|
|
 رحبو معي بالقانوني هاشم كسلا في حوش بكري ..
|
الأستاذ هاشم محمد السيد يعد إضافة حقيقة لبورداب الدوحة ...له قلم زرب سيال
يعرف كيف يتكئ علي نواصي الحروف و يجيد فن المعاملة بها ...عيبه الوحيد إنه من عشاق الأحمر الوهاج
و الرجل من كسلا و رجال كسلا كما قال فيهم المرحوم عمر الحاج موسي حديثهم غيث و نجدتهم غوث و حديثهم حلو
كأنهم يغسلونه قبل الحديث به ,هذه كسلا التي لم تضن يوما و لم تحجم يوما و من رحمها أتانا الجمال و أتتنا الروعة
شعرا و لحنا و غناء... عشرات حبابك صديقي أبو محمد
|
|
 
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: امير طمبل)
|
يا امير طمبل مرحب بى ناس الشرق عبرك
زمان كان اخونا هاشم بامكار عضو فى الجمعيه التاسيسيه
فكان له قفشات حلوه ومراشقات مع باقى الاعضاء
ناس الشرق ناس جميلين والانسان فى النهايه ابن بيئته
ناس كسلا الوريفه ديل مابتجى منهم الا الطيبه
-----------------------------------------------------------
الارانب من زمنك داك تانى ما شفت فيهم واحد
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: امير طمبل)
|
Quote: يا امير طمبل مرحب بى ناس الشرق عبرك
زمان كان اخونا هاشم بامكار عضو فى الجمعيه التاسيسيه
فكان له قفشات حلوه ومراشقات مع باقى الاعضاء
ناس الشرق ناس جميلين والانسان فى النهايه ابن بيئته
ناس كسلا الوريفه ديل مابتجى منهم الا الطيبه |
عمنا خالد المحرب
مساء الخيرات
أولا عاش من شافك و سمع صوتك انت يا عمنا بعد ما عملت النيو لوك الجديد ده بقت شوفتك رهاب رهاب ...
بمناسبة هاشم بامكار قالو الإنقاذ لمن جات قال ليهم محل قلتو انقذتونا رجعونا ليهو مرة تانية ....
كسلا مادام بتدينا أمثال عزمي احمد خليل و انس العاقب و أبراهيم حسين و عمر الشاعر
لازم تكون مليانة طيبة و اخونا هاشم كسلا صديق وريف عرفته هنا من سنوات مضت .....
| Quote: الارانب من زمنك داك تانى ما شفت فيهم واحد |
هههههههه الظاهر عندكم ازمة في الجزر و كلاب الصيد الظاهر كترت
تحياتي و اشواقي الي كل الاحبة هناك و تحية اكثر خصوصية الي الاخ
(الرقيعه) و سي اسعد و كل الاسرة الكريمة
| |
|
|
|
|
|
|
|
|
 Re: رحبو معي بالقانوني هاشم كسلا في حوش بكري .. (Re: ادم شحوتاي)
|
شوفوا جنس المحن دي :
| Quote: عيبه الوحيد إنه من عشاق الأحمر الوهاج |
ياخي هو زول تقول فيهو جنس الكلام الحلو ده
ومايطلع صفوة ... يبقي الرماد كال حماد 
الف مراحب بالحبيب القريب هاشم كسلا
وياخي نسيت الساحر الماهر الدكتور محمد حسين كسلا
ونسيت صاحب وعد النوار اسحاق الحلنقي
ونسيت اهم شخصية كسلاوية اسفيرية
فايز ود القاضي 
وينك يامان...؟
| |
|
|
|
|
|
|
|
 Re: رحبو معي بالقانوني هاشم كسلا في حوش بكري .. (Re: الزنجي)
|
هاشم محمد السَّيد .. من أروع وأظرف .. وأرق الناس القابلتهم في حياتي ..
إنسان خدوم .. وحبوب .. وشاطر في شغلو .. وذكي .. ولماح ..
بس عيبو الوحيد زي ما قال أمير .. إنه صفوة .. وده سبب الكفوة ... (كيتن في هارون) ...
مرحبتين حبابو في المنبر .. وأكيد .. أكيد هو إضافة لمنبر سودانيز اونلاين بصفة عامة ..
ولبورداب الدوحة الرائعين بصفة خاصة ..
شكراً يا أمير الأمير ... على الأخبار الحلوة دي من الصباح ...
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
هاشم ده روحو محرّقاهو من زمااان.
قال كان عندو باسوورد في بدايات سودانيزأونلاين .... وضيّعو. قلت ليهو ياخ أكتب لبكري يعوّضك عنو، أو ممكن نكتب نيابةً عنك. قال بكري لمن يكتبو ليهو عايز يدوهو الأيميل العمل بيهو الباسوورد ... والأيميل ده ضايع مني. قلت ليهو كان كده ..... الله يستر على وليداتك ما يضيعوا منك.
