|
|
 الخرطوم قبل ضهب الضهاري والطفيليين
|
Quote: نظمت شركة سجايرالوطنية مسابقة اجمل تسريحة لمحال تصفيف الشعر (الكوفيرات ) بالخرطوم وكونت لها لجنةاختيار من 5 اعضاء هم صلاح شرفي .. عباس الربعه..الطيب الوسيلة وايضا ضمت لجنة تحكيم (فتاتان ) امال عباس وفتحية دهب
1968م |
المصدر :- الفيس بوك .. Old Sudan Photos
مودتــي
الرحـــال
|
|
 
|
|
|
|
|
|
|
|
Re: الخرطوم قبل ضهب الضهاري والطفيليين (Re: محمد محمود محمد)
|
حكاية الطفيلين دي شنو يا ناس الخرطوم ؟
كان تقفلوها عليكم وما ترضو انها تكون عاصمة
بعدين الحياة الانت متحسر عليها دي كان بوفروها ليك الطفيلين البطقو الصمغ حفاياه والبزرعوا القطن والبرعوا بالبهايم في الخلاء
لانك انت ما كنت منتج كنت مستهلك مهموم باجمل تسريحة و وصلتنا للنحن فيه .
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
| Quote: لا أظن الأخ أشرف يقصد الإساءة، الأمر متعلق بالبوست التالي |
الاخ هاني ،،، صباح الورد
تماما هذا هو المقصد ورسالة لناس الخرطوم المضايقين من ناس الضهاري والغزاة والمطالبين بنظافتها منهم
مودتي
الرحـــال
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
| Quote: والله يا اخ اشرف عنوانك صادم وما فيه احترام لي ناس كتار هنا |
عباس المضهب في الخرطوم تحياتي ليك يا ريفي ..
صادم العنوان وللا دي من صدمة المسابقة والخرطوم بالله شفت الخرطوم دي كانت كيف قبل ما نجيها !!!!
مودتي
الرحــال
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
أشــرف الرحال
سلامي وتحياتي،،
ياخ ما عصرته شديد على اهلك أهل العوض ديل ومن لفه لفهم
الغريبة يا حبيب الخرطوم كانت نظيفة بدون شركات نظافة المتعافي
وبدون رسوم النفايات ...
..
..
____________
Quote: شكرا اشرف للتوضيح لي هناي بس برضو نحنا ناس اهل العوض ديل نعمل شنو نلاقيها منكم ولا من محمد موسي
شلتو حالنا شيل تقيل |
آآآآزول الخرتوم ذاتها شن فيها عليك الله
على الطلاق تشرب الموية ب 50 قرش تجي تبولها 2 جنية
| |
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
| Quote: لو انتو الخرتوم دي عاجباكم انفصلوا وريحونا منها |
يا عباس انفصال شنو تاني داير ترجعنا للمربع الاول وندخل في دوامة ده ما خرطومي ده عباسي وده اجنبي وده زنجي ووده جركسي تركي ارمني وده مضهب من ناس الضهاري خلينا على كده من حجوة ام ضبيبينة دي
مودتي
الرحـــال
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
تحية للنازحين اهل الضهاري الجوا الخرطوم ..
سواء من الجيل الأول او الجيل الثاني ..
أو حتى من الجيل الثالث كناس معترسين بالبندر ..
ففي النهاية كلنا طلعنا ناس ضهاري وطرف مداين .. 
ــــــــــــــــــــــــــــــــــــــ
واصل يارحال فمبتغاكـ جلي وواضح ..
وليحيا أهل الضهاري ..
الناس الحلوين ..
حيث تحلو العيشه ..
في معية ناس خبروا معنى الحياة ..
وكيفية الاستمتاع بها الى آخر رشفه ..
فالحياه الحقه هي في البساطه وخفض الجناح ..
ولين العريكه .. والكلام الزين ..
والوش المطروح سماحة وكرم ..
والخاطر المليان موده وعشم ..
ولا عزاء لسكان البنادر المتشدقين بتلكـ الحضارة ..
التي هي من صنع سكان الضهاري ..
جادوا علينا بعرقهم وكفاحهم ..
وآخر جزاء القز علقه ...
زي مابيقولوا حبيبنا أولاد بمبه ..
محبه وشوق لأهل الضهاري ..
وناس الأرياف الزينين ...
الذين نحبهم حباً تمتلئ منه خواطرنا ....
يشهد الله ماعرفت معنى الحياة وحلاوتها ..
الا حين أعود الى مسقط رأس أجدادي ..
وافارق البنادر وصخبها ..
وأعيد سيرة حياة أجدادي الأولى ..
