|
|
 حملة كتابي القديم كتابك الجديد لتعليم بلا حدود
|
نقلا من بوست الاخ عبد السلام الحاج بصفحة تعليم بلا حدود علي الفيس بوك
https://www.facebook.com/groups/betrool/#!/groups/EWB...tif_t=group_activity
Abdasalam Alhaj
كتاب الاول من مارس 2013
صفحة الغلاف :
كنت شايل معاي كيس الكتب القديمة القاعدة في بيتنا ... وانا خاشي على الساحة الخضراء امبارح ...
سمعت نفرين قدامي بيسألوا في بعض بي اندهاش :
الزحمة الهناااكـ دي شنو !!؟؟
الزحمة الهنااكـ دي هبشتني جوة حناني ... لأني اصلاً جاي للرحمة دي اقصد ( الزحمة دي ) ... طوالي اسرعت الخطي عشان اديهم الزيت ...
اذ بي واحد ماعارف ظهر من وين لقيتو بيشرح ليهم بان ( الموضوع الهناك ده عبارة عن ........ و و و كتابكـ القديم هو كتابي الجديد ) ...
تهللت اساريري ... اتذكرت كلام حوري لمن قال
لي نحنا ذبنا خلاص ... اي زول من تعليم بيدي الزيت .
الاهداء :
الى جميع تلاميذ بلادي ... بكم الغد أنضر
صفحة داخلية :
كل يوم بنتعلم من مدرسة تعليم بلاحدود ... بل دعونا نطلق عليها اسم مجتمع تعليم بلاحدود ... كل الممكن وكل المستحيل ...
شباب امنوا بالقضية ... شمس العلم والمعرفة هدفنا ... وتفعيل المجتمع والتفاعل معه غايتنا ... ومن ثمّ الذوبان لإنتاج مجتمع
يهتم بالتعليم كقضيةٍ ملحةٍ دوماً وأبداً هو ما مطمح اليه ...
صفحة للتاريخ :
مشهد الطفل محمد وهو يطلب رقم التلفون الخاص بحملة كتابكـ القديم هو كتابي الجديد عشان لمن يرجع البيت يقول لي امو كتبي
القديمة لميها عشان انا حأديها لي ناس محتاجين ليها ... حاجة تسر القلب .
الصفحة الاخيرة :
شكرا منظمة الوصول ... شكرا فرقة راي الغنائية ... شكرا Evolution CREW ... شكرا كل الناس الشاركتنا امبارح في الساحة الخضراء ...
على كل هذا الامل الاخضر الذي يجري ويجري بيننا بلاحدود .
صفحة خارج الكتاب :
4 الف كتاب للإنسانية في يوم واحد ... لسة الدنيا بخير يا اصلي
ــــــــــــــــــــــــــــــــــــــــــــــــــــــــــــــــــــــــــــــــ
تعليم بلاحدود ... حركة تغيير اجتماعي and#9829;
— في الساحة الخضراء
|
|
 
|
|
|
|
حامد الغبشاوي
فيس بوك
تويتر
انستقرام
يوتيوب
بنتيريست