|
|
 نماذج للـ calling الذى كان يستخدم كدعاية لأركان النقاش بجامعة الخرطوم
|
السلام عليكم
انا دخلت في العام الدراسي 96-97
وكنت معجب جدا بطريقة الدعاية للاركان وبالــ كولنق
وهنا دايرين نتذكر بعض هذه الاهازيج وياريت الناس المخضرمين يشاركونا بما كان يستخدم في زمنهم من اهازيج
نبدا بكولينق الشيوعيين وهذه بعض الامثلة :
كتير منها كانت اشعار بتاعة محجوب شريف وبذكر اني كنت طوالي بحرص على نافذة ثابتة في جريدة "مساء الخير" اسمها "الشعر عطاء الثورة" فكانت بتعجبني الاشعار الثورية حقتهم رغم اني مناقض تماما لاتجاهم الفكري
المهم كان في واحد اسمو وليد من اقتصاد تقريبا وكان بعمل الكولنق للجبهة الديمقراطية طوالي وكان صوتو جهوري شديد .... كانت بتعجبني هذه الاهزوجه :
دقت طبول العز وطنا بهز وبرز منو الضلمه تفز ويفتح جبينو الضو
عمال وفلاحين الجند والطلبة يا شلة الغلبه سدا منيع ضد سلطة الجلبة
احرار وما اتباع ما بننشرى ونتباع المجد للسودان حرا طويل الباع
-------
ميري كلمينا عشه ذكرينا اى سونكى احسن يبقى بينا مسطرينا
نحنا شعب اسطى يلا جيبوا مونه نبنى نبنى نبنى مسرحا ونادى
كبري واستباله صاله للثقافه تسرح الغزاله جنبها الزرافه بى تمن طبنجه
احسن الكمنجه احلى شتل منقه احسن الحليب
جاى وجاى وجاى مافى حاجه ساى سكرا وشاى تتروسايكلين
بور وبورسودان عبرى ولا واو باره والجنينه
حاجه مش كويسه كل زول براو اخير سوانا بكره من سودانا ناو
|
|
 
|
|
|
|
احمد سيد احمد
Abureesh
فيس بوك
تويتر
انستقرام
يوتيوب
بنتيريست