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: أشرف الرحال)
|
| Quote: شكرا اشرف للتوضيح لي هناي بس برضو نحنا ناس اهل العوض ديل نعمل شنو نلاقيها منكم ولا من محمد موسي |
يا عباس تعرف محمد موسى زاتو زول ضهاري وطفيلي وعوضابي كبير
| Quote: اها وريني بس نقول شنو |
قول الخرطوم دي منها العوض وليها العوض 
مودتي
الرحـــال
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: أشرف الرحال)
|
شروفة ..سلام ..
انت عارف مرات الواحد يقول السودان ده بدا من الآخر وراجع للاول ..
صور السودان الزمان اجمل وبالذات الخرطوم كانت انضف وارقى
الناس البتطلع مظاهرات ناس مرتبة ولابسين انيق ونضيف مش زي ناس عباس
يااشرف خليك من الخرطوم كسلا دي في زمنكم عليك الله كانت كيف ؟!!
والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة
وتتباع في عمارة الضيقي .
تحياتي
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: فايزودالقاضي)
|
انت عارف مرات الواحد يقول السودان ده بدا من الآخر وراجع للاول ..
صور السودان الزمان اجمل وبالذات الخرطوم كانت انضف وارقى
الناس البتطلع مظاهرات ناس مرتبة ولابسين انيق ونضيف مش زي ناس عباس
يااشرف خليك من الخرطوم كسلا دي في زمنكم عليك الله كانت كيف ؟!!
والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة
وتتباع في عمارة الضيقي .
ها زول ها
ناس عباس في الرعايه بس بي حقهم ببيعو اللبن وبشربوه تاني في شنو حرم البيضاء دي زيها مافي اعل ود البوش بحكي ليك باقي هو حكاي في الامور دي
بالمناسبه انا وهو ولاد منطقه واحده علا هو ما خابر حاجه لسه
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: abas)
|
Quote: فالحياه الحقه هي في البساطه وخفض الجناح ..
ولين العريكه .. والكلام الزين ..
والوش المطروح سماحة وكرم ..
والخاطر المليان موده وعشم |
يا سلام يا يا ود القوز انداح يا رائع... وسحر الامكنة بجمال ناسا
مودتي
الرحـــال
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: أشرف الرحال)
|
Quote: تشكروا روحكم وتنبزوها براااااااكم
وتشكرونا وتنبزونا معااااكم
ونحن نعاين ليكم سااااااااااااااااي |
ده كلام جواهو كلام ياولي ..
وده الكلام المغتغت وخمج ....
ـــــــــــــــــــــــــــــــــــ
الخرطوم خرطوم الفيل ....
لاحظ انا قلبت الضمائر كيف في كلامي ...
لأن الخرطوم نحن نمثل السكند جنريشن فيها ..
قبل نزوح عوائلنا من اقصى الشمال ...
لكن الاستملاك المتخرطم ..
لبعض المتخرطمين ..
هو الخلانا نفلق ونداوي .....
والخرطوم حقت كل الناس والله .....
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: جمال ود القوز)
|
| Quote: يا سلام يا يا ود القوز انداح يا رائع... وسحر الامكنة بجمال ناسا |
ان طابت الانفس وتلاقت ..
فالأمكنة هي محض مواعين ..
تتيح أمكانية التلاقح والتمازج ..
بل هي التي تستقي جمالها ..
من هذا التمازج الحاصل فيها ..
وبالفعال سحر الأمكنة ..
يتولد من سحر ساكنيها ..
ويكسب كل ذاكـ الرونق والألق ..
إذن بمن نحن نزهو ..
بالناس الطاعمين ساكنين الأمكنة ..
أم بالأمكنة .. تلكـ المواعين ..
قطعن بالناس الحلوين ..
وإن اخضعت شغلة سكان البنادر والضهاري ..
لي حسبة فالنتيجة بالضربة القاضية لي ناس الضهاري ..
يبقى البوبار في شنو ؟؟ ...
وعشان شنو ؟؟ ...
ويذكرني ذلكـ بالمثل البقول ..
فرح الغشيم بــــ .....
وزمان قال الشاعر ..
وماحب الديار شغفن قلبي ولكن حب من سكن الديارا ..
ـــــــــــــــــــــــــــــــــــــــــ
وأموت أنا في الضهاري ..
والناس السكنوا الضهاري ...
وفي الضواحي وطرف المداين ..
مهداه لكل متطنقع بي بندراويته .. .......
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: عمار عبدالله عبدالرحمن)
|
Quote: انت عارف مرات الواحد يقول السودان ده بدا من الآخر وراجع للاول ..
