|
|
 تاكي باب قلبي وأمرقي نص شعري
|
........................
بسألك عن زول
مودر دربو في تيه الأسف ،،
وبسألك عن القمر
الشّال عيونو وضي سماي
فات إنكسف ،،
كيفن عرفتي الكأس
بيفرح وينتشي
لو إترشف ؟؟
كيف الوتر بشرق فرح
لو إتعزف ؟؟
ما قلتي لي ..
كيفن هتف
قلبي المغيب يوم لقاك
سرو انكشف ؟؟
كم دمعو سال ..
بنى في خيالو
لقاك جبال ،،
ونسج خيوط
من الرّمال و الإحتمال ،،
ياحليلو ضاق بيهو السّؤال
يوم إحترق بنار هواك
وإنك محال ...
عينيك ترف قلبك يشف
لو مرّة بس خاطرك هداك
إنّو الجّريح ما بستريح
كان قلّ نومك وطال أساك
وكان عرفتي عوج قساك ،،
خلاص كفاك
حان منتهاك ،،
ساحة تمرحي فيها تاني
ما أظن زي قلبي تلقي
قايلا زي صندل زماني
تشيلي في حطبو وتحرقي
زي ما اصطفاك
خلاص نساك
تاكي بابو وراك أمرقي ،،
كان بابو فاتح لي مجيك
إيقاعو كان ..........
دوزن خطاك نغم مشيك
كان ليك سياحة واستراحة
تاكي بابو علي عذابو
يبقى للعشاق مراحة
ودار مناحــــــــــــة
عوض شيخ إدريس حسن
أريزونا ...أمريكا
Awad Hassan [[email protected]]
|
|
  
|
|
|
|
awad hassan
فيس بوك
تويتر
انستقرام
يوتيوب
بنتيريست