مرحب هاشم
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
الأخ الفاضل أمير طمبل
السلام عليكم ورحمة الله ..
وشكراً لانك تحمل لنا من البشرى ما تفيض به القلوب غبطة وسرور .. فالاخ هاشم رجلٌ يحمل في قلبه فضاءُ فرحٍ ، وأفقُ روعةٍ ممتدان ، يدلقهما على من تحز في قلبه حصاة الحزن النافرة ...
رجل جميل ضاحك مستبشر ... تسبقه تعليقاته الذكية وروحه المرحة الى الحديث فيخرج قوله بهياً كبهاء الصباح ...
هاشم أخ وصديق طفولة وهو أبن أمي وأكثر ورجل ملأ الله قلبه بالنور فأفاض على منه حوله بهالة محبة وصدقٍ فريد ...
حللت أهلاً ونزلت سهلاً يا أبا محمد فقد ربح البيع بمقدمك .. وبحضورك يتحدر لحنٌ من زمن الإنشاد ويسفر سماء الأسافير بشمس تضي ما أدلهم من أقبيتها ...
مرحباً الف وشكراً للباشمهندس بكري وهو يقهر خطوات (الدايسبورا) التي أوغلت خطاها فينا
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: محمد عبد الماجد الصايم)
|
| Quote: لف مرحب باخي وصديقي هاشم وشكراً امير لهذا الخبر الجميل ونشكر المهندس بكري الذي أكرم اهل كسلا هذا العام |
الأخ أدم شحوتاي
تسلم يا عزيز و مرورك و ترحيبك بالحبيب هاشم اسعدني
شاكر ليك جدا
الخال أبودياب
Quote: ونسيت اهم شخصية كسلاوية اسفيرية
فايز ود القاضي
وينك يامان...؟ |
بالصدفة و عبر المحتفي به هاشم كسلا عرفت الكثير عن الاخ فايز ود القاضي
التحية ليك و الي الكسلاوي ود القاضي
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: امير طمبل)
|
Quote: هاشم محمد السَّيد .. من أروع وأظرف .. وأرق الناس القابلتهم في حياتي ..
إنسان خدوم .. وحبوب .. وشاطر في شغلو .. وذكي .. ولماح ..
بس عيبو الوحيد زي ما قال أمير .. إنه صفوة .. وده سبب الكفوة ... (كيتن في هارون) ...
مرحبتين حبابو في المنبر .. وأكيد .. أكيد هو إضافة لمنبر سودانيز اونلاين بصفة عامة ..
ولبورداب الدوحة الرائعين بصفة خاصة ..
شكراً يا أمير الأمير ... على الأخبار الحلوة دي من الصباح |
الأخ الفاضل عبدالله كسلا
صباح الفال
فعلا الحبيب ابو محمد من أفضل الشخصيات التي تعرفت عليها قبل اعوام هنا في دوحة الخير
و دائما تحلو الونسة بكل زكريات كسلا الوريفة التي تبرطني بها صداقات عميقة مع عدد كبير من ابنائها
شكرا علي ترحيبك يا حبيب و امل ان نلتقي بك قريبا في الامارات باذن الله ساكون ضمن الوفد الإعلامي المرافق لنادي العربي
القطري المشارك بالبطولة الخليجية لكرة الطائرة في العين ابتدا من 20 مارس الحالي لمدة عشرة ايام
أتمني ان تجمعني بكم الظروف مع تحياتي و تقديري
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
العمدة شحوتاي
أعرف أن لك قلبا يسع سكان هذا الكوكب وانت كما عهدناك دوما سباق للترحيب بأي انسان فشكرا على ترحيبك.
الصفوة وإبن الثغر هارون دياب
شكرا لإحتفائك والجماعة قالو أنو عيبي هو انني أحمر الهوى ونحنا عندنا مثل بقول عيبك أقدلبو اها نحن قادلنبو
الأخ الزنجي
شكرا لترحيبك وشرف الله قدرك
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
ود الزين طه الزين
شكرا علي الترحيب وشكرا لأنك جعلت من وجودي هنا امرا ممكننا.
لك من الود كيل بعير
ود القاضي
كيفك ياصفوة وصاحبك الرحال رحل من هناك وجا لقانا هنا غايتو السنة دي ربك يستر .. هاتفتك بالأمس وكان الهاتف مغلقاوكان معي الاخ امير طمبل سأعيد المحاولة عندما ألتقي طمبل .. تحياتي للعائلة
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
الفاضل عماد الشبلي
مازال قدامى الناس في حي العمال كسلا يطلقون على بيتكم في السكة حديد عبارة بيت الشبلي ما يعني ان عطركم مازال يملا المكان رغم مغادرتكم قبل سنين طوال.. شكرا لترحيبك و سنلتقي أنشاء الله.