صور السودان الزمان اجمل وبالذات الخرطوم كانت انضف وارقى
الناس البتطلع مظاهرات ناس مرتبة ولابسين انيق ونضيف مش زي ناس عباس |
فايز ،،، تحياتي
نظافة الخرطوم دي عشان السيستم الانجليزي والادارة النظيفة تطلع ليك مدينة نظيفة
حكاية المظاهرات المنظمة لديمقراطية المستعمر بالله شوف مستعمر ويحكم بالديمقراطية تجي كيف !!!
لكن هسي لازم تطلع مبهدل في لبسك عشان الجلد والبمبان وسحق وركل وكل فنون التاكندو والقدوقدو شفت الفرق كيف ؟؟
| Quote: يااشرف خليك من الخرطوم كسلا دي في زمنكم عليك الله كانت كيف ؟!! |
يافايز حرام عليك نحن جيل الانقاذ واديني لناسكم بتاعين مايو ليه
Quote: والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة
وتتباع في عمارة الضيقي |
.
قلت لي شكولاتة وعمارة الضيقي معبرها الحبشة ومصدرها ايطاليا اتا الشكولاته دي سائلة وللا مجمدة
مودتي
الرحـــال
| |
|
|
|
|
|
|
|
|
 Re: الخرطوم قبل ضهب الضهاري والطفيليين (Re: أشرف الرحال)
|
تحياتي اخي اشرف رحال وشكرا على الصور
بالمناسبة الخرطوم حافظت على جمالها حتى العام 1991
بعدها كانت حملات يوسف عبد الفتاح التخريبية قد قضت تماماً على كل شكل جمالي فيها
ثم عاثت حفر سوداتل فساداً في كل الشوارع
في الصورة اعلاه صورة شارع القصر وصولاً لشارع المحطة (الامام المهدي حاليا) كانت الشوارع مرصوفة بطبقة خرصانية ناعمة فوق المجاري يوازيها بلاط اسمنتي كبير ناعم مصفوف بصورة ممتازة وكانت مضاءة تماما وقس على ذلك كل الشوارع في الخرطوم
ثم جاءت سوداتل و حفرت لرمي الكيبلات ولم تقم مطلقاً باي عملية ترميم لما حفرت وتركت اكوام الاتربة كالتروس
وحطمت نظم تصريف المياه فما عادت الخرطوم هي الخرطوم ابداً
بل اصبحت عاصمة الغبار و القذارة
----------------
الخرطوم مدينة حبيبة لكل السودانيين انفقوا عليها ريع انتاجهم قطناً و سمسماً و صمغاً وذرة و ماشية
ولم يهاجروا اليها الا مستشفين او زائرين مؤقتين او بمقدار حوجة المدينة للتوسع مع حوجة اقتصاد الوطن للنمو
لكن جهل الجاهلين و طمع الطامعين الذين حكمونا اورث البلاد و العباد الفقر و الجوع و الجهل والدمار و القبح عاصمة و ريف.
اللهم عليك بكل من دمر هذه البلاد
و عليك كذلك بالمتنطعين وبائسي القول و التعبير
وعليك بكل من اساء لاي انسان سوداني فعلاً او قولاً فالانسان هو الكنز الباقي الذي يجب ان يحفظ ويصان في كرامته و نفسه به تعمر البلاد والمدن
لايهان و لايشتم ولايوصف بالضهب و التطفل مهما حدث
| |
|
|
|
|
|
|
|
|
|
Re: الخرطوم قبل ضهب الضهاري والطفيليين (Re: Nazik Eltayeb)
|
Quote: اللهم عليك بكل من دمر هذه البلاد
و عليك كذلك بالمتنطعين وبائسي القول و التعبير
وعليك بكل من اساء لاي انسان سوداني فعلاً او قولاً فالانسان هو الكنز الباقي الذي يجب ان يحفظ ويصان في كرامته و نفسه به تعمر البلاد والمدن
لايهان و لايشتم ولايوصف بالضهب و التطفل مهما حدث |
الاخت نازك ،، تحياتي
الوطن للجميع وتظل العاصمة الملتقى والقاسم المشترك لشعب الوطن ولكن التعنيف اللفظي وثقافة الاقصاء والسمو الجغرافي والبشري وباء اصاب شعب هذا الوطن وكان نتاجه دمار وشتم واهانة ونحن من نكرر ان هذه الاخلاق والممارسات دخيلة على الشعب السودان اذن من صنع هذا ومن اين جاءت ؟
شكرا نازك على الالتقاط الحصيف
مودتي
الرحـــال
| |
|
|
|
|
|
|
| |
أشرف الرحال
محمد محمود محمد
محمد جبره
Hani Arabi Mohamed
abas
الامين موسى البشاري
جمال ود القوز
سيف النصر محي الدين
وليد محمد المبارك
فايزودالقاضي
عمار عبدالله عبدالرحمن
Nazik Eltayeb
فيس بوك
تويتر
انستقرام
يوتيوب
بنتيريست