يا مدثر الخطيب فيما أري بيقول إنه نحن ( السودانيين) مشاكناوهمومنا سودانية، إتبذرت ونمت وتناسلت في أرض السودان ...وأبداً ما عندنا مشاكل مع السماء ولا بنتوهم إنه الله وراء البيحصل في السودان دا...والبيقول إنه السماء هي الجابت الإنقاذ أو لا زال بيتخيل إنه حل مشاكلنا مع تسلط وفساد وإخفاق الإنقاذيين موجود في السما ما في مكان محدد وزمان محدد من امكنة وأزمنة الأرض اسمه السودان فليهرب من أقطار السودان إن كان له سلطان ..السما ماهي القررت سعر صرف الدولار الليلة وما هي السببت الفقر والجوع والحرب والعطالة والهجرة من السودان ..الصنع المشاكل دي وغلبه يحلها قاعد في القصر الرئاسي بين شارع الجامعة والنيل وما قاعد أو نزل من السما، ..العاوز يغترب عن واقعه يغترب براه أو فيما يخصه شخصياً، لكن ما يتسلط علي شعب بأي أحلام ما مبررة ولما تكون النتايج مأساوية بدل ما يصحي يستمر يمارس نفس الحيل عن نسبه المغشوش (نسبه السماوي) عشان نستمر غارقين للأبد في وهم حلول معدومه لا في ولا خارج الخرطوم.الخطيب صاحي وواعي لمن هو الغريم..ولو كان في سلطة عندها حلول سماوية لما جنته يداها خليها الترحل المشاكل دي وين ما كان عشان تتحل خارج حدود زمانها ومكانها ودي بتكون خدمة العمر إتقدمت للبلد ..الخطيب حسب ما أعرف إنه مسلم ذيً معظمنا لكنه واع جد بحدود مشاكله وأطرافهاوبعد الرسول عليه الصلاة والسلام الوحي إنقطع ومافي حد يقدر يدعي إنه عنده تخويل سماوي او حلول سحرية كغطاء لبرنامج سياسي إنساني طامح إلي السلطة...أي زول في إطاره الشخصي حر يقول إنه صوت السماء أو أنه حتي نبي جديد..أي زول حر يفتكر إنه فهم مراد الله ورسوله أكثر من غيره.. أي زول حر يتوهم إنه مجدد الدين للبشرية الحالية..أي زول حر يترقي في مراقي السماء أو يدعي حضورالحضرة..لكن البهمنا إنه كل ما يدعيه يبقي في إطاره هو ومن يقتنع بكلامه معه بدون ما يحول دا لسلطة أي كان شكلها.. حتي لو سلطة علي من يعول... لأنه لما يصل المرحلة دي لا بد من التصدي له والدفاع عن حدودنا الما هي حدوده ..لأنه القناعات هنا تحولت من فردية أو جماعية محدودة تخص المؤمنين بها إلي شكل من أشكال القوة وطموحات تستهم في السلطة بدعاوي أكثر جاذبية من غيرها لأدخال الآخرين قسراً في حدود سلطانها.. ودا أصل البطش والفشل البلازم الدعوات المن النوع دا مهما جملت من حججها النظرية وإجتهدت في تأكيد حقيقة أنها مسنودة كويس من ورا ولما تفشل ما يتعرف من تخلي عن من ؟ هل هي التي تخلت عن السماء أم أن السماء قد تخلت عنها.. ولو أن إحتياطيها المركزي من التبريرات موجود دائماً فهنالك كثير من النصوص يمكنها تأويلها ضمن ترسانة الإحتياطي المركزي للتبريرات فهنالك مفهوم الإبتلاء ...نعم إبتلاء الله للمؤمنين وليس الفشل..أحسب أن الخطيب يقول بأن معارضته هي معارضة لمحاولة بشرية تستنجد بما هو خارجها وخارجنا وليست معارضة للذي هو خارجها وخارجناوأهو في زول بيعرف أحسن من الترابي حقيقة السند الآيديولوجي لحوارييه؟؟؟... تحويل المعارك تكنيك ذكي جداً من تكنيكات صراعات القوي الإجتماعية وتقنين السلطات ..وتعرف الإنقاذ أن سطوة خطابها مرتبطة بإستمرار نجاحها في صرف الأنظار عن مسئوليتها هي وليس غيرها عما يحدث من خراب.
(عدل بواسطة Sinnary on 03-02-2013, 07:39 PM) (عدل بواسطة Sinnary on 03-02-2013, 07:47 PM) (عدل بواسطة Sinnary on 03-02-2013, 08:06 PM)
03-03-2013, 00:51 AM
mustafa mudathir mustafa mudathir
تاريخ التسجيل: 10-11-2002
مجموع المشاركات: 3553
سلام سناري تحليلك صحيح تماماً هناك أيضاً نقطة هامة (ولست راضياً بها ولكنها مجازة من المؤتمرين الأخيرين وهي توضيح رأي الحزب في "تحالف اليسار" وتكشف عدم معرفة أعدقاء الحزب لتكتيكات الحزب. شكراً على المرور!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
mustafa mudathir
Sinnary
فيس بوك
تويتر
انستقرام
يوتيوب
بنتيريست