البرلوم ابو الريش
انا أخذت باسورد في المنبر دا عام 2003 وباقي القصة انت عالم بيها وانت ياصاحبي موديل 2006 يعني حقو تراعي عامل السن في البورد.. شكرا للترحيب.
معاوية الزبير يا صديق
زي ما قلت نلتق هنا بعد ان عز التلاقي المباشر .ما عارف ليه الحكاية دي بتذكرني بالزواج العرفي .. شكرا لترحيبك
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
| Quote: كيفك ياصفوة وصاحبك الرحال رحل من هناك وجا لقانا هنا غايتو السنة دي ربك يستر |
ما بين هناك وهنا تظل الثوابت هي هي
ويظل العشق ازرق هو هو
وتظل الكمدة حاضرة بالرمدة لكم يا صفوة
وما بين هناك وهنا انت يا شريك ود القاضي وصحبه
اتيت ومعك بشرى التلاقي وجسر المحبة الذي سوف يشيد عبر الالياف ليجمع صوتي طمبل والقاضي فأنت دوما رسولا للمحبة والسلام
الف مرحب بيك يا هاشم هنا حيث الوطن والحوش الحداد المداد وعذرا على التأخير بالترحاب فلم انتبه للبوست من قبل
مودتي
الرحـــال
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: أشرف الرحال)
|
رفيق الاحلام الحبيب صديق
يارجلا يمطرنادوما بأحرف باهيات ويغدق علينا من الاوصاف مانحن لسنا بأهل له ولكنه كرم تعودناه منذ القتينا على قارعة هذه الدنيا في عهد الطفولةالباكر .. تعلم أنني لا استطيع مجاراتك فأنت من الذين يعبثون بالحرف عبثاجميلا يخرج عبارات وارفات وتعلم كذلك انه ليس بيننا شكرا ورغم ذلك اشكرك على ما قلته في حقي
لك من الود ما قد علمت وما لا تعلم
الحبيب نور الفحل
سمح الخصال والسيرة شكرا لترحيبكم ومعكم نحن سفراء الوريفة هنا
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
العزيز ود الصايم
انا متابع جيد (للبورض) واحب مداخلاتك وتعليقاتك وهي غالبا ماتتفق مع مزاجي وطريقتي في التعليق على الاشياء( عدا مداخلات الرشاشات طبعا) لدرجة أنني احيانا احاورك واضحك مع نفسي ولدي إحساس قوي باني صديقك ربما لإتساق المزاج احيانا.. غايتو حاألعب ليك باك شد حيلك ياخي شكرا على الترحيب ولي قدام
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
العزيز اشرف الرحال
افتقدناك طويلا يا أخي
نعم الثوابت هي الثوابت والعشق هو العشق هنا وهناك تعشق انت الأزرق ونعشق نحن أحمرنا وما بين عشقي وعشقك تمتد جسور الإنسانية والسمر البرئ .عهدناك عاشقا لأزرقك ومنافحا عنه في غيرما غلو وتعد على الآخرين.
نعم أتيت واحمل معي بشرى التلاقي وسأجمع بين ود القاضي وطمبل ومعرفتي بالرجلين تقول لي أن كلاهما يحمل بين جنبيه قلب طفل وكلاهما لا يقوى على الخصام لذا حرصت على التوفيق بينهما وسأنجح بإذن الله ..شكرا علي الترحيب
دم في حفظ من الله وصون
| |
|
|
|
|
|
|
|
|
|
Re: رحبو معي بالقانوني هاشم كسلا في حوش بكري .. (Re: Hashim Kassala)
|
Quote: و امل ان نلتقي بك قريبا في الامارات باذن الله ساكون ضمن الوفد الإعلامي المرافق لنادي العربي
القطري المشارك بالبطولة الخليجية لكرة الطائرة في العين ابتدا من 20 مارس الحالي لمدة عشرة ايام
أتمني ان تجمعني بكم الظروف مع تحياتي و تقديري |
مرحبتين حبابك حبيبنا أمير طمبل في الإمارات ...
وإن شاء الله حنرتب معاك للإلتقاء والإحتفاء بك ...
فأنت صاحب القهوة الشهيرة في الفيسبوك ..
وتستحق منَّا كل ترحيب وإحتفاءٍ وإحتفال ...
عموماً ده تلفوني: 0566580056
وياربت تتصل بي بعد وصولك للإمارات ..
| |
|
|
|
|
|
|
| |
امير طمبل
سليمان القرشي
خالد المحرب
ادم شحوتاي
haroon diyab
الزنجي
عبد الله كسلا
wadalzain
فايزودالقاضي
عماد الشبلي
محمد أبوالعزائم أبوالريش
معاوية الزبير
Elwaleed M. Ahmed
طارق حرسي
Sidig Rahama Elnour
نورالدين الفحل
محمد عبد الماجد الصايم
أشرف الرحال
فيس بوك
تويتر
انستقرام
يوتيوب
بنتيريست