحون به للحكومة حتى تتعرف على موضع الأشاوس و الأبطال..
| |
|
|
|
|
|
|
Re: لو مشينا بالطريقة دى..... (Re: Balla Musa)
|
Quote: وبالطبع ما حا أقدر أتداخل لولا قبلت أسفي وقُلنا مع بعض العفو والعافية. |
عاطف مكاوى
يازول إن شا الله بقيت طيب ومتعافى ووزير زراعة كمان :)
غايتو أنا مابتذكر أنك أسأتنى لكن مادام اعترفت بعضمة كيبوردك فأنا ما حا أعفى ليك إلا تدفع دية أقبل منى أوردر أو شيك أو توريد مباشر فى حسابى أرسلت لك رقم الحساب فى الخاص..
أمشى إمام الجامع الفى الناصية واسألوا عن قيمة الدية ثم قم بإجراء اللازم..
| |
|
|
|
|
|
|
Re: لو مشينا بالطريقة دى..... (Re: Balla Musa)
|
كدة يادكتور ما عصرتا علي المناضلين شديد...
يعني نخُط القير بوكس في وضع auto drive)D) ونقعد نتفرج ولاّ كيف؟ كنت عايز اقول الـ auto clean لكن غيّرتا رايي.
_________
تحياتي يادكتور بله.
| |
|
|
|
|
|
|
Re: لو مشينا بالطريقة دى..... (Re: تيسير عووضة)
|
تيسير عووضة
بالله مداخلتك أتاريها فاضية جايباها بعد ماشربتى البوست عشان تاخدى الأمنية؟
**شكرا على أنك أدركت أن الفاضى بمشى الريسايكل ووداعا زمن الأمنية وعاش نضال هشام هبانى ويسقط ح د ل!!
| |
|
|
|
|
|
|
Re: لو مشينا بالطريقة دى..... (Re: Balla Musa)
|
تعرف يا دكتور بله المنبر حاله من حال السودان عموما انا حاليا بتعب تعب شديد عشان القى لي موضوع بستحق الواحد يقراه و يشارك فيه ويضيع فيه كم دقيقة المنبر مليان بمواضيع لو قلنا عليها هايفة بنكون رفعنا من قيمتها لانها ما بتستحق كلمة هايفة اصلا. كذلك الساحة السياسية اضعف حكومة و اضعف معارضة لذلك لا تغيير يلوح في الافق. بحاجة للكثير نحن ولا اعتقد ان عشرة سنوات رقم مبالغ فيه رغم انك قد اخترته للمبالغة لكنه رقم قريب من الحقيقة
| |
|
|
|
|
|
|
Re: لو مشينا بالطريقة دى..... (Re: Mohammed Sedeq)
|
Quote: ولا اعتقد ان عشرة سنوات رقم مبالغ فيه رغم انك قد اخترته للمبالغة لكنه رقم قريب من الحقيقة |
محمد صديق طمنتنى
بعيد عنك بعمل فى ماجستير إسمها كيف تصبح فاسدا وعندى أمل أخلصها والحق الحكومة دى قبل ما ناس سودانيزاونلاين يجيبوا خبرها إمكن الواحد يبنى ليه عمارة عمارتين كدا نستقبل فيهم البورداب!
| |
|
|
|
|
|
|
Re: لو مشينا بالطريقة دى..... (Re: Balla Musa)
|
سلام يا دكتور عندك حق كان مشينا بالطريقة دى .. تانى المشى ذاتو ما حنقدر عليهو حيفضل اللسان يلعلع والليد توصًف و مافى حيل . وبما انو الجماعة التانيين زاتم تعبانين , حينطبق علينا المثل : عيان يــ..... فى ميٍت !!!
| |
|
|
|
|
|
|
Re: لو مشينا بالطريقة دى..... (Re: محمد البشرى الخضر)
|
Quote: يا دكتور وناس كاااك و ماااك و زوووط و برشلونة وبشتنونا وين في الحسبة دي؟ |
أبوحتوت
دى طبعا أنا ماذكرتها لأنها سر..
لكن مافى مانع أكلمك بيه براك:
أصلا ناس الكورة ديل خاتنهم للخداع عشان الحكومة تفتكر أننا بتاعين لعب وبس.
عليك الله ماتكلم زول ( الكلام دا بينى وبينك)
| |
|
|
|
|
|
|
Re: لو مشينا بالطريقة دى..... (Re: امير بوب)
|
لو كانت المعارضة تعتقد انها ستسقط الحكومة من منبر بكري هذا هنا تكمن كل المشكلة ...... و لو كانت الحكومة تعتقد -كونها- ان منبر بكري هذا سيسقطها هنا تكون كل المشكلة - الكامنة فوق من قبيل ديك - اكبر .....
| |
|
|
|
|
|
|
Re: لو مشينا بالطريقة دى..... (Re: عبدالمنعم الطيب حسن)
|
اطمنك يادوك .. مدام : السيف عند ########ه.. والمال عند بخيله.. والقلم عند عييه.. والدين عند مسيئه.. والعدل عند معيبه.. والحكمُ عند جلاده.. تكون النتيجة كما قال الرصافي : وقـد اسـتبد قليله بكثيـره............ظلمـاً وذل كثـيره لقليـله.
| |
|
|
|
|
|
|
Re: لو مشينا بالطريقة دى..... (Re: Balla Musa)
|
Quote: صبرا يبل الابري ماف يا دكتور خليني احل التاء الاتربطت دي اول ياخ اها هسي يحلها ابو الحروف ولا شنو يعني ؟! |
محمد صديق
الأهداف تلاقيط أنا بزعل من اللاعب البضيع ضربة الجزاء..
| |
|
|
|
|
|
|
Re: لو مشينا بالطريقة دى..... (Re: Balla Musa)
|
Quote: لو كانت المعارضة تعتقد انها ستسقط الحكومة من منبر بكري هذا هنا تكمن كل المشكلة ...... و لو كانت الحكومة تعتقد -كونها- ان منبر بكري هذا سيسقطها هنا تكون كل المشكلة - الكامنة فوق من قبيل ديك - اكبر ..... |
عبد المنعم
بنحاول نغلف الأمور فى ورق "زوغان"..
على كلامك دا ناخد راحتنا فى الونسة!
| |
|
|
|
|
|
|
|